السلام عليكم ورحمة الله وبركاته

كيفكووم

ان شاء بخيرات

ندخل بالموضوع مالي بالمقدمات

المهم

صار لي موقف في احد المقاهي بدون ذكر اسمااء طبعا كنت طالع من الجامعة الساعه 2 وعندي بريك

جا في بالي اطلع اتمشى واشتري لي كوفي بارد المهم واروح ادور الين القى ذاك المقهى الزين

وادخل مدرعم وعطني المنيو < مسوي اختار

المهم واختار المشروب ويصلحه لي وكذا ويجيبه لي

وانا جالس بوحده من الطاولات واخذه ومسوي اني الولد الرايق واشرب وامسك ذيك الجريدة

الرياضية طبعا واقرا فيها واشرب الكوفي هههههههههههههههه

ونجي لزبدة الموضوع يوم جا الحساب اطلع البوك ياهووووه اذكر فيه فلوس وينها

يمين يسار واتذكر اني متغدي فيها وباقي كم ريال وعشرة

والمشروب ب16 ريال المهم صار وجهي الوان

يمين يسار والقى معي 15 ريال زين العامل طفش وانا ادور قال مافي مشكل مدير جيب 15

هو قالها والا ماقالها طلعت انا من المقهى بس واطلع واركب السيارة واقول لا ابوه لا ابو كوفي

ابيك تتخيلون انتم بمكاني ونسمع ارائكم ؟ طبعا لاتنسون اذن وانا داخل المقهى

هههههههههههههههههههههههههههههههههههههه
زي موقف لولد خالتي مع اخوي
راحوا لمطعم واكلوا لين شبعوا بس من المطاعم الغالية و يشوفون ابواكهم يمين يسار
مافيه ولا ريال
المهم قالوا بنروح نصرف ونجي وولد خالتي عطاهم جواله توه شاره ما تهنى >>> عشان ما ينحاشون

إقتباس الرسالة الأصلية كتبت بواسطة محمد 22 هههههههههههههههههههههههههههههههههههههه زي موقف لولد خالتي مع اخوي راحوا لمطعم واكلوا لين شبعوا بس من المطاعم الغالية و يشوفون ابواكهم يمين يسار مافيه ولا ريال المهم قالوا بنروح نصرف ونجي وولد خالتي عطاهم جواله توه شاره ما تهنى >>> عشان ما ينحاشون

ههههههههههههههههههههه عاد جواله جديد تلقاه طيران للصرافة

شاكر لك مرورك

إقتباس الرسالة الأصلية كتبت بواسطة الزعيم سام6 هههههههههههههههههههههههههههههههههههه احمد ربك الهندي فاهم الوضع ولآكان ععلوم .. بصراحة على حسب المكان اللي انا فيه اذا احد اقاربي ولا اخواني ولا اخوياي قريب يجي يجيب لي فلوس هههههههههه الله لايهينه لاكن والله حبيب الهندي رحمك هههههههههه بس هذا درس مره ثانية قبل ماتدخل اي مكان مطعم او مقهى او اي مكان تشيك على بوكك في فلوس ولا تسحب

ايه والله الهند حبيب وفاهم الوضع واذا ما حولك احد وش تسوي

انا دخلت ع ان فيه فلوس ما شيكت قبل ناسي اني متغدي في الباقي

ايه والله درس نتعلم منه ههههههههههههه

موقف مرررة محررج
خصوصا اذا العالم يسمعون الحوار بينك وبين حق الطلبات

هههههههههههههههههههههههههههههههههههههههههههههههههههه
انا لو مكانك باعطيه اللي معي واقول الباقي بعدين واذا ما وافق طلعت وخليته ههههههههههههههههههههه

بس ترى باقي له ريال عندك لا تنساهـ مرهـ بكرة وانت رايح للجامعه وعطه رياله هع هع

هههههههههههههههه

يا كثر المواقف

يا ولد انا عامل وقف لي على ريال .؟!!!

وزين انه خلآك تمممشي

ياربيه عالاحراج بس


يبوي ماتسمع حط طرف ثوبك بفمك وهييييا النحشه للموتر ولا لازم انا الولد المحترم الذي اسدد الفلوس

بس سراحه مرررررا احراج

مره عند مصري
انا متاخر على ابوي بالعشاء
وباقي عندي للمصري 3 ريال
واحاولبه يمين ويسار
ويرفض
قلتله بيتنا يبيلي ثلث ساعه ما وصلت
وثلث ساعه روحه وثلث ساعه رجعه ذولي ساعه مع استلام الطلب
ويرفض
الصراحه بغيت اتوطا ببطنه لكن ربك ستر
جاء واحد ودفعلي الثلاثه
والله يا انا حاقد على المصري ليومك ذا

ياما وياما طحت بها المواقف
لكن اصعب موقف لي كان مع خويي
سافرت معه وحنا في نص الخط اكتشفت اني نسيت بوكي
وكانت السفره كلها على حسابه حسيت انه ابوي

طبعا بالتاكيد عوضته بعد مارجعنا

بالتوفيق لك دائماُ

إقتباس الرسالة الأصلية كتبت بواسطة كونتراتاك موقف مرررة محررج خصوصا اذا العالم يسمعون الحوار بينك وبين حق الطلبات

لا الحمد لله الهندي فهمها ع طول اخذ 15 وقال مافي مشكل صديق

إقتباس الرسالة الأصلية كتبت بواسطة ھڵٱڵې ڮڵ عِمړې هههههههههههههههههههههههههههههههههههههههههههههههههههه انا لو مكانك باعطيه اللي معي واقول الباقي بعدين واذا ما وافق طلعت وخليته ههههههههههههههههههههه بس ترى باقي له ريال عندك لا تنساهـ مرهـ بكرة وانت رايح للجامعه وعطه رياله هع هع

لا من حقه تعطيه كامل فلوسه بس الحمد لله عدت عل خيرر

إقتباس الرسالة الأصلية كتبت بواسطة داق لطمة هههههههههههههههه يا كثر المواقف يا ولد انا عامل وقف لي على ريال .؟!!! وزين انه خلآك تمممشي

فيه العامل الزين وفيه العامل الشيين

إقتباس الرسالة الأصلية كتبت بواسطة معيض يمشي بين الزهور هههههههه احراااج خاصة اذا كان المحل زحمة وكل الناس عرفت بسالفتك عشان كذا انا ما ادخل اي محل الا وانا مشيك عالميزانية .. لك من بستاني

لا الحمد لله ماصار هواش والا نقاش طلعت اللي معي حطيته ع الطاول وقمت ادور في ثوبي مالقيت اخذها وقال مافي مشكل صديق

إقتباس الرسالة الأصلية كتبت بواسطة the king yasser ياربيه عالاحراج بس يبوي ماتسمع حط طرف ثوبك بفمك وهييييا النحشه للموتر ولا لازم انا الولد المحترم الذي اسدد الفلوس بس سراحه مرررررا احراج

لا ما توصل اني انحااش الحمد لله الموقف عدى عل خيير

إقتباس الرسالة الأصلية كتبت بواسطة عاشق المسجد مره عند مصري انا متاخر على ابوي بالعشاء وباقي عندي للمصري 3 ريال واحاولبه يمين ويسار ويرفض قلتله بيتنا يبيلي ثلث ساعه ما وصلت وثلث ساعه روحه وثلث ساعه رجعه ذولي ساعه مع استلام الطلب ويرفض الصراحه بغيت اتوطا ببطنه لكن ربك ستر جاء واحد ودفعلي الثلاثه والله يا انا حاقد على المصري ليومك ذا

ايه المصاريه بالذات مشكله لو ايش ما يخليك

إقتباس الرسالة الأصلية كتبت بواسطة الهلالي دائماً ياما وياما طحت بها المواقف لكن اصعب موقف لي كان مع خويي سافرت معه وحنا في نص الخط اكتشفت اني نسيت بوكي وكانت السفره كلها على حسابه حسيت انه ابوي طبعا بالتاكيد عوضته بعد مارجعنا بالتوفيق لك دائماُ

هي تصير لي بس نصير طالعين نتعشى والا كذا بس مو سفره هههههههههههههههه

شكلك مو طفرته وبس ههههههههههه

خالي صارله موقف مشابهه كان مسافر ووقف يعبي بنزين وبعد ماعبى وخلص فتح المحفظه مالقى فيها ولا ريال وفي خط السفر يعني انسى تلقى صرافه بعد ماخلص المصري اللي يعبي قال له خالي السالفه المصري جلس يصيح قال انت بتروح ماادري وين بتروح وانا بدفع الفلوس لصاحب المحطه ووعده خالي انه وهو راجع يمر يعطيه الفلوس وتركه المصري يروح وقال بيني بينك الله وبعدين خالي رجع حاسبه بس من حظه انه طاح في مصري حبيب ولا كان جلس مكانه اللين مر واحد تبرع له