السلام عليكم ورحمه الله وبركاته
ياهلا بالزعماء
اليوم بتكلم عن دخولي ل استاذ الملك فهد الخميس الي فات
كنت طالع انا و3 من اخوياي عند الملعب نلعب كوره ونتمشى وعلى قولتهم خميسكم فله
واحنا نتعشى طالعت الاستاذ واقول الله يادرتنا ماحلاك
فقلت لـ اخوياي وش رايكم ندخل الاستاذ وربي مافي احد
قالو قدام >> رفقا السوى
فخلصنا العشاء وعلى طولت قمت > خفت يغيرون رايهم
وقالو مشينا الا خوينا الثالث قال ماني رايح خايف >> لاتنصب تراك دووب ماتقدر تطمر
واتجهنا لـ سور الملعب احنا الثلاثه
وكل واحد ينزل حذيانه وانتم بكرامه ويرميها من فوق
والحمدلله مع ان السور معقد شوي الا لنا طمرنا
وكل واحد لبس حذيانه >> ياعيني على البراه
وقتها كان الاستاذ فاضي ومظلم ويخووف
والحمدلله وصلنا الباب الي يدخلك المدرجات
اول مادخلنا على طول اوو ماي قاد امبيه شو هيدا الملعب تحفه وهو فاضي المدرجات مافيها الا احنا الثلاثه
ف نزلنا مع الدرج الى اخر شي ووصلنا عند السور
والحمدلله طمرناه بنجاح بحكم انه سهل
وبعدها على طول ركض ركض واحلى شقلبه على الارضيه
قال خويي الاعبين اغبياء المرمى كبير ليش مايسجلون اهداف
قلت خل المرمى شف الحركه بس
وهو يطالع مستغرب ،، وركض وركض الى وصلت الركني واسوي حركه نايف هزازي المسدس
وبعدها حركه ياسر السهم
وسط ضحكات الاخرين
قال خوينا الثالث مشينا لـ المرمى الثاني نستطلع عن الملعب
فجأأآه
نسمع واحد يصايح يأآآآآآآآآأآأآأآأولد
التفتنا الا نشوف سوكرتيري
بعدها دورنا ركض ونطمر السور
انا من الخوف اطمر 4 درجات مع بعض
اول ماقربنا من البوابه بنطلع الا 6 قدامي سكرتيريه
ويمسكونا ويدخلونا غرفه مع جهتت دخول الاعبين رضيه الملعب
اول مادخلنا الغرفه الا يمكن 15 سووكرتي قدامنا
وفجاه جا خويي كف اليم انا ماقدرت امسك بطني من الضحك هههههههههههههههههههههههههه
قال ليه داخلين قلت انا بعفويه اخر مره
قال الملعب مصروق منه ب 145 الف
انا
وش السالفه اول مره نطب ووربي
ويخلونا بالغرفه الا جا مطوع يالبى قلبه يسولف معانا وفاهم السربته
قال مافيه شي مصروق من الملعب ولا شي السكرتيري حب يخوفكم عشان ماتدخلون ثاني مره
انا وقتها >
الحمدلله
وعطانا نصايح وحديث
بعدها شطحت شفت كرسي فخم وقلت له الكرسي هذا جلس عليه احد لاعبين الهلال
قالي عبدالرحمن بن مساعد واكثر الاعيبه جلسو عليه
اطالع بالكرسي بغيت اكله
وبعدها طلعنا من الملعب بس مو برى برى
ركبونا سياره ونزلونا على الشارع
والحمدلله انتهت السالفه وتحقق حلمي بالدخول لارضيه الملعب
ونتجه لسيارتنا الا خوينا الثالث الدوبه منسدح ويطقطق بالبلاك بيري ههههههههههههههه
ياحقيرر انت وين واحنا وين
وهاذي قصتي وان شاء لله استمتعو
!
الوضع المتطور
