كالديرون لزقها بياسر .. وابوفيصل اخطأ ... اسباب خروجنا الحقيقية ..!! - نادي الهلال السعودي - شبكة الزعيم

Fo0oRzA JuVe · #1 25/05/2011, 03:03 AM

الحمدلله الذي لاحمد على مكروه سواه

مالي بالمقدمات وباختصار الهلال خسر 3 مباريات اليوم .. مباراة على الصعيد التكتيكي ومباراة اللاعبين ومباراة على الصعيد النفسي ..

تكتيكياً :

1- كالديرون اخطأ باشراك عزيز وغربل الرتم الهلالي والمنظومة التكتيكية المعتاد عليها كما فعل في مباراتنا في ايران ..ولا يمكن تغيير تشكيلة الفريق في نهاية الموسم والزج ب عزيز اللي ماله استمرارية في المباريات الاخيره ..

2- كالديرون قام بتبديل عزيز ونزل احمد علي وهو تبديل سليم , لكنه اخطأ باخراج ياسر لانه مهزوم ويحتاج مهاجمين او ثلاثه بما انه خسران .. كان المفروض يبقي ياسر وينزل الدوسري مكان الشلهوب ..اما انه يلعب بمهاجم واحد ..فهذا خطأ ..

3- مدرب الاتحاد تفوق تكتيكياً على كالديرون حيث انه عرف مكمن قوة الهلال ودرس خصمه ونزل الصقري مع مشعل السعيد ظهيرين ايسرين للحد من خطورة وليهامسون ونجح في هالشي .

اما على صعيد اللاعبين :

1- ارتباك المرشدي سبب ربكة لدفاع الهلال وعدم ثقه بدفاعهم .

2- غياب الروح والرغبة بالانصار .

3- هبوط غريب في مستوى بعض اللاعبين ابرزهم ولي و الفريدي والمرشدي .

اما على الصعيد النفسي :

1- تصاريح مهزوزه من الامير عبدالرحمن بن مساعد قبل المباراة بعكس تصاريح الادارة الاتحادية اللي بنت ثقة في نفوس اللاعبين اما الهلال اثرت سلباً عليه .

2- الامير عبدالرحمن بن مساعد اكد ان تعاملهم مع الاسيويه سيكون مثل تعاملهم مع الدوري مما جعل اللاعبون يوقنون ان الاسيويه استعصت وكان يجب ان يكون محفزاً.

أخيرا ً احب اوضح نقطه :

ياسر طاح مستواه العام الماضي وكان يضيع اهدافاً محققه ومن داخل السته وكنتوا تطبلونله .. الموسم هذا ياسر سجل اكبر قدر من الاهداف منذ فتره ليست بالقصيره وطبيتوا فيه ..

المشكلة ان الجميع يعرف ان ياسر لوحده في الهجوم لا يمكنه فعل الكثير لوجود الرقابه وايضاً لم تصل له كرات من الوسط حتى يلام عليها .. عكس المواسم السابقة !

اتمنى تعرفون متى تطبلون ومتى تذمون ..

وكالديرون اخرج ياسر في وقت مبكر اشارةً منه ليكون شماعة الخسارة ..ويطلع منها هو ..

فالفريق الذي يفوز كـ فريق يجب ان يخسر كـ فريق !

وفي النهاية ياسر ليس خليفة لسامي ومن الظلم لياسر ان يقارن بسامي لانه ماراح يملا عينكم .. لسبب واحد فقط .. سامي افضل مهاجم بتاريخ اسيا ..!

آسف على الاطاله

Fo0oRzA JuVe · #2 25/05/2011, 01:15 PM

للرفع ..........

..................................................

أزرق نجد · #3 25/05/2011, 01:23 PM

هههههههههههههههه والله يابلشنا جمهور ياسر

ابي اعرف شيء واحد بس ياسرك ذا وش سوا هالموسم وغيره من المواسم ؟؟ اهدافه كلها بلنتيات واهداف على الحزم وعلى الفيصلي وعلى الدزيز هذولا ياسر هالموسم احسب كم انفراده صدقني لو يحسب كم ضيع ياسر يمكن ياخذ صداره الاعبين على مستوى العالم

لعنبو بليسكم مهاجم اكبر نادي باسيا ماسجل الا 63 هدف ؟!! وفي 7 سنوات

العنبر وهو احتياط عنده 61 هدف

وبعدين انت وخشتك كفو تعلق على كلام عبدالرحمن بن مساعد ؟!!

طلعنا وخلاص كل شيء مقدر ومكتوب انت منت كفو تروح دور الثمانيه وهذا دفاعك وهذا هجومك

نصيحه الي بيشجع لاعبين على حساب كيان لاعاد نشوفه

Fo0oRzA JuVe · #4 25/05/2011, 01:36 PM

إقتباس

الرسالة الأصلية كتبت بواسطة أزرق نجد


	هههههههههههههههه والله يابلشنا جمهور ياسر

إقتباس

الرسالة الأصلية كتبت بواسطة أزرق نجد


	ابي اعرف شيء واحد بس ياسرك ذا وش سوا هالموسم وغيره من المواسم ؟؟ اهدافه كلها بلنتيات واهداف على الحزم وعلى الفيصلي وعلى الدزيز هذولا ياسر هالموسم احسب كم انفراده صدقني لو يحسب كم ضيع ياسر يمكن ياخذ صداره الاعبين على مستوى العالم لعنبو بليسكم مهاجم اكبر نادي باسيا ماسجل الا 63 هدف ؟!! وفي 7 سنوات العنبر وهو احتياط عنده 61 هدف وبعدين انت وخشتك كفو تعلق على كلام عبدالرحمن بن مساعد ؟!! طلعنا وخلاص كل شيء مقدر ومكتوب انت منت كفو تروح دور الثمانيه وهذا دفاعك وهذا هجومك نصيحه الي بيشجع لاعبين على حساب كيان لاعاد نشوفه

اخي الكريم اذا كنا لا نتفق في الرأي فهذا لا يعني ان لا نحترم وجهات نظر الآخرين ..

ثانيا ً لست من جمهور ياسر فياسر لاعب في الهلال وله احترامه ولكنه ليس فوق النقد .. كل ماقلته ان ياسر ماجته كور عشان نتحامل عليه هالمباراة فكان الواجب نقده عندما كان يضيع فرص امام المرمى في العام الماضي ..!

عبدالرحمن بن مساعد ايضاً ليس فوق النقد ولا احد ينكر ما عمله .. ولكنه لم يتعامل مع الاعلام بالشكل السليم قبل المباراة .. وترى اللاعبين يتابعون فلا تظن انها ما اثرت عليهم

شاكر لك مرورك الكريم

ابويوسف الحربي · #5 25/05/2011, 01:24 PM

الكل اخطاء في الاستعداد لهذة المباراة من ادارة فريق الي مدرب ولاعبيين فكيف يقول رئيس نادي ان المباراة غير مهمة بقصد ابعاد

الاعبين عن الظغط النفسي اذا لم يجد غير هذا التعبير الذي المفروض يكون معزم للاعبين او لايصرح بعدين ليش مافية معسكر في جدة قبل المباراة لية راحين نقابل الفتح مع احترامي للفتح كيف نطلب من الاعبين احترام الخصم والجهاز الفني والاداري لم يحترم الخصم

one pice · #6 25/05/2011, 01:27 PM

الفرق بين ياسر و سامي

سامي ذكي و حافظ على وزنه ويعرف ان الاعلام لايعرف الا من يسجل

عكس ياسر اللي من جاء و شاف الاعلام و الفلاشات نسي انه مهاجم وظن انه مذيع

مشكله ياسر في جمهورة و كثرة البحث عن اعذار له

ياسر لعب معه افضل اجانب في المملكه على مدى 10 سنوات الماضية و افضل صناع لعب سعوديين ولكن مكانك سر

اما احمد علي و ما ادراك ما احمد علي

تمنيت محمد العنبر مكانه و اول ما طلعت في الاعلام امكانيه التعاقد معه قلت انه محمد العنبر لكن العنبر اركد منه شوي و اشد تركيز كثير من الاعضاء لامني و اللي طلع يقول فكنا من الناقة و اللي يقول عنبرنهو و في الاخير هذا لاعبكم الي وعد رئيسنا في حاله مغادرة نفيز بيجي مهاجم افضل منه

f15ykh · #7 25/05/2011, 01:27 PM

خلاص كلنا غلطانيين

ياسر كان احسن لاعب في المباره

بس ياليت اني اشوفه السنه الجايه جنب احمد الصويلح في القادسية

والله عفناه

وعفنا جمهوره بعد

روكي19 · #8 25/05/2011, 01:29 PM

الأمير عبدالرحمن بن مساعد :

الإتحاد فريق كبير و ( نخشاه ونخاف منه ) مثل ما هو يخشانا ويخاف منا.!!

محمد نور :

راح نكرم الهلال ونعطيه أحلى عيدية ( بالله عليك يا سمو الأمير وين خوف الإتحآد من الهلال في تصريح هالمجنون.؟؟

alhilal-2010 · #9 25/05/2011, 01:30 PM

كرة القدم فوز و خسارة ,, والهزيمة من الاتشاد وفي جدة مو مشكلة كبيرة ,, نردها لهم في الرياض في كاس الملك
ولكن اللي يقهرني و يرفع ضغطي و يكرهني في الكورة !!

هو وجود اللاعب الجبان المرشدي في الفريق و اساااااااااااااسي !!! و الله عيب لاعب جبان زيه يكون في الهلال ؟؟؟ ياخي شف رادوي يلعب برجولة ولا يخاف و اذا احد عدا منه كسره وقص رجوله مو زيك ياجبان يامرشدي يسحب فيك نور وانت ساكت له؟؟؟
لو انت رجال انبررررررررررش على نور وخذ كرت وشفيها حرام مثلا؟؟؟

scorpio alhilali · #10 25/05/2011, 01:30 PM

أزرق نجد أنت لو كفو و مشجع هلالي ما تتكلم بهالاسلوب اللي أصغر مشجع لنادينا ما يتكلم فية و بخصوص تعليقة على كلام أبن مساعد من حق شئت أم أبيت فهو فالأخير مشجع هلالي يعبر عن رأية ، وأنت خصوصاً لابد وأنك كنت تحب لآعب ،، وياسر اللي مو عاجبك أفضل من عيسى ورآجع نسبة التسجيل علاوة على ذلك هو من أتى لك بدوري 2008 ، و كأس ولي عهد 2008 + 2010 وغيرها كثييير لآكن أنت بالعربي (( يبيلك تربية على الكلام اللي قلتة ))

العوافي · #11 25/05/2011, 01:32 PM

لا تدافع عن ياسر الاتحاد لعب بمهاج واحد وانظر كيف يلعب لم يستسلم لرقابه
لاكن ياسر جيب لي لقطه وحده بس في مباراة الامس طلع فيها على الطرف وطلب كوره
طوال المباراة وهو واقف بين المولد والمنتشري لا نضحك على انفسنا الله بحاجه الى مهاج يفوق ياسر بالمكانيات ومدافع بديل للمرشدي اكثر لاعب بالدوري السعودي احتجاجا على الحكم
لانفكر باسيا والفريق فيه من نوعية هالاعبين

هـ بحت ـلالي · #12 25/05/2011, 01:37 PM

سامي ذكي و حافظ على وزنه ويعرف ان الاعلام لايعرف الا من يسجل

عكس ياسر اللي من جاء و شاف الاعلام و الفلاشات نسي انه مهاجم وظن انه مذيع

مشكله ياسر في جمهورة و كثرة البحث عن اعذار له

ياسر لعب معه افضل اجانب في المملكه على مدى 10 سنوات الماضية و افضل صناع لعب سعوديين ولكن مكانك سر .

the winer · #13 25/05/2011, 01:51 PM

ترى ذبحتونا بياسر والله لو انه يوسف والا سامي الي قدموا الغالي والنفيس من اجل الكيان الغالي واذا ذكر الزعيم سنجدهم من الاساطير التي قدمت واسهمت في امجاده اما ياسر فهو من استفاد من الهلال ولم يقدم ربع ماقدمه له ..........لم يقف الزعيم علىالثنيان والجابر ....فكيف بياسر!!!

خمسة وخميسة · #14 25/05/2011, 01:56 PM

يا جماعة وشفيكم على ياسر

ياسر افضل مهاجم سعودي شاء من شاء وابى من ابى

ليش تحملونه الاخفاقات وكانه يلعب بلحاله

ما دمرنا الا مثل هالعقليات

سطح القمر · #15 25/05/2011, 01:58 PM

كفوووووووووووووووووووو يا لافيكا سينيوره كفوووووووووووو