مساجله بيني وبين اختي :$ - نادي الهلال السعودي - شبكة الزعيم

A L 7 Z N · #1 15/05/2011, 09:14 AM

السلام عليكم ورحمة الله وبركاته

صباح الخير يالمجلساوويه , من زماااان عنكم

لكن كلها اسبوعين وارجع ابثركم

قصة القصيده اني انا واختي اللي اكبر من بسنيتن يمكن
يوم اننا صغار دايم مع بعض يعني أخوان وأصدقاء بنفس الوقت < لا ياشيخ

المهم البنت تزوجت وراحت القصيم

وكتبت لها قصيده طبعا هي متزوجه من زمان بس توني افكر اكتب < مالت عليك

ياختي تراني من غيابك تأذيت
وينك تداوين الجروح القديمه

بَعْدِك ليا من جاني الليل سجيت
أتذكر أيامن مضت يالحليمه

أذكر لقافتنا على الكل بالبيت
وأتذكر الفلفل بوقت الشتيمه

وإليا زعلنا ترك البيت ونهِيت
ونقول ما نرجع لأنها ظليمه

وليا وصلت الباب هديت هديت
وانتي تقولي فكرتك ذي سليمه

ياما تهاوشنا وياما لك ارضيت
وياما عطيتيني مقالب أليمه

وياما نصحتيني ليا من زليت
كأنك على ماقيل أم (ن) رحيمه

ياختي احبك قلتها حي او ميت
وأدعي إلهي حبنا ذا يديمه

وهذا رد اختي

ياخوي تجاعيد الزمن والغربه
تلعب على اوتار بعد والعمر شاهد

يابراهيم حمام القصيد ان طارلك سربه
فدوة عيونك الحمام واحد ورى واحد

يابرهوم ويا .... للوله ضربه
توجع تفاصيل ليلن للفرح طارد

متى التقي بك وانا بقربك وقربه
حضنك ياخوي يلملم خاطر الشارد

طبعا هالشطر يابرهوم ويا .... للوله ضربه
تم تشفير الدلع

طبعا قصة الفلفل بقصديتي اذكر الماما الله يهديها اذا شاغبنا توكلنا فلفل

للحين اذكر اشكالنا وحنا واقفين بالدور ننتظر الفلفل

وانتظروني قريبا هجاء في جابر العثرات وحاليا اسمه مستر ايمن

فمان الله

بطلة · #2 15/05/2011, 09:44 AM

وعليكم السلام ,,

صباح الغياب

كويسة القصيدة ماشاء الله

,,

وسلملي على اختك

,الله يخليها لك

--> القلب والوردة لها وإنت لك فلفل

الله يعطيك العافية

شكر لك
بطلة

Ms. Star · #3 15/05/2011, 09:50 AM

ههههه ونستنا يا مالك للعافية ....

أذكر لقافتنا على الكل بالبيت
وأتذكر الفلفل بوقت الشتيمه

ههههه خطير انت بجد " ننتظر هجوتك عجل فيها

A L 7 Z N · #4 15/05/2011, 10:25 AM

إقتباس

الرسالة الأصلية كتبت بواسطة بطلة


	وعليكم السلام ,, صباح الغياب كويسة القصيدة ماشاء الله ,, وسلملي على اختك ,الله يخليها لك --> القلب والوردة لها وإنت لك فلفل الله يعطيك العافية شكر لك بطلة

خلي الكسل
ويعطيك العافيه عالمرور
وبعدين لا تصيرين نفس امي تعطيني الفلفل < صدق

إقتباس

الرسالة الأصلية كتبت بواسطة * سارة *


	ههههه ونستنا يا مالك للعافية .... أذكر لقافتنا على الكل بالبيت وأتذكر الفلفل بوقت الشتيمه ههههه خطير انت بجد " ننتظر هجوتك عجل فيها

الله يعافيك
ومشكورة عالمرور
وان شاءالله قريب الهجوه على قولتك

النار الباردة!! · #5 15/05/2011, 11:27 AM

برهوم بعد جبدي انت هذه هي حلاوة الدنيا
الأخ والأخت تكون الميانة بينهم والعاطفة والمزح بينكم
الله لا يحرمك خيتك ويحفظها لك وان شاء الله ترجع لك حياة الفلفل

الهلالي دائماً · #6 15/05/2011, 12:28 PM

والله فكرة الفلفل ماهي شينه

وفي اعضاء عز الله يبي لهم اطنان من الفلفل والفل

ابيات جميلة ابو خليل

وبصراحة افتقدتك الفترة الماضيه هنا وهناك

الله يوفقك ويديم المحبة بينكما ..

وتحياتي لك دائماً .

classic 2010 · #7 15/05/2011, 01:04 PM

الله يديم المحبه

ويلم الشمل يارب

مووووووووووفق ابو خليل

aboo 7’ld · #8 15/05/2011, 01:30 PM

مساءك فلفل

قلم رائع واسلووب اروع متشككر اخووي ، والدلع لازوم نعرفه

فَيْلَـسُــ زَمَانَهُ ـــوفْ · #9 15/05/2011, 01:38 PM

يآهلا بالشآعر ض1
والرسآم ض1
والبيآع ض1
والخيآط ض1

اقول مآتلاحظون أبو مقبل صآيرن شآيش على الشعب المجلسآوي وده كل شي يسويه بهم

طبعآ الفلفل لك والورد لي .!!

قصيدة طيبة ومآيحتآج شهآدة .!!

وبأنتظآر هجوك وليتك تهجي ابو مقبل على الدرب

ويصير جرير والفرزدق لهآ الزمآن انت وابو مقبل

A L 7 Z N · #10 15/05/2011, 01:44 PM

إقتباس

الرسالة الأصلية كتبت بواسطة هلالي بين عيالي


	برهوم بعد جبدي انت هذه هي حلاوة الدنيا الأخ والأخت تكون الميانة بينهم والعاطفة والمزح بينكم الله لا يحرمك خيتك ويحفظها لك وان شاء الله ترجع لك حياة الفلفل

ان شاءالله من غير شر
ويعطيك العافيه عالمرور

إقتباس

الرسالة الأصلية كتبت بواسطة الهلالي دائماً


	والله فكرة الفلفل ماهي شينه وفي اعضاء عز الله يبي لهم اطنان من الفلفل والفل ابيات جميلة ابو خليل وبصراحة افتقدتك الفترة الماضيه هنا وهناك الله يوفقك ويديم المحبة بينكما .. وتحياتي لك دائماً .

انت يبي لك من الفلفل وانا من الفل
بعدين لا تسوي هالحركه اخاف عيال يدعون علي
وجعلك ماتفقد غالي يا الغالي S9S
وشرفني مرورك

إقتباس

الرسالة الأصلية كتبت بواسطة classic 2010


	الله يديم المحبه ويلم الشمل يارب مووووووووووفق ابو خليل

امين
وتسلم عالمرور يالغلا

إقتباس

الرسالة الأصلية كتبت بواسطة aboo 7’ld


	مساءك فلفل قلم رائع واسلووب اروع متشككر اخووي ، والدلع لازوم نعرفه

مساءك فلفلين
تسلم عالكلام الحلو
بسوي كأني ماقريت اخر جمله

Meme · #11 15/05/2011, 01:51 PM

مررره تجنن المساجله

شووكرا مرره وبانتظار الشي الثاني

وبو مقبل اي موضوع فيه شي مو حلو جاب طاري الاعضاء

الظاهر بعض الاعضاء مطلعين روحه ض1

شوكرا مررره اخرى ابراهيم
والله يحفظ اختك ويحفظك

اختكم ،، ميمي

A L 7 Z N · #12 15/05/2011, 02:00 PM

إقتباس

الرسالة الأصلية كتبت بواسطة فَيْلَـسُــ زَمَانَهُ ـــوفْ


	يآهلا بالشآعر ض1 والرسآم ض1 والبيآع ض1 والخيآط ض1 اقول مآتلاحظون أبو مقبل صآيرن شآيش على الشعب المجلسآوي وده كل شي يسويه بهم طبعآ الفلفل لك والورد لي .!! قصيدة طيبة ومآيحتآج شهآدة .!! وبأنتظآر هجوك وليتك تهجي ابو مقبل على الدرب ويصير جرير والفرزدق لهآ الزمآن انت وابو مقبل

تبا لك حسستي بالبطل فزاع ههههههه
والله الظاهر بهجيك
ويعطيك العافيه عالطله الحلوه

إقتباس

الرسالة الأصلية كتبت بواسطة Meme


	مررره تجنن المساجله شووكرا مرره وبانتظار الشي الثاني وبو مقبل اي موضوع فيه شي مو حلو جاب طاري الاعضاء الظاهر بعض الاعضاء مطلعين روحه ض1 شوكرا مررره اخرى ابراهيم والله يحفظ اختك ويحفظك اختكم ،، ميمي

يحفظ الجميع
ويعطيك العافيه عالمرور

ياناس هلالي وربي · #13 15/05/2011, 02:16 PM

يعطيك العافيه وصح لسانك
انشهد ان الفل لك ول امثالك
والفلفل خله لناس بخاطري

((طبعا قصة الفلفل بقصديتي اذكر الماما الله يهديها اذا شاغبنا توكلنا فلفل
للحين اذكر اشكالنا وحنا واقفين بالدور ننتظر الفلفل ))

اوما تنتظر الدور نظامك والله يا ان الباب يشتكي

عموما الله يخليك ل اهلك ويخليهم لك
تقبل طلتي

حاتم · #14 15/05/2011, 02:30 PM

مبدع بكل ما تعنيها الكلمة من ابيات من معاملة مع اختك من لطف من مزح
لا تحرمنا ابدااعك والله يحفظ لك اختك
اتوقع سبب من اسبااب نقص العاطفة لدى البناات او اتجاهن الى سلوك مخالف
هو لا يوجد لديهن اخ مثلك
مشكوور

حروف الغلا · #15 15/05/2011, 02:33 PM

نحن عندنا اذا فكرنا نفطم البيبي نعطيه فلفل

أبيات جميلة

تحيااتي للعائلة الكريمة