|
أما آن لكم ان تدركوا ما هي مشكلتكم مع اسيا ؟؟ قليلا من الواقعية رجاء . بسم الله الرحمن الرحيم اول شيء احب ابارك للجمهور الاتحادي تاهلهم لدور الثمانية من التشامبيونز ليق الاسيوي عن جدارة واستحقاق نتيجة الروح الاتحادية التي تجلت والمستوى المنخفض الفضيع والمتواضع وهذه تبعات التخبط الكالديروني في قيادة المباريات الاخيرة للهلال (ولازلت عند قناعتي ان كالديرون مدرب اعداد وتصعيد مواهب فقط ).. اسيا المستعصية . . انا ضد هذا المسمى اطلاقا فاستعصاء اسيا للهلال كذبة ليست ببعيدة عن كذبة خروج المهدي من سردابه اخترعها الاعلام لاهداف واضحية وجلية . . فكيف بها ان تصعب وتكون حلم لفريق اجبرها ان تركع امامه في ست مرات. . ولكن الزمان غير الزمان والاسماء غير الاسماء . . فيجب ان يدرك كل من يبت للزعيم بصلة وان يقتنع قناعة كاملة بان البطولة الاسيوية يبيلها فريق من فئة الخمس نجوم فريق يكون فيه امثال الثنيان واخلاصه امثال الجابر وتفانيه بالدفاع عن الوان فريقه امثال التمياط في حماسه ومثل النعيمة في حبه للشعار . . عشر سنوات ونحن نردد قادمون يا اسيا . . قادمون يا اسيا . . وسنظل نرددها في ظل بقائنا تحت ظلال "" فريقنا قوي وسنحقق اسيا "" فالعلة موجودة ولكننا نتجاهلها بمحض ارادتنا وهذي هي ام العلل . . فقليل من الواقعية يا زعماء اسيا لم تتحقق في فريق كان يملك فهد المفرج وعبدالسلام والعنقري وياسر الياس ومسفر القحطاني والهليل وسلطان السعود وفهد المبارك والكلثم وليلو امبيلي وسيفو والعنبر ولن تتحقق في فريق يملك المرشدي كاساسي ونامي والجيزاني وشراحيلي والخالدي والشلهوب في ظل ضعف جسمه وقلة احتكاكه وارجعوا لاغلب الكرات المرتدة على فريقنا وكان اغلبها بسبب الكرات المقطوعة منه واخرها الهدف الثالث اليوم (مع احترامي للشلهوب كاحد نجومي المفضلين واساطير الهلال) وياسر القحطاني على الرغم من انه هداف الهلال في اسيا ولكن كلها في دوري المجموعات السهل نسبيا ومع احترامي الكبير له فمستواه نازل بشكل مخيف ولا نكابر ونقول مستواه زين وافضل له وللهلال ان يغير مركزه مثل ما سوى الجابر من قبله واشوف مركز صانع العاب يناسبه جدا . . والفريدي (نجمي المفضل حاليا) اللي فاجانا بتصريح خطير وانه يحب التغيير بغض النظر عن التصريح نلاحظ ان الفريدي يتنرفز من ردود زملائه بالفريق وانه مزاجي بالمباريات فيبدع في عشر دقائق ويختفي ثلاثين ويرجع يبدع . لازم يكون له توجيه من شخص خبير بان يوزع مجهوده عالمباراة كاملة وان يحترم من هم اكبر منه في الفريق . . خالد عزيز (الافضل محليا في مركزه) يتلاعب بنادي مثل الزعيم اذا ما عجبه الوضع غاب ويتوقف اكثر من ما يلعب . . احمد علي لاعب اقل من امكانيات الهلال واسيا وبشكر على اجتهاده وحماسه . . ولي ( من افضل خمس محترفين في تاريخ الهلال) تشبع كرويا واثبت انه غير مفيد اسيويا .. كالون وتشيكو ونور بالاضافة للمنتشري جابو الاسيوية للاتحاد (مرتين) وركزو على كالون وتشيكو . . • مو عيب ان يلعب الشلهوب في البطولات المحلية وضد الفرق الخليجية . . ولكن من الخطا اشراكه في مباريات الفرق الايرانية والشرق اسيوية بالاضافة للاتحاد لانهم يعتمدون على البنية الجسمانية والسرعة واللي يفتقدها الشلهوب . . الروح وحب الشعار . . لن تتحقق اسيا بالملايين ولا باسماء اللاعبين الثقيلة (غائبة المستوى) اسيا يبيلها رووووووح وقتالية . . الشريدة واحمد خليل اقل فنيا من اسامة هوساوي ولكن روحهم كانت تغطي عيوبهم . . اسامة افضل مدافع مر عالكرة السعودية من عشرين سنة ولكنه غير حماسي وبارد حتى وفريقه مهزوم وهذا لا يخدم الفريق . . المرشدي حماس من غير روووح ومستوى . . وكذلك الزوري البارد جدا ولا يهون الفريدي وياسر ومعهم ولي . . لاعبين يتمشون في الملعب وكاننا نعيد سيناريو مباراة منتخبنا مع اليابان . . نشوف على العكس في الاتحاد مشعل السعيد والصقري واسامة وكريري حتى محترفينهم الاربع رغم مستواهم العادي الا ان روحهم وحماسهم وخوفهم على الشعار يغطي عيوبهم وخاصة في اسيا . . وانا هنا لن اذكر نور لانه من عينة سامي والثنيان في روحه وحبه لشعار ناديه . . رسالة خاصة .. اذا نجومنا تشبعوا ماديا وتوقف طموحهم عند الدوري والكاس فهذه طامة كبيرة ويجب ان يعلموا ان خلف هذا الكيان جمهور عظيييم لا يكل ولا يمل من البطولات ويحضر ويدفع لو البطولة في عطارد . . واتمنى فقط ان يسمعوا تصريح نور بعد المباراة وهو يقول اجتمعنا قبل المباراة وقلنا حرام يطلع هالجمهور زعلان . . واحنا لنا الله . . مباراة الكويت الكويتي والوحدة الاماراتي وذوب اهن وسباهان وام صلال والاتحاد مرتين في الدوري كلها كانت في ارضنا وكنا سبعين الف عاشق بالمدرج ونتفاجئ ببرود وعك كروي في الملعب . . ليس من العيب ان نتعلم من اخطائنا وان نتبع خطوات غيرنا الناجحة فهذا سبب نكسة المنتخب واخشى ان نضيف اسمنا (اسيويا) لهذه القائمة . . اسف على الكلام غير المرتب والطويل ولكن هذا من قهري على هلالنا .. |
؟؟ ؟؟ ........................... |
اتمنى الرفع يامشرفينا الاعزاء |
شكرا خيو بس ياليت ما نجرح في الاشخاص وننتقد من اجل الهلال . . |
وين ـآلنقد هذآ مــآآجـآآء قبل المبــآآآآرآآه ؟؟ |
إقتباس:
ها المدلع ياما دلعك باهدافــــه ورفعلك كؤس مشكله الجمهور الجاحد ,, |
ياسر طول المباراة ماضرب الا كورة بالراس .... وبالمقابل زيايه اربك الدفاع الهلالي وهو يلعب بلحاله قدام... نور اعطى كل مايملك من مهارات وحماس وتحفيز ... الشلهوب خسر تقريبا جميع الالتحامات وكان تايه في المباراة... ديميتري لعب بخطه واضحه يفهمها حتى من لايفقه في الكره واخرج تكر من القائمه الأساسيه.... كالديرون ساهم في عشوائية اللعب وجامل الاسماء على حساب الفريق... هذا هو الفرق يا عزيزي وشكرا |
اللي حصل شيء غرييييييييييييييييييب موب مستوعب اللي صـآر ؟؟؟ اللهم لك الحمد |
إقتباس:
هذا ياسر افشل لاعب مره على تاريخ الهلال ياسر افشل لاعب بالدوري السعود\ي هذا الموسم مع الاسف اعطينا ياسر الكثير ولكن جاحد في لاعبه بعد اليوم لا مطبلين بعد اليوم حل هنا في منتدى لياسر طبل زي ماتبي ماذبحنا الى انت وشكالك |
كلامك سليم 100% .. قلت كل اللي بخاطري .. وأضف على ذلك مافيه لاعب عتبر هو روح الهلال وقلبه النابض زي يوسف وسامي و الدعيع ... لاعبين يغيرون كثير بالفريق ويفرق وجودهم .. مولاعبين وجودهم مثل عدمهم .. الإحتياط أحيان أفضل منهم .. بصرآحة لازم نشوف قائد حقيقي للهلال .. الفريدي قادم بقوة أتمنى نركز عليه اكثر .. أعتقد هواللي بكون روح الهلال .. وقائدهـ مستقبلا .. ياسر - شلهوب - هوساوي .. لاعبين كبار ولكن ليسوا بكباتنة .. تقبلوا مروري .. |
[QUOTE=النــ الأزرق ــمر;18160510] الروح وحب الشعار . . لن تتحقق اسيا بالملايين ولا باسماء اللاعبين الثقيلة (غائبة المستوى) اسيا يبيلها رووووووح وقتالية . . الشريدة واحمد خليل اقل فنيا من اسامة هوساوي ولكن روحهم كانت تغطي عيوبهم . . اسامة افضل مدافع مر عالكرة السعودية من عشرين سنة ولكنه غير حماسي وبارد حتى وفريقه مهزوم وهذا لا يخدم الفريق . . المرشدي حماس من غير روووح ومستوى . . وكذلك الزوري البارد جدا ولا يهون الفريدي وياسر ومعهم ولي . . لاعبين يتمشون في الملعب وكاننا نعيد سيناريو مباراة منتخبنا مع اليابان . . نشوف على العكس في الاتحاد مشعل السعيد والصقري واسامة وكريري حتى محترفينهم الاربع رغم مستواهم العادي الا ان روحهم وحماسهم وخوفهم على الشعار يغطي عيوبهم وخاصة في اسيا . . وانا هنا لن اذكر نور لانه من عينة سامي والثنيان في روحه وحبه لشعار ناديه . . الله درك يكفي الي كتبته وربي الرووووووووح هي اهم من الاسماء وكبر دليل روح الاتحاديين اليوم |
إقتباس:
يآسر هو اللي جحدنآ ! مو حنّآ ؟! ببروده ! وبغروره !! وأنآ مآ يذبحني إلآ لمآ يضحك بعد كل ضيآع هجمه ! تضحك على فشلك مثلاً ؟! يآسر هذآك أول 2007 !! لكن ألحين !! للأسف يآسر منتهي !! ورفع لنآ كؤوس ؟! هآلكؤوس والله مآ يستآهل أنه يرفعهآ ! اللي يستآهلهآ من جد وتعب طول الموسم هو اللي يرفعهآ ! أمآ يآسر ضيف شرف يطلع ويآخذ الكآس ويتبآهى ـآ فيه ويغيب المبآريآت الجآية !! ، ، صآحب الموضوع :smilie47: أبدعت ، فعلاً الهلآل بلآ روح ولآ حمآس من اللآعبين مستحيل نجيب بطولة آسيآ ! <~ يآ إني كرهت حروف آسيآ من كثر مآ كتبتهآ اليوم :smilie47::cry: ع ـوآفي |
الحمدلله على كل حال لكن صراحه من امس مانمت والحين جيت انام طرت عبالي فكره وبماني ماعرف اكتب موضوع قلت اكتبها كارد ليش مانطالب الهلال باستضافة كاس العالم للانديه والعمل لجل الفوز بها خصوص انه الدور الاو ل والثاني نلعب مع فرق ضعيفه اللي هم بطل اسياء وافريقيا والله مو احسن من الهلال النهائي مع بطل اوروبا المهم اننا نعد لها كويس بمدرب و4لاعبين من طراز عالمي وبيكون عندنا الارض والجمهور والله ممكن نفوز بها او على الاقل نلعب على النهائي والله وقتها بحول الله تنحل ازمة العالميه ونقدر نحقق اسياء فهي الاهم مو مشكله العالميه والله لو حققنا كاس العالم لانديه انهم ينطمون كلهم او على الاقل اخذنا فضية العالم اتمنى توصل الفكره للاداره وتعمل من اجلها بجد ورجالات الهلال مو عاجزين عن التنظيم وعن ضم اربعه لاعبين حتى لو اعاره لمده سنه وبحول الله نفوز بالكاس ياناس خلونا نفكر فيها صح <CENTER> عذرا هذا الرد برد به في كل موضوع</CENTER><CENTER>لعله يصل للاداره وتعمل بجد من اجل تحقيقه</CENTER> <CENTER> </CENTER> |
الروح ثم الروح ثم الروح ! محد كان يتوقع الاتحاد يفوز علينا لا محللين ولا جماهيرنا ليه ؟ لأن كلنا كنا نقول فريق شيبان وتعبان وكل الموسم فاشل لكن شف سبحان الله روحهم غطت على كل شيء كل شيء ,, اتمنى اشوف ياسر ( القائد ) يحمس لاعبيننا ويوجههم ويكلمهم زي ماشفنا نور اليوم ! لاعبيننا اذا كانت مباراة حاسمه او لا اذا المدرج فيه 70 الف ولا لا نفس الحال عندهم ماتفرق برود برود برود وكل هذا وين في اسيا بس . اذا كنا نطمح للاسيويه ولي العهد وكاس الملك لللاحتياط الدوري وكاس اسيا للفريق الاول مب معقول نادي واحد يكوش على كل هذي البطولات واضح ان لاعبيننا تشبعوا بطولات وفرح وقدموا جهد كبير في الدوري وولي العهد والحين جايين في وقت الحسم متهالكين !! ولابد احضار مهاجم اجنبي هداف والمرشدي اذا ماحسن مستواه الله لايهينه يقعد بدكه الاحتياط صراحه أغلب الموسم يرتكب اخطا فادحه ويهوق الدفاع معه ! ويطيح جهد الفريق كامل |
إقتباس:
كم نهائي حسم هاللي دلعني بأهدافه ..!!؟؟ منتدى قناصات آسيا يناديك :yes: هنا لتشجيع { نادي الهلال } فقط . |
| الوقت المعتمد في المنتدى بتوقيت جرينتش +3.
الوقت الان » 06:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd