|
ان كنت هلاليا عن حق فتعال هنا ... قبل كل شي .. اسمحوا لي ان اقول لكم بقلب محب و لسان عاشق لهذه الامة الزرقاء .. ( حظا اوفر في مابقي من منافسات ) معشر الزعماء .. اتفق معكم تماما ان هزيمة الهلال هي ــ بعد توفيق الله وامره ــ بيد الهلال فقط .. نحن الهلاليون وانا اقسم على ذلك نملك الفوارق الفنية ونتفوق بها على الاتحاد وغيره من الاندية المحلية و القارية .. ولكننا الليلة للاسف افتقدنا لما هو اهم من ذلك وهي الروح .. نعم الروح التي لم تدفع المرشدي لكي ينزلق على الكرة ويمنع التمريرة التي جاء منها الهدف الاول .. والتي لم تدفع المحاور لكي لايمنحوا الفرصة لنونو ان يرفع الكرة بكل اريحية فيأتي الهدف الثاني .. و التي لم تدفع الزوري لكي يلحق بنونو ويقطع عليه الانفراد بالمرمي في الهدف الثالث .. والله اني كنت انظر الى لاعبي الهلال مع كل اعادة لاهداف الاتحاد و اسأل نفسي : مابالهم لايلتحمون مع اللاعب المنافس .. لماذا نتراجع للخلف والكرة معه ونمنحه الفرصة لكي يفكر و يرفع رأسه ثم يمرر بكل اريحيه .. وتحن اذا كنا في ملعبهم لانجد هذه الفرصة .!!! لماذا ..؟!!!!! عجبي والله من غياب الروح .. !! لست هنا في مقام المعاتب رغم غضبي الشديد و نفسي المنكسرة بعد المباراة .. ولو قدم اللاعبون مايشفع لهم لما غضبنا كل هذا الغضب فكرة القدم فوز وخسارة .. ولكن هزيمة ومستوى غريب هو الاسوأ طيلة الموسم المنصرم ..!!! شي فعلا يدعو للعجب و الغضب .. على كل حال ... رغم جراح الليلة ورغم الغضب الذي اجتاحنا ونحن نشاهد البرود و الانهزامية والتردد و الخوف رغم فوارق الاداء الفنية التي نملكها .. اقول ــ رغم كل ذلك ــ الا انني اكملت المباراة وانا اعيد في ذهني سلسلة امجاد الهلال التي لم ولن تختفي البتة بسبب مباراة او خروج من بطولة او هزيمة ايا كان وقعها .. رجائي لكم امة الهلال العظيمة وزعماء الفن و الاخلاق ان لاتنسفوا كل ماقدمه الفريق لكم طيلة الايام .. فقد افرحكم كثيرا و اسعدكم عديدا و يبقى الهلال فريقا بطلا رغم الاخطاء و الاخفاق .. فالجواد يكبو مرة لينطلق للامام مراااات ومراااات ... هذا الموسم ظفرنا ولله الحمد ببطولتين هما الاصعب و لم نخرج خالين الوفاض كغيرنا .. نعم الاسيوية حلم جميل يراودنا وسنحققه باذن الله ولكن يبقى قريقنا زعيما و بطلا قاريا لا يجارى بست بطولات متفردة لن يتمكن احد من اللحاق بها او معادلة رقمها .. دعوهم يتندرون ويضحكون لمرة فقد اوجعناهم مرارا وهاهو القدر يمنحهم الفرصة ليردوا بعضا من غليل صدورهم .. نثآآآآآر ــ قبل المباراة لم اكن متخوفا من تكتيك المدرب ولا من الحكم و لا من الارض و لا من اي شي بقدر خوفي من روح الهلال .. وحدث ماكنت اخاف منه .. ــ لا يتحمل الهلال الكيان ولا كالدي المدرب ولا سامي المدير ولا ابو فيصل الرئيس اي خطأ .. هم اللاعبون فقط من خذلونا .. ولا غيرهم يستحق اللوم .. ــ المرشدي و الزوري فراغات في جهة اليسار .. اتمنى ان تسد بشافي و الخالدي او خيرات و للابد .. ــ رادوي رغم حجمه الكبير الا ان مستواه في المباريات الاخيرة كان سيئا واكثرها وضوحا الليلة .. ــ ويلي لابد ان يرحل فلم يعد لديه مايقدمه للهلال و اصبح عالة على الفريق مثل التايب في آخر ايامه .. ــ الاتحاد الليلة لم يتفوق علينا سوى بالاهداف و الروح .. اما المستوى فقد كان سيئا .. ولو كان الهلال في ربع مستواه المعتاد لما ظفر الاتحاد بالفووووز .. ــ التقينا مع الاتحاد هذا العام مرتين في منافسات الدوري ولعب امامنا بقضه وقضيضه ونور على راس القائمة ورغم اننا لعبنا في جدة معهم بشافي و القرني و الدوسري الضغار الا انهم لم يستطيعوا مجاراتنا او الاقتراب من مرمانا .. الم اقل لكم انه لايهزم الهلال الا الهلال .. ــ طالما ان الهلال باق ٍ فتأكدوا انه مازال للامجاد بقية .. فاصلة : التماسك هو محاولتك العظيمة للبحث عن دروبٍ جديدة تصلح للمسير.. إزاحة الشوك عن الطريق .. وإماطة الحزن عن قارعة الامجاد .. |
للرفع وكل الشكر لكم معشر الزعماء |
ياعمي طير انت واشباه اللاعبين تلعب قدام نجران والحزم انت خسارة الشعار على بعض اللاعبين بالله فريق كامل محد قدر يقطع كورة من نور |
اصلا مصيرنآ طالعين صعب الاسيويه تجي وهجومك ياسر واحمد علي اذا الهلال الموسم الماضي بقوته ماخذهآ صعب ياخذها هالسسنه بهالتخبطآت لابد من دراسسه جيده للموسم القآدم وتصحيح اخطاء هالموسسسم والتعاقد مع اسماء محليه جديده وصفقتين عالميه بدلا عن ويلي واحمد علي ويلي اشوف انه متهالك ومتشتت وليت نجيب بدلا عنه قلب دفاع اجنبي يشيل الفريق وبدل ويلهامسون ياخذ العابد او الدوسري فرصصتهم كاملهـ |
السلام عليكم ورحمة الله وبركاته خرج الهلال من اسيا كالعاده ولا هناك جديد فرحه كل موسم بالدوري وكاس ولى العهد واحزان تمحي كل الافراح بمجرد ما نصل الى دور 16 في اسيا ونخرج من البطوله .. والاسباب تشبع لاعبي الهلال بالبطولات المحليه وانا اجزم لو تكون البدايه في الموسم القادم لبطوله اسيا قبل الدوري لحققها الهلال وبكل سهوله .. مادري ماهي اسباب الخساره التشكيله نفس التشكيله اللي تحقق الدوري وكاس ولى العهد النجوم نفس النجوم لكن بلا رووح تغيب الروح دايماً في اسيا لماذا.؟ نداء لجميع عشاق الهلال كفايه لين هنا تعبنا نشجع ونهتف ونروح المدرجات ونسجل اقوي حضور وفي ارقام قياسيه دون ان يحس نجوم الهلال بالمسؤلية تجاه جماهيرهم المتعطشه لهذا لبطوله اسيا والله الذى الا اله الاهو الحل الوحيد مقاطعة المدرجات حتي يحس الجميع بالمسؤلية حتي يحس الجميع ادارة ولاعبين بحجم المسؤلية قاطعوهم اذا نريد ان نصل الى العالميه هناك حل واحد فقط وهي المقاطعة المقاطعة المقاطعة وصدقوني مافيه حل غير المقاطعة |
ماعندي أي تعليق على الموضوع .. بس القائد اذا ما كان فيه روح وعزيمه على أيش شايل الخرقه على كتفه .. نتمنى من مدير الفريق سحب شارة القياده من ياسر واعطائها اي لاعب غير ياسر .. ونتمنى نشوف لاعبين يخلصون للكيان في كاس الملك .. |
لابد ان نتعامل هنا بشفافيه .. لابد ان نكون صريحين ونبتعد عن المجامله السبب الرئيسي هو الاداره نعم الاداره تجهل معنى الاحتراف الحقيقي يحلمون بالاسيويه .. على بالهم كاس فيصل او الدوري السعودي معناها انك تلعب في الاسيويه يعني انك تلعب مع نخبة الانديه في القاره يعني مو مع الحزم او التعاون او الوحده او ... الاداره كل ما نخسر ونخرج من البطوله تعلن الاستقاله وتعود يعني هناك زعزعه وعدم ثقه وانتقلت للاعبين الاداره تاركه الحبل على الغارب .. يعني لا يوجد هناك حزم واتكلم عن الحزم الاحترافي هنا شاطرين بس في خالد عزيز يوقفونه ويرجعونه ويستفزعون به في المباريات الفيصليه اساسا اللاعب محبط الاداره جابت المدرب قرتس فرحنا به دلعوه وعشان يحقق طموحه القاري تنازلوا عنه بكل سهوله لانهم يعتقدون انه مدرب متنخب ليس مدرب نادي وكان انتقاله في وقت حاسم كان يحتاجه الهلال والتوقيع قبل مباراه مفصليه الادراه اتت بنيفز وهو من افضل المحترفين الذين يلعبون كرة قدم صح في الوقت الحاضر ولكي يحققوا طموحه وامنيته للعب في المنتخب البرازيلي تنازلوا عنه بكل سهوله فكروا في مصلحة الاعب ولم يفكروا في مصلحة الهلال في وجوده الاداره منحت لاعبين كثر فرصة اللعب باعصابنا .. ولم ينصفوا من يطمنونا اذا لعبوا .. وبقوا سجناء دكة الاحتياط اذا اردنا الاسيويه لابد ان نتعامل باحترافيه وحزم مع اللاعبين والمدربين اتمنى ان نتعاون جميعاَ لنعالج مشاكل الهلال تقديري .. ! |
إقتباس:
كلامك سليم ويلي اعتقد مو مقدم اكثر من اللي قدمه |
إقتباس:
حقيقه تبي اسيا لازم يكون عندك جميع الخطوط صاحيه واهم شي الهجوم لأن في اي لحضه يقلب النتيجه |
الإتحاد حضر لأنه من موسمين لم يحضر ولم يحقق بطولة سوى كأس الأبطال وعليه ضغـوط كبيرة جماهيرية غاضبة ويريد اللاعبون فعل شيء وبعد تقدير الله صبت في صالحه والهلال غاب في هذه المباراة بسبب التشبع وسوء التهيئة لمباراة مهمة ومفصلية بعد تتويج دوري !! |
يعطيك العافيه ابو يارا فعلا غياب روح الهلال هو سبب الهزيمه عوافي |
. هاردلكم الخساره اتمنى تفكرون بـ منطقيه لا تدمرون الهلال بسبب مقولة العالميه من الموسم الجاي اذا شفنا الجمهور يتعامل مع الاسيويه بالطريقه هذي ما راح ناخذها ابد هذا وقت وفاء الهلاليين اذا كنت في وقت الفوز تفتخر انك هلالي وفي وقت الخساره تستنقص من فريقك فهاذا يدل انك مو مشجع .؟ الهلال يبي له مهاجم اجنبي + مدافع اجنبي بدل المرشدي عوافي . |
شوف حبيبي ترى حنا ذبحتنا المجاملات والترفيع بالأعبين خصوصا ياسر القحطاني انا بغيت اتكلم عن هذا الاعب بالتحديد من 2007 وسالفة اللي محد ينساها او يتنساها وهو مستواه من سيئ الى اسواء وكل ما سجل هدف قالوا بان ياسر راجع لمستواه الطبيعي الى متى يا عالم الكذب والترفيع هذاااا حنا بحاجة يااسر في مثل هالمباريات ولا يهونون الاعبين الثانين والله ودك تجلدهم جلد بوسط الملعب اذا ما قدروا مشااعر جماهيرهم ولا محبيهم الطرد من النادي افضل حل لهم علشان غيرهم يعتبرون لا احد يجيني منبرش ويقول انت مندس ولا مستخبي قسم بالله اني شوي الا انجلط بسبتهم حسبي الله عليهم سيناريو العام قدام ذوب اهان يتكرر قدام االاتحاد اللي صراااحه فاز علينا بالروح وبكل شي صرااحه راح اشجع الاتحاد بالاسيوية |
ــ قبل المباراة لم اكن متخوفا من تكتيك المدرب ولا من الحكم و لا من الارض و لا من اي شي بقدر خوفي من روح الهلال .. وحدث ماكنت اخاف منه .. اقسم بالله ان هاذا شعوري قبل المباراة |
إقتباس:
اذا الهلال فرحنا كثيرا و اخفق مرة وحدة فمن الصعب اننا ننسف كل ماسواه لنا عشان بطولة طلعنا منها .. المشكلة وانا اخوك في الجماهير اللي تمشي خلف وهم العالمية و كأن النصر او الاتحاد صاروا قدوة لنا .. ياخي الاندية العالمية هي عالمية بانجازاتها مو لانها شاركت في بطولة كاس العالم للاندية .. كبروا رؤوسكم وكونوا زعماء عن حق .. |
يبقى الزعيم زعيم فمباراة واحدة ومن فريق كبير ليست نهاية المطاااااااف نعم هزيمة ولاكن هذه حلاوة كرة القدم وجنونها ولن اتغنى على جرح غدا يطيب سيررررررررر ياهلال ونحن معك نعم خرجنا من آسياء ولاكن نحن ملووووك آسياء والتاريخ من قال ذلك ياهلال ان ازعلتنا اليوم فأنت من افرحتنا في الامس. سلااااااااااااام. |
انا لم اشاهد المبارة حتى الان ولكني بصدد ان اراها الان (إعادة) على القناة الرياضية ولاكن قبل ان اراها انا على مستواي الشخصي لا ارى ان هناك داعي لوجود ماجد المرشدي وحسن العتيبي واحمد علي يعني لو يلعب الفريق ناقص لاعب افضل من ان يلعب هؤلاء معهم |
هالخساره هذي فرصه لاشباه الجماهيير للتشفي من بعض اللاعبيين وتحميلهم الخساره الوحيده في الموسم وفرصه للاعلاميين الصغار لمحاولة الصعود على اكتاف الزعيم ونسف انجازات الموسم بهذي الخسارة لكن كل هؤلاء ماراح يقدروون يوقفون الزعيييم وراح يظل يصعد على المنصات ويفقع مرارتهم |
ــ ويلي لابد ان يرحل فلم يعد لديه مايقدمه للهلال و اصبح عالة على الفريق مثل التايب في آخر ايامه .. مدري وش بقولك يا صاحب الموضوع المحب للهلال الحين لاعب مثل ويلي تطلب رحيله عن الهلال وهو افضل لاعب عندنا روح ومهارات يمكن ويلي اليوم ما قدم المتوقع منه بس هذا الشي ما يعني اننا نطلب رحيله وكانه هو السبب بالخساره مع ان سبب الخساره اليوم كانت الروح فقط وان كنت تطالب بالرحيل واللاعبين اللي ما قدموا مستويات فصدقني اول شخص هو ياسر القحطاني ياسر انا من اكثر الناس تشجيعا له بس بصراحه هالاعب خلاص ما عاد يعطينا شي بالذات بالمباريات المهمه صبرنا عليه لاكن بصراحه حرام يكون قائد للفريق بوجود لاعبين هم اولى بالقياده وهجومنا كله لازم يتغير السنه القادمه شوف نور اليوم وش سوا لاعب كبير وهو السبب الاول لفوز الاتحاد غير الروح اللي كانت عندهم على كل الاحوال مباراه واحده لا تخلينا ننسى مجهود سنه كامله الزعيم سيبقى زعيم وان شاء الله القادم احلا |
هـارد لك يااازعماااء بالتوووفيييق للزعيييم في المبارياات القادمه |
اول شي الله يعطيك العافيه يابو يارا على كل الكلام اللي قلته وصح وصدقت انو ما يهزم الهلال الا الهلال نفسه بصراحه اليوم مافي روووح للاعبين الهلال لاكن الاسيوهي دايم معندتنااااااااااا |
ولد روق اتفق معك في ماقلت لا اخفيك شيآ من اروع ما كتب من مواضيع بعد الخساره ولكن بهدوء وشويه روقان . الخساره لاتعني نهايه المطاف ولا تلغي احقيتنا بـ بطولات هذا الموسم ولا يوجد فريق في كافه المعموره لا يخسر . ولكن هناك عوامل اثرت وساعد على هذه الخساره المؤلمه لنا 1- عامل الجو وتأثر الاعبين من الرطوبه ودرجه الحراره معآ فـ الرطوبه فاق معدلها عن الـ 85% وايضآ درجه الحراره 44 درجه 2- اللاعبين فأكثر من لاعب ليس في مستواه المعهود 3- التهيئه النفسيه والجمهور . 4- التصريحات ماقبل المباراه كان لها بعض الاثر لدى اللاعبين اخيرآ انا لا ابرر الخساره مهما تكرر الكلام وتغير المنافس ولكن لو اعيد المباراه مره اخرى اقسم بالله لن يفوز احد الفريقين إلا بعد مشيئه الله وماكتب له. اعتذر اخي الروقي عن الاطاله والاسهاب في الكلام والشرح دمت لنا ودام زعيمنا |
الا متى ياناس اذا فزنـا فرحـنا واذا انهزمنـا زعلنـا , يوم لك ويوم عليك مش كل يوم معاك ,.<<< ؟ والله جد ياهلالييـن , الامتى ؟ اذا فاز الهلال , نحط , تصويت لأفضل لاعب , ومدح في اللاعب فلان وعلان , وانت افضل مهاجم , وافضـل , دفاع , (فاز) الحمد لله (خسـر) الحمد لله والشكوى لله , لا ننسى , كم مره فرحنا الهلاليين , وغيرنـا , كل يوٍم ,(يبتـسـي ) ,؟ , اذا زعلت وقت ماخسر الهلال وفرحت وقت مافاز الهلال , , فهذا , يدل , أنك منت (هلالـي) ’,~!ّ مشكور , ابو يــارا , على الطرح , الاكثر من رائع , ., وآسـف إذا , قلت , شيء , يزعـل , لكم وٍدي , ( هـــــــــــــــــلالـــــــــــي لــو خســر كّـل اللـيـــــــــــــالـــــــــــــــــــــــي )s13s:smilie47: |
حامل اللواء ، هلالي بريده ، سلوم .. كلامكم عين العقل وفعلا الهزيمة لاتعني نهاية المطاف ومن المستحيل ان تجد فريقا لايقهر واكبر خطأ ام ننساق خلف المشككين وننسف جهود الاداره واللاعبين طيلة الموسم طبتم وطاب هلالنا |
آن لم آكن هـلاليَ وقت آلآنكسآر .. لن آعترف بــ هـلأليتي عند آلآنتصآر قدر الله وما شاء فعل ,, قضاء وقدر والحمد لله على كل حال وفي كل مــآل صحيح بكينا والله من هالهزيمه المخجلة وعوااااجيز الاتهاد ماخذه الملعب بطوله وبعرضه ,, ايش اللي صار في لاعبي الهلال غريب والله لكن اعتقد ان الرطوبة له دور ممكن وإلا التخدير اللي من البطولتين خدرت لاعبي الزعيم حتى ظهروا بمستوى غير لائق بهم .. اكتفي بهذه الكلمات والتي تخرج بكل حرررقه وألم والدموع قد ذرفت الله يكون بالعووووون بس . وبالأخيــر: الرجاء الابتعاد عن التجريح لبعض لاعبي الزعيم والانتقاد اللاذع لهم وكأن معهم عصى موسى .. يا إخواااان اللي كتبه الله في خير إن شاء الله , وعلينا تجنب الكلمات غير اللائقــة بمن أسعدوووونا ببطولات وإنجازاااات ,, لأن البعض لا يرى إلا بعين واااحدة فقد هي عين ذكر المساوئ والتشفي .. آن لم آكن هـلاليَ وقت آلآنكسآر .. لن آعترف ب هـلأليتي عند آلآنتصآر |
هاردلكم الخساره اتمنى تفكرون بـ منطقيه لا تدمرون الهلال بسبب مقولة العالميه من الموسم الجاي اذا شفنا الجمهور يتعامل مع الاسيويه بالطريقه هذي ما راح ناخذها ابد هذا وقت وفاء الهلاليين اذا كنت في وقت الفوز تفتخر انك هلالي وفي وقت الخساره تستنقص من فريقك فهاذا يدل انك مو مشجع .؟ الهلال يبي له مهاجم اجنبي + مدافع اجنبي بدل المرشدي |
غياب الروح وغياب المهاجم اللي يبحث عن الكرات استعراض الفريدي وويلي ياسر قاعد يتمشى |
أتفق معك في معظم النقاط ونظل مع الهلال في الخساره قبل الفوز والخساره ليست نهاية المطاف الاهم هو التعلم من الاخطاء وأتمنى عدم التجديد مع كالديرون بعد نهاية الموسم والتعاقد مع مدرب عالمي وهجومي و صارم على اللاعبين تحياتي لطرحك الجميل والراقي |
وداعاااااااااااا للمجاملاااااااااااااااااات ياسر والمحيااني والجيزاااني والمصري ليس بمهاااجمين اذا اردت ان تحصد البطولات فاتي بمهاااجم يستغل انصااااف الهجمااااااااااااااات |
السلام عليكم ورحمة الله وبركاته اخواني الزعماء السلام عليكم ورحمة الله وبركاته اكتب هذا الرد وانا والله في بالغ الاسى من مستوانا البارحه الذي جعلني ابحث عن الاسباب وابحث عن العيوب التي اثارها الهلال البارحه بمستواه الرديء ( عذرا على الاسلوب المنصوص في الكتابه ) ولكن هذه الحقيقة التي ولابد وان اكتبها هنا ارجو التغيير في الادارة وبالذات اتمنى ارجاع الامير القوي الذي يهابه اللاعبون الامير محمد بن فيصل اما بالنسبة للامير عبدالرحمن بن مساعد فمع احترامي له اتمنى منه الرحيل لانه بالمره ارى اسلوبه مع اللاعبين جدا سهل ولا يهابونه ثانيا اتمنى من اللاعب المدلل في الهلال ياسر القحطاني ان يذهب الى الفتح الى نجران فهناك قد يكون افضل من اللعب في نادي الهلال اللاعب المهتم في اناقته اكثر من اهتمامه في النادي اللاعب الفنان المرشدي المهتم في التطعيس والبحث عن تجمعات السيارات ايضا اللاعب الفريدي كومة الثلج ان يفكنا من لعبه الثقيل شوي انا هذ كل ما اريده لكم وشكرا الغيهباني |
يا اخوان الهلال الهلال الهلال يفتد للاعب القائد في قائد في الهلال بعد سسامي نجح هنا مشكلتنا الاكبر في القااائد وبعد المرشدي |
ما فيـه رووووووح .. ومشكــلـة الضغــــط ع حامــــل الكورهـ كل لاعبين الهلال ما عدا الفريدي والعابد في بعض الأحيان و رادوي اذا بـيـضـغـط على حامل الكورهـ لازم خشونــهـ !! عجبأ يا لاعبيـــن فـاللــوم عليكـــــم أولآ وأخيرآ... واللي يقول لا تلومون اللاعبين ومدري ايش وجابوا لنا بطولة الدوري وولي العهد نلوم ميــن أجل .. ؟ ؟ نلوم الإدارة من أكبــــر مسؤول إلى أصغرهـم لعدم إقنــــــاعهم بظهور الروح وهي الأهـــــم وهي سر الإنتصار أيــــــــن الرووووووح |
الهلال حله بسيط جدا . عندك ياسر القحطاني والمرشدي واحمد علي ليسوا بمستوى فريق كبير مثل الهلال لذلك استبدلهم . وبعدين تشوف الفرق .:ranting: |
ياسر يسحب رجلية وتبون الاسوية |
| الوقت المعتمد في المنتدى بتوقيت جرينتش +3.
الوقت الان » 09:56 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd