25/05/2011, 01:16 PM
|
| زعيــم متواصــل | | تاريخ التسجيل: 12/04/2010
مشاركات: 160
| |
|
السؤال الكبير بعد الخروج
السلام عليكم
سؤالي اوجهه لادارة الهلال , بعد الخروج من الاسيويه بالعادة السنويه ... هل سيتم الاستعانة بالبدلاء في بطولة الابطال او سيتم اشراك " نجوم الشباك " .. هل سنرى عيسى ياخذ فرصته ام ان خط المقدمة الهلاليه مكتوب باسم القحطاني , هل ستسمعون من شيبان الهلال والا بتجاملون جمهور " قالوا فقلنا " ياجماعة الخير الثغرات واضحه بتكلم عن الثلاثه اللي مافي عاقل يختلف في تردي مستواهم وانهم لا محل لهم في الهلال ...
1 - ياسر القحطاني : اولهم واهمهم , مايهمني حالته النفسيه ولا الضغوط اللي عليه ماحنا في عيادة نفسيه نعالجه حنا نادي رياضي لهم طموح اكبر من مستوى ياسر , شوفوا له صفقة انتقال والله يستر عليه والله لا بكت عليه السماء ولا الارض وحرام يكون من المنظرين اكثر من ثلاث سنوات كفايه .. الرجل وصلت به البارحه يتخبي خلف المدافعين عشان ما توصله الكورة ويضيعها , بدل مايتحداهم ويسكتهم في الملعب , اختار التواري والتمثيل ... ياجماعة الخير لو تجيب موظف وتحطه في وظيفه معينه وتقوله لك ضمان ما تنشال ولا تنفصل مهما تسوي اكيد بنام لان ماعاد فيه دافع يلعب وهذا الحاصل معه بالضبط .. ارحمونا الله يرحم والديكم بيعوه قبل نبيعكم ونروح نشجع برشلونه اصرف لنا .
2- ماجد المرشدي : مابي اطول كلام عنه الا انه في كل مباراة مهمه يسوي مثل ما سوى امس , والهلال اغلب مبارياته مهمه !!
3- احمد الفريدي : لاعب بارد لا روح ولاحماس , في لقاءه الاخيرمع لاين سبورت اتضحت عدة امور حوله , اولها ان ماعنده اي ذرة ولاء للنادي اللي طلعه وتعب عليه , بدليل سؤال المذيع لو جاك عرض تنتقل من الهلال , يجاوب الفريدي والله انا احب التغيير !! وين احترام النادي ليه ما يقول مثل غيره كل لاعب يكره الخروج من الهلال , ليه متحمس يبي يطلع خليفة الثنيان بالغصب وهو لو نحط اربع مية مثله في ميزان مع الثنينان ما حركوا في كفة الثنيان ملم, ليه في الملعب ينافخ علي اخوياه والله لو هو كابتن ما سواها , ليه يتجاهل زملاءه في الملعب ويجلس واقف علي الكورة , ليه مباراة يلعب وخمسة ينام ؟؟؟ وليه يقول عادي لو نطلع من الاسيويه مسوي رئيس النادي مثلا والا ماعنده طموح الا محلي ومجلسينه علي قلوبنا !!
اتمنى فعلا يعطى البدلاء فرصتهم تعبنا نجامل نجوم من ورق واسامي مستهلكه , عطوا البديل فرصه واعدوه للموسم القادم . اما المتخاذلين واللي شبعوا من الشهره واللي مو فاهمين قيمة الهلال , الله يسهل دربهم .
والسلام ختام
|
الوضع العادي
