نعم حضرنا مباراة الهلال من الكويت وتأهلنا ولكن هذا ما حصل لي وجمهور الرياض الله يسامحكم السلام عليكم ورحمة الله وبركاته أولاً:الحمد لله على سلامتي رديت ديرتي سالم غانم ولله الحمد:ga: ثانياً:أهني نفسي وأهنئكم بالفوز والتأهل والقادم أجمل بإذن الله:alzaeem: في البدايه سأذكر لكم ماذا حصل لي بالتفاصيل:cry: الى متى رجال الأمن هذي الأخلاق الغبيه:ranting::mad: نعم أثناء دخولي للملعب بعد فتح البوابات تقريبا الساعه 4 ونص العصر تم تفتيش الجمهور كما هو المعتاد وهذا من حقهم نعم ولكن المخجل أن يقول لك العسكري الأعلام ممنوعه فقط علم الهلال (ويسحب مني علم الكويت ) وأنا ارى أمامي أعلام رومانيا وكوريا والسويد أمامي قلت له هذي أعلام موب أعلام للهلال ويرد علي بكل بروده أنا بكيفي:mad:عموما دخلت الملعب وجلست أنا وزملائي وعند حوالي الساعه ال6 ذهبت لأشرب الماي والعصير الخ.. واشتريت لزملائي وأتفاجاء باقفال البوابه بوجهي:mad:ماهو رايكم؟؟؟مع العلم اني من الساعه 1 الظهر وأنا عند الأستاد وأنتظر البوابات لأدخل قبل الزحمه وطبعا دخلت ولكن من بوابه ثانيه:naughty:ويأتي عسكري للجمهور داخل المدرجات ويقول بدون ازعاج :laugh:ههههه:s2: قمة التخلف بغى ينجلد ولكن ذهبنا للمباره وليس للمشاكل نعم:alzaeem: وبالنسبه للحضور أكتشفت أن أكثر الحضور كان من خارج الرياض نعم واكثر الحضور كان من القصيم والزلفي والشرقيه ولكن جمهور القصيم الأكثر نعم بعد المباراه رجعت مع طريق القصيم طبعا وشاهدت السيارات والأعلام الأزدحام الى الزلفي مع العلم ان اللي جلست حولهم من بريده والزلفي والرس وحفر الباطن واللي فوقنا من الشرقيه والطرق خير دليل على كلامي ...عموما ألف شكر:ga: للجماهير الحاظره سواً من الرياض والا من خارج الرياض @رجال الأمن ترى فيه ناس جايه من بعيد خفو عليهم شوي:ranting: @رجال الأمن ترى فيه ناس جايه من بعيد ومالهم خلق مشاكل:mad: @رجال الأمن ترى علم الكويت مهب علم ايران ولا اسرائيل وهذي ثالث مره تسحبونه مني:ranting: @جمهور الهلال بالرياض أضمن لكم لو حضرتو انتم فقط لم يستطيع جمهور باقي المناطق الجلوس في المقاعد فأين انتم؟؟:cry: |
والله صادق في كل كلمه قلتها انا كنت من العصر موجود بس والله تفاجات من قلة الجمهور انا قلت 50 الف هذي اكيد لاكن 19 خاب ظني :cry: |
للاسف بعض الاحيان يكون تصرف رجال الامن خاطى .. يعني غالبا ماتحصلهم مزاجيين .. عموما الحمدالله على سلامتك : ) |
الله يعينك ترى دايما هم كذا بالذات هناك في واحد نصراوي متعصب منههم \ شكله هو اللي اخذ العلم |
بالنسبه لرجال الامن فيهم وصاخه غير طبيعية ومعروف اذا اشتريت اي شي ماتقدر تدخله لان علينا انظمة غبيه صراحه الناس تتطور وحنا نرجع وراء وبالنسبه للاعلام ان مادري ليش يمنعونها وترا بعض الاحيان حتى الشالات يمنعونها ههههههههههه صدق من قال عنا العالم الثالث ههههههههههههههههههه والف الحمدلله على سلامتك اخوي |
شي طبيعي التصصرف من رجآل الأمن تعودنا :rose: |
ملعب حاده من الغرب والشرق النظيم والنسيم لاتنتظر احد يحضر ناس كثيره اهجرت ملعب الملك فهد بسبب بعض العينات التي تحضر مباريات الهلال ياشيخ المباراة بوادي وهم بوادي والله يعيين رجال الامن عليهم |
اول شئ الحمدلله على سلامتك يالغالي .. وهذا الاهم والله رجال الامن احيانا عليهم تصرفات ماادري وش يحسون فيه .. مااقول الا الله يصبرنا :) |
حمدلله علي سلامتك ياااااازعيم أتمني من الاداره وجود حل لهالمشاكل المفتعله |
والله ماله حق المفروض مايسحب منك العلم وان شلت علم الكويت كنك شايل علم السعوديه ولا تزعل من اللي سووه معك امسحها بوجهههي المشكلة شايف واحد شايل علم الفلسطين مدري الاردن المهم يالغالي لاجيت المره الثانيه بتجيب شي معك خبييه هذولا مايمشي معهم الانساان السيدا وبالنسبة لحضور الجمهور ايضاا علامة استفهاام تكلمت وقلت تكفون احضرو وباخر شي 19 الف الله يعييين بس ربي يسسعدك يالغالي والحمدالله على سلامتك :rose::smilie47: |
للاسف بعض الاحيان يكون تصرف رجال الامن خاطى |
للأسف مازال تخلف العساكر موجود في الملعب ويكرهونك بالحضور !؟ كل شي عندهم ممتوع تجيب علم ممنوع تصبغ وجهك ممنوع تدخل عصير وماء وفطيره ممنوع !! واحيانا والله يرفضون يدخلون الشال بحجة أن عليها كتابات !! يعني يبون شال ابيض و أزرق ومافيه اي كلام ع الشال !! عموما أخوي الأهم أنك وصلت بالسلامه والحمد لله ع كل حال و المره الجايه حاول انك تخفي العلم الين تدخل الملعب والله يوفقك ويسعدك يارب و نفتخر بأهلك الكويت حبايبنا .. تحياتي لك .. |
إقتباس:
اذا كان جمهور الهلال نفس تفكيرك عز الله الزعيم بيلعب بدون جمهور :d أنت أحضر وماعليك من أحد وماراح أحد يضايقك !! مع أحترامي لك أخوي عذرك غير مقبول ماتحضر علشان بعض العينات تتضايق منهم بالملعب ؟؟ |
_ مضآيقآت رجآل آلآمن شيء وإعتدنآ عليه وآلله يصبركم عليه , بآلنسبه لجمهور آلريآض مآزلنآ نستغرب من عدم حضورهم !! عمومآ آلحمدلله ع سلآمتك , ويعطيك آلف عآفيه , لآهنت , |
لآتلوومهم ، رجال الامن تلقاه من الساعه 1 الظهر وهو فـ الملعب نفسيته تعباانه واكبر دليل تصرفه مع الجمهور لكن بالاخير اهم شئ التأهل |
الوقت المعتمد في المنتدى بتوقيت جرينتش +3.
الوقت الان » 06:15 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd