|
تبغون كأس آسيا في العام القادم أربعة أمور بسيطة فبعدها نحقق اللقب.. السلام عليكم ورحمة الله وبركاته حيالله جمهور زعيم نصف الأرض حيالله الأمة الهلالية الحمد لله على كل حال صحيح أننا خرجنا من آسيا للمرة الثالثة ولكن ولله الحمد حققنا بطولتتين هذا الموسم الكل يقول ليش أنهزم الاتحاد أمس ليش لم يستطع مجاراة الاتحاد فقد حذرت في موضوع سابق على ان مشكلة الهلال الانضباط التكتيكي الدفاعي والله يذكر أيام كوزمين بالخير كانت رائعة صحيح أن الهلال لا يستطيع الفوز على الفرق الصغيرة مثل نجران والحزم لكنه يستطيع الفوز على الفرق الكبيرة بكل بساطة وسهولة ولكن حسبي الله على من كان السبب في إبعاده أربعة امور تجعل الهلال بطلاً لآسيا من جديد 1/ التعاقد مع مدرب معروف بالانضباط التكتيكي الدفاعي القوي مثل مدرب ليفربول وفيا ريال الاسباني فهم معرفون بالقوة الدفاعية لذلك تجد الفرق الكبيرة صعوبة جداً في الفوز عليهم .صحيح أن نادي الهلال فريق قوي لكن عندما قابل ذوب أصفهان الايراني الفريق المعروف بالقوة الدفاعية والاتحاد مع دميتري المعروف بالانضباط التكتيكي وأكبر دليل في الأمس لعب بمحورين متأخرين لا يتقدون لسد الفجوة الدفاعية عكس الهلال الذي أبعد رادوي عن عزيز وكانت هنا المشكلة .. 2/ التعاقد مع مدافع بدلاً من المرشدي طيب الذكر الذي في كل كورة تقبض على نفاسك حتى يسلمها أو من بداية الموسم الاعتماد على اللاعب عبد الله الدوسري . 3/ أصبحت آسيا مسألة نفسية للاعبي الهلال لذلك يحتاج الهلال في كل مباراة في آسيا إلى طبيب نفسي يعالج الهلال من العقدة التي لابد من الاعتراف بها . وتغيير اللاعبين الذين يأتون من خارج الهلال والاعتماد لاعبي الهلال الأصليين . 4/ سمو الأمير عبد الرحمن بن مساعد والله ثم والله نحن نحب الهلال منذ ان كنا أطفال وأنا الآن في العقد الثالث من عمري ولازلت أعشق الهلال فالمسألة ليست شراء أفضل اللاعبين على مستوى عالي لكن نحتاج لاعبين ليسوا مثل الاعب رادوي في كل مباراة تجعل يدك على قلبك تخاف ان ينطرد وياخذ كرت أحمر نحتاج لاعب مثل طيب الذكر توليوا يضبط المحور بدون كروت أو الاعب نفيز لذلك اقترح تغير الاعب رادوي والاتيان بمحور ليس بالمصارع ونفسية . على الطاير && سامي الجابر تحملك للمسؤلية أنت وصاحب السمو الأمير عبد الرحمن هو من جعل الهلال يخرج من آسيا فلابد من مععاقبة اللاعبين مثلما كنتم تعطونهم مكافآت && && الهلال بطل والاتحاد بطل لا يعني أن نقلل من الانجاز الاتحادي ولا نقلل من أنفسنا نحن الهلاليين && && في الأمس لم أستطع النوم لكن هذا الي يحلي كرة القدم في كل يوم فوز وبعدها خسارة مؤلمة && |
يعطيك العافيه اخوي كلام جميل...ولكن اتفق بجلب مهاجم اجنبي سوبر ستار وجلب مدافع محلي بجانب هوسااوي.... وخروجنا من الاسيويه هي عدم مبالاة من لاعبي الفريق لاروح ولعب انهزامي..اسئله كثيره يجب الاجابه عليها يالاعبي الهلال |
واضيف على كلامك تنسيق ذاك اللاعب العالة واحضار مهاجم اجنبي متمكن بداله |
يعطيك العاافيه كلامك صحيح 100%100 هذا ماينقص الهلال مدافع صلب بجانب ابو كلبشه ومهااجم صااروخ ومدرررررررررررررررب |
نبي مهااااجم جاااااااايع من افريقيا ومدافع اجنبي اسيوي يفضل استرالي |
:ranting: إقتباس:
كلامك يختصره اسم الدآهيه (كوزمين اولاريو) إقتباس:
اولاً\ رآدوي الاعب الأجنبي الأفضل في صفوف الهلال حالياً ثانياً\ رآدوي لايملك سوى كرت احمر واحد فقط .!! والتصرف الوحيد اللذي يعاب عليه هذا الموسم موقفه مع لاعب الوحده .. وما بدر منه التصرف الا بعد مضايقات لاتعد ولا تحصى من لاعبين الوحده ناهيكـ عن مايحدث له من الوسط الرياضي عموماً.. ومع هذا خرج واعتذر وقال انه نادم على تصرفه ثالثاَ\رآدوي مستواه ثابت طوال الموسم ومبدع في جميع المباريات حتى بدأت فلسفة كالديرون بإشراك محور واحد فقط وجميعنا نعلم بإن رادوي محور هجومي وليس محور دفاعي ... رابعاً\ ي ليت تتكلم بإحترام اكثر رآدوي لاعب هلالي فليس من اللائق وصفه ب (المصارع والنفسيه) فإذا كان مايقدمه رادوي من رووح وقتاليه للفريق يسمى نفسيه .. ياليت كل لعيبة الهلال نفسيه ..ويعانون من مرض الاخلاص الذي اصاب رادوي |
الهلال يحتاج لصانع ألعاب ومهاجم يسجل الأهداف وليس تكملت عدد وبالنسبه لرادوي أتوقع صعب تلومه في هذي المباراة أهم شي مدرب كبير مثل مارتن أونيل والله يعينا حتى أنا ماعرفت أنام مشكور أخوي والله يوفق الهلال |
ابعاد اللاعب العاله من الفريق ورفع الكبتنيه عنه وظبط الفريق واحضار مدرب عالمي ومهاجم عالمي |
انا اتفـــق معكـ بكل شى .... الا انك تقووول رادوووي ينشااال بالعـــكــس حناا نبي ييصيـــر حفل اعتزااااله في المملكه العربيه السعوديه وحنا الي نشررف عليييييه ....... |
اتفق معااااااااك 100%100 بالتوفيق ان شاء الله |
لبى قلبك كلام سليم أضف اللاعب العالة صاحب الكابتنيه نبي مهاجم زي فكتور سيموس |
يـــآآ أخوووي اول الحـــلووول ان يــآآسر يجلس على دكة البدلاء شـــهرين .. شهرين مــايلمس الكوره في المباراة.. وترى عندنا 3 مهــاجمين غيرهـ غير اللي معارين للاندية الثانيه .. صارو 5 .. والله لو ان يـــآسر يذوق طعم الدكه اللي جلس عليها المحياني .. علشان يتدلع ياسر في الملعب .. ويدور بلنتيـــات حتى في نص الملعب .. صدقني يرجع مستوى 2007.. وثــآآني شيء .. كوووزمين يرجــع .. والباقي يعــرفه بن مــساعد ... لاعبين اجانب.. ادارة كره(الجابر مايبي يستمر).. تجديد ..الخ |
ينقص الهلال : 1. إدارة قوية همها الاول بطولة آسيا ( لا نريد المحليات نتركها سنتين ) 2. مدرب عالمي ذو شخصية قوية ولا يتأثر بالواسطات 3. مهاجم اجنبي صريح ويلعب مع عيسى المحياني 4. مركز إعلامي متمرس وذو ثقة في الردود كـ ( صالح الحمادي ) 5. الاستغناء عن جميع الاجانب دون استثناء 6. نجوم الفلاشات مكانهم الدكة وان ما رضى يبحث عن فريق آخر في الدرجة الثانية |
اقوووول الهلال يبي روح وبس لو نص روح محمد نور عندنا كان حققنا كاس .............................و..................... تحياتي لك |
يا حبيبي خير الكلام ما قل ودل النصر مبتلين بسعد وحنا مبتلين بشبه لاعب وهو ياسر لا ينبرش علي احد جمهوره الصغار لان قبل لايفكر يرد علي يجاوبني على سؤالين هل احنا حققنا الدوري الطويل بتأثير ياسر هل احنا حققنا ولي العهد بهداف ياسر الحاسمه يا عزيزي مهر هالبطوله بالذات تنسيق ياسر وتجيب مهاجم ما يرحم كلنا امس شفنا طريقة لعب الفريقين وكلهم كانوا يلعبون بمهاجم واحد لكن الفرق كان زيايه يرجع لنص ويستلم الكوره عكس السوبر مان حقنا اللي كل ما ضيع فرصه صرفلك ذيك الابتسامه اللي ودك تشده مع فلافله واتحداكم ان ما حقق الزعيم جميع البطولات الخارجيه بمهاجم ما يرحم الوسط ولله الحمد مليان صناع لعب يعني امه داعيتله اللي بيلعب مهاجم وخلفه الشلهوب والبارد الفريدي وولي ورادوي وآسف عالاطاله بس من غيرتي عالزعيم وكرهي باشباه الاعبين اللي لهم ٣ سنين وهم مطفين النور |
| الوقت المعتمد في المنتدى بتوقيت جرينتش +3.
الوقت الان » 05:30 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd