|
جمـهـور لا يمـلاء عينــه شـي ..؟؟ السلام عليكم ورحمة الله وبركاته بدخل ع طول بالموضوع ... انا شايف اكثر الاعضاء طايحين في اللاعبين سب وشتم والي ما يبي فلان والي ما يبي علان ؟؟ بحطها في نقاط متفرقه .. 1-انتو الجمهور الوحيد الي ينبسط كل سنه بطولتين ع الاقل . 2- غيركم جالس يفحط من 10 سنوات ما ذاق و لا بطوله .. 3- وليهامسون انا ما الومه لان بصراحه جو جده مرض قسم بالله يوم تسولف مع خويك وهو جنبك تتعب من الجو والرطوبه الغير طبيعيه .. وطبعا الاتحاد متعود ع الجو.. 4- كالديرون مدرب ما راح يقدم للهلال شي جديد هو مدرب جاء ع الجاهز . 5- ياسر القحطاني سعد الحارثي مالك معاذ ؟ من 2006 انتهو وجمهورهم وادارتهم سحبت عليهم الى ياسر القحطاني في ظل مستواه الاقل من العادي ..معطينه كبتنيه وكل اسبوع بطوله ؟؟ورغم هذا ما قدر وقفت الاداره واللاعبين والجمهور العظيم ...جاء وقت الدكة لياسر واتاحة الفرصه لعيسى المحياني :smilie47: . 6-احمد علي بصراحه لاعب حماسي بس حنى نبي لاعب حماسي وينهي 80% من الفرص الي تجيه . 7- الفريدي بصراحه هذا الادمي نجم كبير بس عادي لو قال ما ابي العب قدام الاتحاد مافي مشكله كان يطلع بس يلعب بدون نفس ؟؟ 8- العابد والدوسري :smilie47: من اول ما نزلو المباراه تغيرت مليون درجه انا استغربت من كالديرون كيف يلعب الشلهوب قدام الاتحاد الي كلنا عارفين ان حقه مهضوم بينهم ؟؟ . 9- ادارة الهلال تستاهل ان يموت اللاعبين لاجل افراحهم ببطولة اسياء . 10- مهاجم اجنبي فنان..مدرب داهيه ..ابعاد المرشدي ..= كاس اسياء يا زعماء انقدو بدون تجريح انقدو نقد هادف والله العظيم فريقكم عظيم ... ^^^^^^ وجهة نظري وحبيت اكتبها في الاخير كلنا اخوان ونتبادل الاراء لكم ودي :smilie47: |
يعطيكم الف عافيه على الرفع |
10- مهاجم اجنبي فنان..مدرب داهيه ..ابعاد المرشدي ..= كاس اسياء ونعم الراي...ياخوي |
لا تلوم الجمهور ياخي شفت المباراه البارح تقول بطولتين صح عليك مانقول شي بس............................... مو هم نفس اللاعبين الي جابوا البطولتين موهم نفس اللاعبين لاعبوا الموسم هذا والي قبله ؟؟؟؟؟؟؟؟؟؟؟؟؟؟ طيب من الي لاعبوا البارح جاوبني تكفى ابي من الحارس للمهاجم للكالجيرون جاااااااااااااااااااااااااااااااااااوب احمد والله انه افضل من ياسر |
من نآحية جمهور ما يملىء عينه شي من حقـه شوفوا برشلونه اخذوا 6 بطولات في نفس الموسم خسر من الانتر في نصف النهائي ؛ كـأنهم سحبوا منهم البطولات :: / لو لعبـنا على انً حققنـا بطولة او بطولتيـن نتـغنـابها مثل بعض المشجعين الاخرين لـ كنا مثل حال النصر . .! اسسستغرب م الاداراة الهلالية خايفـين لا يجرحون مشاعر ياسر القحطآآني * ياسر تراك جبت لنا بطولتين وخسرتنـا اهم بطوولة * ياسر تذكر كابتـنية النعيمة ؛ الثنيان ؛ الجابر * ياسر درينـا انك ســـتآآآيل وتصووير وسوارهـ وحركات * ياسر مع اني احبــك :smilie47: بس كرهـت لعـبك * يــآسر عليـك بأن تراجع نفسسك ؛ انقص وزنـك عمرك للحين عمرك 28 وباقي لك اقل شي 6 سنين وتعتـزل يعنني مسسسيرة طويلة قـدآآآآآآآىمــك ولا تنسى انك تدل الششباك بس الحين عليك بالدكـة والتدريبـات * * * اتـمنى من الادارة مَ تدلل الفريق زيآدهـ والله فلووس بالهبـل نسيتوا انهم يلعبون لـنادي وشعار وكيان وجمهوووور حسستوهم انهم بوظيفة . . . . ~~~~~~~~~~~~~~~ الدوووووووسري :ba::smilie47::ba1: YouTube - ‫هدف عبدالعزيز الدوسري على الاتحاد - دوري ابطال اسيا‬‎ شوفوا الفن هنــا اقسسسم بالله انك اسطورة الهلال اقاادمة اخلاق + حب للنادي وللشششعار الى متـى هذا الظلــم |
المرشدي ماشي على خطى فهد المفرج نكبت الهلال على التاريخ صالح السلومي وفهد المفرج وماجد المرشدي نكبات الهلال على التاريخ وشلون مدافع يخاف يحتك مع لاعبين من البشره السمرا ويحط جل في راسه وش ترجي منه نبي مدافع اسمراني بجانب الهوساوي مايرحم زي الهوساوي ويكون مبدع والله مكه فيهم مدافعين سمر مبدعين والله ونجوم لابعد حدود والله واتمنى انشاء للله مااشوف ياسر في الموسم القادم مع الفريق لاعب انتهى زمانه واعطى ماعندها خلاص نبي اقل شي مهاجم الشباب فيصل السلطان والله الواد مبدع ويكون ثنائي مع عيسى المحياني وجلب مهاجم متوحش مايرحم قدام المرمى والمدرب الايرلاندي مارتن اونيل الي الهلال فاوضه واللله خوفي نشوف صفقات للهلال مثل صفقات الجيزاني والجمعان والخالدي المنسق من نادي القادسيه لانه صاحب ياسر لابد ان يلعب مع الهلال ولا كمان اساسي ياعيني والله الظاهره محمد بن فيصل واللله مايجلب للهلال صفقات محليه بهاذي الشكل والامير عبدالرحمن مدعوم من شخصيه كبيره هي الي تدعم نادي الهلال مع احترامي للامير عبدالرحمن الهلال في ادارتك مجامل للاعبين واللهلال ماراح يبدع ولا يحقق بطوله اقليميه مادام المجاملات موجوده واللهلال راح يمشى حاله بكل صراحه مع الامير بندر بن محمد وبس لان له طرق خاصه يعرف كيف يمشي عليه والدليل الفئات السنيه وشوف الهلال الان افضل فريق سعودي للاعبين الشباب ومطلع هاذي اللسنه شافي ومحمد القرني وعبدالعزيز الدوسري والعابد والسديري الهلال في المستقبل لاخوف عليه اطلاقا بس الخوف من المجاملات |
أحسن موضوع شفـه بعـد المباراه يابطل . :rose: |
ابعاد اللاعب المجامل ورفع الكبتنيه عنه اقدر اسميه اللاعب الابجوره لانه موقف طول المباراه ولا يفيد لاعب منتهى ما يعرف الا التصاريح والرد على جمهور الهلال ومن اللي عطاه كل هالمجد الا جمهور الهلال وفريق الهلال لاعب اعططططاه الهلال الكثير ولم يعطينا نصف ما عطيناه . الدوري & ولي العهد ماهي مطلبنا من قبل لا يبدا الموسم وحنا نقول مطلبنا اسسسسسسيا بعدين الهلال ما يلعب بالموسم كله على بطوله ولا بطولتين الهلال اكبر من كذا بس وين اللاعبين الرجال |
اخوي حريقة في اسيا والهلال كبير لكن انا ما زعلت على اسيا قد ما زعلت على المستوى يا اخي خلنا نخسر اسيا بس نطلع بشرف ومستوى ماهو مثل امس العبين تقول بسسه خايفين اكثر من اللازم وانت جاي تقول ما يمل عينن شي حنا ماقصرنا مع النادي في كل مدينه نحضر والحين جاي تلومنا يا اخي لنا 10 سنوات وحنا نفحط وراء اشباه الاعبين وربي تعبنا عبدالرحمن بن مساعد بيض الله وجهك ماقصرت وسود الله وجيه الاعبين |
يارجال ياسر وعيسى ووليد الجيزاني كلهم ماينفعون عارف ليش ( ميد إن سعودي )نبغى أجنبي قوي وهداف وسريع وضربات رأس |
نبغى اسيا فقط لو كان الثمن 10 بطولات محليه |
خلك ع البطولات المحلية يامحلي |
إقتباس:
هذا هوا المشجع الي اقول عنه جمهور فوز ؟؟ الله يعطيكم العافيه على المرور |
إقتباس:
طموحك دوري وكاس ولي عهد يامسكين بالله مامليت ابي هلال عالمي قوي يقارع اعتى الاندية في بطولة العالم ايه احب الفوز لاني هلالي وانت تعرف منهو الجمهور الي يحب الهزايم والفشل طبل يامطبل ماضيع النادي الا المطبلين امثالك |
يعطيكم الف عافيه الله يعطيكم العافيه على المرور |
| الوقت المعتمد في المنتدى بتوقيت جرينتش +3.
الوقت الان » 05:09 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd