السلام عليكم ورحمة الله وبركاته ..

بداية هاردلكم الهزيمة المتوقعة بالمستوى الرائع الي قدمه الهلال

والإتحاد إستحق الفوز بكل جدارة ..

وهالشيء راح تفهمونه بنهاية الموضوع ..

ورجاء لا تحكم على موضوعي من قراءة مقدمته ..

بداية أنا سأبقى عاشق للهلال

وركزوا عاشق للهلال وليس لبعض (الدلوخ) الي لعبوا اليوم ..

وأيضا ركزوا (بعض) وليس كل الفريق ..

الهلال لن ينتصر أبدا بوجود لاعبين (ضعاف نفوس) ..

لاعبين (قلوبهم رهيفة) لا تستطيع الصمود في الشدائد ..

لاعبين (يستسلمون) من أول ما يبدأ الفريق الآخر يمتع ..

ولحد يجي يقولي ما شفت الهلال قدام الجزيرة والإتفاق ..

أصلا من قالك إن الجزيرة والإتفاق فرق ؟!!

هذي هي الحقيقة ليش إنت تتوقع الفوز من أمثال هؤلاء !!

وقت ما تحتاجهم من جد وتقولهم أرجوكم إلعبوا زي بالناس ..

يبدأوا بالمصخرة وقلة الحيا !!

وراح أذكرهم كلهم ومن أولهم لأخرهم ..

أولا نبدأ بكابتن الفريق ياسر القحطاني ..

الي أحترمه لشخصه ..

وأحترم لعبه أمام أشباه النوادي مثل الجزيرة والإتفاق ..

لكن الحقيقة واضحة أنت لا تصلح أنت تكون كابتن ..

مافي مباراة شفناك تقعد ترجع وتشحن في اللاعبين وأصلا غلط كابتن فريق يكون نايم ورا مدافعين الخصم ..

وغير كذا إذا جينا بنلعب دوري بنقولك تعال ..

لكن إذا جينا بنلعب في آسيا فرجاء صرف نفسك ..

تدري ليش ؟ لأن قلبك ضعيف جدا ، إنت شخص تستسلم بسهولة ..

لحد يجي ويقولي شف ياسر قدام الجزيرة ولا الإتفاق ..

الجزيرة والإتفاق من قالكم إنهم فرق ؟!! (للمرة الثانية أكررها)

أنا لما أجيب لاعب يلعب عندي أبغاه يفيدني بأقوى المباريات ..

مو يقعد يتقوى بفرق ضعيفة في الدوري ..

هذي الحقيقة ياناس ما يحتاج نضحك على بعض ..

ياسر أمام الفرق الكبيرة يختفي بين حضان مدافعيها ..

ونجي للاعب الكبير جدا اللاعب الخطير جدا (ماجد المرشدي) ..

يارباه ماذا تفعل اليوم ؟؟

أمتعتنا بالتغطية الكبيرة الي جالس تسويها أمتعتنا بقطع الكور عن المهاجمين ..

صراحة إنت لو بدونك اليوم كان نطلع فايزين ..

لكن هالشيء ما نبيه ، حنا نبي ننهزم ..

عشان كذا دخلنا لاعب مثلك قلبه (خيخة) امام الرجال ينحني ..

وكمان نجي للي يونج ..

إنت وش تسوي اليوم ؟!!

زيايه وراك جالس يسوي شوارع ..

وتحط اللوم على هوساوي ، لاعبين بأرض الإتحاد وأغلب المباراة جالس لي قدام ..

مو معقول الي تسويه يا لي يونج

ولا ولهامسون اليوم لعبت لنا كم عرضية يارباااااااااه ..

احمد علي جالس يصفق لك على العرضيات الي بالمليمتر

ولا الشلهوب الي نايم اليوم والفريدي وهوساوي ..

مادري جاين نقولكم تعالوا تمشوا اليوم ؟!!

آه بس ضيعتوا وقتنا ع الفاضي ..

أنا مو محزني إلا واحد من الجماهير بالمنتدى الي سحب على حفل تخرجه عشان المباراة ..

لكن المباراة وش قدمت له ، ولا شيء

بالنهاية هؤلاء الثلاثة لاعبين لا ينفعون للمباريات المصيرية ووجودهم على دكة الإحتياط أفضل ..

ياسر القحطاني ، ماشد المرشدي ، محمد الشلهوب ..

مجرد رأي عاشق هلالي ..

وإذا بتناقشوني بهدوء ناقشوني

وبالتوفيق في قادم المنافسات إن شاء الله ..