بعد آسيا...بهدوء وعقلانية!!!
بسم الله الرحمن الرحيم
الحمد لله على كل حال
والله يعوضنا خير إن شاء الله
مباراة للنسيان والحمد لله أخذنا الدوري + كأس سمو ولي العهد وباقي كأس الملك
الأعداد لهذا الموسم كان قوي جداً بسبب وصولنا لدور الـ8 من كأسآسيا وللأسف خرجنا من الفريق الإيراني وتوقع الكثير إنهيار للهلال بسبب الحالةالنفسية بعد الخروج+رحيل جيرتس+الأصابات الكثيرة الي كانت بالفريق وبيوم وصل الموجودين في غرفة العلاج 12 لاعب..!!
لكن الحمدلله الإدارة انتشلت الفريق وأخذنا الدوري وكأس ولي العهد ويالله لك الحمد
(بالشكر تدوم النعم)
الشكر والفضل يعود لله سبحانة وتعالى ثم للعاملين بالنادي من إدارة ولاعبين
موسم كامل من العمل إذا جينا للإدارة أعدت الفريق ودفعت وضحت بالمال والوقت والجهد على حساب عائلاتهم ومشاغلهم..!!
والجهاز الفني الي سوا شي كبيربالفريق وانتشله من الخروج من آٍسيا إلى صدارة الدوري بدون خسارة.
والاعبين الي بذلو مجهود كبير هالموسم..
معقولة مباراة وحدة تنسينا كل هالمجهودات..؟؟
مهما كانت المباراة إذا راح ننسف كل المجهودات الي بذلت للفريق فـنعتبر انفسنا ناكرين للجميل.
صحيح ودنا بآسيا لكن الله ماكتب والحمد لله على كل حال
قبل ماننتقد الإدارة والمدرب والاعبين لازم نشوف انفسنا بالأول..؟ صدقوني لونعامل هالبطولة مثل أي بطولة كان ناخذها زي ماكنا ناخذها زمان
كل الفرق جالسة تستعد وتتعاقد وتتعب موبس أحنا يعني راحت بطولة الحمد لله حققنا 2 بدالها
وآسيا جايه جايه إن شاء الله سواء البطولة الجاية أو الي بعدها أوالي بعد بعدها
إن شاء الله خروجنا من آسيا فيه خيره
الفريق بالموسم هذا يعتبر أكثر المواسم إرهاق لأننا في كل مباراة ندخل ونعتبرها نهائي لأننا لانريد الخروج بهزيمة ونريد رقماً قياسياً وحققناه ولله الحمد...
فعلاً هناك أخطاء لنناقشها بهدوء وعقلانية
انا اعتقد اننا لازم نتدارك الأخطاء ونشووف وش نحتاج عشان نرجع الموسم الجاي بشكل أفضل في آسيا
@ لابد من إحضار مهاجم أجنبي يفرق للفريق ويصنع الفارق...
@ لابد من إحضار ظهير أيسر بدلاً من الزوري الذي أعتقد بأنه نقطة ضعف بشكل كبير.
@ جلب لاعب في متوسط الدفاع يكون في مستوى الطموح (مو تجيبلي الخالدي!!!!).
كلنا زعلانين على الخسارة لكن اتمنى من بكرى ننساها ونفكر بالقادم لأن التفكير في مباراة الأمس لايغير شي ولايفيد
واتمنى نكون يد واحده مع الفريق الي ماقصروا معانا وفرحونا كثيرهالموسم. وفي ملاحظة مهمة: بنشوف الإيام الجاية الناس البكايه اللي ماراح تخلي أحد بالفريق ماراح تصلخ جلده وبتنسى كل شي حلو سووه لناهالموسم....
اتمنا من الكل الوقوف ضد فئة (ناكري الجميل)!!!! وبالنهاية هي كرة قدم صحيح نحب ونعشق لكن ياليت مانعطيها أكبرمن حجمها وهذي مو نهاية الدنيا ومافي أي فريق بالعالم مايخسر.
شكراً لكل من عمل وتعب لأجل الهلال وعلى رئسهم الأمير عبدالرحمن والأمير نواف وسامي والاعبين والجهاز الفني والطبي والإدارين والمركزالأعلامي
وبطولة وحده ماتفرق بينا ياهلال
خسرنابطولة إحنا زعمائها
وأعتذر عن عدم التنسيق الجيد للموضوع لكن على مايقولون كلام من القلب للقب...
الوضع الشجري
