في البداية .. ألف شكر لمن ساند الزعيم في مباراته الأخيرة من أرض الملعب ..

ألف شكر لمن احترق خلف الشاشات .. ألف شكر لكم أيها الجمهور العاشق ..


استلم الأمير عبدالرحمن بن مساعد زمام الأمور في أعرق الأندية السعودية و كان ينشد هدفًا واضحًا يتمثل في تحقيق البطولة الآسيوية اللي صارت للأسف عقدة ..

أبيكم تعرفون إني أكتب الموضوع و أنا أحترق داخليا .. أحترق لأننا لم نعد قادرين على تحقيق بطولة نحن زعماؤها .. أحترق لأني أعلم بكل ما يقدمه شبيه الريح من أجل هذه البطولة .. أحترق لأننا لن نحقق البطولة الآسيوية بهذه الطريقة ..

شبيه الريح .. أقدم لك الشكر من أعماق قلبي .. أعلم أنك بذلت من أموالك و من صحتك من أجل هذا الكيان الشامخ ..

سمو الأمير .. البطولة الآسيوية سهلة .. لكن يبيلها شيء واحد بس و هو اللي ينقص الفريق ..


آسيا يبيلها هجوم ما يرحم ..

طيب وشلون يعني هجوم ما يرحم .. هجوم ما يرحم يعني يكون عندك مهاجم ما يرحم يحرث الملعب و يسجل الأهداف بشكل متواصل ..


يا سمو الأمير .. يا سامي .. تكفون .. تكفون .. تكفون ..

خذوا بنصيحتي و الوعد نهاية الموسم الجاي ..


طبعا قبل كل شيء .. ما يعني اني أطالب ببعض التغييرات إن الفريق سيء .. لا .. بالعكس الفريق ممتاز و يقدم مستويات رائعة .. و لكن تنقصه بعض الحاجات التالية :


1) مهاجمين قناصين لا يرحمون .. البعض يقول نبي عالميين و من هالكلام .. أنا ضد هذا التوجه .. المهاجم العالمي يبي له ذيك القيمة .. و نجاحه غير مضمون .. و أصلا لنكن واقعيين .. إذا كان عالمي .. هل بيجي عندك بالخليج مثلا ..

مين هذولا المهاجمين ...




بكاري كونيه .. لاعب مقاتل من طينة الكبار .. يخلص لك المباراة إذا كان الفريق مو في يومه .. يبدع .. يمتع .. يطرب .. يقاتل .. يحرث الملعب إلى آخر دقيقة ..




فيكتور سيموس .. مهاجم هداف .. سريع .. لا ييأس .. لا يتوقف عن التسجيل ..



و أظن إن الاسمين اللي ذكرتهم .. لن يكلفوا يا سمو الأمير الكثير .. يعني أسعارهم معقولة .. و لن ترهق النادي و تحمله الكثير ..


طيب نجي للنقطة الأهم : نستغني عن مين ؟

يجب الاستغناء عن ولي و أحمد علي ...

ولي قدم الشيء الكثير .. و ما في أحد ينكر إنه لاعب كبير .. لكن حنا مو بحاجته .. ليه .. لأن عندنا مين يسد خانته من اللاعبين المحليين ..

أحمد علي .. لاعب مجتهد .. نشكره على ما قدمه .. لكننا نطمح لمن هو أفضل ..



2) مدافع أجنبي صلب .. قوي .. لا يرتبك .. صاحب خبرة .. متعود على المباريات الكبيرة و التنافسية ..

أدري إن البعض يقول نبي مدافع محلي .. ما فيه أي مدافع سعودي حاليا يستحق أن يرتدي الفانيلة الزرقاء إلا أبو كلبشة .. و هذا هو عندك .. كل الأندية دفاعها مش حالك ..

طيب مين هذا اللاعب ؟




ساشا أوغنينوفيسكي .. لاعب استرالي ( آسيوي ) .. يمتلك كل المواصفات اللي ذكرتها فوق .. ضالة الزعيم ..

واضحة بما انه آسيوي .. معناها بدل لي يونج ..


3) خانات الأجانب كلها خلصت .. مهاجمين ( فيكتور و بكاري ) و محور ( رادوي ) و مدافع ( ساشا ) ..

و بقى مركز الظهير الأيمن .. ما لنا إلا المحلي ..

طيب مين الظهير الأيمن اللي بيريحنا .. و في نفس الوقت من الممكن نجيبه ..




حسن معاذ .. ما في ظهير يمين يستحق انه يلعب للزعيم إلا هو و عبدالله شهيل ..

و شهيل مستحيل الشباب يفرط فيه .. أما حسن معاذ ممكن في حالة الإغراء المادي أو المقايضة بخالد عزيز

أي طريقة أهم شيء يجي ..




هذي كل التعديلات المطلوبة .. بإذن الله لو تم تطبيقها .. بتشوفون كيف إن البطولة الآسيوية سهلة ..




أتمنى البدء بالعمل على التعديلات المطلوبة من الآن ..



شوفوا التشكيلة اللي أتمناها ..


العتيبي

زوري ساشا أبو كلبشة حسن معاذ



رادوي



شلهوب فريدي دوسري



بكاري كونيه


فيكتور سيموس


الاحتياط : الشمري - المرشدي- نامي - الغنام - العابد - المحياني - ياسر



في النهاية آسف على الإطالة .. و هارد لكم يا زعماء ..