السلام عليكم ورحمة الله وبركاته



الموضوع عبارة عن شبكة صيد , ما يمديني ادخل بموضوع الا وانا داخل بالثاني ,,
اعتبروه فضفضة



,,,


وما زلت افتخر بـ الهلال حينما اراه
فريق اذا فاز , نص الشعب يفرح ,, واذا خسر فـ النصف الاخر يحتفل ..

عندما ترا جماهير المسيار تطامر من الفرحة وهم قبل كم يوم مصقوعين من الاتحاد ويشجعونه ,,
فـ اعلم ان الهلال قد خسر ..

عندما ترا الاتحاديين يفرحون بها الفوز كأنه تحقيق بطولة وهي مجرد دور الـ 16 ... فـ اعلم انهم فازوا على الهلال ..

مبروك لـ الاتي الفوز الي يستحقه طبعا , ومبروك الانجاز العظيم بكون اول نادي سعودي يفوز على الهلال في هذا الموسم
مبروك للمسيار .. لكن موعدكم اقل من 24 ساعه


وكما قلت سابقا يبقى الهلال تاج على كل سعودي بكونه صاحب 6 بطولات اسيوية .. و52 بطولة كـ مجموع ..



الحمد الله على كل حال , هذي حال الكورة ..
انهزمنا ببطولتنا الي نحبها ومشتاقين لها , وغيرنا لهم اسنين ومنين وهم يحفرون .. والمشكلة هم اكثر الشامتين ..

فاز علينا الاتحاد , وكان يستاهل الفوز 100% ..
انهزمنا بـ اخطائنا .. بـ ترددنا وخوفنا .. والاهم الاتي فاز بـ الروح الي يفتقدها الهلال من زمااان
الهلال يحتاج لـ الروح بها البطولة , يحتاج لـ تكوين عقليه خاصة بها البطولة ,,
تبون تقنعوني ان الاتي هو نفسه الاتي بالدوري ؟
مستحيل , بس مزروع في باله ان اللعب بالابطال غير اللعب في البطولات المحلية ..
على الاقل يعرف قيمتها .. وايش مهرها ..
نحتاج للاعبين مثل الاتحاد , مهما كبروا في العمر حبهم لناديهم اكثر من حبهم لانفسهم واموالهم وكيف بتطلع صورهم بمنتدياتهم ..

لاعبين الاتي ما يهمهم كيف السكسوكة تطلع ,, ا
و كيف ابتسامته تصير مشرقة مع الكاميرا .. او حتى كيف يتسدح بالملعب ..

يهمهم فريقهم .. يهمهم جمهورهم ,, يهمهم يراضون جمهورهم على حساب اكبر راس موجود ( الهلال ) ..
وسووها ..



عندي مشكلتين لا اكثر ..

ياسر ,, كيف يتواجد وكيف تصبرون عليه ؟ وكيف مع كل هجمة تضيع الجمهور ينادي ياسر ياسر ؟
من اليوم ورايح الكورة مع ياسر بكون اول الي يصرخون عليه بـ استهجان وبكون اول واحد يطلق الـ " بووو " عليه لحد ما يرجع للاحتياط او لمستواه .. تعبتنا يا ياسر ,, وتعبتونا بالي تلعبونه

مشكلتي الثاني ,, يا رئيسنا المحبوب ,, الي يبي الاسيوية , يجيب الغالي ما يجيب الرخيص المخيس ..
" يا طويل العمر ,, المرشدي + احمد علي + سلمان الخالدي + ياسر حاليا ... هل هذه اسماء تنتظر منها بطولة اسيا ؟ "

حزنت في البداية للهزيمة .. لكن عرفت ان ابو فيصل في كل مرة يجرب , لما ما تنجح يعرف وين المشكلة ويحلها
السنة الي فاتت عرف مشكلة التصعيد الاعلامي وحلها , وهالموسم ان شاء الله بيحل مشكلة البرود والاعصاب ..
وحنا يا جمهور مع الهلال بالحلوة والمرة , وصدقوني , صبركم بس لين ما نحل امورنا ونحل مشاكلنا , وراح تشوفون هلالنا بطل اسيا (كـ هدف أول ) , ومشارك في العالمية ( كـ هدف ثانوي ) ...


واسف على الاطالة