|
سأظل زعيماً للأبد ( مناقشه عاقله ) سلاااااام زعيمات وزعماء هاردلك الهزيمه هاردلك المستوى يوم لك ويوم عليك والحمد لله على كل حال ادعموا الفريق بصراحه خلونا نناقش الموضوع من 4 نقاط 1- المدرب : غلطان 100٪ من ناحية التكتيك كان المفترض انه يمتص حماس لاعبين الاتحاد وينهي الشوط الاول 0/0 ثم يبدا مع الدقيقه 50 او 55 في الشوط الثاني بالهجوم والحذر صراحه كالدي ماينفع للهلال ( الفريق العصري مثل برشلونه مع اني مدريدي متعصب يجب ان يعتمد على الاظهره كثيرا في الهجوم وينظم الوسط بشكل صحيح كالدي ماشي بالبركه ولو نلاحظ اهداف الاتحاد اليوم كلاها اتت باخطاء من الدفاع والوسط مايضغطون على اللاعب الاتحادي ويعطونه فرصه يفكر ويناول بمزاج 2- الدفاع / هوساوي قوته في سرعته ولكنه ضعيف في تشتيت الكوره المرشدي التحاماته غلط لذلك يجب تصحيح خط الدفاع ودعمه باظهر قويه 3- الوسط / رااااااااائع يعيبه توجيه المدرب وهذا ماوفق حجيرتس الموسم الماضي الفريدي بطيء ولكنه رائع مع انه يرفع ضغطي دائما ولكن اللاعب مهاري وفنان ويبيله توجيه من الادراه ولكن الآن ينقصنا محور مع رادوي لان عزيز ماينفع والقرني توه بعيييييد 4- الهجوم نحتااااااج مهااااااجم عالمي وسريييييع اتمنى من الادراه عدم التفريط في ولي لان الباقي يعوض ولكن ولي عنده مزايا راااائعه نتمنى التوفيق لزعمينا في المستقبل وهاااردلك |
هلا اخوي اوفقك الرآي في جميع ما كتبت \ وخلينا نرفع شعار هلالي عالحلوه والمره |
السبب الحقيقي لـ الخسارة ، هم لاعبون متخاذلون في وسط ميدان الهلال ولاكن أقول ( أفعالنا الصح يلغيها غلط واحد و أفعالنا الصح ما تللغي ولآ غلطة ) |
أهنيكـ أخوي على الموضوع .. وبإذن الله القـآدم بيكون أفضـل .. والحمد لله يارب على كـل حـآل .. |
اواااافقك الرأي بس في شي لازم نعرفه حنا كاجمهور اللي يبي ياخذ كأس دوري ابطال اسيا لازم مايفوز بالدوري او ولي العهد ويكون همه الاسيويه غير كذا اذا انت ما اخذت هالبطولتين من ورا خشم اللعيبه بتطلع الرووووووح عندهم والحماس اما اذا اخذت الدوري وتجي الاسيويه ماش تكون منهك وخلاص لاشعوري متشبع |
لاإله إلا الله الحمد الله على كل حال |
ياناس عيب علينا كجمهور نسمح للأدارة تلعب بالنادي بالمجامله وحنا سااكتين والله عيب لازم نشوف حل لهاا مع ياااسر والمعامله الاميرية الي يعاملونه فيهاا ياناس حرام عليكم بكره الاعلام الهلالي اكيييد بيحشر يااسر واذا ماصار هالشي معاناها فقدنا قوتنا اعلامياااا ياسر القحطاني تكفى فكنا منك دام الاداره حالفه تحطك على قلوبنا غصب |
يا اخي أسطوانة المدرب هذي الي موديتنا ورأ الشمس وش دخل المدرب أسالك بالله ابي افهم المرشدي يتهرب من انه يخش على نور توقع من المدرب والهدف الثالث اكبر دليل الشي الثاني ويلي واوفراته كنه يرفع لزرافه والشلهوب الي ما قال اسمه المعلق في المباراة ولا مره يا عزيزي الهلال مشكلته موب مدرب لأننا كل سنه نقول مدرب لكن الحل ان الهلال ما ياخذ دوري ولا كاس عشان يتحمس للبطوله الأهم |
:: نعم هدوء وعقلانيه :: العقلانيه تعني: 1) ياسر ما يلعب بالهلال 2) هجوم مميز وناري . . . |
هارد لك يازعيم اللعبه كذا .. يوم لك ويوم عليك |
اختلف معك في نقطة المدرب لأنه دخل بتشكيله متحفظه والكل كان يكون اذا لعب بمحورين راح تكون المباراة لنا بس اللي صار هو خذلان من الاعبين ولاذنب للمدرب الدقيقه الاولى خطأمن المرشدي كانت شبه هدف مؤكد بعدها تتوالى الاخطاء بشكل غريب من لاعبين لهم خبرتهم للاسف كل تمريره تعني هجمه مرتده خطره اخطاء بالجمله من جميع الاعبين بلا استثناء واكبر شي ملاحظ في المباريات الاخيره هو انخفاض كبييير في مستوى رادوي وولي غير حركاتهم الغريبه رادوي مايتنزل يحتفل مع الاعبين اذا فزنا في بطوله وولي صاير يتعمد الاخطاء كأنه يبحث عن الايقاف الظاهر جايتهم عروض افضل واذا بيروحون الله يسهل لهم |
يازعماء صدقوني من يوم شفت المرشدي يخبص في بداية المباراه والتمريرات الخاطئيه وانا حاس ان الهلال بياكلها مفلفله اسباب الهزيمه باختصار : 1- قدر الله وما شا فعل . . . امنو بالقضاء والقدر . . الله لم يكتبها لن والحمد لله على كل حال وربي يعوضنا 2- الارتباك الغير مبرر من بعض الاعبين في بداية المباراه مثل : المرشدي ( المفلس ) والشلهوب وعزيز والزوري 3- غياب الروح وهذي المشكله اللي مالها حل عندما تغيب عنك الروح في وسط المباراه الا بعد الله ثم ( يوسف الثنيان ) يالبا قلبه 4- التشكيله خاطئيه 100% الحين اللي نعرفه الاتحاد عواااجيز طيب ما يبيلها اختراع عواجز نزل لهم شباب يحوسون ابوهم مو تنزل عزيز وياسر والمرشدي ياخي التشكيله المفروض تكون : حسن التعيبي لي يونق - رادوي - هوساوي - الزوري الغنام - القرني - العابد - عزوز - ولي المصري ابوعلي <<< عشان حركته المزعجه وضغطه ع الخصم خل الشلهوب وعيسى والفريدي اوراق رابحه 5- خط الهجوم الهلالي عقيييييييم ويبي مهاجمين اثنين اجنبين ومن ظراز هداف مع توفر المهاره والسرعه ثم السرعه واخر الكلام : الاسيويه مو صعبه لكنها قويه !!؟؟ |
مدرب عالمي ومهاجم عالمي وابعاد المرشدي واتوقع الفريق سيقهر الفرق بكل سهولة لتوفر النجوم بكافة المراكز . بس من يسمع . |
هوساوي ماله ذنب ,, مصاب وملعبه هالسباك كالديرون لكن بالنسبة للمرشدي ,, بصراحة اللاعب هذا كرهني في الكورة ,, ياليت مانشوف رقعة وجهه الموسم الجاي |
السبب الحقيقي لـ الخسارة ، هم لاعبون متخاذلون في وسط ميدان الهلال ولاكن أقول ( أفعالنا الصح يلغيها غلط واحد و أفعالنا الصح ما تللغي ولآ غلطة ) |
هوساوي مصاااااب وياجماعة الغير مكتووبه.. |
" يا عيني عليييييك / عبآدي ،، صرآحة انا ما شفت المبآراة : كاملة ، لـ ضروف / عملي في الليل !! ،، لكن ، مثل ما يكون لدى جمهور الهلآل [ ثقآفة الفـوز ] لازم يكـون ، لدينا .. تقبل للهزيمة .. لآننا ، في آخر الموسـم ،، واللاعبين ، أكيد مُجهـدين !! وما قصـروا .. حققـوا لنا بطولتين !! وهي الأهم [ الدوري والكآس ] .. والإتحاد ، فرصته ، ليس لديه إلا هذي البطولة ، لـ حفظ ماء الوجه ،، / إن كان هناك من [ ماء ] ..!! ،، فـ شيء طبيعي ، إن الإتحاد يدخل للمبـاراة بـ كل قوتـه ، وفي مقابل ذلك / لاعبين الزعيم ، كان عندهم إصرار .. لكن ، بنفس الوقت ، مجهدين !! مع تخبط المدرب بعض الشيء !! ،، ع العمـُوم !! أتمنى للإتحاد مواصلة النجاح ، وصرآحة أتمنى تكون البطولة من نصيبـه ،، أيضاً .. كلي شكر ، لكل لاعب هـلالي ، أسعدنا في هذا الموسم ،، ب - بطولتين !! وما قصروا ،، وأتمنى يحالفهم الحظ ، المواسم المقبلـة !! ،، وآخر الحديث : لكي تشعر بـ طعم [ الفرح ] .. لابد أن تحزن قليـلاً ..!! :) |
السبب هو الجهد المنصب على الدوري والكأس شوفوا الاتحاد طلع بكاس ولي العهد من الوحده بمستوى يفشل والله لو الهلال طلع لتغضبون غضب يالجمهور محد يقدر يوقفه والدوري تسع شهور تخيلوا تسع شهور الهلال مانهزم يعني كله بيطلع تعبه بالاسيويه يانااااس هذولا لاعبين مو الالات تبون منهم دوري وكاس واسيويه لاتصيرون طماعين واتركوا الدوري لو موسم واحد وانسوا كاس ولي العهد واكتفوا بالاسيويه وبتشوفون كيف الكاس بنجيبه بسهوله بس التعب والارهااااق مو شي سهل فكروا ترا النادي بشر مش ماكينات تبي منها بطوله تطلع لك |
إقتباس:
مشكلتك نفسيه مع ياسر الحين تحط اللوم ع يااسر وما وصلته اي كورة الفريق كله تعبان والسبه كالدي وتقووووووول ياسر رووح نااااااام يا شيخ |
هااااااااااررد لكم اجمعيييييييييييييييييييييييييييييييييييييييييين |
يعطيك العافية والحمدلله على كل حال |
شباب إلى متى وحنا نتكلم بعد الهزيمه المباراه كانت في اياديتا الحمد\ لله على كل شي ويظل الزعيم زعيما.... |
. .. ... المدرب.. المدرب.. المدرب.. جبان ، و ليس مؤهل لقيادة الهلال.. و كل ماحققه الهلال حققه بنجومه عندما حضروا.. أما صاحب التجارب أضاعنا لمرتين أمام سابهان ، الاولى هزيمه و الثانيه تعادل ، و ختمها بخروج من البطوله.. لو كان فيه مدرب يوظف اللاعبين حسب أمكاناتهم و يقرأ الحاضر منهم كانت الأمور مختلفه.. على الأقل ماغاب الشلهوب ، و لا تفلسف أكثر الفريدي ، و لا إنعزل ياسر بالهجوم.. كالديرون لم يقدم شيء للهلال ، و كل ماحصل عليه الهلال مع كالديرون كان نجوميه و حضور من اللاعبين مع توجيهات من سامي الجابر.. ... .. . |
إقتباس:
يعني للاسف وكان اللاعبين من بعد ما جاهم الهدف الاول وشافو الجمهور الاتحادي وحماس اللاعبين .. كأنهم قالوا جبنا بطولتين وما راح تأثر هالخساره !! وحنا زعيم آسيا .. وكأنهم هم نفس اللاعبين الي جابو بطولتين دوري الابطال !! شبيه الريح الموسم الماضي قال انه بيستقيل لو خسر الهلال من ذوب آهن وعمل ضغط كبير على اللاعبين وفعلا خسرنا الموسم هذا تنبه للموضوع وحب يشيل الضغط عن اللاعبين وقال ان البطوله الاسيويه مثل اي بطوله <<< على امل ان اللاعبين يدخلون باعصاب هاديه لكن للاسف اللاعبين ثم اللاعبين ثم اللاعبين واشوف ان الهلال ما يحتاج محور .. عندك رادوي وعزيز والغنام والبرقان والقرني اي نادي سعودي تمنى ان يكون عنده واحد من الخمسه .. وعزيز اليوم راجع بعد غيبه وزين انه قدم هالمستوى يعطيك العافيه وهارد لك ومبروك للاتحاديين يستاهلون |
كالديرون هو السبب في النتيجة والخسارة قولوا ليش أولاً لأن كالديرون قال للاعبي الهلال ألعبوا ببرود ثانيا قال للمرشدي في بداية المباراة حاول تجلي الكورة وتحسسهم أن الفريق مرتبك ثالثا قال للدفاع اتركو لاعبي الاتحاد على كيفهم يلعبون لا تضغطون عليهم ترى ما عندهم سالفه الله يرحم والديكم حتى لو قلنا أن كالديرون أخفق أو أخطى هل تعتقدون أن لاعبي الهلال بهذا الشكل الغير مبرر يستطيعون تجاوز الاتحاد |
والله اليوم قهرني المرشدي مباراة مبدع فيها وعشرة لا لاكن ماننسي انهم فرحونا هالموسم والقادم اجمل للزعيم |
| الوقت المعتمد في المنتدى بتوقيت جرينتش +3.
الوقت الان » 08:09 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd