|
لاعبين لايبكون عند الخسارة لانريدهم السلام عليكم ورحمة الله وبركاته هزيمة متوقعة وعلى قولة المثل مجهزين العصابة قبل الفلقة قالو لو طلعنا عادي نبي ننافس السنة الجاية ندري انكم بتنافسون ماراح تنسحبون ماجبتو جديد ؟؟ تعبنا وصحنا وبكينا ونادينا نريد مهاجم نريد مدرب ولا حياة لمن تنادي اذا نادينا نصف الموسم قالوا مافيه فترة تسجيل اصبروا لا تضغطون على اللاعبين واذا جت نهاية الموسم فاجأتنا الادارة بحسمها لصفقات من دون مراعاة اي راي لا ي احد الى متى نجامل ياسر يا صاحب السمو يرضيك تبكي ملايين المشجعين لخاطر شعور لاعب واحد اربع سنين ونحن جالسين نخرجه من كبواته وهفواته ونفسياته ياصاحب السمو ترضي انسان وتزعل ملايين ؟ وين سياسة اللي ما يحترق للهلال لن يلعب ؟ هل هؤلاء اللاعبين يحترقون للهلال اولهم ياسر هل هذا مدرب يقنع بشر بدأ المباراة بعكس اللاعبين الشلهوب يمين وولي يسار > يعني جايب اختراع جديد؟ ولعب المباراة بمهاجم واحد يحتاج تقشر له الفرصه وتحلف عليه انه ما يستعرض ويمكن يجبها والاكيد بيضيعها وبعد الهدفين رجع اللاعبين لمراكزهم الشلهوب وولي والشوط الثاني قلنا بيحل الموضوع نزل محمد علي بدل عزيز قلنا حلو ولكن رجع الشلهوب للمحور ؟؟؟؟ ياناس هذا من وين يفكر امس الفريدي اقل اللاعبين مستوى الشوط الاول وكان يلعب بانانية وبدون تركيز ويجي بيعدل الامور ويسحب مهاجم ويكثف الوسط ويخلي علي ابو رجل وحده هو المهاجم ؟؟؟ ياعم العب بثلاثة مهاجمين وين المشكله لو نزل المحياني مع علي ووياسر مثل ما صار مع الغرافة وبعد المباراة وهي النقطه الاهم اللاعبين يسلمون على لاعبي الاتحاد ويتبادلون الفانيلات ولا كأن شي حصل كانها مباراة بالدوري وانتهت تعادل ؟؟واضح لا تهيأه نفسية من اول والمباراة وواضح انهم فلتوا الموضوع مرة من ناحية اهمية البطولة طالبناكم ما تضغطون عليهم بس عاد ما تفلتون الموضوع وقد كتبت مواضيع قبل عن هذا الموضوع المدرب وياسر والرئيس منها http://vb.alhilal.com/t993282.html طلباتنا 1) تغيير المدرب والطاقم الفني كامل 2) جلب مهاجمين اثنين ذومستوى عالي لو مرض واحد نستفيد من الثاني 3) عدم مجاملة اي لاعب لا يحترق على فانيلة الهلال واولهم ياسر 4) اذا سامي عنده شغل وتعبان ماله داعي نضغط عليه فالهلال حقق بطولات وانجازات بادارات مختلفة ونقول لسامي شكرا على كالدي وعلى احمد علي وعلى كل مجهود قدمته مع الهلال 5) سياسة التوفير وجلب لاعبين اقل من مستوى الهلال نريد الغائها المفروض بعد ما اعارة نيفيز قلتو حلو حصلنا مبلغ نزوده عشر ملايين ونجيب مهاجم عالمي ؟؟؟ مو نقول زين حصلنا دراهم ورى هالفريق خلونا نوفر شوي ؟ والله ولي التوفيق |
ياسر تسريح هو و المرشدي واحد ينكب ورا وواحد يستعرض قداام والجمهور له الله .. الله يفكنا من اشباه الاعبين ب أقرب وقت .. ومن الفاشل كالديرون .. وربي طفح الكيل والعابد وعزوز جننوهم يوم دخلو لاعبين صغار وسريعين والاتحاد عواجيز لكن متى بيقتنعون فيهم وهم والمحياني ويلعبون اساسيين مدري مشكلة الهلال فيه اسما تفرض على التشكيله لمجرد اسمها مثل ياسر المحياني افضل منه بمرااااحل لكنه ماله صحافه وجمهور مثل ياسر يجنن الدنيا لو جلس على دكة الاحتياط لمتى والأسم يلعب دوور والهلال سنويا خروج من آسيا لكن وش نقول عن لاعبين داخلين المباراه يلعبون للخروج ؟.!! آآه ي القهر |
يعني لازم يبكيون ؟! ابكي انت في بيتكم ومين انت على شان تحكم على ياسر والاعبين |
وربي حرررررام الي صارر هالسنه والله حرااام أغلب مباريات الدوري ومباراة أمس اثبتت مجاملة الادارة وسكوتها على سوء مستويات الاعبين إلى متى يعني ؟ وربي فضيحه وعار على تاريخ الهلال لو يكمل ياسر القحطاني السنه الجايه مع النادي وهذا مستواه ياناس سامي الجابر ويوسف الثنيان اذا انخفض مستواهم مسكوا الدكه ويشتغلون لين يرجعون للفريق الاساسي وهالاعب جالس يلعب على قلوبنا حتى وهو مايقدر يثبت الكووره ياناس والله مايعرف يثبت الكووره والله شووفووا المباراه مره ثانيه الرجااال ضااااايع ضااايع والله العظيم لو انا من عيسى المحياني ما اكمل مع الهلال السنه الجايه لأنو عيب على تااريخي املك امكانيات كبيره وبالنهايه احتياطي لواحد طايح مستواه ومفروض اساسي غصب علي لاتلومون عيسى اذا شاف له نادي ثاني احمد علي امس نزل وهو مايملك ربع امكانيات ياسر لكن على الاقل تسبب بفاولات وحسسنا ان فيه كائن حي موحود بالملعب حتى لو كان ضايع مثل كابتن فريقه الله يصلح الحال ياعبدالرحمن بن مساعد يالي نحبك ولكن خذلتنا بهالاعبين وهالكابتن |
مالقيت الاسامي تنتقده اللي كان يبكي وهو فائز فكيف مهزوم وامس محترق اكثر من اللي في الملعب وبعدين متى تبيهم يبكون والفلوس ماشاء الله تنهال عليهم ليل نهار لكن مهما كان نقول اللهم لك الحمد على فضلك اللهم عوضنا خير يارب |
آآآآآآآه على يوم النكد :cry: والله من جد قآعده أقول ممكن دموعهم تشفع لهم أسبآب الهزيمة !! بس ولآآ كأن شيء لم يكن !! حنآ نحترق وتضيق صدورنآ ويرتفع الضغط عندنآ !! وهم ؟! والله مو مقدرييننآ ! والله العظيم مآ يحسووووون فينآ الله يسآمحهم :smilie47::cry: وآحد ينكبنآ في الدفآع ومخلينآ شوآرع قدآم النونو وزيآيه ! ووآحد طآلع لنآ بحركة شرّآب جديدة ويستعرض قدآم في الهوى !! |
إقتباس:
لو تكلم على اللاعبين وقال الا ياسر لا يبكي ماكنت بتقول شي |
تغيير المدرب والطاقم الفني كامل كالدرون نكبة الادارة في هذا الموسم 2) جلب مهاجمين اثنين ذومستوى عالي لو مرض واحد نستفيد من الثاني هههههههههههه خليهم يجيبون واحد مايبخلون علينا بالدراهم ..< جماهير الهلال تستاهل يكون عندها مهاجم عالمي>... عدم مجاملة اي لاعب لا يحترق على فانيلة الهلال واولهم ياسر : جيت على الجرح هذا الاعب مدري وش يحس فية اهم شي عندي يترزز في كل قناه ويدور على المصورين محسب نفسه ..<المتحدث الرسمي >.. ملينا استهبال واستعراض خلااااااااص اطلع برا ماعاد نبغاااااااااااااك :ranting: |
شكرا لك اخوي اعترف بديت احس باحساس جماهير الفرق الاخرى اللي من زمان ما حققت اي بطولة وتمر عليها السنين وهي ما قدمت شي , خلال هاليوم بس عرفت احساسهم وحسيته من كثر ما قرأت من مناحات وتباكي وانتقاد وشتم من جماهير الهلال على خروجها من البطولة الاسيوية , وهي اولا واخيرا مباراة فوز وخسارة ولا تعني ابدا اطلاق التهم والسب والشتم من جماهير لم تقدم ما يشفع لها في الانتقاد او المشاركة بالرأي سوى انها عضوة في منتدى الزعيم. هارد لك على الخسارة ان شاء الله نعوضها بالابطال والموسم القادم احترامي وتقديري |
يانـاس والله العظيـــم السبب شي موطبيعي الهلال اكيييد فيه شـئ بأسيا وابصم بالعششششره بعد .... :ranting:وربي ورربي ان الهلال امسس مو الهلال اللي نعـرففه :to: انـــا ماابي احط بذمتي استغفر الله لكن الوضع مو طبيعي الهلال بالسعوديه برشلونه وبأسيا الحزم :cry:,,,,, اكيد فيــيه شـئ ولازم شبيه الريح يجللسس مع اللاعبين جلسـسه مصارحه ويشوف وش الوضع ولاززم اللاعبين يصارحونه ويقولون ليه اذا لعبو بأسيا جتهم اوووؤم الركـب ؟؟!!! :mad: هل هو ظغط اعلامي ام لا !!؟؟؟ ياليت والله شبيه الريح يجتمع فيــهم كلهم :cry: بالنسبه لمباراه امس ابصملك بالعششره دنبوشي :yes: اجل تسديد العابد تضرب العارضه مرتين وتطللع برى ؟؟؟ وعرضيات ويلي كلها بالسسماء ؟؟؟؟ وعرضيه لرادوي بعد مدري كيف تعامل معــها ؟؟؟ :s5s::s5s:هذا اللي عنندي وحبيت اقوله والله يوفقك اخوي على اتاحه الفرصصصه :d:ba::ba1: (( معــــــــــــــــــــــأأأأأأأأأأأأأأأأأك ياهـــــــــلاأأأأأأأأأأأأأأأأل s13ss13s)):wub: |
انا اختلف معكم كلكم مع كامل احترامي وتقديري اولا اسباب الهزيمه نتحملها جميها ولا يتحملها لاعب معين او مدرب او حتى الاداره بالامس القريب كنتم تتغنون بالمدرب والاعبين والان تشككون في المدرب والاعبين اي تناقض هذا منكم امركم غريب جدا جدا اذا تريد ان تنتقد انتقد على هذهي المباراه فقط .. ثانيا الي يتكلم عن ياسر ويقول ويشكك فيه طبعا هذا رايه واحترمه لكن ابي كوره وحده بس انصنعت لياسر لاتجي وتقول ليه مايتحرك يمين ويسار انا اتكلم عن صناع اللعب للاسف الوسط كان غايب تمام وارتباك خط الدفاع والخساره يتحملها الجميع من العتيبي الى ياسر لاتجعلو جمهور الاصفرين يصطادون بالماء العكر ويتكلمون على انهم هلالين ففريكم بحاجه لكم فقفو معه مهما كانت الظروف اسف على الاطاله هذي وجهة نظري المتواضعه |
الادارة كانت تحس يالخسارة مبكرا والدليل كل شو ييطلعون ويقولون كل شي تمام وخاف ان اللعيبة ماهم بيومهم 1- السبب الاول الدفاع من المرشدي والله هاللاعب ماهو بمستوى الهلال 2- ركزوا على هوساوي بالهدف الثاني وشوف كيف خش مع اللاعب ( دخول اقدر اقول عليه مضحك ) 3-برود جميع اللاعبين 4- ياسر مكانك مهاجم ثاني بالهلال وليس اساسي وكابتن 5- ويلي يكفيك خوفا واصبحت مكشوف اول انبراشتين بعدها تخاف والدليل امس تطيح بدون كورة 6- سامي وين تجهيزك للاعبين والدور النفسي 7- كالديرون الفريق مهزوم 3 وتخرج مهاجم وتكثف الوسط الاخ بايع المباراة مثلا؟؟؟ 8- عزيز الضحك مع لعيبة الاتحاد ملينا منه قبل كل مباراة وينك عن نور امس 9-الفريدي ايام قريتس وكوزمين شيب بالدكة وهالحين اساسي ملينا استعراض نبي لعب رجولي 10- الامير عبدالرحمن انتبه للمجاملات بالنادي ولازم يكون فيه مبدأ عقاب وثواب |
ليش يبكون وعندهم لاعب نكبكجي زي المرشدي !! تخيل انك تلعب في الهلال وتقعد تراكض طول المبارة وفي الاخير تجي هجمة مرتده وتدخل قوول والسبب المرشدي؟؟ بصراحة ما الوم رادوي اذا تكرن مرات وصار يكسر و السبب مطرسة المرشدي |
الرئيس وش تبغاه يسووي بدال ماتلوم الرئيس لوم اللاعبين اول شي ودي:smilie47: |
الحمد لله على كل حال السؤال هو لماذا لاعيبة الهلال في المباريات الحساسة والمهمة يصير لهم دروب فجأة؟؟؟ ودائما العذر يكون هذا الدروب نحن ياسمو الامير نريد ان نعرف لماذا حدث هذا الدروب في المستوى وخاصة في المباريات المهمة مثل مباراة ذوب اهان الموسم الماضي؟؟؟؟؟؟؟؟ مباراة الاتحاد هذا الموسم؟؟؟؟؟؟؟؟؟؟؟ |
| الوقت المعتمد في المنتدى بتوقيت جرينتش +3.
الوقت الان » 07:17 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd