تخيل يجيك إتصال وإنت قافلة معك بعد نهاية الدوام من جوال واحد من اخوياك بالشقة أو شخص عزيز واللي يكلمك ماهو بصديقك . واحد من زملاه من اللي ماتعرفهم يقولك
السلام عليكم وانت ترد وعليكم السلام
الصوت غريب وكل تفكيرك راح يكون جواله ضاع منه وهذا واحد حصله
قال انا معك من المرور والبقية بحياتك صاحب الجوال توفى بحادث قبل شوي ياليت تجون لمستشفى ............. والله يرحمه ويتغمده بواسع رحمته
ياوجه الله وتخترع ويادوب تلملم نفسك ومن الخرعة تنزل وتلاقي الميت عند باب سيارتك وش بتسوي فيه ؟
هالموقف صار أمس لواحد من زملاي بالمدرسة من أحد أخوياه بالشقة لكن يوم حكالنا الموقف حسيت إن ودي أصفق ذا الدلخ بكف بالله هذي مزحه ولاثقالة دم
على الطاري اليوم واحنا نسولف بالمدرسة ضحكنا المدير على طالب تأخر قال ماكفاك السنة الماضية غبت إنت وكل قبيلتك عشان ناقة ماتت
طالعت بالمدير مستغرب أوما عشان ناقة يغيبون
قلت وش هذي وانا ضاحك قال هذي صارت بالعام الماضي كل ........... غابو عشان ناقة ماتت ههههههههههههههههههههه
يستاهل كف ولا مايستاهل .. ناقة ماتت وطلابنا غابو من الحزن عليها 
الوضع الشجري
