|
الله أكبر ! تريدون رحيل ياسر والمرشدي وكأن الباقين هم الأفضل .. ( لو سمحتوا بعيدا عن العاطفة ) السلام عليكم .. عجباً لأمركم ياجمهور الزعيم ! بعد الخروج من الآسيوية أصبح المنتدى يعج بمواضيع ياسر والمرشدي ، وتطالبون برحيلهم .. وتناسيتم مافعلوه من أجل الزعيم ومن أجل المنتخب .. ياسر قائد المنتخب السعودي أوصلنا للنهائي وأفضل لاعب في آسيا .. يكفي أنه ( القناص ) وللأسف أنتم نسيتم جميع إنجازاته بمجرد خسارتنا هذه المباراة .. المشكلة الأكبر أن ياسر أوصلكم لنصف النهائي الموسم الماضي ، صنع وسجل ،لعب فأمتع ... وأنتم تناسيتم جميع مافعله .. سامي أتته فتره نزل مستواه كثيرا وتلقى الحرب ولن ننسى جمهور الاصفر الصغير ماذا فعل لكنه بالنهاية كان ( الذيب والأسطورة ) الي مايوقفه أحد حاله حال ياسر وتذكروا كلامي ... والمرشدي وآه يالمرشدي ، لولا ثقة الرياضة السعودية لما جعلته في المنتخب وماحصل أيضا على أفضل لاعب في خليجي 19 .. للأسف ياجمهور الهلال أنتم جمهور لاتقدرون ماصنعه اللاعب طوال مسيرته ، فمجرد أول خسارة تأتون بسلبياته وكأنه لم يفعل للهلال شي .. أسوا مهاجم - أسوا مدافع ليش مايصير هداف الدوري - ليش مايصير زي هوساوي مايحسم لنا في النهائيات - ينكبنا بالنهائيات صحيح أنهم لم يقدموا ولا 1% من مستواهم في مباراة الإتحاد لكنهم قدموا في مباريات أخرى .. هدف المرشدي على الفتح في آخر ثانية لولا توفيق الله كان صارت علوم وممكن أننا نصير وصيف في الدوري ، ترى نقطه تفرق عن ثلاث ! ونسيتهم ( شعرة ياسر بكت الأتي ) نسيتهم أهداف ياسر والمرشدي في آسيا ؟ نسيتم أن ياسر هداف آسيا ؟ لن أكذبكم ولن أنكر فهم الآن في أسوأ مستوياتهم ، وأتمنى ( والله ) أن يجربوا الدكه .. فأنا أريد مصلحتهم .. أنا أعرف المرشدي وياسر لن يحسوا بقيمة الشعار إلا بالدكه وكيف شعورهم وهم يشاهدون هذا المشهد الكوميدي في الملعب ! لكن أنكم تطالبون برحيلهم لا ، ياسر سيكون ( أسطورة ) وسترددون اسمه بعد اعتزاله وستقولون ( ليتنا ماقلنا أنك كذا ) .. ياسر خليفة سامي والثنيان .. لم يقدم كل مايملك فياسر لايزال صغير أمامه الكثير لانجازه .. ياسر سيعتزل ( إن شاء الله ) في الهلال .... لكن كل أسطورة يمر بمرحلة خفض مستوى كما صار لسامي وغيره .. للأسف ياجمهور الزعيم حملتوا هالاثنين الخسارة وكأنهم هم الذين يلعبون فقط ، وتانسيتم باقي اللاعبين ..... قولوها من الأول أنتوا تنتظرون الخطأ عليهم عشان تطالبون برحيلهم .... الله يالدنيا ياجمهور الهلال !!! رادوي وويلي :cry: أفضل أجانب مروا على الهلال بلا منازع .. قدموا أروع مستواياتهم ، احترقوا من أجل الشعار لعب برح واخلاص وجد ، سجلوا أجمل وأمتع الأهداف .. لن ننسى مسيرتهم مع الهلال .. كانوا الأفضل وسيضلون الأفضل .. لكن تغير مستواهم الملحوظ أمره غريب :s5s: رادوي لأول مره يتغير مستواه بهذا الشكل .. نحن نعرف بأن كوزمين يريده الانتقال لنادي العين الاماراتي وانا اتوقع نهاية هذا الموسم سيرحل بطلب من كوزمين .. نحن لن نمنعه ، لانه ليس بحقنا اولا ، ولان رادوي يرى نفسه افضل في الامارات ! أما ويلي ، ويلي صراحة بالعربي ( ماعرفنا له ) مره يصعد فوق ومره ينزل تحت .. مستواه علامة استفهام كبيرة جدا .. بالنسبة لطرد رادوي أمس .. أتركوا عنكم الكرت الاصفر الثاني .. الكرت الأول ماله داعي ليه يحتاج ويرمي بالكورة كذا ؟ كان ممكن يتجنب هالاشياء عاد لجنة الانضباط ماتصدق على الله تمسك عليه اقل الاشياء .. انا اعرف الان ستاتي ردود مبهره ، كيف تطالب برحيل رادوي هل نسيت ماقدمه خلال سنتين ؟ بقول لكم من البداية ومايحتاج أتعب نفسي .. ما أدري مين الي يطالب بالرحيل ، مو أنتوا الي تعرفون مصلحة الهلال .. مثل ماطالبتوا برحيل ياسر الي صاير ( عالة ) وماجبتوا على الاقل حل أفضل من كذا زي ( الدكه ) انا لي حق اطالب برحيل رادوي لان بعد مهاجمة الاصفرين له ومستواه من جرف لدحديرة .. أيضا ويلي تاثر كثير من الاتحاد السعودي ومواقفهم مع رادوي .. بعدين لو صدق تبغون مصلحة رادوي ، كان خليتوه يروح .. بقاءه مراح يزيد الا الطين بله زاح تزيد لجنة الانضباط راح يعذبونه عشان هالصليب بالملعب راح يلاقي أنواع التعذيب والضرب والتكسير .. وطبعا لجنة الانضباط ماتعرف لون اصفر بس تعرف ازرق !! ** الي بيجي يقول أنت أكيد نصراوي ولا اتحادي على هالكلام فأنا لا احتاج لقسم وحلف لـ أأكد لكم هلاليتي ، أنا شخص كأي مشجع أتمنى مصلحة الهلال ، وأريد مصلحة الهلال ومصلحة لاعبيه أيضا ** |
فوق يامشرفين لو سمحتوا .. |
شكرا على الرفع يامشرفين وبإنتظار الزعماء وأتمنى الردود تكون بدون تجريح ... |
اتمنى انه يبدل الكوري لي يونج بمهاجم آسيوي واحمد علي بمهاجم ثاني عالمي له ثقله تهديفيا وياسر والمحياني احتياطيين لهم ولاعبين اثنين محليين فنانين وخلصنا ... ياخي والله انا تعبت مافيني اتحمل |
اخالفك من ناحية ياسر والمرشدي ... من ناحية رادوي اوافقك ... تحياتي لك .. |
مدري ليش بعض الاعضاء يدافعون عن المرشدي !! نحن عندما ننتقد المرشدي ,, ننتقد اخطاءه من بداية الموسم وليست فقط اخطاء مبارة واحده !! الادارة صبرت على المرشدي كثير !! وشبيه الريح ماراح يقصر و بيجيب لنا مدافع بديل حتى لو كان محترف اجنبي |
انت.....لم تفهم....جيدا لماذا المرشدي وياسر لانهم باختصار طوال الموسم..نفس الاخطاء..لم يتطور انظر الى العتيبي...عندما انتقدناه..عاد وتاق لو استمر نفس الخنبقه والخروج من المرمى لتم المطالبه بطرده |
إقتباس:
أتمنى أنا أيضا .. مهاجم أجنبي سجله التهديفي عال جدا ويكون معه ياسر أو عيسى .. إقتباس:
بالنسبة لياسر والمرشدي هل ترضى ان تراهم بشعار غير الهلال ؟ ام هناك حل أفضل بجلوسهم على الدكه مده لاتقل عن موسم أو بطولة أو نصف موسم ! إقتباس:
يا أخوي أنا مو قاعد أدافع عنه ... أنا بس قاعد أنتقد الي قاعد تسوونه حملتوه خسارتنا من الاتحاد وتريدون رحيله .. مع أن هناك حل أفضل وذلك إما بإعارته أو جلوسه على الدكه !! إقتباس:
لكن ياسر عذرا لكن ياسر لم يلعب نصف مباريات هذا الموسم .. يمكن يعني 1500 دقيقة بالكثير وسجل أكثر من 11 هدف شلون تحكمون وهو مالعب هالموسم كله ؟؟ |
اخ كابتشينو كلامك كله على العين والراس واحنا معك في كل كلمه قلتها لكن لكل مكان وزمان رجل وياسر تغير 180 درجه في مباراة الاتحاد كانت اشارة الكابتنيه عند الكابتن ياسر وللاسف انا ماشفناه حتى يوجه او يصيح على احد اللعيبه لي يونق ورادوي يوجهون اللعيبه رادوي في احد الاهداف يأشر للكابتن ماجد انه يتراجع عشان يتفادون الهدف وللاسف ان ماجد لا حيات لمن تنادي احنا ما نبي نكون مطبلين نشوف الخطا ونقول صح يعطيك العافيه يا كابتن على كذا مارح نتعدل اما بالنسبه لولي فهو لاعب مزاجي من الدرجه الاولى وتقبل مروري |
ياسر والمرشدي اثبتوا فشلهم !! نتمنى تعزيز خاناتهم بأجانب .. |
والله راح تتعب مع الجمهور اللي زي كذا ,, ياسر وماجد لاعبين كبار ,, والكبير بيظل كبير مهما قلتو ,, تعرفون وش اتمنى انا ,, اتمنى انهم يلعبون في فريق ثاني ويلعبون ضد الهلال وتعرفون قيمتهم يسلمو راعي الموضووع |
يـعطيك العاافيه .:rose:ذ يـآسر صحيح له تاريخ لكن المرشدي ؟ افضل لاعب خليجي بس ؟ المرشدي كان افضل لاعب بمبارة الغرافه كان مهجد يونس محمود 90 دقيقه .. لكن هل هو يبدع مباره ومباره لا ؟:mad: ويـآسر بالمواسم الاخيره لايسجل الا على الانديه الصغيره لماذا ؟؟:mad: اتوقع لان مدافعي الفرق الكبـيره ماسكين ومراقبين ياسر بشده .. وبتووفيق لجميع لاعبين اللهلال ~:ba: تــحــيــآتــي:ba::rose: |
حياك اخوي العزيز ... حتى انت ابتعد عن العاطفه المرشدي نقطة ضعف في دفاع الهلال ولا يمتلك ثقة المدفع وهذا الكلام من اول مباراة لعبها ومستواه لم يتطور لاعب يعتمد على غيره في تصحيح اخطاءه ولا يمكن الاعتماد عليه نهائيا .... ولو كان الموضوع انخفاض مستوى فمن حقه علينا ان نقف معه ولكن هذا مستواه لم يتطور ولا يثق في نفسه ... يرتبك و يفتقد للذكاء والخبث الكروي والتمركز الصحيح وسرعة البديهه الخ ... الله يرحم والدينكم فكونا من التطبيل لانصاف اللاعبين المرشدي والبرقان والفرج نامي وخيرات والغنام والجيزاني مكانهم في نادي غير الزعيم اذا كان عندنا طموح اما التعامل بعاطفه والخوف على مشاعرهم فالناي كثر خيره صبر عليهم وعطاهم اكثر مما يستحقون وهو ليس ضمان اجتماعي .. |
ياشباب ترى ياسر هبوط مستواه ما يعني نسوي عليه حملة اكيد كبور جواد ياما تغنينا باسم ياسر وهتفت الجماهير باسمه ولكن صبركم شوي على ابو عزوز والمرشدي. |
_ آنآ مستععد يلعب مآجد ولآ يلععب يآسر .. آقولك ليه .. يآسر من 2008 - 2011 ثلآث سنوآت ننتظر نقول لعل وعسى يععود .. قبل كل مبآرآة نقول متفآئلين بيآسر [نلعب على آروآحنآ .. بغية آلتفآؤل بيآسر] وآلمحصصلة [مستوى هزيل .. وقيآدة فآشلة] آمآ مآجد .. فآخطآؤه فآدحه بس لم ينخفض مستوآه آلآ في نصصف آلموسم آلمآضي ولم [يسآند من آلجمآهير] وهذآ مآهو تبرير بس رآي آني آصبر عليه آكثر من يآسر .. بس لو خيرت بآي مكآن تريد آللآعبين آلآجآنب آبي آقول وبكل تدهور [قلب دفآع آيسسر - ورآس حربة آفريقي مجرم] تقبلوآ آختلآفي .. ! |
| الوقت المعتمد في المنتدى بتوقيت جرينتش +3.
الوقت الان » 05:55 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd