|
[ تصحيح 10 اخطاء = 7 بطولات اسيويه ] السلام عليكم لا اريد الكلام في مباراة الاتحاد .. لأن الكلام في الماضي مايفيد للاسف حاليا الاداره يجب "يجب" العمل الجاد للموسم القادم بأكمل وجه للاسيويه عموما ندخل للمطلوب لـ Champions League 2012 . . 1 - تحجيم ياسر القحطاني بالركن بالاحتياط وانه ليس بمستوى هجوم الهلال معزته ماتوصل لمعزة عبدالله الجمعان الي بأيام عصرنا الذهبي كان احتياطي !! اقرب مثال نايف هزازي الاتحاديين اعطوه قدره وركن احتياطي ولا اعطوه بال 2 - سحب الكابتنيه من ياسر القحطاني لأنه اثبت فشله بلعب دور القائد واذا لم يكون هناك لاعب فيه مواصفات القائد "ولو قليل" .. تعطى للحارس او اجنبي يثبت تفوق مستواه بالملعب .. لو توصل تعطى لسامي الجابر وهو على الخط 3 - تسريح احمد علي .. واستقطاب رأس حربه من امريكا اللاتينيه ويكون كبير بمستواه لأن الهلال عمره ما اخذ بطوله خارجيه الا وتواجد معه مهاجم اجنبي وعامل فرق للفريق 4 - تسريح الكوري لي يونغ .. واستقطاب ظهير ايمن محلي كان حسن معاذ او شهيل ان شاءالله نخسر في هذي الخانه 30 مليون .. المهم تكون للاعب سعودي 5 - تسريح كالديرون مع اني لا اشوف له سبب كبير بخروجنا اسيويا .. لكن الهلال محتاج مدرب اوروبي صارم على نظام جيرتس مشروط على الاداره ان لا تقع بنفس غلطة جيرتس وخروجه من النادي بوقت حرج 6 - استقطاب جهاز طبي خبير من ناحية الاصابات وخصوصا المعدل اللياقي للاعبين 7 - استقطاب مدافع اجنبي بجانب اسامه هوساوي .. المرشدي يركن بالاحتياط لأن اساسا مستواه يأهله اللعب كأحتياطي فقط .ووقت اصابة اي لاعب اساسي 8 - رادوي وولهامسن .. صحيح عاملين فارق للهلال لكن نبحث عن الافضل اذا كان هناك تغيير يشملهم .. اتمنى مهاجم اجنبي ثاني وصانع لعب 9 - دور المجموعات للبطوله الاسيويه القادمه .. لن يكون هناك اي مكافئة للفوز .. المكافئات فقط تبدا من دور الـ 16 تتأهل تستلم المكافئة بعد اي تأهل 10 - تقليص مكافئات البطولات المحليه .. لأن لا جديد وقتها يستاهل مكافئات كبيره وتوفير هذا المال لمضاعفة المكافئه اذا كان الفوز بـ "مستوى" و "نتيجه" في اسيا فقط والله الموفق |
.................................. |
اتمنى تطبيق طريقة بيب مدرب البرسا بالمكافئات على حسب كمية الاهداف الانديه الضعيفه فوق 5 او 4 الانديه المتوسطه 3 والانديه القويه فوز اما التدليع اللي حاصل لا والف لا ثانيا مهاااااااااااااااااااااااااااااااجم اجنبي واخالفك بالنقطه 4 لي يونق ابدع ليش ننسف مجهوده طيلة الموسمين لكن انا معك لو يجيبون ضهير لو ب 60 مليون لان الكوري خلاص الموسم هذا ويمكن يعتزل بس ما نسرحه ماهكذا يعامل الهلال من خدموه من الاعبين المخلصين والكوري تراه من اكثر الناس انظباطا بالتمارين والمستوى |
لو نعير يآسير لـ هجر يكوون أفضـل ، وتعير المرشدي ل أي فريق ، وبـ الأفضل يرووح للفقر لأنهم يبون مدافع وتبيع عقد ثلآث أجااب ، بدوون رآدوي ونلعب بـ مهآجمين أجاانب ومداافع صننناع اللعب عندناا 10 على 10 ، شوفوو الدوسري والعاابد يوم نزلو وش سوّو |
كلام سليم وفي مكانه واتمنى رحيل ويلي وليونغ واحمد علي والتعاقد مع لاعب وسط سريع ومهاري بديل لي ويلي واتمنى التعاقد مع مهاجمين اجنبيين عالميين |
ياشباب اظنكم سمعتو عن تعاقد تياقو نيفيز وماذا سيحصل من دخل للنادي ننتظر وان شاء الله خير للجميع والله انا معكم بس تبون الصدق والله كأس ولي العهد وبطولة الدوري هونت علينا شوي.. فريق يلعب ماشاء الله بطولة دوري وكأس ولي العهد وبدون هزيمه وفريق يلعب مباراه وحده (الاتحاد) ويفوز شيء طبيعي واتمنى ماتكون نظرتنا بطوله وحده وماتدري تحصل عليها ولا لأ |
كلاااااااااااااام سليم وأتمنى ياسر يجلس في بيتهم أحسن هو والمرشدي ويجيبون أجانب زي الناس موقدام الأنديه الصغيره يظهرون وقدام الأتحاد تضيع علومهم |
السبب هوالاداره ما يبون لاعبين محترفين على مستوى عال يريدون المال والدليل نيفيز ذهب للمنتخب البرازيلي وافضل لاعب وسط في الدووري البرازيلي فـ لماذا لا يبقى لاعب كبير مثل نيفيز :( لاعب كبييييير وجابو لنا احمد علي يلشان يسكتوننا والله حرام :( |
انا ضد الاستعجال , المرشدي مدافع متمكن مو معناته هبط مستواه نجيب اجنبي لا غلط , صح معاك اننا نوقع مع مدافع يكون بديل لهوساوي والمرشدي ونمشي الخالدي , المهاجم معاك لابد نوقع مع مهاجم بس يكون على مستوى , ولي ورادوي نبقى عليهم .. - دور المجموعات للبطوله الاسيويه القادمه .. لن يكون هناك اي مكافئة للفوز .. المكافئات فقط تبدا من دور الـ 16 تتأهل تستلم المكافئة بعد اي تأهل اتفق 100000 % الاهم نبحث عن مدرب كبير نوقع معاه عقد لمدة سنتين على الاقل بحيث يكون موجود معانا بدوري ابطال اسيا كاامله .. |
والله كلامك سليييم المكافات المحليه عاجبه اللاعبين يقولون ليه نتعب نفسنا لو نخفض قيمتها او نقطعها ابرك لانهم مو كفو ولا يستحقونها |
نبي مهاجم افريقي نفس الشرميطي زيايه عماد متعب لاعب يتحرك كنتروله حلو مو مثل احمد علي !! |
مو كل شي اجنبي اجنبي اجنبي يعني دفاع اجانب ووسط اجانب وهجوم اجانب الهجوم انا معاك حق اجنبي وعيسى لا ننساه والله ان حقه مهضوم ! بس الدفاع ليش اجانب ؟ عندك البيشي يبدع وعندك نامي تعدل مستواه الوسط ممتاز وجدا ممتاز |
الله يعين وتزين الاحوال يارب |
الله يعطيكم العافيه على الردود |
كلام سليم وننتظر كاس الملك عشان الاعبين يراضونا ! |
| الوقت المعتمد في المنتدى بتوقيت جرينتش +3.
الوقت الان » 05:57 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd