اخر موضوع كتبته كانت في مباراتنا في الدوري مع الاتحاد + غبت عن المدرسه عشان الهلال+ الكل يتشمت في خسارتنا ومسوين حفله عشان خسارة الهلال - نادي الهلال السعودي - شبكة الزعيم

مجنونة ولد رومان · #1 25/05/2011, 02:40 PM

هارد لك يامعشر الزعماء على الخساره

اخر موضوع كتبته كانت في مباراتنا مع الاتحاد في الدوري الى انتهت 0-0 وانا الحين اكتب

عن خروجنا من الانحاد في اسيا بنيتجة 3-1

طبع الكل شاف المباراه لو اقعد اتكلم عنها ماراح أخلص وأتوقع الزعماء ماقصروا وقالوا كل شئ

بخصوصا الأخطاء في المباراه

راح أتكلم عن كل لاعب وش سوى بالمباره وقولولي إذا كنتم توافقوني ولا ماتوافقوني

حسن العتيبي : الأهداف الثلاث جت بأغلاط بمعنى إنك ماتحمل الأهداف

ماجد المرشدي : ماكنت في يومك وكانت أغلاطك في المباره فادحه

عبدالله الزوري : ماكنت مركز وكنت بارد في المباراه

لي يونغ بيو : مستواك كان جيد نوعا ما

أسامه هوساوي : كنت الأفضل في المباراه مع إن دخل علينا ثلاث أهداف

رادوي : حاولت بكل الطرق أننا ندخل هدف ووزعت اللعب لكن الله ماكتب

الشلهوب : ماكنت في يومك وماكان لك وجود في المباراه

الفريدي : ذبحك البرود وعدم الإحساس بالمسؤوليه

ويلهامسون: راجع نفسك مستواك نازل وفي مباراتنا امام الاتحاد ماسويت شئ

خالد عزيز : قدمت مستوى جيد وأستغرب من كالديرون يلعبك في شوط والشوط الثاني يطلعك !!!

ياسر القحطاني : ماكنت في يومك كان ودي تكون نجم المباراه لكن للأسف ماكنت بيومك وماكان لك وجود في المباراه

طبعا كالديرون في الشوط الثاني أجرى تبديلات بخروج ياسر القحطاني ودخول نواف العابد وخروج خالد عزيز ودخول أحمد علي وخروج لي يونغ ودخول عبدالعزيز

برايي احمد علي : اتوقع هاذي اخر ايامك مع الهلال وفي المباراه ماسويت شئ

عبد العزيز الدوسري: حسيت انك انت الوحيد الى عندك روح في الفريق

نواف العابد : دخولك للملعب كان إيجابي وتحركاتك كانت رائعه

هاذا رايي باللاعبين الى لعبوا امس

إذا الهلال يبي اسيا السنه الجايه لازم من الحين يستعد لها ولا ماراح ياخذها أبد

طبعا انا اليوم مارحت المدرسه لأني كنت مرا تعبانه من بعد الخساراه وكنت مره معصبه

بس بعدين قعدت أضحك لأن كل البيت جابوا كيكة يحتفلون بخسارة الهلال قعدت أقول لنفسي عشان خسرنا سوو كيكه معقوله لهالدرجه الهلال معقدهم !!

طبعا خروج امس كانت صدمه لكل هلالي بس هالشئ مو نهاية المطاف

والأمير عبد الرحمن بن مساعد وعد إن الهلال السنه الجايه راح يكون غير

وأتوقع وعد الحر دين والأمير عبدالرحمن بن مساعد راح يوفي بوعده

حبيت بعد أذكر شئ امس وانا اتابع المبااره حسيت إن في إنسان واحد تعب ويحاول وكل شوي قايم أتوقع عرفتموه
سامي الجابر

ألف شكر لسامي على كل ماقدمه وبذله من اجل الهلال