|
مساعدتكم جوالي يطفى ساعتين ثلاث ويرجع يشتغل من نفسه السلام عليكم ورحمة الله وبركاته مشكلتي مثل ماهي موضحة بالموضوع بالضبط قبل يومين وانا اشتغل على الجهاز طفى بشكل مباشر بدون اي مشكلة توقعت ان البطارية فاضية قمت حطيته بالشاحن تقريباً نص ساعة ورجعت احاول اشغله ولكن لا حياة لمن تنادي المهم بعد ساعتين تقريباً رجع اشتغل من نفسه المهم صارله ثلاث أيام على هالحال الجهاز يطفى بشكل كااااااااااااااااااااامل ماعدا اللمبة الحمرا تشتغل وتطفى طول ما ان الجهاز عطلان مثل ماهو موضح بالصورة ادناه محاولات الاصلاح التي قمت بها - شلت البطارية بشكل كامل نفس المشكلة ما تغيرت - غيرت البطارية ببطارية نفس نوع الجهاز نفس المشكلة ما تغيرت - عملت سوفت وير جديد نفس المشكلة ما تغيرت - شحنته ساعتين تقريباً بدون بطارية كما ذكر احد الاعضاء وحتى لحظة كتابة الموضوع نفس المشكلة ما تغيرت تكفون شوفوا لي حل والله متورط المشكلة الاكبر لو انا موجود في مملكتنا الحبيبة كنت غيرت الجهاز ولكن انا خارج البلاد للدراسة تكفوووووووووون حطيت الموضوع في اكثر من منتدى ولكن لا اجابة ============== نوع الجوال BlackBerry 9700 مشاكل سابقة <!-- controls -->سقط مني قبل فترة وخرب المذربورد وركبت مذربورد جديد واشتغل زي العسل ماعدا ان الكاميرا مارضت تشتغل وضل شغل تقريباً شهر او اكثر بدون اي مشاكل<!-- / message --> |
حليتها بفضل الله تعالى والحل في الرد القادم |
بسم الله الرحمن الرحيم بصراحة انا شخصياً عقدتني هالمشكلة بشكل غير طبيعي لدرجة اني توقعت ان الجهاز خلاص راح فيها المهم بعد ما يأست من كل الطرق جربت إني اخليه يشحن بدون بطارية وانا رايح أنام وأخليه لحد ما اصحى وبعدين اركب البطارية واشوف النتيجة وبصراحة هالحل قرأته في احد المنتديات ولكن كان هُناك ردود بأن هذه الطريقة لم تنفع سويتها ولم صحيت اليوم الصباح ركبت البطارية الا ولله الحمد وتشتغل الشاشة ويطلع شعار BlackBerry وبدء التحميل استبشرت خير شوي ويطفى وتطلع الشاشة بيضاء ومكتوب فيها ماهو واضح بالصورة قلت الله يستر شكل الوضع لسه على ماهو عليه دخلت على الرابط وطلب مني توصيل الجوال بالكمبيوتر راح يشتغل معك برنامح BlackBerry Desktop Software وبيطلب منك التحديث اعمله تحديث وصلى الله وبارك سويت اللي المكتوب ولكن واجهتني مشكلة هم يقولوا بالموقع ان تقدر تحفظ نسخة من المعلومات الموجودة بجهازك ولكن عندي ما قدرت ايقونة النسخ ما كانت مفعله نهائياً ، فاشلت الذاكرة وقلت الله يعوضنا عن الارقم والله يعنني اعيد تحميلها مرة ثانية لأني مسوي لها نسخة عندي على الجهاز من قبل :alzaeem: يمكن احد يقول ليش ما سويت هالحركة من قبل حاولت ولكن الجوال كان طافي تماماً ماعدى اللمبة الحمراء فقط هي اللي كانت تشتغل ولما احاول اعمله تحديث سوفت وير جديد يرفض يقول الجوال مو موجود اصلاً ويطلب ايصل الجوال مع انه موصل من قبل. |
| الوقت المعتمد في المنتدى بتوقيت جرينتش +3.
الوقت الان » 08:05 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd