أسيـا وصلت ودونك شلون حالي؟ // وأنت حيات الروح يا روح واحـَن

في كل شارع يلتقي فيك بالي // أبكي الشوارع وأتحراك وانجن


أذن المغرب ودقة ساعات الفرح ؟؟؟؟؟ اخوكم ف الله واثق اننا بنفوز .. وتبدا المكالمات والبرودكاستات والوناسه مع الشباب وبنفس الوقت ادوج وسط البيت انتظر الساعه 9 تجي واخذ ولد اخوي الصغير عمره سنه .. اربط راسه ب شال الهلال ، واطلعه للملحق عند اخوي .. { النصراوي } اول ماشافه قال يخسسسسسسي هههههه البزر ناظرني مبرشم = بيصيح ونظرته لي كأنه يقول { مابي مثله } ؟ ههههههههه :$ ..

المهم واجي عند ابوي ب الصاله يتابع العربيه عاد احسّه شوي ويقلب سوري ابوي من كثر ماتشبع سياسياً من الاخبار .. قلت يوووبه اليوم مباراة ابيك تدعي للأتحاد يفوز ان شاء الله عاد مايحب الكوره!! قال جعلهم مايربحون جعلهم مايربحون
وانا بداخلي اقول آمين آآآمين .. < ذكككي .. ماقلت له الهلال لأني ادري بيدعي عليه خخخخخ
ياناس اقهروني وقولوا انكم مثلي واثقين تمام الثقه ب التأهل ؟ ياناس ماكنت اشوف الاتحاد شيء ابد ما أفكر الا ب قرعة دور الـ 8 << بينجلددد .. عادي اجلدوني تدرون ليه ؟؟؟؟ لااااني ماكنت ادري ان هوساوي ماتشافى ولازالت عنده اصابه .. وماكنت ادري ان المرشدي بيجيب عيد الأم .. ولاكنت أدري ان الواحد لاصار يغيب عن التمارين يشارك اساسي محور ماشاء الله لذة عشققققق الكيان الهلالي تخليني اثق ان فريقي مكتمل ويحس فينا ..، على طاري عزيز ب التحليل عطونا التشكيله وطلع عزيز اساسي ويطيح مغمى علي ؟؟ سلامات ياكالديرون خلني اغص طيب لادخلته الشوط الثاني اما تخليني انصرع ؟؟ وتدخله اساسي .. ماعلينا بدت المباراه والمجلس فيه 6 اشخاص واحد ماله ب الكوره ومشتغل تعليق على اشكالنا وحنا منفعلين مع البدايه واثنين هلاليه ساكتين ويقشمون فصفص وواحد نصراوي ساكت لأن يدري بكرا لهم مباراه ولا يبي يجيب العيد ونستلمه .. وواحد مسوي اتحادي ويوم حشرناه طلع نصراوي عام 1415 .. وتااب ، انا الارض ماتشيلني احس كل جسمي متبنج من بعد اول دقيقه وفاول ؟؟ جلست على المركى ..كأني شايب جالس قدام بوابة الضمان الاجتماعي ينتظر حاجه تجيه ؟ لكن ماجاني الا رفسه في على المركى بعد الهدف الأول للاتحاد واتكرفس واللي يطامر فرحان مدري ليه ؟؟ يلعن هيك حاجه ولا واحد ينتمي للاتحاد المهم بعد حوسة الهدف الأول طاح من جيبي تيشيرت الهلال شاريه ومطويه وحاطه عشان لاجاء هدف اسوي اكششششششن .. وامسكه بيدي وكلي آآآمل بتعادل؟؟ مين يابو الشباب تعادل ويجي الثاني يالربع واحد من الهلاليه اللي موجودين بلحظة ذهول عيني بعينه ..بغيت اضحك من شكله وكتمت الضحكه لأني ماقدرت ، شكله { ذاك الوجه حق الساعه 2 الظهر بالرياض} وصل التشبيه خخخخخ .. ياجماعة النتيجه 3 - صفر وانا واقف اقسم بالله بين عيوني مباراة الهلال والغرافه بقطر وقلت يمدينا..، بس شكلي متأثر ب قناة زي افلام..الهنديه ، بالعربي زين جت هدفين ورى بعض وصدمه سريعه ازين من اني انجلط لو كان الهلال مقدم مستوى .. لان من نهاية الشوط الاول وانا مخربها وجلست افكر كم صرفت على الجرايد من بداية البطوله الاسيويه خخخ عشان اتابع اخبار الهلال اول ب أول .. وافكر كم مره اشيل صورة خروج المر السنه اللي راحت ولاقدرت وكم مره ابربر واقرقر بالاسيويه وكم مره نكتب ونبي وانا ابي ونتحمس ولازم احسب واعرف عشان ما أكررها السنه ذي .. تدرون ليش ؟؟ انا اقولكم

المستفــاد .. / 1- اذا بتضغط عمرك وتهتم ب اسيا صدقني ماراح نقدم شيء وبتجلس يومين ماجاك النوم اذا ماحققناه ، لازم نخلي الوضع عادي .. بطوله كل سنه ؟؟ او اقل
2- إذا بنجلس نختلف على لاعب فلاني ونشيد بالاخر راح نخسر الكثير.. ولاتنسى هبوط 5 لاعبين ف المستوى
الحب يسوي المستحيلات ويخليك تفضفض حتى لوو كان كلام خرابيش ونهدا شوي من الثوره اللي صايره من الجمهور بالمنتدى أو بأي مكان ..