|
شبيه الريح لبى قلبك والله انت وسامي ووجه السعد مانتم مقصرين تسوون كل شي لااجل هاالبطوله واخر شي الاعبين يخذلونا!!! والله من بداية الشوط كانهم مغصوبين على اللعب تكفى ياشبيه الريح طلعنا مدافع من شباب النادي ولا جبلنا مدافع محترف مع ابو كلبشه هوساوي يلعب وهو مصاب وافضل من العاله المرشدي الله يفكنا منه بااي طريقه كل مباراة علتنا بهاالمدافع الي نطالب بتغييره والضاهر بيجلس على قلوبنا كثر ماجلس المفرج !!! نبي مهااجم يتحرك مايرحم لامدافع ولا حارس ولا حتا مرمى نبيه يقطع الشباك من اهدافه وابداعه نبيه يسحب دفاعات الانديه وهو يضحك شبيه الريح الله يخليك وقف الاعبين عند حدهم على هاالتخاذل يخي قلهم اناليه ادفع واعطي رواتب عشان تبدعون وتفوزون ماهو عشان اتفرج عليكم باالملعب كل واحد يتمنى المباراة تنتهي قسم بالله مهزله اليوم من الفريق لو مقدمين مستوى وطالعين والله لنقول ماقصرتو بس هاالمستوى الخايس وتبون نصفق لكم !! الله يصبرنا على بعض الاعبين وباالذات المرشدي ! امممما كالدي وش اقول عنه ووش اخلي طول الموسم يلعب بمحور واحد ويلعب الشلهوب بخانه مو خانته اليوم يقلب ام التشكيله ويرجع الشلهوب لمككانه ويلعب بمحورين كيف اللاعب يتأقلم من مباراة وحده ؟ اااااااااااااااااه والفريدي الي مخلينه على كيفه محد يكلمه عبداالرحمن تكفى تدخل وقفه عند حده خله يخلي الغرور عنه ااذا مسك الكوره ممايناول مسويه فيها ميسي وهو من جنبه لايستلم صح ولا يمرر والله ماجايب لنا المرض الا الفريدي والمرشدي |
والله العضيم لو كنت المدرب لحطً ياسر احتياط والمرشدي لا بعد ويتفلسف جون تيري على غفله كافي والله ملينا بطولات محليه نبي بطولات اسيا نبي نلعب في كاس العالم اليوم مافيه روح شوف التكروني أش مسوي في فريقه هو الي شايل الفريق والقائد حقنا ؟ ؟؟ |
كلامك سليم اخي ابو فهد وفي محله وعين الصواب والله ... مشكلة الهلال او لعيبة الهلال هي الروووح الغائبة !! واضيف عليها ان هناك ( بلى ) في هالبطوله الاسيوية ... جميعنا يعلم بأن الرسول عليه الصلاةوالسلام لم يسلم من السحر وآذوه بوضع السحر له ... ورقاه جبريل عليه السلام .. من يتابع الهلال في هذه البطولة يحتار صراحة اشد الحيرة !! امكانيات .. دعم .. مؤازرة .. عقود خرافية .. لاعبين خمس نجوم .. جماهيرية طااااغية ولا تقارن ... ومع ذلك يخرج الهلال بفعل فاعل من البطولة الآسيوية ... !!! ياجماعة والله انني لا اؤمن بالخزعبلات والكلام الفاضي ... لكن واااضحة لاتحتاج لتفسير آخر الهلال يصول ويجول ويلتهم الفرق تلو الفرق .. وعند مشاركته في هذه البطولة يتحول الى حمل وديع ؟؟؟ خروج الهلال من فرق اقل منه مستوى وامكانيات وعناصر ليس امراً طبيعياً ... هناك شيء ما ..!! خرجنا من أمام الوحدة الاماراتي بغلطة فهد المفرج عندما اهدى التأهل لإسماعيل مطر عام 2007 امام ام صلال تسابق لاعبي الهلال على اضاعة اهداف محققه كافيه لأن تجعل من فريق حارة بطلاً للعالم عام 2009 واكملها التائب بتسديدته الشهيرة بلنتي عيون ... في أنامل الحارس !! أمام ذوب آهن اضاع ويلهامسون ضربة جزاء لوسجلت لفاز الهلال في ايران وسمح اللاعبون بدخول هدف ميت من ذوب آهن وفي الرياض كانو مجرد أشباح يركضون في الملعب عام 2010 واكتملت الرصّة الليلة امام فريق يئن تحت وطأة الخلافات الشرفية وتغطرس لاعبيه وتعاليهم على ادارتهم .. وفشلهم الذريع في تحقيق اي بطولة هذا الموسم ... ببرود عجيب من لاعبي الهلال وارتباك مثير للدهشة وعجز كامل عن تنظيم هجمه منسقه وكرات سلسه !!! كل ذلك يعطي مؤشرات بان مايحدث للهلال في هذه البطولة شيء غير طبيعي ولابد من تدخل مسؤولي نادي الهلال لحل هذه المعضلة والكشف عن سرها الدفين في جنبات النادي ... |
إقتباس:
|
صدقت في كل كلمة قلتها نأمل في موسم قادم مختلف |
الله يعافيك يا أبو فهد ,, كلامك في محله ,, معقوله الهلال مافيه احتياط أفضل من المرشدي وياسر من سنوات ,, |
قدر الله وما شاء فعل ,, قضاء وقدر والحمد لله على كل حال وفي كل مــآل صحيح بكينا والله من هالهزيمه المخجلة وعوااااجيز الاتهاد ماخذه الملعب بطوله وبعرضه ,, ايش اللي صار في لاعبي الهلال غريب والله لكن اعتقد ان الرطوبة له دور ممكن وإلا التخدير اللي من البطولتين خدرت لاعبي الزعيم حتى ظهروا بمستوى غير لائق بهم .. اكتفي بهذه الكلمات والتي تخرج بكل حرررقه وألم والدموع قد ذرفت الله يكون بالعووووون بس . وبالأخيــر: الرجاء الابتعاد عن التجريح لبعض لاعبي الزعيم والانتقاد اللاذع لهم وكأن معهم عصى موسى .. يا إخواااان اللي كتبه الله في خير إن شاء الله , وعلينا تجنب الكلمات غير اللائقــة بمن أسعدوووونا ببطولات وإنجازاااات ,, لأن البعض لا يرى إلا بعين واااحدة فقد هي عين ذكر المساوئ والتشفي .. آن لم آكن هـلاليَ وقت آلآنكسآر .. لن آعترف ب هـلأليتي عند آلآنتصآر |
الهـــــلال ضحية مجامله نحتـــاج الى مهاجم على مستوى عالي وليسى من مكاتب ابو ريالين ( الرخيص مخيس ) الشلهوب لاعب كبير وله مكانته بالنادي ولكن مع احترامي لأبو بندر لا يضهر بالمباريات الكبيره ( ضد الاندية الارانيه او الاتحاد او النصر ) فالدكة انسب مكان له عندما يكون الخصم قوي |
ياخي هذا جالس ع قلوبنا الى متى وقفنا معه لين قلنا بس وياسر وياسر وياسر لكن هاللاعب مايطلع الا امام الفرق الصغيرة اذا ناويين تعتمدون عليه ياليت ياليت ياليت تعتمدون عليه فقط امام الفرق الصغيرة وامام الفرق الكبيره يلعب المهاجمون عيسى والمهاجم الاجنبي الي اكيد حيكون بدل احمد علي ونبي مهاجم على مستوى عالي وليس شهرة عالية اما المرشدي آآآه آآه آآه ع ايامك يافهد المفرج كنا نقول مانبيك وانت لاعب فاشل لكن شوف بديلك وش جالس يسوي فهد كان يلعب بروح الهلال لكن هاللاعب يلعب بأعصاب الجماهير لاعب ماعنده ثقه بنفسه ابدا // فهد روح والقلب داعي لكـ بإنتظار قرارات ابو فيصل اللي اتمنى نسمع منها 1- مهاجم هدااااااااااااااااااااااااف 2- قلب دفاع ايسر 3- مدرب من طينة مارتن اونيل يقدر يسير فريق مو اللاعبين يسيرون هالمدرب الآسيويه مهرها غالي شوف اللي يعتقد الكثيرون انه المهاجم االاول في السعوديه حاليا نايف هزازي احتياط في ناديه وجايبين لاعب اجنبي |
اذا انا كتبت موضوع قبل المباراه وحذرت منه من الهزيمممه وقلت ان المباراه تحتمل الفوز والخساره وكل الخوف من تخاذل اللاعبيـن < وبعدها حذف الموضوع والسبب شد همم اللاعبيـن ياعمي اذا اللاعبيـن بارديين والاداره تعطي الغالي والنفيس ومنتدى تطبيل للاعبيين محددين وش تتوقعووون ؟؟؟؟ الحلول بسيطه : جلب لاعبين ( مهاجمين اجانب على مستوى رفيع ) طرد بعض الاشخاص < ولن اسميهم من رابطه جمهور واعضاء منتدى الي هم عاله علينا ومطبلين في وقت الفوز بكائيين وقت الهزيممه بس يالله الاسيويه ماتسوى جلسه ابو فيصل بينا جعلها فدى راسسسسسه |
ياشباب صدقوني ياسر أنتهى وقلتها من قبل العام خلاااص إنتهى وفي موضوع ثاني وهو أهم موضوع والله بالنسبة لي أهم موضوع في الخروج المتكرر من الأسيوي ألا وهو القاااااااااااائد كيف ياسر كابتن وهو لايملك الروح والعزيمة والإصرار؟ كيف ياسر كابتن هو باااارد أكثر من الفريدي كيف ياسر كابتن وهو لاعب ذو شخصية ضعيفة كيف ياسر كابتن وهو لايملك ثقافة الحسم ؟؟؟؟؟ أرجوا من إدارة نادي الهلال سحب شارة الكابتنيه من ياسر في أسرع وقت وإعطائها لأحمد الفريدي أو أسامة هوساوي تذكرون أيام جيرتس؟ من كان كابتين؟ بالطبع أسامة هوساوي للأسف أصبحنا فريق يستسلم للهزيمة بسهوله (فريق إنهزامي) أستغرب من ردة فعل اللاعبين حتى وهم متأخرين بثلاث أهداف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ برود .. عدم إحتكاك .. ياخي أقلها أضرب سوي شيء حسسني بروحك أقلهاااااااااااااا :( تدرون؟ أيام كوزمين كان خالد عزيز مع محمد نور كظله؟ تتذكرون ولا أذكركم؟ كان يقول لعزيز أترك اللعب وخلك مع نوووووووووور فقط تذكرون؟ وفي النهاية يكسب الهلال عموما هل تريد أن تصل للعالميه ؟؟؟؟؟؟؟؟؟؟؟؟؟؟؟؟ أبشر بس بشرط 1 إعطاء شارة الكابتنيه لشخص يستحقها في الملعب. 2 عووودة كوزمين في أسرع وقت لأنه مدرب تكتيكي بحت وللدعم المعنوي. 3 مهاجم حاااااااااااسم بديلا لياسر يحسملي مباريات مهمة ويأثر في الفريق. وسلامتكم ... s13s |
موضوع جدا جميل ورائع وعلى الجرح الله يداوي جراحنا بالنسبه للـ (كابتن) ياسر في هذا الموسم اهم ما عليه لبس الكابتنية وتكون واضحة وفيها لماع واعتتقد ان فيها نظام صوتي حتى الكفيف يدري ان الكابتن ياسر والستايل جديد وحركات تخقق البنات لكن روح ما فيه مستوى مافيه قتال على الكوره ما فيه الله يرحم زمان اول تشوف الهلال ما تدري من الكابتن ما تدري صالح النعيمة ولا يوسف الثنيان اللي اغلب المباراه الكابتنية داخل الكم . لانروح بعيد محمد نور امس شعار الكابتنية شطرطووووووون بس حرث الملعب حرث وصار هو من صنع الفارق خوينا الله يهديه ........... لكن الحل هو الاحتياط واللي خلاه كابتن الباب اشكرك اخوي على الطرح |
إقتباس:
رخوووم ببساطة ولا يقيَّم الاتحاد بناء على نتيجته معهم والدليل مستوياته مع أضعف الفرق الخليجية والإيرانية " الوحدة وبيروزي " الاتحاد كان ميت رعب قبل المباراة ولو صرح نور وظلام وخربطوا وقالوا ، الاتحاد كان في قمة خوفه من اللقاء مع الهلال وكانت كل المؤشرات والدلائل تؤكد تفوق الهلال من كل النواحي لكن فريق الرخوم اللي حرام يلبسون الأزرق والأبيض ضيعوها بايدينهم ولو إنهم تربوا في البيت الهلالي وتشربوا حب الزعيم قطرة قطرة كان تغيرت أمور كثيرة :( البلا ماهو في ياسر بس ، البلا في معظم لعيبة الهلال اللي يلعبون للفلوس فقط فقط فقط وإذا ضاعت بطولة والا هزوا مكانة واسم الزعيم بمثل هالهزيمة اللي تكسر ظهر الإدارة والجماهير ماتفرق معهم لأن في النهاية بيجيك واحد منهم بكل وقاحة وصفاقة ويقول " اعذرونا ياجماهير الهلال ماكنا في يومنا " !!!! متى يومكم اللي تبي تواصلون فيه وتحققون البطولة السابعة بعد الست آسيويات اللي حققوها رجال الزعيم وأبطاله اللي كانوا يلعبون علشان الهلال ياحلوين ؟ بعد قرن اللي حققتوا لقبه بمجهود اللي سبقوكم ؟ يااااشيخين طفشتوا دين أهلنا وكرهتونا نشوف رقع وجيهكم ، والله لولا حب الزعيم متغلغل في نفوسنا ويسري في دمائنا ، وتقديرنا لجهود ابن مساعد وإدارته والكابتن سامي الجابر كان هجرنا الكورة بسببكم الله لايوفق عدوكم |
أتفق معاك كثيرا في غياب الروح بسبب أن أغلبية الاعبين من خارج أسوار النادي ( القحطاني - المرشدي - الزوري - الغنام - الجيزاني - المحياني - نامي - كعبي - الخالدي ) أستثني منهم ( هوساوي ) لأنه ما يتحمل أخطاء مدافع مرتبك طوال المباراة بجانبه ياليت كل القائمة فوق يلعبون بنفس روح هوساوي صدقت والله أنت لما تلعب ناس تشربو حب الزعيم والله راح يفرق كثير لما ينهزم يبكي لما يضيع فرصه يحاول يعوض وكل تفكيره ما يخيب الجماهير الهلاليه مو يطلع لك بكل برود ويقول أن شاء الله نعوضها السنة الجاية يجلس يحترق في الملعب مثل ما احنا نحترق في المدرج أو قدام التلفزيون لأنه هلالي صميم أتمنى من كل قلبي أن الهلال يشارك بهالتشكيلة العتيبي شافي - خيرات - هوساوي - لي يونق رادوي نواف - الدوسري - الفريدي - ويلي مهاجم أجنبي الباقيين يا يدفون الدكة أو نعمل لهم تصفية يبقى منهم الي فيه رجا وما يهم أسمه أذا جا عشان يأمن مستقبله يتوكل على الله نبي ناس تحترق علشان الهلال |
تحياتي لك أبوفهد نقطه مهمه ذكرها أحد الاخوه وهي تشبع ياسر ولم يعد لديه مايقدمه والدليل مباريات كثيرة حاسمه اختفى فيها ياسر وانا أتحدى من يأتيني بمباراه حاسمه قدم فيها ياسر مستوى خرافي وشال الفريق . الزعيم أكبر من ياسر .......... |
| الوقت المعتمد في المنتدى بتوقيت جرينتش +3.
الوقت الان » 10:36 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd