|
جمهور الزعيم في الرياض : ( مالذي تريدونه بالضبط ؟؟ ) .. ولماذا غابت الرابطه من الدره ؟؟ السلام عليكم ورحمة الله وبركاته اسعد الله اوقاتكم بكل خير ومحبه .. - تأهل الهلال لدور الـ 16 من بطولة دوري اسيا كـ ثاني المجموعه وبفارق الاهداف عن صاحب الصداره ( مبروك الفوز ) و ( مبروك هذا المستوى وهذه الروح ) واذا استمر الفريق على هذا الابداع فلن يقف اي فريق امامه سنقابل فريق الاتحاد في جده .. من وجهة نظري مدام المباراه في السعوديه فليس هناك فرق لان كل ملاعب المملكه سوا وجمهور الهلال في كل مكان ولا اخفيكم اني سعيد كون المباراه في جده وليست بالرياض ! لان جمهور الرياض مخيب للآمــــال بصوره تدعو للاستغراب !! فريقه يحقق بطولات وانجازات وارقام ويمضي بخطوات واثقه نحو اللقب الاهم والجمهور بعد الحملات وحب الخشوم يستكثرون الحضور في الدره ؟؟ من حضر مساء الاربعاء الماضي يشكرون على حضورهم ولكن ليس هذا جمهور الهلال صاحب الشعبه الاولى المطلقه السؤال ؟ اذا لم يحضر الجمهور في هذا الوقت ؟ متى سيحضر !! جمهور الرياض اثبت انه جمهور مزاجي وبيني وبينكم ماينشد به الظهر والاسباب في مباريات الهلال الاخيره التي اقيمت بالرياض ؟؟ جمهور الهلال في المناطق الاخرى جمهور يملئ الملعب ويشجع ويحفز الفريق وشاهدنا كيف يقدم الفريق مستويات كبيره في جده والدمام والاحساء والقصيم ومن يأتي ليقول ان الدره اكبر من الملاعب الاخرى سأقول ايضا الرياض منطقه اكبر من المناطق الاخرى وسكانها اكثر كثافه لااقلل من حب وعشق جمهور الهلال في الرياض ولكنه جمهور يحب النقد في اي اخفاق فقط !! الحمد لله ان المباراه في جده وراح تشاهدون كيف الجمهور الهلالي هناك في الحضور والتشجيع رابطه الزعيم مالذي يحدث ؟؟ وهل هذا كل ماتملكونه !! لااهازيج ولا تحفيز ولا اي شئ يذكر ؟ ماعندها ابداع واختراع التشجيع رابطه تفتقر لأدوات التشجيع المحفز رابطه اهازيجها تجيب النووووووووووم وسلمو لي على رابطة المحرق البحريني يوم حضرت للدره لمساندة الهلال العام الماضي - مباراة الاتحاد : ستكون صعبه كونها في جده ولكن المتابع لمستويات الاتحاد في الفتره الاخيره يجد ان الاتحاد فريق ضعيف ومهزوز وامام طوفان الهلال سيجد الاتي صعوبه بالغه اتمنى ان يحضر الهلال بكامل ثقله وبكامل استعداده البدني والذهني وان يلعب بكل جديه وبكل روووووووح استغرب كثير من المتخوفين من مقابلة الاتحاد !! الفريق الذي يطمح لمعانقة الذهب عليه ان لايخشى من اي فريق امامه يلعب من اجل الفوز فقط والفوز لايأتي الا بالروح وبالجديه وحتى لو الاتحاد فريق قوي لنتخيل المباراه النهائيه بين الهلال والاتحاد هل سنمنح لهم البطوله ؟؟ بالتأكيد لا دور الاداره الآن هو التهيئه النفسيه والبدنيه والمعنويه للمباراه القادمه في الدوري الآسيوي كالديرون كان منطقيا مساء الاربعاء والحمد لله انه لم يدع لفلسفته اي فرصه كنت اخشى من البطاقات الصفراء خاصه لـ 6 لاعبين يعتبرون هم الركيزه والاساس للفريق والحمد لله حققنا الاهم والمهم الفوز وعدم الحصول على البطاقات الملونه .. تتويج الهلال في الرياض امام نجران اتمنى ان تكتمل اللوحه الجميله بريشة الجمهور الازرق هي امنيه مع انني اتوقع ان اشاهد كراسي فارغه في المدرج مدام التتويج في الرياض ؟؟ ,,,,, ______ تقبلو احترامي اخوكم / الهامه الزرقــآء |
اريد كراسي مرقمة ,, كافتيريات على مستوى عالي .,, كوفي شوب ,, واي فاي زون ,, مواقف قريبة من الملعب حتى لا اضطر ان اقوم بسباق اختراق الضاحية حتى اصل لسيارتي. وفرلي هالطلبات احضرلك حتى مباراة الحزم. شكرا |
إقتباس:
دام هذه ثقافة التشجيع : اقرب كوفي في التحليه يوفي بالغرض لاتطالب الفريق وطلباتك مخمليه ! |
|
إقتباس:
شف اوربا ياشيخ يكد اسبوع كامل علشان يطلع قيمة تذكرة ويحضر المباراة وحنا الواحد تعطيه التذكره ومايحضر بس متى يصعد الطائي وتشوف الجمهور الهلالي على الاصول |
إقتباس:
واما الاتحاد : هو صح كلامك الفريق مهزوز بس قدام الهلال يظهر كالنمر المفترس ويدرك من هو الهلال .. لذالك ع الهلال يدخل بتششكيلة مناسبة والضغط ع حامل الكورة ، وانا متفائل خير من هالمباراة .. والله يعطيك الف عافيـة ع الطرح الراقي ، وبالتوفيق يارب للزعيم .. تحياااااااتي لك ،، :rose: |
جمهورالرياض يبي ســلامتكـ ياغـالي والهلال بيلعــب عندكم يوم الأحد أحضـــر ويعطيكـ العــافيــه :) أجمـل مافي موضوعكـ نقطة الإتحاد وللمعلوميه البطاقات مستمرهـ في الدور الـ 16 يعني اذا لاعب عندهـ كرت بدور التمهيدي واخذ كرت بدور الـ16 وتأهل الفريق يتوقف عن مباراة دور الـ 8 ..... |
مالذي تريدهـ انت ! جمهور الزعيم في الرياض الاستاد يشهد لهم , 80 ألف مشجع مباراة ذوب آهن داخل و خارج الملعب مباراة الغرآفة حضرنا و شجعنا بنفسس واحد , 90 دقيقة وانت الآن خلف الشاشة و ماذا تريدون و لماذا تغيبون ماقصروا الرجال إقتباس:
ومن قال لك انها ساعتين من الساعه 5 في الملعب إلى الساعه 11 , وفي النهاية تعامل مقرف من العساكر و لا كراسي زي الناس لا ماء ولا بيبسي وكأنك في معتقل |
إقتباس:
واخرته 19 الف بلاه ماهو شيء يقهرك :mad: :rose::ba1::ba: |
نبي سلامتك الجمهور حضر وما قصر عدد الجمهور اللي طلع على الشاشه اتحدى ان يكون صحيح لو انت في الرياض وتحضر كل مباراه ويجي شخص يتكلم ويعمم على جمهور الرياض كان ما ادري وش تسوي !! رجاءا الا جمهور الرياض خلوا عنكم الكلام اللي ما منه فايده تبي تتكلم عن الرابطه تكلم بس جمهور الرياض لاااااااااااااااااااااااا حدكم عاد سكتنا لكم كثير |
: إقتباس:
|
لا لا ما يحتاج كوفي شوب و وايفاي نبي بس 1 - ادخال المياه والعصيرات والوجبات :yes: 2 - كراسي مرقمه بحيث انك تروح قبل المباراه بـ10 او 15 دقيقه تلقا مكانك زي ماهو معمول به في الملاعب الاوربيه :smilie47: احضر لك مباراه الهلال والطائي ان بغيت :s2: |
إقتباس:
ممكـن اعقب على هذي النقـطه :) ليش الجمهور الأوروبـي متوفر لـه كل هالشغلات .! بتقول ذيكـ اوروبا .! طيب قطر والإمارات ليش افضل الخدمـات عندهم بالملعب ..؟ وش الفرق بيننا وبينهم .؟ على فكرهـ درجة الحرارهـ بالرياض تصل للـ 35 بالليـل وعلى فكرهـ المويه ام نص تباع بريال وليتها باردهـ تجيكـ حارهـ وحتى البيبسي حار .! ولازم شربها خارج المدرج .! وعلى فكرهـ اذا طلعت لدورة المياهـ ( اكرمكم الله ) العسكري مايسمح لكـ ترجع من البوابه على حسب مزاجه .! وعلـى فكرهـ المشوار ماياخذ ربع ساعه من بيتي للملعب اذا جيت طالع من استاد الملكـ فهد اخذ ساعه لأن الدوريات تقفل الطرق وتضطرتلف وتدور و تاخذ طريق آخر وأبعد ترى الجمهور اوادم حبيبي :rose: .... |
إذا حضور أكثر من 19،123 مشجع في مباراة الغرافة ما يعجبك أجل وش يعجبك ! معليش الجمهور حضر و أبدع و مع إحترامي لـ جمهور الشرقية مباراة الإتفاق كان حضورهم مميز لكن على فكرة ( ملعب الأمير محمد بن فهد ) يتسع لـ26,000 متفرج و حضوركم في مباراة الإتفاق نص الملعب لكم و النص الثاني للإتفاق يعني 13,000 ألف للهلال و 13,000 ألف للإتفاق و جزء الهلال ما إمتلئ بالكامل وين الجمهور الهلالي في الشرقية يا أخي و الهلال يلعب 3 مباريات في كل سنة ؟ و كلامك عن عدم تفاعل الجمهور و أن الرابطة مختفي دورها ! شف هالمقطع و تعرف التفاعل و الحماس و ياليت ما تتكلم عن شيء ما شفته ؟ YouTube - ‫سهرآت طرب من جمهور نادي القرن‬‎ |
اخووي انت تبي في كل مباراة خصوصا في استاد الملك فهد الحضور 70 الف متفرج صعبه يعني جمهور الرياض:smilie47: ماقصر في مباراة الغرافة الحضور متاكد انه اكثر من 20 الف |
والله جمهور الرياااض يفشل صرااحه والزعيم على ذا النتائج مفروووض يحضر 100 الف وبعدين مباااراه ذوب آهن والله ثم والله ان اللي احضروا من الريااض ما يتجاوزن 30 الف والباااقي خاارج الرياااض |
ياخي قسسسسسسسم قهههههر تحضر وتتعب من العصر ودرجه الحرارة تووووووووووووووووصل لل 100 من 5 الى 11 وانت في الملعب وجسمك ملياااااان عرق كنك طالع من المسبح واخر شيء يجيك زي الاخ الي منزل الموضوع جمهوور الرياض فاااشل جمهور الرياض مدري وش فيه ياااخي لا تعم |
إقتباس:
ايه نعـم 100 ألف مفروض لأن الملعب 70 ألـف والـ 30 ألف الباقيين يجلسون فوق عواميد الإضاءهـ وشاشة النتائج :) إقتباس:
استغفر الله العظيـم تحلف بالله جازمـاً .! ليش ياخوي إنت واقف عند البوابات وتسأل الجماهير من وين جايوا .! |
والله شيء يقههههههههههههر تحضر المباراة من العصر ودرجه الحراره توووصل الف وجسمك مليااان عرق تقووول طالع من المسبح وتقعد من 5 الى 11 في الحر والمويه حاارة ويجيك زي الاخ هذا يقولل جمهوور الريااض فااشل ومدري وش ياااخي تبي تكلم عن جمهوور الرياض لاتعم |
الحين الوجهة كاملة امتلأت والمنصه مليانه..وجزء من الجوانب حضر فيها ناس وفي مباراة دورية وتقول ما حضر جمهوور!!! بعدين تصدق الرقم 19 الف .. اذا الملعب يشيل 75 الف يعني الواجهة كلها كم تشيل...فكر بعقلك وخل هالالرقام اللي احيانا تجي ملحووسة لان فيه ناس كثييير تدخل بدون تذاكر وفيه اخطاء ثانية بس مدري من يقف وراها... جمهرو الرياض ما قصر في المباراة الاخيرة ولو انهم حضرو بنفس العدد في اي ملعب فالسعودية غير الاستاد لامتلأ عن بكره ابيه لكن ذنبهم ان الاستاد كبيير والناس تعتقد ان مافيه حضور |
مرحبا بالجميــع واشكركم على حضوركم اعزائي : اولاً : لمن ينعتنــــي بعدم الاحتــــرام ؟ انا ولله الحمد انسان محترم نفسي ومحترم هذا الصرح الكبير ومحترم جميع الاعضاء ولهم مني كل ود واحترام ولم اسيئ لأي شخص من اول مشاركه لي هنا لحد هذه اللحظه فالواجب ان يكون هناك اختيار مناسب للألفاظ ! ثانياً : كنت اتمنى من البعض قراءة الموضوع كاملاً وعدم الرد من خلال العنوان ! انا لم اعمم وفي نفس سياق الموضوع شكرت الجماهير الوفيه التي حضرت ولها كل شكر وتقدير ثالثاً : من يقول ان جماهير الرياض حضرت في مباراة ذوب آهن العام الماضي اقول نعم حضرت ولكن كلنا نتذكر الحملات الضخمه والحضور من جميع المناطق والمدن في المملكه رابعاً : من يتغني بجمهور عدده 20 الف اقول بيض الله وجيهم اللي حضرو ولكن جمهور الرياض لوحده لو حضر ربعهم فقط لملؤ الملعب وجميع المساحات المحيط بالملعب ولكنهم لم يحضرو بالشكل الذي يعكس شعبية الهلال خامساً : الهلال فريق الجميع وليس جمهور الرياض فحسب وكلنا نمثل نفس الدور في اي مكان نكون وهو مساندة وتشجيع الفريق في اي استحقاق سادساً : عندنا يقال : ان الجمهور قليل ؟ فهذه ليست اساءه وليست مسبه ولامذمه .. هي حقيقه شهدها الملعب بـ مصادقه من المشاهدين سابعاً : كلنا نطمح بملاعب بمواصفات اوروبيه ولكن الجود من الموجود وهذا الواقع وهذه الاسباب لم ولن تمنعنا من مساندة الزعيم وليس عذرا بعدم الحضــــــور ثامناً : نفخر بفريق بحجم الهلال وكم هو فخرنا عندنا نشاهد الملعب ممتلئ بالجماهير وعندما نطالب بالحضور فهذا لأن فريقنا يستاهل اخيراً .. احترامي للجميـــــــع واتمنى مايكون هذا الموضوع مزعج للبعض فالمصلحه العامه للهــــــــــــــلال الكيــــان |
ردك علي الصراحة يبين مستوى تفكيرك لذا اعتذر عن الخوض في اي حوار مع هيك عقليات. شكرا. |
إقتباس:
انا اتكلملك عن لطعة من 4 العصر الى 12 بالليل . وبعدين ترا الهلال مايجيك حايل الا مرة كل 10 سنين وملعبكم مايشيل الا 10,000 مشجع عشان كذا يمتلي الملعب. فلا تقعد تتكلم عن شي لاتفقه فيه الله يجزاك خير |
إقتباس:
كان وفرت هالرد ! عموما على الرحـــــب والسعه |
الله يعطيك العاافيه لآ جمهور ، لآ رآبطه ..! كلكم بسسَ فآلحين تسوّون حملآت وأكثركم يجلس يستنآ موضوع ( الفرفشه ) عشآن يزوّد مشاركاته |
انت الي وش تبي ؟؟ يعني مو مالين عينك الي احضرو اكثر من 20 الف وموراضي بعد من جد موضوعك بدوون فايده لان الحضور في مباراة الغرافه كان ممتاز وكان هو الي متوقع الي يشوفك يقول كل مباريات الهلال الي على ارضه يمتلي فيها الملعب وهذا مو صحيح ابدا يعني لا نلعب على انفسنا |
إقتباس:
وجمهور الرياض معرووف بحضووره ودايما يملي الملعب بس تقوولي جمهور الرياض في ذوب اهن 30 الف بس :d والباقين خارج الرياض اووكي فيه جمهور كثير من خارج الرياض لكن مااتوقع اكثر من جمهور الرياض:smilie47: |
إقتباس:
أقسم بالله انهم أكثر من هالعدد بكثييييير في الواجهه الناس جالسين على الدرج ! ويقولون لي 19 ! إقتباس:
الـ19 ألف زي ماكتبوا بالشآشة والله أنهم أفضل من 80 ألف حضروا ذوب آهن في مباراة الغرآفة الجمهور يشجع 90 دقيقة أما مباراة ذوب آهن , 90 دقيقة صمت |
شكرا لك جمهور الرياض وقت شدة الظهر يبون يبيضون بالوجه الله يعطيهم العافية اللي حضروا وان شاء الله يبون يحضرون تقبل مروري |
إقتباس:
اقول يمدحوون المقاهي بس اذا الهلال ما يستاهل تحضر له انت..ترا فيه غيرك بيقطع مئات الكيلومترات.. و يحضرون ويشجعون..اما اللي يبي واي فاي و مدري شنو هذا يجي يتفرج بسس....و الهلال يبي مشجعين يتنفسونه عشقاً |
إقتباس:
س: حضرت المباراه؟ اذا ما حضرتها معليييييش مالك حق تتكلم |
انا حاضر المباراة .. :) انا عندي في الرياض في الدوري 15 مباراة والاسيويه 3 مباريات وكاس ولي العهد 4 هذي كم مجموعها 22 مباراة غير كأس خادم الحرمين انا حضرت تقريبا11 مباراة ها الي اذكرها هذا الموسم ادخل الملعب من الساعه 5:30 ولا اطلع الا حدود الساعه 12 =6ساعات ونص كل مباراة احضرها كذا وعاد شف الزحمه في الرياض يبي لي من45 دقيقه الى ساعه لين اوصل البيت مساله انك جالس على الجيهاز وتسب وتنتقد وجمهور الرياض ومدري ايش هذا شيء راجع لك واقسم بالله العظيم ثلاث لو انك من سكان الرياض ما تحضر اكثر من 10 مبارايات بالكثير 15 مباراة يا اخي حنا اودم والعسكر معاملتهم سيئه وهالايام حرررر وتعب ودخان في المدرجات وتسمع انواع الشتايم ومع كل هاذا نحضر انت تجي بكل برود تنتقد ترا نقدر نسوي كذا نجلس في البيت وافتح اللابتوب وانتقد اي احد ولا اروح الملعب والشاهي جمبي ومكيفات وموسع صدري ماعندنا مشكله ونسوي مثلك ننتقد جمهور الرياض ونحطمهم ولا نشكرهم ونقول مدري ايش قسم بالله اني اذا قريت مثل هالمواضيع مرات افكر اني ما احضر احتمرمونا واحترمو الي يحضرون ملينا منكم كل شوي واحد فاتح موضوع وكاتب لي جمهور الرياض :cry: اللهم طولك ياروح :cry: |
بخ:s2: سالخير:ap: إقتباس:
قايلتن لكم بشير شنان :ap: ماعنده الا أزرق و أبيض بالسما عالي عالي عالي حتى صوت الطق و القرشعه تقل عرس:laugh: أخاف باتسر يغني قولوا بسم الله على غزالن طب قولوا سبم الله :d:ap: إقتباس:
الله يسلمك يوصل إن شاء الله :s2::s2: الله يوفق الزعيم ميغسي بوكو:laugh: |
النمور يتحولون قطاوة قدام أي فريق حتى لو كان التعاون مع احترامي للتعاون لكن قدام الزعيم يتحول لعبه لجلد وضرب وتكسير وما بقى الا يعض في سبيل تحقيق الفوز وما نقول إلا الله يستر على لعيبة الهلال من الإصابات :( مرررره لله يا لعيبة فريق الاتحاد إلعب قدام الزعيم لعب نظيف وحاولوا تكونون في نفس مستواه أو على الأقل تعلموا منه :mad: |
ياناس كرهتونا في التشجيع :ranting::ranting::ranting::ranting::ranting::ranting::ranting::ranting::ranting:فكونا من تحفيزكم الي يرفع الضغط مسوين فيها ماحد يحب الهلال الا انتوا جمهور الرياض اكبر من بعض الكلام الي ماله داعي ريحونا ياناس |
طيب 20 الف ولا جمهور من برى الرياض وصله :s2: فلا تجيب كلام من راسك وتحط كل اللوم على جمهور الرياض :s5s: والرابطة لازم تتغير نهاية الموسم / |
إقتباس:
الله يعطيك العافيه وبيض الله وجهك على حضورك واحيييك على روح التشجيع والحب والوفاء يالغالي انا كتبت في اول الموضوع شكرا للي حضرو يعني الكلام والانتقاد للي جالسين يتفرجون في بيوتهم ومابينهم وبين الملعب الا كم خطووووووووه !! على عيني وراسي اللي حضر بخصوص اللي يسأل هل انا حضرت او لا انا من سكان الرياض وكثيره المباريات اللي احضرها خاصه الحاسمه واللي يحتاج فيها الهلال جمهوره وبحكم مقر وظيفتي ( الشرقيه ) قل حضوري للرياض السنتين الاخيره ومباراة الغرافه الاخيره حضرت وكثيره المباريات اللي حضرتها ولاهي منه مني لان الهـــــلال يستاهل من يتعنا ويسانده ياجماعه بدل مايتحول الموضوع للصراع من افضل جمهور ياليت يكون تحفيز للجميع بالحضوره في المباريات الجايه ( الحاسمه ) الفريق مافيه شي يخلينا نتكاسل عن تشجيعه مقدم مستويات ولا احلى وبطولات ولا اجمل وش نبي اكثر !! |
هههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههه اجل بتحضرون في جده وتملون الملعب : ومقاعد جمهور الهلال 10% يعني 1200 كرسي أتوقع : وياليت تمتلي ههههههههههههههههه انا تارك اختبار قدرات عشان احضــر المباراه : يعني انا مزاجي هههههههههه والي يقول اتمنى يصعد الطائي : و و و . ألخ ياخي لاتقارن ملاعب ثانيه باستاد الملك فهد شفت ملعب جده : لو يجي جمهور الهلال الي حضر مباراه الغرافه : ملاه ..وصدقني بتلقــــــــى نص الجمهور برى : مافيه كراسي فاضيه بس والله نعلمكم نعلمكم بس ماتفهـــمون |
الجماهير اللي تحضر في الرياض هي جماهير النصر فقط بعض الاحيان اتابع مبارياتهم وانا مااحبهم بس جماهيرهم يحضرون كانهم بيتوجون بااللقب والله احسد النصر على جماهيرهم اما الهلال في الرياض كان الهلال يلعب برا السعوديه لابعد يحضر لمباريات الهلال خارج السعوديه اكثر من حضورهم باالرياض يااخي احضرو والله لو الحريم يدخلون مانطلب منكم كان الملعب فل وقد اللي في الملعب برى لان الهلال يستاهل الحضور |
جمهور الهلال بالرياض الاسوء على الاطلاق مع الاسف لازم اللعيبة والادارة تطرهم قبل المباراة الف مرة عشان يجيك 20 الف الله وين ايام زمان وايام ال40 الف تكون شي عادي |
الهدف من المووضوع 1- التفرقة بين جمهور الهلال 2- التقليل من أهل الريآض وهذا غايتكـ 3- ملعب محمد بن فهد + ملعب جلوي بالاحساء + ملعب الرآكة + ملعب جدهـ = الإستآد الدولي :d |
إقتباس:
الاهداف المذكوره اعلاه للأســـــــف خاطئه ولا اعرف على اي اساس حكمت !! انا هلالي صميم وانا ارقى بكثير من الهمز واللمز بأساليب مالها معنى الهدف الاساسي التحفيــــــــــــز لاني كـ هلالي ماارضا بغير ملء الملعب وبسس اما بخصوص التقليل فأنا رديت اكثر من مررررررره ياليت تقراء الموضوع لاني شكرت اللي حضرت وذكرت ايضا بأن ربع جمهور الرياض فقط كفيل بملء عشر ملاعب مثل استاد الملك فهد ولكنهم مايحضرووون انت ليش زعلان من الكلام الواقع ! ولا عاجبك 20 الف من 70 الف في مباراه مفصليه وحاسمه تقبل احترامي يابطل :) واتمنى تحسسسن النوايا في اللي يخالفك الرأي :) |
حياك الله اخوي الهامه حبيت اعقب على نقطة الجمهور الهلالي بالرياض بالنسبة للحضور الجماهيري بالرياض ,, انا من الناس اللي ((كانت)) تحضر وماتغيب عن اي مواجهة بالرياض لكن من سنتين تقريبا ما حضرت بالرياض الا ست او سبع مباريات فقط فقط فقط والاسباب الخصها لك ((بعض الاسباب خاصه ومتعلقه بملاعب الرياض واتحدى انها تكون موجوده برا الرياض)): 1- صعوبة الوصول للملعب,, بصراحه الروحة للملعب يبي لك تهيئة نفسية وتفرغ عمرك من العصر عشان تحضر والناس تراها مو زي بعض اللي فاضي كثر الله خيره ويقدر يحضر لكن اللي وراه اهل ومشاغل تلقاه يالله يلحق على الشوط الاول بالبيت.. ومو زي بعض الجماهير بالمناطق الثانيه اذا كانت مباريات الهلال عندهم على اذان العشاء تطلع من بيوتها ومده بسيطه توصل وتصلي العشاء وتدخل وتلقى مكانها 2-تعامل العسكر... انا بقول لكم موقف صار لي وبعدها انتم بتعرفون ليه ما لنا نفس ياحقين الرياض نحضر مره من الممارير باستاد الملك فهد,, العسكري رفض اني ادخل المسواك معي بحجة اني اقدر افقع عين واحد فيه!!! ياجماعه الخير فيه احد مسلم بالغ عاقل يقر باللي يسوونه العساكر مع الاوادم اللي تبي تدخل؟؟ الموقف هذا خويي اللي وراي مصوره بالفديو ونزلته بوقته بالمنتدى وبحاول انزله مره ثانيه 3- المباريات اللي تصير على الاستاد يصير فيه نوعية من اللي داخلين للملعب وكلنا نعرف من وين جو وليه جايين وبصراحه النوعيه هذه تخرب على الواحد ومايصير له نفس يحضر وصارت السالفه ظاهرة واتمنى القضاء عليها 4- أخيراً بصراحة من بعد ما حضرت للهلال مباريات في ملاعب خليجيه كرهت ملاعبنا الخايسه والانظمة اللي تعقد الواحد الهلال والاهلي الاماراتي بدبي,, الهلال والسد بالدوحه,, الهلال والغرافه بالدوحه,, واخيرا الهلال والجزيرة بأبو ظبي>>نادي نموذجي مبني على اعلى طراز يارجل بعض الملاعب وصل فيها الامر ان كنتاكي يوصل لك الطلب لحد كرسيك والملعب مكيف والكراسي نظيفه وانت هنا يلعب فيك الحرقان من بسكوت ابو ولد والببسي الحار وتحوم كبدك من فضلات الحمام والطيور اللي على الكرسي اللي قدامك وكرسيك وسخ وتكتمك الغبره اذا جيت تنظفه وفوق هذا كله درجه الحراره بعد صلاة العشاء 39 ويطينها بالاخير اللي قدامك او اللي جنبك ويفقع مرارتك بالدخان >>عاد من زين الحظ دايم اطيح بمدمنين المالبورو الاحمر اللي واحد يشب الزقاره و18 اللي يدخنونها من قوة الدخنه اللي تطلع منها ياعمي احنا نقصر غصب عننا ومو برضانا واتمنى ان الواحد يعيش الواقع المرير بالرياض وبعدين يحكم هل جمهور الهلال بالرياض يفشل والا يرفع الراس اتمنى تتقبل وجهة نظري تحيتي لكـ |
جمهور الرياض فشلة بكل اختصار |
مشكوووور يعطيك العافيه بالتوفيق للزعيم في مشواره الاسيوي |
يا شباب صلو على النبي كل الجماهير وفية في جميع المناطق ارتحتو ترى المندسين كثروا انتبهووووووووووووووووووووا |
إقتباس:
اتفق معك تماما بيض الله وجهك:wub: |
| الوقت المعتمد في المنتدى بتوقيت جرينتش +3.
الوقت الان » 09:07 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd