|
ابو سروال وفنيلة Vs ام ركبة سوداء بسم الله الرحمن الرحيم القنوات الناقلة : ـــــــــــــــــــــــــــــــــــــــــــــــــــــــ الوقت : ــــــــــــــــــــــــــــــــــــــــــــــ معلقي المباراة : ـــــــــــــــــــــــــــــــــــــــــ ملعب المباراة : ـــــــــــــــــــــــــــــــــــــــــــــــــــــــ امزح معكم لاتصدقون وش اخباركم طيبين !! >> طبعاً الموضوع هذا يهم اللي عندهم BB يعني اللي عندهم ابو كشاف يطلعون ولا اقول خلكم يمكن ربي يقدر عليكم وتشترون BB مثلنا >> عرفوا معك بلاك , وبعدها لكل حادثة حديث ^^^^^^^^^^ جميع ما ورد في الاعلى لا يتحمل مسؤليتة صاحب الموضوع خيييييييييييير سلاماااااااااات انت وانتي وانا وهو وانتم محد معجبه الثاني يعني !! كل يوم تجي رسائل الشباب يتهزون في ركب البنات والبنات شغالين في التعليق على ابو سروال وفنيلة يعني تبغين يلبس بنطلون جنز وبلوزة وهو جالس في الملحق ومنبطح عند اللابتوب >> ما يتكلم عن نفسه طبعاً بندخل في الجد الحين مجتمعنا السعودي له عاداته وتقاليده وله طريقتة في الحياة بالتأكيد اذا شفنا ثقافة مجتمعات اخرى وشفنا الانفتاحية عندهم اكيد بنتأثر يعني البنت والولد السعودي لما يشوفون المسلسلات التركية ويشوفون الرومنسية عندهم ولما يشوفون الافلام والفيديو كليبات الاجنبية والعربية اكيد شيء غريب بالنسبة لنا نحاول نقلد مثلهم او نتأمل نحصل اشياء مثل كذا !! انا عندي ايمان بالحب وايمان بأن كل انسان سواء شاب اوفتاة خصوصا لديهم عواطف ولديهم طاقات زائدة وغير مستفاد منها وكل هذه العواطف والمشاعر والانفعالات السيكولوجيه >> يتذكر ابو خالد ناصر الجوهر مجتمعنا مجتمع منغلق ومحافظ وهذا مو عيب في المجتمع ولا عيب فينا هذا الصح وهم الغلط كل المسلسلات التي نشاهدها في النهاية هي عباره عن تسهيل لاشياء محرمة واشياء غلط بالاساس هم استسهلوها واعتبروها اشياء طبيعية لانهم تأثروا بالانفتاح والاستعمار الغربي . نداء لكل شاب وكل فتاة اذا عندك اخت اعطف عليها بوسها على راسها احضنها انا اتحدى فيه شاب سعودي يحضن اخته بطريقة حنونة ليش تستحي هذي اختك بوسها على خدها خلها تشكلي لك همومها ومشاكلها علشان ما تروح هي وتشكي لغيرك والبنت بعد لازم تصير عاقلة وحاسة بخطورة كل شيء تسوية وان الغلطة منها تسوى عمرها الباقي كله ومو لازم اذا شفتي كل وحده من صاحباتك عندها حبيب وبوي فريند لازم تصيرين انتي عندك لا تقلدين تقليد اعمى وتجي البنت تتفاخر قدام صديقاتها شوفوا الهديه اللي جابها لي حبيبي وشوفوا المسج اللي جاني منه ..... الخ !!! اما بخصوص السروال والفنيلة والركبة السوداء عادي جداً لان هذي من الفطرة لدينا يعني مثلا عمركم شفتوا سوداني يتهزى في بنات بلده علشان لونهم اسود او شفتوا ياباني يتهزى في بنات بلده علشان عيونهم صغار هذا لانهم عارفين ان كل منطقة من مناطق العالم لهم شكل معين عندنا الهندي او المصري او الامريكي لو لبس ثوب نعرفه انه مو سعودي لان فيه شيء اسمه دم وفطره حسب طبيعتنا الجغرافية والمناخية مثلاً تبغون تقنعوني ان مهند لو مولود في المزاحمية بيصير كيوت ورزه ورومنسي !!! او تقنعوني ان لميس لو مولوده في رنية وتحبي على ركبتها من يوم هي صغيرة على الفرشات البلدي بتصير ركبتها بيضاء هم عندهم طبيعة خلابة وثقافة معينة تربوا عليها علشان هم يعيشون عليها وعندنا احنا ثقافتنا اللي نفتخر فيها ونرضى فيها ونتعايش معها والدليل الزواجات كل سنة ماتلحق في الاجازات الصيفية والقصور محجوزة والمشاغل تجهز العرايس بالجملة والشباب صاروا يتزوجون جماعي يعني مع كل هذا محد معجبه الثاني !! انا اعرف ان السالفة كلها ضحك ومزح بس لما زادت صارت البنت تفضل الشاب الغير سعودي والولد يفضل البنت الغير سعودية اخشى ان تصير عندنا عقده من الزواج من بنت البلد والعنوسة تزيد والشاب يطلع شيبه ماتزوج وبعدين انتو مفكرين ان الشاب التركي او البنت المغربية بيخلون بنات وشباب بلدهم ويروحون لكم دمتم بود ... |
اقول لك شي و لا تزعل :ranting: خل اللي عندهم بي بي يردون عليك :s4s: امـــــزح لا تصدق :d موضوع لطيف و خفيف زي صاحبه s121s صبااااحك قشطة |
ودي اصدق بس قوية اجل كرتون الدجاج ب50 تصحى اخووووي |
اسلوبك روعه وجزاك الله خير على النصائح مع اني بغيت اطلع لان ماعندي بلاك بيري |
أحييك على الكلام المنطقي والراقي من الموضوعات التي اعجبتني كثيرا واصفق لك على هذه الكلمات الرائعة اخوك : أبو عبدالله |
كلام راقي احييك عليه صراحة خصوصا نقطة لميس جبتها ع الجرح :s2: ... لعل وعسى يسمعون كلامك ويقتنعون بواقعهم ~ مع إني مو من راعيات البلاك بيري >> مااحب اقول بي بي احس اني سخيفة :d |
طيب واللي توووه أخذ له ببي وش يسوي,:s2: في نقطه ذكرتها في موضوعك جدا مهمه ومن رأيي المتواضع أشوف أنها منحنى << :s5s: خطير في مستقبل البنت بالذات. أن البنت تكووون متفاهمه مع أخوها ويحسسها بالحنان وانه قريب جنبها . وبالعربي لوو مالقت الحنان فالبيت راح تلقى الحنان المزيف خارج البيت. تشكر ياريس ع النصائح. |
شكرا على ردودكم اللي تثلج الصدر اللي تعكس عقلياتكم المتفتحه والكبيرة لاني نزلت الموضوع هذا في منتدى الزعيم وفي منتدى اَخر المنتدى الثاني قفلوا الموضوع بحجة انه مسيء للبنات تقبلوا ودي واحترامي .. |
صباح الخير اصبحنا واصبح الملك لله عوآفي |
نساؤنا أفضل نساء يأخي يكفي أنهم يلتزمن بالحجاب |
كلام جميل ورااائع اخوي ** بقايا الذيب ** تحياتي لك |
يا رجل الله يخليلنا الركب السود دام بناتنا مسلمات وخلوقات ومحترمات :smilie47: اللي ما يبي ركبة سوداء يجي عندي ألمانيا ويشوف الركب البيضاء ولكن عليه ان يتقبل قلة حياهن و عنجهيتهن وممكن كمان تلقاها حاضنه خويك بعد كم يوم عشانها ما شافته من زماااااان :s2: اللي أبي أوصله لكل البنات يا زينكم أنتو وركبكم السوداء دامكم مسلمات ومحافظات على اخلاقكن وقيمكن الخالدة ...:smilie47::ba::ba1: وبالنسبة للسراويل البيضاء فما يضر يا شباب لو كل واحد اشتراله شورت وفانيلة أو بجامة وبعدين ترى البجامة زيها زي الفانيلة والسروال بس اللهم ملونين :s2:هههههههههههههههه على سالفة السروال الابيض والفانيلة << كأن ردك أطول من الموضوع ههههههههه في أسفل السكن الجامعي حقي يوجد سوبرماركت وفي يوم من الايام كنت لابس سروال وفانيلة ومسكت معاي اني انزل للسوبرماركت بحالتي الجميلة هذي:s2: تصدقوا وش صار ؟؟ :d اكثر من خوي ألماني سألوني من وين شريت السروال :s2: بحجة ان شكله مريح وفلة :d لك ودي ...:smilie47: |
هههههههههههههههههههههههههههههههههههه |
يعطيك الف عاافيه على الموضوع المميز وياريت كل الرجال يفكرون مثلك واصل ابدااعك |
مايدري انه لاقال ام ركبه سسودا كأنه قاعد يكلم اخته ولا امه ! ونفس الكلام على البنت ! الله لايخلينا من هـ الركب السسود :D عوافي ياصديقي |
| الوقت المعتمد في المنتدى بتوقيت جرينتش +3.
الوقت الان » 11:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd