نادي الهلال السعودي - شبكة الزعيم - الموقع الرسمي - الحل الاول لـ تكوين فريق قادر ع كل شي

السلام عليكم ورحمة الله وبركاتة
بسم الله الرحمن الرحيم
صبحكم الله بالخير
بعد كل خروج اسيوي يصيبني هاله هستيريه وهي الصمت و التفكير
و الخروج عن النص المآلوف لي اليومي والكل يلاحظ ذالك
آبحث عن اسباب و استنتج اعذار للاعبين لكن هالمره ما لقيت حاجه
الادارة الهلالية بقيادة الامير الرمز عبدالرحمن بن مساعد وفرة كل شي
طيب السبب وين ؟؟ لقيت السبب
(1- تخطيط ذاهب الفريق لجده خاطئ)
انت بمنطقه معروف عنها الحراره فما بالك عند ذهابك لمنظقه معروفه
بآرتفاع رطوبتها العالية الاعبين جو ع طول سخنوا ولعبوآ
وارجع قبل ثلاثة موآسم او اربعه يوم باكيتا مدرب للهلال الهلال عسكر
بـ العين ورجع ليلة المباراة وخسرنا البطولة قدام الاتحاد لآزم انك تريح الاعبين يعني تهيئة الاعبين لـ آجواء المنآطق سبب من اسباب الفوز وعدم التهيئة سبب من اسباب الخسارة.
(2-اخضاع الاعب المقصر لجسة محاوره مع الجمهور او مع الادارة)
وش فيها لما نسوي بعد كل مباراة جلسة بين كابتن الفريق و الجمهور و المدرب و الادارة
ونتناقش ع اخطاء وعن اسباب انخفاض المستوى و عن الفوز يآخي نسوي شي الاندية الثانيه ما قدرت تسويه صحيح ان الهلال هالموسم بطل و الكل يتفق على آنه منآفس ع جميع الالقاب لكن نبغي نكسر عناد اسيا يا ناس بالتفاهم و الحوآر آرجعوا لمحمد نور وش قال عن جلسته مع الجمهور.
(3-ياسر القحطاني)
يآسر حنا نحبك واللي ينصحك يحبك من بعد ما صارت الشاره بيده صار عصبي بزيآدة ويتنرفز بسرعة الكابتنيه كانت مع لاعب وكان اهداء الاعبين و افضلهم أسامه هوساوي ياسر ركز في الملاعب وخل اللي برا يولون انت كبير و حنا نحتاجك
وانا الاحظ ع ياسر انه اذا صرح قبل المباراة يكون مختفي بالمباراة.
(4-الدفاع)
عبدالله الزوري خارج الفورمه و المرشدي ركزو وخلو عنكم الهوآجيس بالملعب؟؟
في الاخير لا ننسى الاختلاف فى الرأى يفسد للود قضية لا بد من مناقشة الاعبين
بعد كل لقاء انتهى بالفوز او بالتعادل او بالخساره لا سمح الله.

ومضة :
الهلال فريق قهر المستحيل هذآ الموسم نآفس الجميع بكل البطولات
لعل وعساء يكون ختامها مسك ع بطولة كاس سيدي خادم الحرمين الشرفين
ونبداء بالتصحيح و الديمقراطية بالنادي مع بطولة الملك حفظه الله.
إن أصبت فمن الله وإن أخطأت فمن نفسي والشيطان
تحيآتي
أبو شايقي الهلالي
و السلام عليكم ورحمة الله وبركاتة