بسم الله الرحمن الرحيم

السلام عليكم ورحمه الله وبركاته

مساء الخير لكل الزعماء بدايه اقدم هذه الفكره والتي اتمنى ان تنال اعجابكم وهي كالتالي:

تقوم شركه الاتصالات موبايلي بأنزال باقه تسمى باقه المهاجم العالمي للهلال بحيث تقوم موبايلي بأرسال رسائل قصيره لجميع مشتركيها تطلب منهم المشاركه في هذه الباقه ويكون العميل له الحريه بالمشاركه او الرفض وبما ان اغلب مشتركي موبايلي من عشاق الزعيم فاتوقع ان يصل المشتركين من الجمهور الهلالي من 300 الف الى 500 الف مشترك ويكون تفاصيل هذه الباقه كالتالي :

1- الاشتراك بالباقه بمبلغ وقدره 20 ريال شهري لمده 10 اشهر
2-يتم تزويد العميل برقم الاشتراك يعني عضو يرغب في الاشتراك في الباقه ووصل عدد الاعضاء المشتركين الى 10 الاف يكون رقم اشتراكه 10001 حتى يتم ضمان معرفة عدد الاعضاء المشتركين ولا يكون هناك تلاعب
3- منح جميع الاعضاء المشتركين في هذه الباقه بعض المميزات من موبايلي تشجيعا لاشتراكهم
4-طرح الباقه خلال الشهر القادم ولفتره معينه (عشره ايام) ويكون هناك عمل دعايه لها من خلال المنتدى
5- يتم الاتفاق بين الاداره الهلاليه وموبايلي لتشكيل لجنه مختصه ومتابعه لهذا المشروع

وفي الختام اعتقد ان هذه الفكره راح تجلب مبلغ مالي من 50 مليون الى 60 مليون ويكون الجمهور الهلالي قدم هديته لسمو الامير لجلب مهاجم عالمي فنان (دروغبا او فورلان او ابراهيموفتش)

بحيث تقوم موبايلي بعد معرفتها بعدد المشتركيين وبالتفاهم مع الاداره الهلاليه بدفع المبلغ مسبقا للهلال


واتمنى من جميع الاعضاء التفاعل مع هذه الفكره وتوصيل صوتنا للاداره الهلاليه



تقبلوا تحياتي اخوكم الزعيم قادم يا آسيا

اتمنى الرفع يامشرفيين وشاكر تعاونكم

وين التفاعل وين الردود ,,,,,,,,,,,,

والله الفكرة حلوة نجيب مهاجم هدية للرئيس والرئيس يجيب هدية لنا ويصير عندنا مهاجمين من الطراز العالي

والله فكرة حلوة

واتمنى التنفيذ باسرع وقت

بس ما اتوقع انه صوتك يوصل للاداراة

الهلال مو في حاجتها لو بغوا يجيبون عندهم قروش

الجمهور يقط ويشترك ويجيب راس حربه وبالاخير اللي يلعب ياسر ويحرق دمنا

بعدين وين اعضاء الشرف.؟ والا بس صور وقت الاحتفآلآت؟

دورغبا ع مااظن وقع للغلطة سراي وابراهيموفتش للحين ماصار شايب عشان يفكر ويجي هنا

إقتباس الرسالة الأصلية كتبت بواسطة مواصل من يومين بس ياخي حسستني إن نادينا مطفر وحالته صعبه .! فعشان كذا نقط ونجيب لاعب .!

بالضبط يااخوان ادارتنا قادرو على انها تجيب اللي تبي

من غير هالمشروووع هذا من موبايلي بصراحة هي فكرة حلوه بس بنفس الوقت عيب لاتشمتون احد فينا

فكره حلوه ليش لا

هذا الوفاااء من الجمهووور

او بس جيدين بالتشرط << تبي تنجلد

الفكره جدا رائعه

ياليت يطبقونها بأسرع وووقت

والله فكرة حلوة

واتمنى التنفيذ باسرع وقت

أنا معك اخووي بالفكرة واللي يقول لاتخلوون الناس يتشمتوون فينا احب اقوله دامك تخاف ان فلان وفلان يتشمتون ماراح تتوفق بحياتك لأن الناس بأمانه مايستاهلوون انك تقدرهم وتستحي منهم اذا الحياء راكبك من الى ماراح يتغير فيك شي وراح تبكي على الاطلال خل وجهك مغسول بمرقة ولا عليك من الناس دام الخالق راضي عنك وانت راضي عن نفسك سو اللي براسك ولاتستحي واذا استحيت فاعلم ان في هذه اللحظة وجهك زي كذا

الاداره ولله الحمد منعم الله عليها ,,













فكره حلوه يعطيك الف عافيه

فكرة جميله اختي
بس نسينا باقة الموج الازرق ؟؟!!
نسينا متجر الهلال ؟؟
نسينا اشتراكات موبايلي كلللها ؟؟؟!!
يعني احس الفكره مو محتاجينها ابد
الاداره قادره على جلب لاعب وعشره غيره ولو هو عالمي
بس اللي مفروض يصير من الاداره رفع العقد من الشريك الرسمي
لانه مستفيد اكثر من النادي بكثير
اتمنى الفكره تكون تغيير الشريك الرسمي لشركة اخرى تعطي الهلال حقه
لان جمهور الهلال نص المملكه تقريبا اذا مو اكثر
اعتقد ما في شريك بيكون مع الهلال الا وهو ناجح مليون بالميه
لا نجيب افكار على الجمهور خلونا نفكر بالاستثمار بالنادي وباسمه
نادي الهلال لازم يصير ماركه عالميه
الجمهور بيدعم بالملعب وبالمتاجر والباقي على الاستثمار من النادي
تقبلي وجهة نظري واسف للاطاله