|
سياسة - ماء مفتوح - ماذا بعد يا اتحاد القارة الموقر ؟؟ (( بقلمي )) بسم الله الرحمن الرحيم السلام عليكم و رحمه الله و بركاته سمعت تصريح الامير عبدالرحمن بن مساعد – رئيس النادي في برمانج كورة عبر قناة روتانا : عن ما يحدث و سوف يحدث في ايران طبعا من خلال التصريح حسيت انه الامير مرة مرة متضايق من الي يحصل هناك و خاصة انه هو بنفسه مرة راس البعتة و ربما كانت الاولى و الاخيرة لانه على حسب كلامه ( قديم ) انه يوم يروح انه الديون الملكي منعه من الذهاب الي هناك بس بعد كذا فهم الموقف و سمح له الذهاب و بعد طلب منهم اخر مرة انه يروح لكن هالمرة على ما يقولون ( مو كل مرة تسلم الجرة ) مو هذا الموضوع طبعا من حق الاسرة المالكة انها تحافظ على ابناءها بس بعد انا مو جايه اخذ قرار عنها انا دخلت بالموضوع فيه السالفه و لا احد ياخذ السالفة بعدين يقول كلام انا ما قلته انا بس فتحت الموضوع هذا عشان اقول : مثل مالديون الملكي يمنع ابناء الاسرة الكريمه بالذهاب بعد اتمنى من الدولة انها تمنع أي احد (( سعودي )) بالذهاب الى البلد الي مدري بصراحة وش اقول عنه ؟؟ و خاصة اذا كان نادي رياضي رايح يلعب كرة قدم مو رايح يدخل حرب عشان يسمع امور ما تخص المجال الي هو رايح عشانه و بعدين اذا كان الاتحاد الاسيوي الي المفروض يتدخل و يمنع الي يصير طبعا ليه نلقى العذر ما شاء الله (( مشغول في ابي اخذ رئيس الفيفا )) انت اول شي خلك تصلح امور القارة الي انت فيها بعدين فكر في الفيفا يعني مو المعقول انت تسمع الي يصير (( بعدين ما تسوي شي )) فانا اتمنى انه اذا الاتحاد الاسيوي (( حضرته مشغول في الي هو فيه )) اتمنى من الاتحاد السعودي و خاصة من الامير نواف بن فيصل انه اذا كان ابن همام مشغول في اموره انت يا ابو فيصل الي تاخذ قرار و ما لك شغل في الي مشغول و مخلي شغله الاهم على جنب و ليه ؟ و الله على ما قال وليد الفراج في الجولة (( عشان ما راح اسوي شي عشان اخاف ما اكتب تصويت من ايران )) اتمنى يا سمو الامير انت تدخل في الامر و تاخذ قرار انه : يا انه : الانداية السعودية تلعب في ارض محايدة يا انه بلاش من هالبطولة ادري البعض يقول حرام و الله نخسر البطولة عشان ايران ؟؟ ) و بعد حرام الانفس الي رايحة هناك عندهم اهل بعد و مثل ما قال الامير عبدالرحمن و وليد الفراج : اتمنى انه مبارة النصر القادمة في دبي او أي بلد ثاني ان شاء الله في الشنغال عادي اهم شي نبعد عن ايران و المصيبة الي تحصل هناك . و بعدين الامير عبدالرحمن يقول : انا سمعت انه في احد الاخوان يقول : انه ادارة الهلال هي ضخمت الموضوع و هو صغير طبعا سمو الامير اكيد قصده ( صالح الحمادي و مدري من الثاني )) الي سمعته في برمانج :في القناة الرياضة السعودية يقولون (( ادارة الهلال معطيه الموضوع اكبر من حجمه و مدري ايش طيب اذا سالفة المياه المفتوحة الي انا لو اشوف احد يعطني شي مفتوح احس نفسي شدة عن الاكل ما ابي خلاص اكل و اشرب و الاسالفة اسمع و الله يقولون عن بلدي و الحكومة حقتي السب و مدري ايش ؟ و غيرها من الاشياء هذي كلها تسمى (( نكبر الامور )) اجل وش الي اكبر من كذا ؟؟ يعني يبي الناس تموت ( لا قدر الله عشان نقول ايه و الله ما نبي خلاص نروح هناك )) هذا الي يبونه ؟؟ للي يقول هالكلام اقوله (( انت خل ولدك يروح هناك )) اجل دام الهلال يضخم الامور و نشوف ردة فعلك لما يتصل عليك و يقول نفس الكلام هل راح تقول ( انت يا ولدي تضخم الامر و هو صغير )و الا ( تدورله اقرب طائرة جاية عشان يجي ؟؟ ) يعني مو تقول كذا و انت موعايش الوضع هناك و اخر كلامي : يا انه الامير نواف يتدخل في الامر و تلعب الفرق السعودية على ارض محايدة و الا انه بلاش هالبطولة ما نبي بطولة تحصل فيه اشياء مثل هذي حنا ناقصين ؟؟ الي عندنا بعد عشان نروح ندور امور ثانية لانه لو نسكت هالمرة راح تزيد الامور اكثر لا و يقولون بعد راح نرفع شكوى على سامي الجابر لانه هو الي قال الي حصل : (( اذا كان في امهم خير خل يسون الي يسونه يا ابو عبدالله لا يهمونك اصلا اذا قادرين يصلون لك بس )) و السلام خير ختام خارج الموضوع – اتمنى من الله سبحانه و تعالى ان يمن بالشفاء العاجل الى صاحب السمو الملكي الامير ( مساعد بن عبدالعزيز ال سعود ) و ان يشفيه و يعافيه و يطول في عمره على طاعته و يخليه لعياله و احفاده و اخوانه و اهله كلهم و جميع مرضى المسلمين امين يا رب العالمين تحياتي |
السنة الجاية مراح نلعب في ايران ان شاء الله يعطيكــ العافية |
لا حياة لمن تنادي ابن همام ما يبي يخسر صوت الدوله الغير شقيقة ايران :s3s: لكن إن شاء الله ايران تخونه وتصوت لـ بلاتر عشان يعرف وعود الروافض s121s |
هذي عوايدهم أبوطبيع مايجوووووووز... ويعطيك العافية |
ايــــــرن الله يرجهم رج يارب ناس بقر والاتحاد الاسئوي مايقهم |
بارك الله فيك بس فكرة اننا لانذهب ومن ثم نعاقب بالحرمام من البطولة لمدة سنتين لا ااويدها نعم بالضغط على ابن همام وعلى الاتحاد الاسيوي الله يوفقنا لكل خير |
. . . تمتنع عن اللعب يعني تُحـرم من البطوله سنتين أو ثـلاث في إيران لم تتعرض البعثات لـسوء لكـي تنقل المباريات لأرض محايدهـ .! كل مافي الأمر إنـه نباح من بعض الشيعه في المدرجات وهذا الأمر لايتدخل بحله سوى الإتحاد الآسيوي إذا صحـى من سباته العميق .! .... |
ضمانات الاتحاد الآسيوي غير كافية مدرج كامل يهتف ضد شعب السعودية وآل خليفة يعني لو يتم لهم ينزلون الملعب كان ذبحوا اللاعبين كمافي اعتقادهم في عقيدتهم نبي نشوف وش قرارات الاتحاد المتقلب في قراراته أوقف السعران ولم يوقف لاعب السد ويونس محمود !!!!!!!!!!!! |
ابن همام وده يصير رئيس للفيفا اجل ههههههههه والله من جنبها انت من يوم خليت ولد اختك افضل لاعب باسيا سنة 2006 وهو عمره ماتعدى 17 ونا غاسل يدي منك المهم لو لعبنا بأيران السنة الجاية واستمر الحال كذا ايضا الجمهور السعودي راح ينتفض وسوف نفعل ما يفعلون العين بالعين والسن بالسن والبادي اظلم |
من امن العقوبه اساء الادب هذا اللي اقدر عليه |
اولا: الاتحاد الآسيوي يعتبر افشل إتحاد حاليا لإسباب كثيرة لاوقت لسردها.. ثانيا: ياخي فيه عقوبة بسيطة وتريح الناس خل المباراة بدون جمهور وانتهينا من المشاكل سوآء لعبت في ايران او في دولة محايدة يكون بدون جمهور وهو حل بسيط ولكن لايستطيع ابن همام فعله.. وهو أدرى لماذا لايستطيع.! ثالثا:مشكلتنا نحن السعودين ضد بعض حتى لو وصل بنا الامر إلى معاونة اخر اجنبي على حساب قريبك وأبن عمك وهو يحصل في جميع الاندية ولاأستثني منها احد حتى مشجعي الهلال..! رابعا: لابد من الاتحاد السعودي أن يتخذ خطوة في هذه الامور لانها وصلت الى حد تعدت فيه مرحلة الرياضة وسوف تكون خطرا وربما يصل إلى امور لاتحمد عقباها فلابد من التدخل عاجلا وحل هذه المعضلة.. في الاخير اتمنى من الله عزوجل ان يمن على صاحب السمو الملكي الامير مساعد بن عبد العزيز بالشفاء العاجل.. |
والله موضوع القوارير المثقوبه يحير الواحد كيف يعني بيثقبون قوارير الماء بشكل واضح للشخص ؟ وثانيا القوارير فحصوهم بالسعوديه ومافيهم شي ... يعني كيف الأتحاد الأيراني بيضر نفسه بثقب قوارير ولافيهم شي ؟؟ ! من وجهت نظري في طرف ثالث يلعب على الوتر الحساس ألي بين السعوديه وأيران الله يكون بالعون .. تقبل مروري :) |
عرق ابن همام له دور :) .................... |
مشكله اذا تحولت الرياضه الى سياسه وهذا الحاصل الاتحاد الاسيوى يخاف من الايرانين وعلى قولتهم سو كنك مادريت يعنني مايشوفون الشعارات الله يعين ويوفق الهلال وتقبل المرور |
يعطيك العاااااااااااااااااافية |
| الوقت المعتمد في المنتدى بتوقيت جرينتش +3.
الوقت الان » 04:50 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd