|
هل نسيتم أفضال ياسر ويش فيكم أنتم !!!!!!!!!!!!! السلام عليكم ورحمة الله وبركاته (بدون مقدمات) أنا لا أحب الحديث عن اللاعبين ولكن حال بعض الجماهير يجبرك على هذا الشي .... يــاسر القناص ياسر المبدع ياسر اللاعب اللي يحرث الملعب 90 دقيقه وياســر ويــاسر ويــاسر ........ هل نسيتوا أفضال ياسر علينــــا من اللي ترك فلوس البلوي وجاء الهلال ماهو ياسر!!! من اللي فوزنا قدام الوحده ماهو ياسر!!!!!!!!!!!! من اللي فوزنا قدام الفيصلي ماهو ياسر!!!! من اللي جاب هاتـ!!!!!!!!رك على الحزم ماهو ياسر من اللي كان عاله على الفريق قصدي كان شايل الفريق أمام ذوب اهن ماهو ياسر !!!! من اللي كان روح الفريق قدام الاتحاد ماهو ياسر !!!! من اللي تسبب في الروكنيه للي جاء منها هدف للفريق ماهو ياسر !!!!! هذاحال جمهور ياسر ونظرته في ياسر هم عندهم الكوره ياسر أذا انتهى ياسر أنتهت الكوره بالنسبه لهم أنا متاكد 90 % اذا كان ياسر مصاب مايتابعون مباريات الهلال لان المباراه ماتعني لهم الشي الكثير لان ياسر غايب حبهم للهلال لان ياسر يرتدي شعار الهلال ليس لان ياسر لاعب هلالي ياخوان أنا لا أكره ياسر بل كنت من محبين ياسر ؟ لانه كان يخدم الفريق ولا زلت أحبه على المستوى الشخصي لكن مستواها الفني صفــــــــــــر يا أخوان الكابتن ياسر ليش فتح منتدى للمعجبين والمحبين أقعد أمدح في ياسر لين تشبع ماحولك (مندسين) على قولتكم أما هذا منتدى الزعيم ومكتوبه في أول الصفحه (يمكن أحد مضيع) أفتح المنتدى أبغاء أتصفح أقرى مواضيع هادفه ألقاء واحد كاتب ياسر سيعود ياسر كان مصاب وياسر كان وياسر كان وكلها أعذار قبل أن أختم سؤالي لجمهور يـــــــــاسر ؟ هل ياسر مثل سامي في روحه وفي قيادته في حبه هل ياسر مثل محمد نور أتمــــــنى الاجابه |
هههههههههههههههههههه الحين بتصير مندس وغير هلالي انتبه مشكور وبانتظار الغربلة الموسم القادم وكل متخاذل في المدرج كما وعد الامير |
كلام سليم 100% أخي الفاضل عندما ننتقد لاعب سواء كان ياسر أو غير ياسر فذلك لحبنا للكيان وليس للاعب معين عندما ننتقد لاعب من حقنا ان ننتقده عندما نرى اللاعب أي كان هذا اللاعب يلعب بالاسم فقط لا نقبله باي حال من الاحوال ويجب عليه مراجعة نفسه نحن اخي الكريم الكيان من يجمعنا وليس لاعب وهذا هو الفرق بيننا وبين الانديه الاخرى ياسر نعم لاعب كبير لكنه لم يقدم الان ما يشفع له كبقية اللاعبين اللذين هبط مستواهم ولا تجد هذه الروح فيهم أخي الكريم نحن لا نكره ياسر أو غيره بل العكس نتمنى أن يعود كما عهدناه وهذه بيده لا بيدنا اتمنى اخي الكريم اولا عندما ننتقد لاعب ليس كرها فيه بل بتدني مستواه وهذا من حقنا كجمهور ولكن يجب ان يكون النقد بناء وبعيد عن التجريح وان نكون نموذجا يحتذى به من الانديه الاخرى ... أخي الكريم يجب علينا جميعا كجمهور الزعيم ان يكون حبنا أولا وأخيرا لـــ الكيان وليس لأي لاعب تقبل ودي واحترامي تحياتي |
يـآإسر لآعب كبير ويظل لآعب كبير .. لـكـن فيه ظروف مآتخلي اللآعب بيومـه .. آنآ مآني من النوع اللي يطبل للآعب ولآ من آللي ينتقد لآعب إلآ بعد نهآيةة آلموسم .. يآسر صحيح يبط تسبدي ببعض آلكرآت .. لـكن آلعتب على يآسر لآنه يحمل آلكآبتنيه .. ولنآ بأنخفآض مستوى آلذيب " سآمي آلجآبر " خير دليل .. لآ وهذآ سآمي وقتهآ محقق بطولآت وإنتقدوه .. قصدي " ذبحوه نقد " آنآ ملآحظ شئ بآلمنتدى ـآ .. آغلب آلموآضيع تهتم آو تتكلم بجوآنب محددة مثـل [ تجريح آلآعبين - طرح وجهآت آلنظر عن آلآجآنب وآلموسم آلجآي - كذآ موضوع يتكلم عن لآعب بيتعآقد معه آلهلآل ولآعب بينسقونه .. مدرب بيجي مدرب بيروح .. إلخ ] هذي آلموآضيع بأختصـآإر رآح تطلعنآ من كأس آلملك بدري وبدري جدآ بعد ..!! لآهنت |
الله عليك ي بطل بس موضووعك مو بوقتة قدامنا بطوولة وبعد نهاية الموسم تعال وقلي وش تبي وانا ااقولك ي هلا |
طيب هل نسى ياسر أفضال الزعيم عليه هل نسى ياسر أفضالنا عليه لما نطلع مشوار أكثر من ألف كيلو أحيانا واخر شي يتلاعب فينا بس علشان يجيب هدف بطريقه إستعراضيه ولا علشان يسحب لاعب أنا ضد مدح ياسر ولو كان الموضوع بيدي كان منعت وضع صور له في المنتدى اللاعب أنغر من كثر المدح الي يجيه ولا صار يهتم بالقهر الي يصيبنا من رعونته وهذا شي طبيعي دامه يلقى من يدافع عنه ويطبل له فكل الأوقات أنا من أول ما انضم ياسر للهلال ما سبق إني أنتقدته مثل المره هذي بس هذا مو لأني منفعل ولا علشان المباراة الأخيره في أكثر من سبب يكفي أننا طول المواسم الاخيره كنا ندافع عنه علشان نفسيته لا تتأثر ويحس بالاحباط بس الحين الاحباط أصابنا احنا بعد ما تعبنا واحنا ننتظره يصحى وينتبه لمستواه الي اختفى أدري كلامي بيزعل ناس بس هذا رأيي الشخصي وما أحب أجامل فيه أي لاعب لأني من جمهور الكيان |
كلام واقـــــــــــــــــــــــــــعي 100 % |
من اللي ناول لرادوي ورادوي ناولها لولي وولي عرضها لنواف وجات هدف .. مو ياسر ؟ حدث العاقل بما يعقل ياصاحبي .. ياسر لم نره أمام أي فرق قوي :) |
:: مع احترامي لكل من يدافع عن ياسر انا كنت مثلكم وكنت احب ياسر ولا زلت احب ياسر لكن انا اشجع الهلال ما اشجع لاعب صبرنا ع ياسر سنين مو سنة ولا سنتين تخيلوا من يوم جانا ياسر والاسيوية كل مالها وتبعد ياسر انتهى ياسر ابدع سنة وحده مع مالك معاذ وانتهوا لكن الفرق ان ياسر يجامل بالهلال ومالك بالدكة ----------- http://store2.up-00.com/May11/Gbj97673.jpg :: عطوووووووووووووهـ فرصة هداف لاعب صندوق واللهـ مبدع ويلعب بروح واذا ضيع هجمة ينقهر مو (يشق الابتسامة) مثل خوينا ! |
حبيبي انا معك بكل شي لكن ماهوب تقووووول نسيتوا افضااااااال ياسر لانه ماله فضل على الهلاااااااااال الهلال اللي له فضل عليه ورفعه وخلها نجم الكره السعوديه واسيا وياسر لاعب كبير بس ماهيب حلوه بحق الهلال انه يكون لاعب له فضل عليه العكس صح وينطبق على كل اللعيبه |
اعتقد ان حب الكيان في الهلال بدأ في الانتهاء لأننا في زمن عشق النجوم بدلاً من الكيان الازرق نعم ياسر مستواه في إنحدار شديد ولابد من الاعتراف بهذا حتى يعود ياسر 2007 يعطيك 2000 عافيه |
أي أفضال !!!! أخذ أكبر مما قدم ..!!! وهذا اللي لزم يفهمه ياسر ..!! لزم يقعد بالدكة لحد ما يحس بطعمها .. أحد أهم اسباب تراجع مستوى ياسر اللي يطبلون أنهو ياسر الكاسر !! |
بيض الله وجهك , كلام سليم 100% صح نحب ياسر ونحب كل لاعب يلبس الفانيلة الزرقاء , لكن الكيان واسم نادي الهلال فووووووووق كل شي , فوق ياسر وفوق اي لاعب ,, اللاعبين يروحون ويجون , لكن النادي واحد والكيان وآحد ,, حنا نعاتب ياسر لمصلحة الهلال , وليسا كرها في ياسر , بيض الله وجهك يا غالي , يعطيك العافيه |
هههههههههه يعيطك العافيه تعبت نفسك بتدوين تاريخ القناص موفقين |
كلامك كثيررر بس حبيت اقول لك ياسر القحطاني قدم كل ماعنده وانتهى والحين نريد لاعب مهاجم جديد يحرث الملعب حماسي يسجل يصارع على الكره يشاغب في الأمام مو لاعب في مباراة مهمه لم يذكر اسمه معلق المباراة بشوط كامل ياسر القحطاني 2007 وبسس بعده ياسر القحطاني انتهاء ولو بقى اي لاعب في نفس مجاملة ياسر لأستطاع فعل مايفعله ياسر موسم واحد دمت |
| الوقت المعتمد في المنتدى بتوقيت جرينتش +3.
الوقت الان » 10:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd