|
مدرب جباااااااااان والله ما ينفع من يوم جاء وانا قايل بيجيب العيد |
هاردلك ياجمهور الهلال ونقول مبروك لعميد يستاهل الفوز بصراحه |
تعرف ليش جبنا الدوري لان الهلال وسطـه قوي وبالنفس الطويـل حنا افضل مباراة الحسـم شف النتيجه |
إقتباس:
هنا الزبدة و بس يعني خسرنا مع كوزمين بسبب الروح و مع جيريتس بسبب الروح و الآن مع كالديرون بسبب الروح و ياليت الروح تشترى |
والله هذي نتيجة استهزاء بالخصم لاتعلييق |
قدر الله وما شاء فعل شويه هدوء شباب باقي كاس الابطال ومن ثم المحاسبة |
تبون الاسيويه يجب ابعاد المرشدي وياسر وبعدها ابشروا بكاس اسيا |
ياغالي كل سنة ونقول احنا الافضل في المملكة كلامك مكرر وطمأنة مالها مكان الا بعد تحقيق الصعب ..! الهلال مو غريب على اسيا الغريب ان الهلال يحقق البطولات المحلية ويخرج من فرق صغيرة في اسيا الا الاتحاد طبعا .. لاعبي الهلال الحاليين المحليين عدا الشلهوب عندهم عقدة وخوف من البطولات الخارجية واعتقد لو شارك الهلال في الخليجية لن يحققها بهذا الفريق الحالي ..الا ان حصل تغيير في أماكن حساسة في الفريق ..! أخي العزيز لاعبي الهلال المحليين الحاليين يحتاجون الى النظر فيهم من جديد ..! أنا أحب الهلال لاأحبه إلا فائزا .. وكلي إيمان بأن كرة القدم فوز وخسارة .. ولكن أخسر بمستوى أفضل لي بأن أخسر بسبب خوف ورهبة وضعف في أبجديات كرة القدم ..! الهلال يحتاج للكثير في البطولات الخارجية ..! والسلام عليكم .. |
الحمدالله على كل حال.. قدر الله وما شاء فعلـ ..... هاااردلكمـــــ يــاهــلاالــيـــنــ.. |
فدا لاعبي الزعيم مليون بطوله افضل اداره وافضل اداري وافضل لاعبين ماتوفقوا اليوم فداهم مليون بطوله وكالدي الله يستر عليه يشوف فريق ثاني |
اقول واللي يرحم والديك تكلم بواقعية يااخي مانبي الدوري ولانبي ولي العهد نبي اسيا ليه تكابرون انتم ماضيعنا غير هياط بعض الجماهير معقولة بالموسم هزيمتين وكلها اسيوية؟ اجل لانزعل دام يقولون لنا محلية ماكذبوا اخر مرة فرحت باسيا ايام كنت 2 متوسط مو معقولة ولااحد يجي يقارن الهلال بالفقر كل واحد وطموحه |
قسم بالله جمهور يرفع الضغط والسكر والأمراض كلها ........؟؟؟؟ واحد يقول لك بلا هلال بلا هم .... ماهو عاجبك الهلال بناااااااااااااااااااااقص نفر (برا) والثاني يقول لك مدرب وجبان وخطته مثل بطته .... ماهو عاجبك ورني عرضها والثالث يقول لك هذا فريق نفس طويل لكن بطولات حسم شوفو النتيجه .... ههههههه قصده شوفو تروني فاهم في الكوره زين (يابو اخر نفر سوي زفر) معلوم والرابع يتباكى لعيبه وأسامي وتاريخ يشفع ..... وانت وش قدمت لتاريخك هالموسم كمشجع لاجل يشفعلك...؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ قسم بالله قسم بالله قسم بالله حرام فيكم هالفريق اااااااااااااااااااااخ ياحظي ليته في الغربيه والله ان رعاية الشباب كل سنه تغير كراسي .. لعنبو ابليسكم دوري موسم كامل ولاهزيمه وأعلى رصيد نقطي اقوى دفاع وأقوى هجوم وماخذ درعه .... والرئيس يطلع يشحذكم تجون تشاركون فريقكم الفرحه وتبيضون الوجه قدام هذا وهذاك ........( أوخس ) لا ويجي يطامر وعنده كلمتين بعد ماطلعله سنين ويبي يبربر يقولون فيه دورات تطويريه بالشرقيه أسمها ( كيف تقف خلف الأبطال) تدرب عليها وطبقها بعدين تعال أقدح ..!! كأس ولي العهد [نفس قصير( شوف واحد نفر) في معلوم] تدرون عاد قسم ان جمهور مكه اطيب منكم ... ومكه كلها تعتبر حي من أحياء الرياض ...والله انهم بيضوا الوجه ودكوا الوحده على أرضهم وبين جماهيرهم وكأن البطل يتوجونه في ديرته لله دركم ياجمهور الوفا والعطاء ..... (دروس يامنحوس) تعلم بعدين تعال دوس. لكن صدق من قال ( الي تركبه ورى يحط ايده في جيبك ) ولا اقلكم هذا ازين ( يدور الحب وسنونه مخلعه ) . الله يعينكم على أنفسكم ويرحمكم من همها .... اما انت ايها الزعيم فلن تمشي وحيداً ماحييت ,لك كل ودي وأحترامي وفقنا الله وإياك لما يحبه ويرضاه . شكرً ايها البطل أستراحة أبطال ولهم عوده. |
إقتباس:
يااستاذ لاتلوم الجمهور اللي يبي الجديد .. الهلال كل البطولات حققها .. لكن اسيا بشكلها الجديد لم يحققها .. وش تبي الجمهور يطلع بعد المباراة مبسوط مثلا ؟ اعذرني فهذا جمهور ماعنده احساس .. وش تبيني اقول في لاعبين يبدعون داخليا وخارجيا مايبدعون ؟ امدحهم مثلا لهم اربع سنوات وهم يخرجون من فرق ضعيفة وبمستوى يدل على وجود عقدة نفسية عندهم قول لي وش تبيني اسوي لهم ؟ انا ماانكر ابداع لاعبي الهلال المحليين الحاليين في الدوري والكؤوس المحلية لكن الخارجية صفر على الشمال .. ياخوي انا مشجع مااعرف التطبيل السيء اقول له انت سيء الين يعدل من وضعه والهلال مايوقف على لاعب واحد ..! يااخي افهمني لو مرة في حياتك .. ابي لاعبين يعرفون قيمة هالبطولة ويحققونها والدعوة مو في الفرق اللي نقابلها المصيبة في لاعبي الهلال انفسهم والا بالله الاتحاد مانقدر نهزمه والا ام صلال والا الوحدة الاماراتي والا ذوب اهان .. الهلال افضل منهم بمراحل لكن ليه نخرج من هذولي الفرق بطريقة مخجلة محيرة ..! ياخي الموضوع خطير والواحد يبي ينفجر من القهر .. ومستحيل ارضى بقاعدتك اللي هي الرضا بالبطولات المحلية .. لأني مشجع هلالي وأحب أشوف الهلال افضل فريق في اسيا وفي العالم بعد .. وبالنسبة لعتبك على الجمهور ..فأنا معك فيه ..وشكرا لك .. وتصبح على خير .. |
حنا ينقصنا مهاجم هداف من طراز زيايه وسيموس بدلاً من أشباه اللاعبين ياسر وأحمد علي |
انا برايي ان نفسية لاعبين الهلال قدام الاتحاد مهزوزه من قبل لاتبدا المباراه والمفروض ان الاداره تهياهم نفسيا قبل اللعب |
| الوقت المعتمد في المنتدى بتوقيت جرينتش +3.
الوقت الان » 07:19 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd