نواف العابد ومسنواه الغائب وش السبب - نادي الهلال السعودي - شبكة الزعيم

الزعيم بطوله · #1 08/05/2011, 11:16 AM

بسم الله الرحمن الرحيم

نواف العابد

اول شي اعتذر عن طول الغياب وابارك لجمهور الزعيم كاس ولي العهد والدوري وعقبال كاس الابطال والاسيويه

حبيت اليوم اتكلم عن الاعب نواف العابد ومستواه الي انخفض من مده قصيره يعني الاعب يرجع فجئه ويغيب فجئه مدري هل اصابه الغرور

ولا فيه شي طبعا انا يهمني الاعب كونه احد لعيبة الزعيم وكونه افضل العيبه الي طلعو من فتره بسيطه واصبح الفريق يعتمد عليهم

طبعا الموسم بينتهي وماشفنا العابد زي الموسم الي فات صحيح الاعب ظهر في بعض المباريات القليله بمستوى لاباس فيه

وصحيح انه تعرض لاصابات لاكن له فتره هو جاهز ويعطى فرص كثيره لاكن لا يستغلها واصبح وجوده في الملعب زي قلته

ناهيكم عن الكور المقطوعه ولي صارت ماركه مسجله بسمه لدرجة ان الكوره اذا جت معه ويبي يمرر اعرف انها بتنقطع

انا اسف اني اقول هالكلام بس هذا الي صاير مع الاعب وصدقوني اني انا يهمني الاعب وابيه يرجع زي الموسم الماضي يحرث الملعب

العابد موهبه كبيره لاكن الموهبه يبيلها تثقيف وموحافضه وموثابره وياخذ من عبد العزيز الدوسر عبره ويشوف كيف صار المدرب

يعتمد عليه وقبل كل شي يشوف الشلهوب ويتعلم منه ويسأل نفسه كيف استطاع الشلهوب يطور من موهبته ويحافظ عليها طول هالسنين

لااحد يتكلم ويدافع عن الاعب ويقول اني قسيت عليه في النقد لانه لازم يفهم ان الموهبه وحدها لاتكفي لازم فيه عمل ومثابره

انا مدري عن الاعب خارج الملعب يعني ينام بدري او يسهر بس الاعب متغير هالموسم نبي نواف العابد الي نعرفه ويكتب نجمه من ذهب

زي النجوم الي سبقوه ويتعلم منهم وصدقني يانواف جمهو الزعيم مايرحم يعني اذا شاف مستواك منحدر راح تخسر صحيح راح يصبر

عليك اشوي بس بعد كذا الله يعينك من الاخير راجع حساباتك ولازم تقتنع ان مستواك نازل وعلى هالاساس راح ترجع نواف الي نعرفه

اسف اني انتقدتك بس سبق اني مدحتك ونقدي لك عشان مصلحتك ومستقبلك الكروي والله يحفضك

ودمتم زعماء

الزعيم بطوله · #2 09/05/2011, 10:30 AM

ارجو ان تكون الردود غقلانيه

ويستفيد منها الاعب

مخلص للهلال · #3 09/05/2011, 10:38 AM

في عالم الاحتراف اللاعب مسؤول عن نفسه وتطوير ذاته

يعني يفترض أن كرة القدم هي الكرير حقه ومصدر لقمة عيشه

بس عاد تعال علم هالمحترفين السعوديين اللي مازالوا يعيشون بعقلية الهواية

كم مئة ألف في حسابه وكم صرخة معجبه وكم تصويره ويصبح يا أرض إنهدي ما عليكي قدي

نواف العابد هو أهم موهبة كروية في الملاعب السعودية حالياً إن هو طور نفسه وأخذ من سيرة

الشلهوب والجابر والثنيان نبراساً له في حياته

أما إذا ركز على لون البوت وقصة الشعر وقام يجاكر وينافخ على من هم أضخم منه جثة في الملعب

فمئاله إلى سلة مهملات التاريخ اللي ياما شرفها العديد من مشاريع النجوم التي فشلت بسبب

أنهم صدقوا أنهم نجوم

وليف الدمعه · #4 09/05/2011, 10:46 AM

كلامك جداً سليم ...,,

والله كنت أشوف المباراة اللي فاتت وكنت أشوف جميع الكرات تنقطع من العابد ...

كانت الهجمات المرتدة تأتي بعد قطع الكرة منه مع العلم انه على نفس الحال منذ

أربع مباريات وهو بنفس الرتم ....

أتسآءل لماذا ..؟ لاأعلم

أتوقع ان عزوز والشلهوب يأدون أفضل منه ولو يذوق طعم الدكة 4 مباريات راح يحاسب نفسه ويشد حيله ..

( كلامي هذا لحب الزعيم ... لن يتوقف الهلال على اي لاعب ولكن صراحة المباراة الأخيرة كان خطر على الهلال لأنه كانت تنقطع الكرة منه وعلى طول مرتدة خطيرة )..

أتمنى انه يقرأ الكلام هذا ويحطه بعين الاعتبار لأن جمهور الزعيم لايرحم ولا يجامل

نريد 11 نجماً في الملعب ...

الزعيم بطوله · #5 09/05/2011, 11:56 AM

إقتباس

الرسالة الأصلية كتبت بواسطة مخلص للهلال


	في عالم الاحتراف اللاعب مسؤول عن نفسه وتطوير ذاته يعني يفترض أن كرة القدم هي الكرير حقه ومصدر لقمة عيشه بس عاد تعال علم هالمحترفين السعوديين اللي مازالوا يعيشون بعقلية الهواية كم مئة ألف في حسابه وكم صرخة معجبه وكم تصويره ويصبح يا أرض إنهدي ما عليكي قدي نواف العابد هو أهم موهبة كروية في الملاعب السعودية حالياً إن هو طور نفسه وأخذ من سيرة الشلهوب والجابر والثنيان نبراساً له في حياته أما إذا ركز على لون البوت وقصة الشعر وقام يجاكر وينافخ على من هم أضخم منه جثة في الملعب فمئاله إلى سلة مهملات التاريخ اللي ياما شرفها العديد من مشاريع النجوم التي فشلت بسبب أنهم صدقوا أنهم نجوم

كلام سليم

وياليت العابد يعي هالكلام

ويقتدي بالنجوم الي ذكتهم

زعيم 2000 · #6 09/05/2011, 11:59 AM

جاء الدور على نواف العابد
الله يكون بعونه

ŘŢŜ~ђĩĽάĽĭ · #7 09/05/2011, 12:08 PM

اتوقع هو قلة مشاركته بعد الاصابه فقط
ومع احترامي لشخصك الموضوع في غير وقته بتاتا
امامنا مباراه قادمه ونحتاج مواضيع تحفيزيه للاعبين والجمهور

كل الود ..

$الشفق الأزرق$ · #8 09/05/2011, 12:09 PM

العابد لازم يطورمستواه ويحافظ علي نفسه من تغذيه وعدم السهر

اْلسلمي · #9 09/05/2011, 12:15 PM

والله اشووف ان العاابد مستواااهـ جداً ممتآز
اللي مستواهـ نآزل حآلياً هو عبدالعزيز الدوسري
والاا العآبد حآلياً افضل لااعب سعووودي ..

تحيآتي لك

الزعيم بطوله · #10 09/05/2011, 12:15 PM

إقتباس

الرسالة الأصلية كتبت بواسطة ŘŢŜ~ђĩĽάĽĭ


	اتوقع هو قلة مشاركته بعد الاصابه فقط ومع احترامي لشخصك الموضوع في غير وقته بتاتا امامنا مباراه قادمه ونحتاج مواضيع تحفيزيه للاعبين والجمهور كل الود ..

بلعكس اخوي

مع احترامي الشديد لرايك

هذا انسب وقت

لانه على هالمستوى ماراح يفيد الفريق

لازم يعرف ان مستواه نازل ويرجع زي اول

شكر على المرور

الزعيم بطوله · #11 09/05/2011, 12:20 PM

إقتباس

الرسالة الأصلية كتبت بواسطة اْلسلمي


	والله اشووف ان العاابد مستواااهـ جداً ممتآز اللي مستواهـ نآزل حآلياً هو عبدالعزيز الدوسري والاا العآبد حآلياً افضل لااعب سعووودي .. تحيآتي لك

اخوي انت شفت مباراة الاهلال والنصر

شكلك ماشفتها ياخي هو الي جاب الهدف

ولعب من احسن مايكون وريحنا في الدوري

الله يهديك بس

دكتور رياضيات · #12 09/05/2011, 12:20 PM

لاعب يلعب آخر دقيقتين تحكم على مستواه ما شاء الله

خالدها · #13 09/05/2011, 01:26 PM

العابد مستواه مو مثل العام والسبب المدربين العام قريتس وحالياا كالدي قريتس مدرب صارم وله شخصيه على اللاعبين وكالدي عكس الكلام هذا بكل صراحه واللي مو مصدق يروح للنادي العام كان كل اللاعبين يدخلون بوقت واحد مع المدرب للنادي لاكن السنه هذي واحد يجي بدري وواحد متأخر وواحد اخر الناس يوصل

فآإرس الحربي · #14 09/05/2011, 01:39 PM

العابد يفتقد بعض الخبره .. !

صح يسجل ويصنع لكن اغلب الكرات تنقطع منه وانا ماشفت ولا كوره قطعها من الخصم !

شوف الفريدي بمستوى العابد ، صح كرات كثيره تنقطع من الفريدي لكن فيه كرات ايضا يقطعها من الخصم بطريقه حلوه !

انا اقوول العابد لو يلعب 5 مباريات متتاليه راح يتحسن مستواه ان شاء الله

والعابد مكسب كبير للهلال ، لكن يحتاج بعض الخبررره

I.Fditk 15 · #15 09/05/2011, 01:43 PM

من حلق الككدشً ححقه وهوً منً جنبهآ, ^_^