بسم الله الرحمن الرحيم

السلام عليكم

الهلال مثل ما شفناه في المباراة الاخيرة هلال ما يعرف يمرر صح ولا يعرف يستحوذ على كورة لكن الجايات افضل باذن الواحد الاحد

لكن ما لفت انتباهي الجمهور الهلالي يطالب اللاعبين بجميع البطولات وتبون ما ينهزم حتى لو كان مع البرشا (وهذا حق مشروع لكل مشجع هلالي)


لكن اللي حاب اقوله انكم يا جمهور الهلال تعيبون باللاعبين والعيب فيكم

يا جمهور الهلال العزيز لاعبين الهلال غابوا مبارتين هذا الموسم اللي هي امام سباهان وأمام مباراة الاتحاد الاخيرة

لكن تقدرون تقولولي وينكم يا جماهير الزعامة يا جماهير الرقم الصعب غايبين من بداية الموسم يا ناس هذا الموسم اعلى حضور لكم على ما اعتقد مباراة ما يتجاوز فيها عدد الحضور30 الف

وييييييييييييينكم يا جمهور الهلال غايب في اغلب الموسم وتبون اللاعبين زي المكينات وتبونهم يحضرون في كل المباريات وهذا حق مشروع لكن انت حاسب نفسك ليش غايب الموسم كامل ويوم غاب الهلال مباراتين قوّمتوا الدنيا

يا ناس الامير عبد الرحمن بن مساعد قاعد يحفّز الجماهير علشان يحضرون مباراةالتتويج

معقولة يا جمهور الهلال حتّى مباراة التتويج تحتاجون عزيمة

يا ناس هلالنا قاعد يجيب بطولات وقاعد يقدّم مستوى ليس بالسيء وبالاخير يتفاجء بعدد حضور ضعيف

انتم احد اسباب الخروج واللاعبين كذلك يتحمّلون لكن حاسبوا انفسكم اولا وقدّم اللي عليك لكن لا تعيب الناس والعيب فيك

تحياتي مع صورة الختام تبين معاناة اللاعبين مع جمهور لا يعجبة العجب وحتى ولو حققوا اللاعبين ما يطلبهم لا يحضرون والدليل مباراة التتويج حتى المباراة كانت في استاد الملز ولا استطعتم تملون نص الملعب


اتمنى تكون مباراة الفيصلي هي بداية التصحيح من الجماهير وايضا اللاعبين