|
رحلتي في التشات رحلتي في التشات هلا وشخباركم وشلونكم عساكم بخير: طبعا حالتي النفسيه هالايام زفت لاني رسبت في ماده للمره الثانيه الله يقلع البرمجه والمعنوياااااااااااااااات تحت الصفر المهم نروح لموضوعنا اللي يمكن كلكم عارفينه: من الفضاوه وضيقة الصدر دخلت واحد من التشاتات دخلت باسم ولد محد عطاني وجه ليش ؟؟؟ هالاستفهامات كانت فوق راسي ودخلت باسم بنت والله لايوريكم انوااااااااااااااع البرايفتات وجهي صار كذا وش اخذ وش اخلي من قدي وهذي بعض المواقف: طبعا انا كنت مره بنت محترمه ومره لا يوم كنت غير محترمه انوووووووواع الارقام ومخفاااااااااااات واجد اذا قلت لواحد ياحبيبي انواع الخقات ونطل رقمه وياحبيبتي اموت اذا مادقيتي ومن هالكلام وفيه واحد هبلت فيه لين عطاني جواله وبيته ومره لا بنت محترمه وهذي بعض المواقف: هذا واحد دخل علي وقال ياحبيتي قلت نعم وش حبيبتك ؟؟ قلت استح على وجهك قال اسف حبيتي قلت وتقولها ثانيه وجع يوجعك يابن...... وطلعت ======================= وهذا ثاني قال لي انتي احلى وحده قلت ليش انت شايفني قال بقلبي قلت اجل قلبك اعمى قال : انا احبك وماقدر استغنى عنك قلت: مالنا الا 15 دقيقه وتقول حبيتك وانت ماشفتني ابو الشباب ضاع وخربتها وقلت له انا ولد من بعدها ماشفته يمكن انتحر ======================== وهذا ثالث قال انا صريح وابي .... وانا ماخليت كلمه اعرفها الا وقلتها فيه هالحيوان ======================== ورابع قال خذي رقمي قلت له ترضى احد يرقم اختك؟؟ قال اخواتي مايدخلون التشات وانهم محترمات الخ وان اي بنت تدخل التشات تبي رقم قلت للاسف ان ذا تفكيرك قال ذا الواقع قلت له انا ماابي رقم قال وش مدخلكي التشات قلت انا فاضيه وماعندي وش اسوي المهم تكلمت معه باسلوب ابو الشباب مااقتنع قال انتي تبين رقم ====================== اللي وصلت له: الشباب 3 انواع في التشات: 1) عاقل وذولا قليلين مره 2) على حسب البنت اذا صارت عاقله صار عاقل والعكس صحيح 3)خرباااان وذولا الاكثريه وكل واحد وطريقته ====================== التشات وباااااااااء ومنبع فساااااااااااد ===================== واي بنت تدخل التشات وتقول انا عاقله اقول فيه شباب بعضهم يجون باسلوب (بغيت اخق معهم ههههه) =================== وتفكير الشباب اي بنت تدخل التشات تبي رقم ================== الا يامطولو صبري ...... اذوق المر من كاسه الاياكم قسى دهري ........علي وكم قسو ناسه احد مثلي قسم همه ....... معه في شربه وزاده رضيت انا بردى حظي......وحظي ماردى بيا ========================================= اعذروني على سوء اسلوبي والله لو انسخ لكم المحادثات كان تموتون من الضحك والله تخلف ============================================ |
هههههههههه <<== ابو المقالب مره سويت مقلب باثنين بشات علي بابا داخل بنك بنت وعطوني ارقام تليفونااتهم وانوااع اللاستهباال اوكي مشكووووور تحياتي |
اخوي عزوز10 :D اولاً - الله يرج إبليسك ثانياً - ومن الي قال هالأمور تحصل بالشات بس حتى في المنتديات :eek: ثالثا- إقتباس:
لو كل واحد صار عليه ماصار دخل الشات وسوا سواتك بتلقاهم كلبوهم نسوان :D :D :D تحيات اخوك |
هلا عزوز :) .. تلقـاك تقول .. وماخفي كـان اعظم :D !! الشـات مايدخله الا الفـاضين .. لذلك لا تستغرب اللي جاك وادخل الفجر وتلقى اردى واردى :D:D واذكر واحد من الشباب من الفضاوه دخل شات مصري باسم ( بنت ) :D:D وشوف اسلوب المصاريه كيف !!:D ياحلوه .. يائمر.. واذا ماعطيته وجه .. عطاك الف مليون كلمه وسخه !!! :D:D ولك تحياتي :) .. |
مشكوووووووورين على الردود وحبيت اقول لا من العيال سلمنا ولاحتى البنات;) ===> افهم يافهيم |
ههههههههه الله يحوسك مثل ماحستهم مالقيت غير الشباب تهبل فيهم؟؟؟؟ طيب ليش ماهبلت بالبنات؟؟؟؟؟؟؟ |
من تشبه بقوم ............. لا تعودها |
هلا اخوي توتي: وخر عن الشر وغنيله وثاني شي ماتضمن انهم بنات;) ======================== اما حبيبي الفتى: على حسب فهمي التشبه يكون بالقول او الفعل وانا ولله الحمد لاتشبهت قول ولا فعل وشي لازم تعرفه مستحيل تعرف ان اللي تكلمه ولد او بنت في النت الا اذا هو قالك بس هل هو صادق او لا يعني لو مو اسمك فتى المدينه مادريت انك ولد او بنت يعني يمكن اقرا ردود احسبها لولد تطلع لبنت والعكس صحيح هل هذا تشبه اللي فوق هونفس اللي يصير في التشات واذا حطيت اسمي مثلا امل انا مااقصد الاسم اقصد الصفه بس اذا جاك واحد وحسبك بنت بتسولف معه عادي طبعا مايقدر يميز من خلال الكتابه اذا انا ولد او بنت بس بياخذ بالاسم الزبده ان مافيه تشبه ================================ وعلى العموم انا طلعت بفواااااااااااااااااايد كثيره لاني للاسف اكتشفت فضايح في التشات ومستحيل اخلي اي بنت اعرفها تدخله بعد اللي شفته لان فيه اشيا فضايح ماكتبتها احترام للمنتدى ================================ والله يهديني وياك وكل المسلمين |
[c]الله يرجك يا عزوز سويتها هههههههههههههههههههههههههههههه كان قلت سالفت ذيك هههههههههههههههههههههههههههههههههه اللي قلتها لي البارح وهي تشرح:bigeek: :bigeek: :bigeek: :bigeek: :bigeek: لان فيه اشيا فضايح ماكتبتها احترام للمنتدى خربها وقول بالله هههههههههههههههههههههه انا تمنيت اشوف منظرك يا ناس ياهو اللي يبي يضحك من قلب يسمع اخر صيحات عزوز مع الشات ما اقول(( شر البلية ما يضحك)) نحسب العيال خربانين طلعوا البنات اخرب واخرب ههههههههههههههههه [/c] |
عزوز كل عام وانت بخير وعافية:D وبالنسبة للرسوب في مادة البرمجة للمرة الثانية فهذا شي طبيعي في الجامعه وفي مثل كليتك ولاانت اول ولا اخر واحد يرسب وانشاء الله تعوض الترم الجاي:D وترى كل العلماء بدوا من الصفر:D وبالنسبة للتشات فربعنا مخفات وحنا اولهم:D مدري ليش قلوبنا تفز اذا شفنا اسم بنت في تشات؟؟ وبعض الأحيان نكون متيقنين انها ولد متخفي بس ابليس يلعب علينا ويقول وش دراكم يمكن بنت حقيقية!!! وخذ انواع التسحيب على الخشش من هالشباب اللي يتخفون باسم بنات:D |
| الوقت المعتمد في المنتدى بتوقيت جرينتش +3.
الوقت الان » 03:22 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd