ماذا يحتاج الهلال .. واتنمى ان لاتكرر الادارة نفس الخطا
 

من زمااان مانزلت موضوع لانشغالي بالجامعة

عموماً من بعد مباراة الاتحاد وانا ناوي انزل موضوع عن الاخطاء

ووش اللي لازم يصير الموسم الجاي وووالخ اظن مثل هالمواضيع ماقصرو الاعضاء كفو ووفو

نجي للسؤال هل كان الهلال سيئ هالموسم؟

الجواب لا وبقوة دوري بلاهزيمه :alzaeem: وكاس ولي العهد

ويعطيهم العافيه وماقصرو الادارة والاعبين وكالديرون

لكن سبب الخروج من اسيا ..

الجمهور + الادارة + الصحافه + الاعبين

انا ودي اعرف وش الفرق بين الدوري واسيا ؟؟؟؟؟؟؟؟؟؟؟؟

اذا جات مباراة اسيا وصار خسارة قامو الصحافه والجمهور والادارة

اتوقع كلمة (اسيا صارت عقده) وتصريح كل رئيس يمسك الهلال قبل لايبدا الموسم هدفي اسيا

هي السبب .. تسبب ضغوط للجمهور فمابالك بالاعب والمدرب نفسه

ياخي في اوروبا قبل لايبدا الموسم مايقولون مثل هالتصاريح يكون هدفهم الدوري وبطولة اوروبا

زيد على كذا كلمة ناخذ اسيا ونلعب كاس العالم للاندية :cry:

نهائي بطولة اوروبا ماصرح ميسي ولا فرجسون وقالوا هدفنا كاس العالم

هدفهم كان البطولة ولا غير البطولة

اما كاس العالم اذا ماكان لها راعي رسمي يكنسلونها واذا صار لها راعي رسمي يرجعونها

وعلى هالموال يعني يمكن الموسم الجاي مافيه كاس العالم

+
دام النصر والاتحاد يتغنون بـ(التاهل) خخخخخخ اجل ليش استانسوا يوم ماتاهل المنتخب لـ(كاس العالم2010)
كانت كلمتهم وكل الجمهور السعودي (وش الفايده نتاهل وننهزم 8) خلنا قاعدين :ap:

طيب ليه التناقض حتى انت ليه تتاهل وانت بتنصقع وتطلع بلا فضايح وخلك قاعد :s2:


اللي حبيت اوصله ان مشكلتنا نفسيه بنسبة 60% وعناصريه بنسبة 40%

بالنسبة للبطولة اسيا

طيب وش يحتاج الفريق

الاخبار تقول المدرب البديل
(((((((((((((مارتن اونيل ))))))))))))))))
وانا اعتبره اكبررررررر خطا بتطيح فيه الادارة
المدرب صرح اي عرض انجليزي بقبله مهما كان المبلغ
يعني لو بيدربك بيقعد سنه ومو مكمل عقدة وبكذا نفس ماصار بموسم جيرتس

حنا نبي مدرب اكثر من سنتين وهالمدرب تلقاه في رومانيا او البرازيل او الارجنتين !! فقط


طيب تيم كاهيل :smilie47: صفقة حلوهـ

الو ديارا :to: ضده وبقووووة اتمنى يجيبون مساند هجوم وانتهينا محنا محتاجين محورين بتشكيلة الموسم الجاي
الغنام + عزيز + البرقان + الدوسري + الشلهوب لعب هالموسم محور + الفريدي بدايته كانت محور :s5s:

زحمممممممه محاور مانبي ابي من البرازيل او الارجنتين او افريقيا لاعب فللللللته ومو شرط معروف
ويكون مهاجم او مساند هجوم

وهوندا + 2 مهاجمين يفاوضونهم الادارة وكلهم اوكيه :alzaeem: وواحد منهم بيجي الهلال والاقرب هوندا

والتجديد مع ويلهامسون لانه بالتشكيلة الهجوميه بيبدع :ba1:

والظهير الايمن محلي شهيل + معاذ + الغامدي = واحد منهم جيبه وانتهينا

اما الاعارة فبتكون من ضمن الصفقه حقت الظهير الايمن :
وليد الجيزاني
خالد شراحيلي
فيصل الجمعان

الاجانب الباقي خروج لي يونج + رادوي + احمد علي

وبكذا تشكيلة الموسم الجاي

......................................حسن العتيبي
.........................المرشدي.................هوساوي
..................الزوري..............................الظهير المحلي
.....................................عزيز
...............الشلهوب............كاهيل...............ويلي
..............................هوندا
..................................(المهاجم البرازيل او ارجنتين او افريقيا)

احتياط
الشمري
خيرات
نامي
الغنام
الدوسري
الفريدي
العابد
ياسر
عيسى

ماشاءالله بالاحتياط بيصير فريق ثاني وطب وتخير

اسسسسسسف على الاطالة واذا كان فيه خطا او اي شي
+
احس انه مافيه ترتيب :laugh: لاتلوموني من زمان مانزلت موضوع

للرفــــع ...لاهنتوا يا مشرفيــــن

مجهودك طيب وتشكر عليــــــه
وجهة نظرك قوية وكأنك جازم إن ( لي يونج ) و ( رادوي ) مغادرين وأنا معاك كفاية
الأول كبير سن وماعنده جديد واللاعب المحلي بيكون في مستواه و أفضل
والثاني الروماني ما قصر وعندنا محاور
الوسط أنا معاك إن الفريدي والعابد وعزوز الدوسري إحتياط وأوراق رابحة
معاك في اللاعبين المعارين ما عدا الجمعان لأن مافيه أحد يبيه ( موقوف ) إذا ماكنت غلطان
أما ( ويلي ) والله يبيعونه أصرف شكله طفشان وأدائه تغير وتابع زين تفهم قصدي
( ياسر ) يبيله علاج نفسي ولاهيب مخزيه في حقه كثير يراجعون العيادات النفسيه
ولها فايدة .. لا يكابر والله ياعندهم أدوية (((( تهبل ))) خخخخخخخخخخخخخخخ مجرب
( المحياني ) لا تعليق ما ودي أظلمه
الأجانب ضروري جداً وسط يسار صاحب نزعه هجومية أو مهاجم يفضل الخانه اليسرى
وأقترح اللاعب المغربي والمحترف في الدوري الهولندي ( السعيدي )
والبقية الإدارة أبخص وهذي مهمتهم بدون فلسفه
أما (((( خالد عزيز )))) والله يدفونه على أي فريق أصرف نكبه ومطنش ومستواه مدحدر
ما يعجبني ويا كثر ما ورطنا أحس إنه تشبع وإلا طايح له على #########
خانة الدفاع مع إعتذاري للمرشدي تحتاج أجنبي والله أجنبي وراجعوا الهلال زمان مع المدافع الأجنبي
طووووط طووووط طوط إنقطع خطي ..... والسلام

والله التشكيلة منتازة وراح تربحنا اسيا وبالتوفيق وبكذا تشكيلة الموسم الجاي

......................................حسن العتيبي
.........................المرشدي.................هوساوي
..................الزوري..............................الظهير المحلي
.....................................عزيز
...............الشلهوب............كاهيل...............ويلي
..............................هوندا
..................................(المهاجم البرازيل او ارجنتين او افريقيا)

الله يعطيك العافية ي رب:)
واه شئ التووفيق للزعيم :)

والله وأنا أخوك إذا بتستغني عن رادوي يفضل التعاقد مع محور لأن الأخ عزيز لاعب ماتظمنه مب لأن مستواه سيء بالعكس مستواه حلوو بس حسب المزاج وهذا بلى أبوك ياعقاب يعني يلعب على حسب مزاجه وأثبت هالكلام بكذا مباراة
والشي الثاني لاعب غير انضباطي بالتمرينات صعععععععععبه تعتمد عليه كأساسي صعععبه مررره

أما بالنسبه لهوندا هذا لو يجي :naughty:كلام ثاني بس ماتدري الإداره تقول مابعد تكلمنا عن موضوع الأجانب
وبالنسبه للي يونج لو بيجي ظهير محلي بنفس مستواه وبيجيبون مهاج عالمي يتوكل على الله أما أحمد علي والله مدري وش سالفته اللاعب أحس أنه عنده شي يقدمه
أمم وبالنسبه للمدرب أنا أقول خل الإداره تشتغل بصمت من ناحية هالموضوع وإن شاء الله بيجي مدرب أفضل من جريتس (إذا عملت بدون شوشرة الجماهير وسماع بعض الآراء الي مدري وش تبي )


وبالنسبة لبداية المووضوع ان اسيا 60% نفسيه أنا معكك

وأنا أوافق 70% من موضوعك والباقي أخالف :s2:



بالتوفيق للجميع:alzaeem:

انا مأدري شفيكم
لازم اللاعبين الاجانب يكونون في الوسط..!!
وفي الوسط عندنا اسماء كثيرة جدا بمستوى كبير مثل الشلهوب والفريدي والعابد والدوسري والفرج يكفي اجنبي واحد في هذي الخانة
عكس خانة الدفاع اللي ماعندنا فيها غير اسامة او المحور اللي ماعندنا غير رادوي اللي بيغادر نهاية الموسم:cry: والقرني

اتمنى اشوف اجانب الموسم القادم كذا
قلب دفاع مثل تفاريس
محور مثل رادوي:smilie47::smilie47:
صانع لعب وصاحب تسديدات قوية ومركزة:s5s:
رأس حربة مثل سيموس لاعب الاهلي:naughty:

وبكذا تكون كل خانة نقطة قوة هجومنا قوي بتواجد رأس حربة +المحياني وياسر
ودفاعنا صلب بتواجد لاعب اجنبي + اسامة
وخانة المحور قوية بتواجد اللاعب الاجنبي
وصناعة اللعب قوية بتواجد اجنبي +المحليين الشلهوب والعابد والدوسري والفريدي


اعتذر عن الاطالة

نعم ـآلنفسسيه لهـآ دووور كبير
وبعد ماننكر ـآلآتحـآد بهالمباراه لآييقهر

وـآلآعبين ماكان بيومهم


بيجي يوووم ونكسرك يـآ ـآسيـــآآآآ

مااقدر ارد او اقول اي شيء الا بالتوفيق للزعــيم


لان موضوعك مبنــي على احتمالات