|
الزعيم هو سيد الساحة قصيدة لأبي زياد الهقاص بسم الله الرحمن الرحيم الزعيم هو سيد الساحة اليوم دوري زين يِطْلِع لسانه على بَعَض ناس(ن) تِمهْزَا بالابطال وِش بِيدهم غير الفشَل والمهانه يِسْتَرْفِدون وموِقف الشَّك مازال هذي هي العاده وكلِّ(ن) وشانه والعاقل اللي بالفشَل يِصْلح الحال هذا زعيم القرن هذا مكانه هذا زعيم العقد خَلُّوه يختال ماله منافس صدقوها امانه واقع ولاغيره يطوله بالاعمال من مبتدا الموسم يسير ابْرزانه الراي واحد والصعوبات تنجال لو كل حاقد راح يطلق عِنانه بالشك والتزييف والردع ماطال في منطق العالم تَعَلاَّ كِيانه والمنطق العلمي جماهيره ارْتَال في منطق الواقع عَيَانه بيانه قِدام عينك شاهِد-ان صال وان جال حقيقتهِ(ن)تِلزم بَلَيَّا حَصَانه خل الحصانه تنفع اللي على البال هو كامل الاوصاف والفن زانه كله رموز(ن) بالثقافه والاموال إن فات رَيِّس جاه رَيِّس زمانه تحتار في من هو تِسَيَّد للامثال وإن جيت للملعب تجيك الميانه تِمْنَح من التقدير من كل الاشكال ميزانهم كلِّ(ن) لسانه حْصَانه الحق فيهم كل الاوقات مامال هذا وليَّ العهد كاسه ضمانه مضمون في رابع سنه كنز الاجيال عاشر وبالدوري كسبا رهانه ثاني سنه قبل السّبوعين ذا فال ثالث عشر دوري بجهد اومتانه يكفيك بالملعب من الفن شلاَّل إخلاص مع رمز الكرم مع ديانه كل التميز فيه ماجاه الاهمال هو سيد الساحه وسَبِّه خيانه المجد مقياسه على القَدّ تِفْصال أبوزياد 26/5/1432هـ |
حبذا تثبيت هذه القصيدة . والأمر متروك لصاحب الشأن . |
صح لسان قايلها والهلال يستاهل تقبل مروري |
صح لسانك .. قصيده جزله لاهنت أخي والهلال يستحق |
صح لسانك والقصيده رووووووووووووووووعه ومشكووور |
خالص الشكر لكل من مر وعلق |
صح لسانك جزل وقصيده جزله يعطيك العافية |
مآ ششآء آلله.. صح لسسآنك آخخوي.. و آلآحظ آن آلقصييده جآت بعد آلروآتب مبآششره متحمس مآ ششآء آلله عليك ههههههههههه.. |
قصيدة رائعه صح لسانك مليووون ولا يكفووون |
صح لسانك والله كتبت فابدعت لاهنت ماشاء الله علي جات 300 رد >>>لحد يحسدني :naughty: |
مَن هو أبو زياد الهقاص ؟ هو الأستاذ والمربي الفاضل البالغ من العمر 70 عاما ، خدم التربية والتعليم في المملكة العربية السعودية . أديب من عنيزة مشهور بجزالة شعره . يكتب الشعر العربي ، وكذلك الشعر العامي . ويستطيع أبو تمام إضافة الكثير عن رجل الأدب بمحافظة عنيزة . |
صح لسااااااااااااااااااااان الشااااااااااااااعر ,,,,, وفاااااااااااااااااااالنا الاسيويهـ يااااااااااااااارب |
صوووح لسـانك عـلى القصـيده الجـميله تحيـاتي لـك |
صح لسانك ولسان قايلها .. قصيده TOP يستاهل الزعيم .. ..تحياتي... |
خالص الشكر لكل من مر وعلق |
| الوقت المعتمد في المنتدى بتوقيت جرينتش +3.
الوقت الان » 06:37 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd