|
جماهير جاحده !! بسم الله الرحمن الرحيم السلام عليكم ورحمة الله وبركاتة اما بعد.. موقنهـ ايقان تام بأنكم تريدون مصلحة الفريق .. جميعنا نسعى لـذالك رئيس..اعضاء شرف .. جهاز اداري.. جهاز فني .. لاعبين .. جمهور اقيمت حملات ضد الكبتن ياسر القحطاني و ماجد المرشدي "من بعض الجماهير" لا نريدكم , ارحلو .....الخ ليس نحن من يقرر من يبقى و من يرحل نحن واثقين بما يقدمه المدرب و الجهاز الفني و الاداري لكن انا لم اثق في الجمهور الذي عندما يفوز الفريق يفرح وعندما يحدث عكس ذالك يصبح الفريق فاشل و لالايستحق التشجيع هذي هي "الجماهير الجاحده" مع كامل احترامي لا تمثل جمهور نادي الهلال عندما نريد ان ننتقد بعض لاعبين يجب ان يكون هنااك احترام ثم احترام ثم احترام و يكون انتقادنا هادف و نوجهها للاعب مباشره فـ الحملات لا تفيد بشي او روبما لا تصل للاعب مهما كانت حسن نية الحملات ستصل للاعب بطريقه سلبيه نتيجتها : تاثير نفسية الاعب ليكن نقدنا هادف و مفيد متأسفه جداً على القسوه وشكراً |
اقول مثاليتك ذي واحترامك خليها لك وماراح تنفع الفريق .. يعني افهم من كلامك .. ياسر ..نقوله ياسر ايها النجم الفذ والاعب الخلوق والمهاجم القناص الذي لايرحم >قدم مستوى مره ثانيه زين ولا عاد تكررها لا ابقوله اذا ماراح تقدم مستوى مثل العالم والناس ؟.. ترى الباب يحتريك .. حركات الدلع واللين ماتمشي عندنا .. ويااااسر انتهى خلاااااااص بالعربي ياسر مكانه ناااااادي ... الفيصلي .. خلااص الاعب ماعاد يقدم شي يشفع له انه يجلس بالنادي بيقولي احد يسوري سجل 11 هدف اقوله شوف الفرق اللي ياسر سجل عليها وش هي بعدين تعال كلمني ... واكرر مثاليتك هااذي انتي واشكالك ماراح تنفع وبتودي لاعبينا بداهيه ولا انتي اصلا وش يعرفك بنت ماتعرفين بالكوره شي استريحي اصرف لك |
اي والله عيب عليهم رجال عرض وطول ولسه يتباكون على الاسيويه كيف لو الهلال الله لايقدر بيحصل معه محليا مثل ماهو حاصل مع اسيا الحين انا بنت ومن بعد المباراه خلاص فكرت في الجاي وجماهير الهلال ياحرام لسه يتباكون عليها شوهو سمعة الهلال |
لو ماجد وياسر الي تتكلمين عنهم اول مره يغلطون هذي قلنا جماهير جاحده بس ياسر صبرنا عليه 3 سننين وحنا نقول بيرجع بيرجع الى متى وهو يلعب بقلوبنا ؟ بعدين المرشدي اخطائه وهفواته كثيره ودائما يسبب ارباك لخط الدفاع بعدين حنا وش قلنا ؟ كل الي قلناه يحطونهم بالاحتياط خليهم يراجعون انفسهم شوي ترا مافيه شي موب عيب ولا حرام سؤالي كم رقعنا لياسر ؟ يمكن 3 مواسم وحنا نسلك له صح ؟ طيب تغير قدم شيء لا ! يمكن كذا يحسون اللاعبين !! لانه وبأختصار رفعوا ظغطنا لين قالوا بس وهالكلام مب بس على مباراة الاتحاد على كل مباراة مصيريه اما اذا بتقولين شف ياسر وش جاب على الفيصلي والحزم والاتفاق والنصر فهنا اقولك ستوب ترا هذولي اخوي الصغير يقدر يجيب فيهم اقوال ! وترا ملينا من سياية انه ننتقد فحنا مانقدر !!! |
إقتباس:
لان ارد على ما تقول ( اذا اتتك مسبتي من ناقص فهي الدلاله على انني كامل ) عندما يكون لديك اسلوب راقي في الحوار سيكون لي رد على ما تقول |
الله يرحم والديك اهتمي في اموور غير الكورة لانه من موضوعك اثبتي انك لاتفقهيني شيء بالكورة كاتبة موضوع عرض وطول كله عن صاحب الرقم 20 متى يعتزل ها اللاعب العاااالة عن الفريق وينقلع معه ها الجمهور الي يطبله وش سواااا يااااسر في الثلاث موااااسم الي راااحت ع الاقل كل اللاعيبه لهم شيء يشفع لهم حتى الزور والمرشدي هذا وش الي يشفع له يعني لو اسئلك عن بااقي الفريق ماعرفتي اسنااهم جاايه هنا تطبلين له مووقع هنااك رووحي له |
جماهير جاحده ؟؟؟؟؟؟؟؟؟؟؟ يعني لان ياسر من بعد 2007 وهو ضيف شرف ع تشكيلة الهلال وماجد من بعد كاس الخليج بعمان وهو من نكبه إلى نكبه ووصابرين عليهم ووليش مانتحسر ع ضياع الآسيويه وش ينقصنا معقوله فريق الأتحاد افضل مننا ؟؟؟ وبالنسبه لليي يقول اطردوا ياسر والمرشدي ومدري ايش حنا ماقلنا اطردوهم قلنا ابعدوهم عن تمثيل الفريق أركنوهم بالدكه واحد يهتم باللوكـ حقه والأبتسامات مع مدافعيين الفرق الآخرى والثاني يخاف يشتت كوره وبالنسبه لأحترامهم فأنا نحترمهم هذا اكيد لكن مو معناه نحترمهم يعني نجاملهم لاعبين جالسين ع قلوبنا أتمنى وجود ياسر - ماجد الموسم القادم لكن نبي نشوفهم امام نجران - الفيصلي - وإن جد الأمر امام االاهلي والمباريات الكبيرة تترك لعيسى والمهاجم الاجنبي ( أتمنى تترك المجاملات ) |
افول فارقنا انت ونعومتك يسرى |
اللهم لا تجعلني ممن صغرت عقولهم فصغرت ردود افعالهم لحد التفاهه ((((((( انا حددت بعض الجماهير )))))) |
نعم وأقولها بالفم المليــان لا نريدهم فليرحلوو غير مأسوف عليهم وهم بهذا المستوى السيئ فنحن في نادي رياضي يعتبر في مقدمة الأندية و يهمنا الفوز وتحقيق الألقاب ولسنا مجبورين على الصبر على اللاعب الفلاني أو غيره نحن لا ننتقد ياسر لشخصه أو لأخلاقه ( بل اخلاقه جداً عالية ) وكذلك المرشدي لا ننتقده لذاته لا وألف لا بل ننتقد أداؤهم الباهت ومستواهم الفاشل في الملعب لأننا في الهلال لا يهمنا الاسم بل يهمنها الأداء داخل المستطيل الاخضر ونطالب نحن الجماهير باللاعب اللي يخدم الفريق بغض النظر عن اسمه وركن اللاعب السيئ في الدكه ولا هو عيب انه يجلس احتياط فسامي والشلهوب جلسوا على الدكه موضوع أردت به أختي العزيزة زيادة المشاركات وإدعاء المثالية فقط لاغير مع كامل احترامي لك |
انا اوفقكِ الكلام .. فبعض الجماهير غير العادلة بل العاطفيييه فقد هم جمهووور للهلال في حالة الفوز كالصغار يحبون الفريق اللي يفوز فقط فهم دائما ورا الفريق الفائز يوما يشجعون الفريق الفلاني ويوما الفريق الفلاني لا يثبتون على فريق معين .. فبعض الجماهير عااطفيه لدرجه أنهم لا ردودهم غبيه كعقولهم الصغيره التي لا تفهم ولا تعي الأمور التي يدركها الأفهم منهم ويفهمها العاقل وذوي الخـبــرة فقط .. فمن خلال ردود بعض الجماهير هنا في المنتدى وفي غيره نعرف مستوى عقليتهم وتفكيرهم المحدود .. والله يصبرنا على هالعقوووول الصغيره ,,واشكركِ على موضوعك المميز والمثالــــي |
إقتباس:
لا كثير ناس قالو ارحلو و مدري ايش قصدهم يعني ماعد يلعبون في الهلال انا معاك ان ياسر مستواه مو زي 2007 و المرشدي اغلاطهـ قد شعر راسه بس كيف بيوصل لهم الكلام ؟؟؟ اذا هم مايدخلون منتديات و مااضن يشوفون كم موضوع يعني الحملات ما تفيد وانا اتمنى ان يبقون في دكة الاحطياط مو ضد هذا الشي |
إقتباس:
و حسن فهمك للموضوع |
المواضيع البايخة هذي اللي تدافع عن فاشلين صبرنا عليهم بما فيه الكفاية .. ياكاتبة الموضوع لا أسلوب ولاثقافة ولا شيء مقنع في كل كلمة كتبتيها ليتك استرحتي!!!!!! يعني إحنا جاحدين الحين هااااااه طيب صح جاحدين وناكرين ومافينا خير طبعا يسوري أبو سدحة جاب لنا آسيا مرتين زي محمد نور وسجل أهداف في كل فرق آسيا القوية وكان نعم القائد في داخل الملعب ويستاهل شعار الزعيم اللي لابسه؟؟ سؤال وجيه جداً :منذ متى جاء من يقارن الزعيم بجحلط الاتحاد إلا بعد ماراحوا الكبار اللي عليهم الكلام 6 بطولات آسيوية في 10 سنوات فقط ومع هالفاشل ياسر والنكبة المرشدي والله ماتذوقون آسيا مع أشباه اللاعبين ذولي وأصبحت المقولة الشهيرة (العالمية صعبة قوية) تعاد على آذاننا من جماهير فرق لاتحلم بأن تصل لعملاق آسيا (السابق) أعيد وأكرر منذ متى كان كل هذا؟؟؟؟ الجواب : منذ حضور الطيور المهاجرة طيور دوري الدرجة الأولى لترتدي شعاراً لم تكن تحلم فيه في نومها ولايقظتها وأصبحوا يتلاعبون بأعصابنا وقبلها تلاعبوا بسمعة الزعيم العظيم ولامن أحد يوقف مهازل الفشلة هؤلاء .. لسنا جماهير الفقر حتى نصبر لسنوات أخرى على أشباه الرجال ونضيع آسيا سنة تلو الأخرى ولن نصبح مثلهم إلا بوجود أمثال صاحبة الموضوع من مطبلين ومعجبين وووووووو !!!!! الهلال هو الزعيم والفشلة الذين لن يحلموا بتحقيق آسيا فليناموا هانئين لأن لديهم من يدافع عنهم والهلال إلى الجحيم فجمهور اللاعبين هو من أضاع هيبة زعيم آسيا |
إقتباس:
وجهة نظرك لا اكثر.... (y) |
| الوقت المعتمد في المنتدى بتوقيت جرينتش +3.
الوقت الان » 06:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd