أخيرا تم إنهاء الجدل بخصوص الجهة المشرفة على تنظيم المنافسة على حقوق نقل الدوري السعودي، وكانت جهات عليا في السعودية قد نظمت عدة اجتماعات على فترات متفاوتة للنظر في موضوع حقوق نقل الدوري السعودي.

وتم تشكيل لجنة من وزارة المالية ووزارة الداخلية والرئاسة العامة لرعاية الشباب والاتحاد السعودي لكرة القدم لبحث موضوع حقوق نقل الدوري السعودي وأخيرا تم تكليف وزارة الداخلية للتكفل بهذا الموضوع مع الاشتراط أن تكون القناة الناقلة للدوري السعودي هي سعودية 100% وبالتالي انحصرت المنافسة رسميا بين قناتين فقط وهي القناة الرياضية السعودية وقناة لاين سبورت الرياضية، وبالتالي تم استبعاد القنوات غير السعودية مثل قناة الجزيرة الرياضية وأبو ظبي الرياضية التي رصدت حوالي مليار ريال للدخول في المنافسة على حقوق نقل الدوري السعودي.

استبعدت اللجنة كذلك القنوات التي لا تملك رأس مال سعودي 100%، فكرجت كل من قناة روتانا وشبكة mbc رغم وجود شريك سعودي فيهما .

وكانت قناة الجزيرة الرياضية هي الناقل الرسمي للدوري السعودي خلال موسمين بعد صفقة بيع قنوات ART الرياضية للجزيرة .

ولم ترضي تغطية قناة الجزيرة للدوري السعودي معظم الجماهير السعودية التي ترى أن قناة الجزيرة أعطت الدوري السعودي اهتماما أقل بكثير مما يستحق نظرا لانشغال قناة الجزيرة بالعديد من الدوريات والبطولات الأوربية والعالمية والإقليمية والمحلية.

ياخي ماعندنا مشكله تنقلها القنوات السعوديه
لكن ياليت يطبقون اقتراح حافظ المدلج
يتفقون مع الشركه البريطانيه الي تنظم النقل والاخراج ويفكونا من خزعبلات الفراج ونصباته الي جالس يمثل علينا بسالفة 400 سعودي مابين مخرج ومصور ومساعد ومنتج وش استفدنا من النقل السعودي في المباريات واقربها مباراة الهلال والاتحاد الي قبل امس اقسم بالله قمت المسخره من المخرجين السعوديين

اتوقع بما ان السعوديه الرياضيه عندها قناتين وline sport عندها قناتين فهذا كافي لنقل الدوري يعني تلعب الجوله على مدار يومين 4 مباريات في يوم ويكون كل مباراه في قناه واليوم الثاني 3 مباريات ويكون جدوله الدوري منسقه بين الاتحاد السعودي والقناتين عشان يكون توزيع نقل المباريات بموافقه الجميع

ان شاء الله قنوات الرياضية

و لاين سبوورت راح يعطون الدوري السعودي حقه

محد راح يهتم بالدوري السعودي كثر القنوات السعوديه

أستغرب اللي ينتقد الجزيرة الرياضية ويقول انها ماتعطي اهتمام ولاتحط محللين

تنقل مباريات ماشاء الله بالهبل ابد طب وتخير

بعدين بعرف وش ابقعد اسمع تحليل ماتحليل مافرقت تجي ببرنامج زي الخميس الرياضي زي اول يحللون كل المباريات وخلاص

إقتباس 1 - الدوري بدون تشفير 2 - اخراج وتصويرعالي الدقه والجودهـ 3 - معلقين مميزين بدون صياح وصراخ يعطونه اللاين أوالرياضيه ماتفرق المهم الثلاث نقاط أعلاهـ تتوفر ...

والله يالغالي مستحييييييييييل كل هذولي يجتمعن مره وحده ولا بقناه سعوديه بعد... !!

لكن نتمنى والله يجتمعن بالقناه السعوديه .

إقتباس الرسالة الأصلية كتبت بواسطة رسـ2006ـاوي والله يالغالي مستحييييييييييل كل هذولي يجتمعن مره وحده ولا بقناه سعوديه بعد... !! لكن نتمنى والله يجتمعن بالقناه السعوديه .

إقتباس الرسالة الأصلية كتبت بواسطة مواصل من يومين 1 - الدوري بدون تشفير 2 - اخراج وتصويرعالي الدقه والجودهـ 3 - معلقين مميزين بدون صياح وصراخ يعطونه اللاين أوالرياضيه ماتفرق المهم الثلاث نقاط أعلاهـ تتوفر ...

أنا متاكد ان هالنقاط الزامية للقنوات لانهم حصلو على النقل حصريا


اهم شي نفتك من القنوات الاجنبية ونشر الغسيل لاهداف فقط الاثارة

ما زاد التشنج لا من ابوظبي وصدى الملاعب والجزيرة وماني عارف ايش

وما ينلامو يبون متابعه والشعب عندنا يحب كل شي مريب وتشكيكي

اهم شي يجيبون لنا كاميرات ومخرجين زي الناس