|
رساله الى سمو الامير رئيس نادي الهلال عبدالرحمن بن مساعد ال سعود اطال الله في عمره السلام عليكم ورحمة الله وبركاته وحنا كجمهور هلالي لنا حق نناشد رئيس الهلال سمو الامير عبدالرحمن بن مساعد ال سعود اطال الله في عمره ويخليه لنا ان يلفت النظر في ادارة ملعب استاذ الملك فهد واستاذ فيصل بن فهد بالملز ومهزلة رجال الامن نعاني احنا كا جمهور هلالي من الامن في الملعب نجي من مسافات طويله 350 كيلو عشان نحضر ونشجع فريقنا الهلال وجايبين معنا شعارات للهلال وكتابات واعلام رومانيا وكورياء والسويد نبي نرفع من معناويات هذولي اللعيبه وانا اشوف مافيها شي بس الامن الي الواحد مايعرف يقرا اسمه ولا يعرف لغة الحوار (اعذروني على الكلمه هذي ) حتى الامن مايعرف وش الاعلام هذي تصورو اني اتناقش معه واقول له خلاص العلم برجعه السياره يقول لا يروح معك عسكري والله بالمنطق هذا انا هنا لا احاسب احد ولاكن ابي اعرف السبب شعارات لاتسيئ لاحد ولا فيها كلام يخدش الحياء ولا فيها كلام يسئ للدين ولايتطرق للمذاهب وانا اقول ليش ممنوع يقولون ادارة الملعب تمنع الشي هذا طيب السبب يقولون العلم هذا مو هلالي قلت طيب اللاعب هذا مع الهلال ان شاء الله صوتي ياصل للمسؤل تحيتي لكم فايز الشوق |
أي والله وأنت صادق وكما إذا جيت بتخرج قبل نهاية المباراة مثلاً تروح لسياره يقول لك ما فيه رجعه |
اتفق معك والله يكتب اللي فيه خير مشكوووور |
هذا الأمر العكسر مالهـم دخــل فيهـا المنع جاء من إدارة المــلعــب وأتوقع المنع يشمل فقط الأعلام الأجنبيه لكن اللوحات وشعارات الهلال ما اعتقد يشملهم وأنت لاتتعب عمركـ وتسوي لنفسكـ مشكله جيب شعار الهلال وماحد بيقولكـ شي .... |
انا اتفق معك وياليت يخلونا ندخل اعلام حنا مانبي ندخل اعلام امريكا واسرائيل بندخل اعلام الاجانب الي يلعبون معنا ( قوية امريكا واسرائيل بس وربي من قلب قهر ) اول مباراة يلعب فيها احمد علي قلت بدخل علم مصر رفض وقال حنا بماباراة بدوري زين مو مع فريق برا السعودية ويوم تجي بمباراة مع ايرانين يقولوا ممنوع طيب السبب من النمشان ؟؟ |
إقتباس:
ياخوي انا توني جاي من مباراة الهلال والغرافه ومعي تصميم الي في توقيعي ومصحله في خطاط ورابطه جمهور الهلال يدرون عن الموضوع ومادخلوه يقولون ممنوع والله مسخره من ادارة الملعب ليت تاصل عندنا ثقافة التعامل مع الجمهور الله يعينا بس |
يعطيك العافيه كلامك 100% |
- إول شيء هدِي يـ كبتنِ , :yes: 2- ممِبروك آلفوِز , 3- تعبنآ من رجآلِ إلآمن وتصرفآتهم آلغِريبه , آتمنىِ يكِون هآلششِيء عِ جميعِ آلنوآدي , آليوم وآلله آششِوف عسكري عن تفتيِش آلمشجعين قبل آلدخول لـ إلملعب يدِفون وآلمشجع يضحكِ , ! رجإل إلآمن , ترآ زودتوهآ حبتين , , |
الحمد لله على كل حال ........... |
اتفق معاك اخوي وكلام سليم وان شاء الله توصل |
اتفق معك ميه بالميه أخوي ، وكلامك فالصميم . هم دايما هكذا اعتقد مع جمهور الهلال بس . ماقول غير الله يعينا على هالاوادم حراس الأمن . |
هههههههههههههه شر البليّة مايضحك اكثر شي لفت نظري واضحكني العكسري اللي بيروح معك للسياره .. حشى صارت ممنوعات |
ههههه في ايران هناك شعارات سياسيه قويه ومذهبيه وهنا نرفع علم رومانبا ممنوع الله يخلف علينا |
السلام عليكم بالله شوفو هذ التصميم واللوحه بالله احكمو شوفو فيها شي لا سياسه ولا فيها كلام يسئ للدين ولا الاديان ولا للشيعه ولا للعنصريه استحو على وجيهكم يا ادراة الملعب خلو عندكم شوية دم متى تتعلمون لغة الحوار متى تتعلمون ثقافة التعامل مع الجمهور حنا نتعب ونجي من مسافات كله عشان فريقنا الهلال راح ادخل لوحه ثانيه المباراة الجايه واشكر كل من مر على الموضوع وهذي اللوحه اهداء مني لسمو الامير عبدالرحمن بن مساعد ال سعود اطال الله في عمره http://www.m5zn.com/uploads/2011/5/1...czcjz7aanq.jpg |
| الوقت المعتمد في المنتدى بتوقيت جرينتش +3.
الوقت الان » 04:48 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd