بسم الله الرحمن الرحيم

اخوي انا احترم وجهة نظرك لكن انتفق معك بنقاط الا نقطه وحده اختلف معاك ومع الاخوان اللي ادلو برأيهم ... نجي للنقاط اللي متفق معاك فيها ... اللي هي :-

1- يجب استبدال كالديرون لاني اشوف كالديرون ليسب بمدرب وهو محظوظ بوجود لاعبين مثل اللاعبين اللي بالهلال اللي انتو جالسين تنتقدوهم الحين ..

اسباب استبدال كالديرون " انا عمري ماشفت له مباراه كان واضح تكتيكياً وفنياً تحس الفريق ضايع غير كذا قتل بعض اللاعبين بوضعهم بغير مراكزهم ’ وايضاً هوا مدرب لا يتعلم من اخطاءه وضعيف في قراءة المباريات وقراءة فريقه قبل المبارايات هوا لم يتعلم ليه جيرتس كسبه 5 الموسم الماضي ’ تغيراته اللي دايم يعملها يزج بلاعبين دفعه واحده في اوقات مبكره من الشوط الثاني في اوقات من 60-65 دقيقه مع ان الفريق يكون فايز ومستواه جيد وبعدها يغير بالدقيقه 75 وهوا التغيير الاخير لم يحسب انو باقي 15 دقيقه كفيله لقلب اي شي وهذا سبب اصابة وتضاعف الاصابه لـ ويلهامسون امام النصر ولعب ويلهامسون 15 دقيقه وهوا مصاب متحامل على نفسه ’
والسبب الاهم هوا :- عدم استغلال المهاراة الفنيه العاليه لكل عنصر هلالي اللي تعتبر افضل عناصر بالمملكه, كيف استغلال المهارات , سابقا كان جيرتس اخرج المهاراة الفنيه اللي يملكها كل لاعب ووجد اللاعبين لهديهم النزعه الهجوميه القوية واللي كانت تجبر كل الفرق اللي تواجه الهلال تلعب مدافعه
كان قوة الوسط والاطراف والهجوم كانت تغطي عيوب ماجد المرشدي ...
وهناك اسباب كثيره جدا لكن هذي اهم اسباب فشل كالديرون في المسيره التدريبيه"

2- اعطاء سامي الجابر ثقه مفرطه ومبالغ فيها في حين جلب كالديرون , اما احمد علي فلا بأس فيه في حين ظرف الهلال بأنه لا يمكن جلب لاعب بمبالغ كبيره وثم يأتي مدرب جديد ويبدي برغبته بأستغنائه عن اللاعب والاداره تخسر خسائر ماليه في غضون اقل من 6 اشهر ..
سامي اجتهد ونشكره جزيل الشكر , وهوا كان من يغطي على عيوب كالديرون واحسه انه خايف جدا من كالديرون وغلطاته بعد ما شاف اسلوب كالديرون

3- الاعلام اللي نفخت وضخمت وسلطت الاضواء وجعلت اللاعبين في اجواء متوتره يجب ان يفوز وانهم هم اللاعبين السوبر ستارز بالمملكه

اهم ثلاث اسباب هذي هي ..

لكن ودي ادردش وياكم بخصوص ياسر بالموسم الموضي .. كيف كان الهلال ؟
الم يكن الفريق اللي كل هجمه له قلنا عنها هدف . ألم يكن يلعب جريتس بالهلال بمهاجم واحد اللي هوا ياسر القحطاني .
انا معكم ياسر قل مستواه قليلاً لكن انظرو اش سبب ورا هالخفوض .. هتافات الجمهور المعاديه لـ ياسر وهم كثره .. وكثره جماهير الهلال بمطالبه الاداره بالاستغناء عن اللاعب او وضعه بدكة البدلاء.. وكثرة الجماهير بأحاديثهم حول هبوط مستوى ياسر ... ياعالم ياناس ياسر ليس بصخره عشان يستحمل كل ذا وتطالبوه باللعب كما عهدناه ... مثلاً لو واحد فينا راح للدوام وجاه مديره وهزءه وانتقده ايش بيكون وضعك .. كيف يكون مزاجك اصلاً تخرج متوتر من عنده .. ولو ظل مديرك مستمر بالتهزيء انتقاداته مع انك تحاول بأستمرار انك ترضى مديرك .. كيف يكون وضعك حترجع مثل اول نفسيتك ثقتك في امكانياتك قدرة الذهنية .. انتو ماخذين بالمثل [ اذا طاح البعير كثرة سكاكينه ] خفو عن ياسر واوقفو معاه بدل كثرة هالانتقادات الاصوات اللي كانت تهتف له هي نفس الاصوات اللي تطالب برحيله كيف النفسيه ... ياسر لاعب نصف الموسم واحرز 11 هدف.


ومن جهة نظري اللعب بمهاجم واحد واصر على ياسر وبالبحث بهاجم شاب محلي بجانب المحياني واستبدال احمد علي ... بلاعب وسط هجومي مثل واكررها مثل تياغو نيفيز و انخل ,ديماريا, اوزيل, ميسي .. لان الكره العصريه سارت جماعيه وتعتمد بالمقام الاول على لاعبين الوسط الهدافين ... انظرو للفرق الكبرى برشلونه . الريال . مانشستر. كلهم يعتمدون على مهاجم واحد ولاعبين الوسط

مابي اطول عليكم اكثر من كذا

تقبلو فائق التحيه مني لكم ^_*


الحــوتــ ... عالم جميل :d