المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #1  
قديم 25/05/2011, 05:56 PM
زعيــم جديــد
تاريخ التسجيل: 05/05/2005
مشاركات: 48
ربــع سـاعة ..!!

السلام عليكم ورحمة الله وبركاته ..


على فكره هذا مو موضوع بس مجرد شطحـات كذا بما إننا خسرنا خسارة فادحه وطلعنا من الآسيوية اللي انا ما أعطيتها أي أهميـة .. بس فيه أبجديات في كرة القدم والله اللاعبين والمدرب مو قاعدين يطبقونها أو إني أنا من جمبها <- لا شكلك من جمبها يالحبيب



أخبرهم من أول يقولون إن أول ربع ساعة تعتبر جس نبض من الطرفين .. لكن الظاهر إن تفكيرنا وتفكير مدربنا لسى قديـم (دقة قديمة) جت ربع ساعة الأولى ومع دخول الثانية بدقايق إنتهت المباراة بالنسبـة لنا .. قعدت أطلب الله إنها ما تكـون تاريخـيـة يعني بالعربي مالها داعي تاريخيـة وفي آسيـا مشكلة ..



في نفس اليوم وفي الظهر تحديداً جت الأخبار إن الشلهوب وعزيز بيلعبون ؟؟ هنا انا كشيت وبدأت لدي مخاوف من المباراة بصراحه لأن الشلهوب الله يعطيه العافيه كويس بس ما ينفع مع الاتحاد وعزيز له فترة ما لعب فوجود هالثنائي مع إنسان بطيء (الفريدي) في المنتصف بيشكل خطر على دفاع الهلال ..



كالديرون وما أدراك ما كالديرون .. يعني اللي ما يفهم كورة بيقولك ياعزيزي نزل العابد بحكم إنه لاعب واعد وممتاز وسريع وخله في خانة نونو والثاني خويه عشان يضغط عليهم بحكم سرعته ومهارته وويلهمسون في الجهة الثانية برضوه بنفس المهاراة والسرعة وبكذا بترتاح من اطراف الاتحاد يصير عندك المحاور (عزيز ورادوي) ينتبهون لنور والقادم من المنتصف ويستقبلونه بكل أريحيـة ..




أغلب مباريات الهلال المهمـة هذا الموسم تحديداً مافيه مباراة للهلال إلا وأكون متخوف يا من هزيـمة أو مستوى سيء يعني أحياناً قبل أي مباراة للهلال ما تحط في بطنك بطيخه صيفي وتقول بيجيبها الزعيم بيجيبها .. نثق في اللاعبين ونحبهم ونقدر تعبهم ومجهوداتهم وصبرهم وتحملهم للنقـد بس برضوه في حاجـه مهمـة وقت ما نحتـاجهم نبي نلقـاهم في المـوعـد ..

على طاري في الموعد .. أذكر مره نهائي بين الهلال والأهلي في جده (ما اذكر أي سنه النهائي) وكان يوسف الثنيان موقوف ذيك المباراة المهم قبل المباراة انا في نفسي إن الهلال بينهزم لأن الأهلي وقتها قوي والهلال يعني كويس بس خيب ظني سامي ورفاقه وجابو البطولة والظاهر انتهت المباراة 2\0 كلها سامي .. يعني تخيل تدخل المباراة وأنت ضامن إنك بتنهزم وفجأة تفوز بمستوى ونتيجة .. كيف بتكون فرحتك .؟



دائماً وأبداً نخاف على الهلال من الهلال وليس من أي فريق آخر الهلال دائماً يهزم نفسـه عشان كذا نقول إن اللاعبين مخطئين والمدرب أخطأ .. وكالديرون الهلال أكبر منه بستين ألف مره لأنه جبـان ويخاف ولا مباراة أمس مع فريق يدربه من سنين وفاهمه وفاهم تحركاته ولا قدر يحّجمه هنا مشـكلة كبيره جداً لابد من الإدارة الهلاليـه تشوف لها حل ..




الاتحاد كان محتـاج الفوز لتصفية النفوس يعني لما تتأهل عن طريق الهلال في بطولة آسيـوية تهزم نادي كالهلال اللي محد قدر يهزمه في هالموسم وبثلاثيـة أنت كذا حققت إنجاز يحسب لك فهنيئاً للإتحاد بهذا الانجاز القاري لأنه هزم فريق العقـد والقرن .. يعني لو انهزم الاتحـاد كان تهاوى وغرق وانكسر وكان بدأت مرحلة الكسر الذي لا يمكن أن يجبر ولا بعد سنين لأن الاتحاد صعب رجوعه بوجود إدارة مثل هالادارة وجماهير غير واعيه ولاعبين كبار في السن لكن فوزهم مساء أمس على الهلال أعاد كبار السن إلى شباب وأصبحت الجماهير واعيه وإدارة مثاليـة جداً





سـامي الجـابر مدير عام الفريق لا يتحمل الخسارة .. يتحملها سامي الجابر الذي كابر وتعاقد مع كالديرون وحمل الخسارة على نادي الهلال ككل ولكن بعين العقل والجميع يرى بأن الذي يتحمل الخسارة هو كالديرون مع ياسـر والمرشدي وعزيز والشلهوب وأسامة هوساوي ..



على طاري اسامة هوساوي يوم يسجل الهدف زيايه بالرأس وانت منبرش على الأرض وش تحس فيه ... ابو كلبشة مهمـا سويت لكن سبحان الله دور الـ 16 لك بصمة فيه غريبه العام وهالسنـة أتمنى إنك تشوف لك حل تكفى ...







إنتهــى ,....,

اخر تعديل كان بواسطة » ابو فهد الهلالي في يوم » 25/05/2011 عند الساعة » 08:08 PM
اضافة رد مع اقتباس
  #2  
قديم 26/05/2011, 02:18 AM
زعيــم جديــد
تاريخ التسجيل: 05/05/2005
مشاركات: 48
شكراً


.............................
اضافة رد مع اقتباس
  #3  
قديم 26/05/2011, 02:20 AM
الصورة الرمزية الخاصة بـ أميـــر الليل
زعيــم مميــز
تاريخ التسجيل: 28/06/2010
المكان: سَبت العلايةة ♥
مشاركات: 19,382

-


يعطيك العآفية أخوي , وآضح إن لآعبين الهلآل دخلو المبآرآة بأول ربع سآعه مرتبكين
كأنهم يلعبون في إيرآن ولأول مره يلعبون مع بعض ؟
لكن معوضين خير إن شآء الله
اضافة رد مع اقتباس
  #4  
قديم 26/05/2011, 02:27 AM
زعيــم جديــد
تاريخ التسجيل: 05/05/2005
مشاركات: 48
الله يعافيك أمير الليل ..


أكيد مرتبكين أجل ما شفتهم قبل المباراة والله يالشلهوب جايبين عليه لقطه قبل المباراة براطمه ناشفه ويابسه قلت ذا شكله جاي من الرياض كعابي هههههههههههههه ... شف اللاعب طالما إنه ينزل الملعب وهو متأكد من إمكانياته وإنه يملك مهاراه صدقني ماراح يهزمه إلا الحظ وعدم التوفيق بس أما ينزل الملعب وهو بس يأدي واجب لا يخوي الله يسامحك فارقنا وبنشوف غيرك ..

الكلام لجميع اللاعبين طبعاً ..
اضافة رد مع اقتباس
  #5  
قديم 26/05/2011, 02:30 AM
الصورة الرمزية الخاصة بـ ھڵٱڵې ڮڵ عِمړې
زعيــم فعــال
تاريخ التسجيل: 25/12/2010
المكان: مدرجآت الهلال
مشاركات: 430
لا حول ولا قوة الا بالله

ويمكن هذا تنبيه لنا بضرورة تغيير المدرب اللي مستوياته مو مرضيه من قدومه
صحيح حقق بطولات بس للاسف بالحظ والدليل كل شوي حاط يدي على قلبي اخاف يجي هدف ويقلب المباراة ..!!

المهم انا عن نفسي ما اعجبني كالديرون واقول له ما قصرت انت جيت تكمل الموسم وخلاص انتهى الموسم الله يستر عليك ويوفقك ..

ولا هنت ع الطرح

وعن العابد صراحه تمنيته يلعب مكان ويلي بدايه الشوط الثاني بس حصل خير

وانا اعتبرها كبوة جواد

والمثل يقول )( الضربة التي لا تكسر الظهر تقوييه )( يعني عندي احساس ان الهلال الموسم القادم غير
وعندي احساس ان النصر والاتحاد والشباب والاهلي الموسم القادم غير
يعني بيصير موسم ناري ..
وربك يعيننـــآإ ونحقق آمآلنا

وصرآأإحــه كان عندي احساس قبل المباراة ان الهلال بينهزم وقلتها بقروب للزعيم وحذرت الاعضاء وقلت ما نبي نشوف مواضيع مثل النصر بعدد المباراة والحمد لله ان جماهير الزعيم واعيه ومثقفه وتعرف مصلحة فريقها وين ..!!

)( إن شآء الله اول الحاظرين لمباراة الهلال والفيصلي انا )(

وآسف ع الإطـآإله يالـ غ ــــــــآإلي
اضافة رد مع اقتباس
  #6  
قديم 26/05/2011, 02:32 AM
الصورة الرمزية الخاصة بـ زعـــ ابو خالد ـيــم
زعيــم متألــق
تاريخ التسجيل: 02/01/2010
المكان: الطائف
مشاركات: 1,165
الحمد لله على كل حال ولا يوجد فريق في العالم لا يخسر
الزعيم سيظل كبير وكبير جدا غصب عن الجميع

اضافة رد مع اقتباس
  #7  
قديم 26/05/2011, 02:35 AM
الصورة الرمزية الخاصة بـ حساافهه النهدي
زعيــم مميــز
تاريخ التسجيل: 19/11/2010
مشاركات: 7,745
الله يعطيك العافيه واللاعبين كانوا مربوشين لدرجه كبيره مدري من وش
اضافة رد مع اقتباس
  #8  
قديم 26/05/2011, 02:46 AM
الصورة الرمزية الخاصة بـ هـــلالـــي صـــميـم
زعيــم نشيــط
تاريخ التسجيل: 09/10/2008
المكان: مــــــــــكـــــــــــــــــة
مشاركات: 968
إقتباس
كالديرون وما أدراك ما كالديرون .. يعني اللي ما يفهم كورة بيقولك ياعزيزي نزل العابد بحكم إنه لاعب واعد وممتاز وسريع وخله في خانة نونو والثاني خويه عشان يضغط عليهم بحكم سرعته ومهارته وويلهمسون في الجهة الثانية برضوه بنفس المهاراة والسرعة وبكذا بترتاح من اطراف الاتحاد يصير عندك المحاور (عزيز ورادوي) ينتبهون لنور والقادم من المنتصف ويستقبلونه بكل أريحيـة ..




قسم بالله كلام سليم نفس الكلام الي كاتبه بموضوعي!





الخسارة من المدرب وهذا شي ما فيه نقاش والي يجادل بالموضوع ذا يا انه ما شاف المباراة ولا انه متخلف!





لاعبيتنا صح ما كانو بمستواهم لكن مستوياتهم طول الموسم كذا تنزل وتطلع وما قابلنا فريق قوي حقيقي!
اضافة رد مع اقتباس
  #9  
قديم 26/05/2011, 02:54 AM
زعيــم جديــد
تاريخ التسجيل: 05/05/2005
مشاركات: 48
شرفتـووو ولا كلفتــووو




راجـع لكم إن شاء الله ...
اضافة رد مع اقتباس
  #10  
قديم 26/05/2011, 05:39 AM
الصورة الرمزية الخاصة بـ sanfoorh
زعيــم متألــق
تاريخ التسجيل: 06/09/2010
المكان: Riyadh
مشاركات: 1,105
يعطيييك الف عااافيه ,,,ومدري وش جااهم اللاعبين تحس يلعبون مع نجران بطوله دوري!!!
اضافة رد مع اقتباس
  #11  
قديم 26/05/2011, 02:26 PM
زعيــم جديــد
تاريخ التسجيل: 05/05/2005
مشاركات: 48
عوافي على ردودكم ...



وكل يوم من عقب مباراة الاتحاد اكتشف ان كلامي صحيح مدري ليييه ...
اضافة رد مع اقتباس
   


إضافة رد


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:33 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube