|
اقتراح بالنسبه لتذاكر المباريات السلام عليكم ورحمة الله وبركاته من خلال متابعتي لكثير من مباريات الهلال في الرياض نجد في اغلب المباريات عزوف جماهيري غريب طبعا اسباب هذا العزوف ليس مرتبط بتعود الجماهير بمشاهدة فريقها يفوز بالبطولات واذا كان هذا السبب لرأينا جمهور مانشستر يونايتد وبرشلونه عازف ايضا عن الحضور ولكن الحضور يكون عالي هناك ليس هناك مقارنه بين ملاعبنا وملاعب اوروبا هذا أمر لا يختلف عليه اثنان هناك كثيرين ايضا من خلال حضوري للملاعب تجدهم خارج الملعب ولكن لا يريدون الدخول بعضهم لعدم قدرتهم على دفع العشرين ريال الخاصه بتلك المباراة راح أقدم بعض الاقتراحات إلي اتمنى من الاداره النظر إليها ودراسة امكانية تنفيذها الإقتراح الأول: تقسيم اسعار التذاكر في المباريات جميعنا يعلم ان جميع اسعار التذاكر موحده مع اختلاف المكان في الملعب يعني إلي يجلس خلف المرمى يدفع زي إلي يدفعه إلي جالس في الواجهه او إلي جالس في المدرجات في القسم العلوي زي إلي جالس تحت واقرب للملعب هذا طبعا في استاد الملك فهد الإقتراح هنا ان يكون سعر التذكره لخلف المرمى بعشرة ريالات والمدرجات العلويه بخمسة عشر ريالات والتنظيم مع ادارة الملعب بالتأكد بدخول كل شخص في قسمه المحدد الإقتراح الثاني : تفعيل التذاكر الموسميه بوجود متجر الهلال بالإمكان الآن إصدار تذاكر موسميه لمباريات الهلال المقامه في ارضه وتكون إجمالي سعرها أقل من شراءها بيوم المباراة لو حضرت جميع مباريات الموسم وبالتالي وجود هذه التذاكر راح تورد للهلال دخل ثابت من بداية الموسم ويكون أيضا لها خصومات على سبيل المثال مشجع دائما ما يشتري تذاكر موسميه من خلال ولائه وشرائه الدائم لتلك التذاكر يتم تخفيض القيمه عنده شرائه لتذاكر موسميه للموسم الثالث على سبيل المثال الإقتراح الثالث: تغيير اسعار التذاكر بالنسبه للمباريات الضعيفه أسعار التذاكر لدينا ثابته سواء مباراة قويه ومصيريه او مباراة ضعيفه غير مهمه طبعا كثيرين راح يختلفون معي بزيادة اسعار التذاكر في حالة المباريات القويه ولكن اقتراحي هنا وبسبب الإقبال الجماهيري الضعيف وحتى في المباريات القويه على سبيل المثال مباراة الهلال والنصر فقط 23000 مشجع في ملعب يتسع ل60ألف مشجع رقم ضعيف جدا وفي مباراة ديربي وايضا مباريات الهلال والاتحاد الحضور الجماهيري الضعيف ولكن الإقتراح هنا تخفيض اسعار التذاكر للمباريات الضعيفه والاستفاده من بيع اكبر عدد من التذاكر طبعا يتم تجربة هذا الاقتراح وفي حالة نجاحهه يتم تطبيقها على معظم مباريات الهلال على سبيل المثال لو حضور مباراة الهلال والرائد كان 3000 وبسعر تذكره 20 ريال راح يدخل للهلال فقط 60000 اما لو تم تخفيض التذاكر إلى 15 ريال وزاد عدد الحضور إلى 5000 راح يدخل خزينه الهلال 75000 اتمنى تجربة هذا المقترح في مباريات الموسم المقبل طبعا لإمكانيات الملاعب الضعيفه عندنا وعدم امكانية التنظيم كان بالإمكان وضع اكثر من تسعيرة للتذاكر كما هو موجود في اوروبا ومن خلال حضوري في ملاعب كالسانتياجو برنابيو والكامب نو والأولد ترافورد وملعب الإمارات شفت تنظيم ممتاز وايضا اسعار مختلفه بحسب مقعدك في الملعب ولكن امكانات ملاعبنا ضعيفه وعدم ترقيم الكراسي والممرات لسهولة الوصول إلى مقعدك عندنا مثلا المنصه مرقمه بس اذا رحت صعب انك تلقى مقعدك وتقعد تدور على مقعدك لعدم وجود تنظيم واضح ايضا اذا كان بالإمكان تتعاقد الإدارة مع شركة منظمه لتنظيم الملعب في وقت المباراة وايضا التعاقد مع شركة نظافه لتنظيف حمامات الملاعب اكرمكم الله وايضا التعاقد مع شركات او دعوة شركات مطاعم خفيفه او شركة مقاهي لوضع كاونترات متنقله لها في الملاعب لبيع انواع القهوه والعصيرات على سبيل المثال جميع هذه الامور راح تجعل المشجع يحضر بشكل اكبر اتمنى التوفيق لإدارتنا بتطوير امور كثيره لمصلحة النادي وان شاء الله التوفيق للزعيم امام الغرافه في المباراة المصيريه يوم الأربعاء آسف على الإطاله وتقبلوا اقتراحاتي |
وين حنآ فيه تبي كل درجة من الملعب لهآ سعر مخصص في جميع الملاعب السعوديه الدرجه الاولى والثآنية موحدة بــ20 ريآل مآعدا تذآكر المنصهــ بعدين اخوي تبغى متجر الهلال ينزل التذآكر ويبيعها بسعر اقل بهآلحآله رآح يخسر الهلال و موبآيلي الدخل الخاص بتذاكر الفريق بعدين اخوي جمهور الهلآل معرووووف مستحيل 20 ريال كثيره من شآن يحضر لفريقة الهلال وجمهورالهلال مايقصر الموسم المآضي باسيا جماهيرنآ مسسكته طلعنآ من اسيا الاربعاء لعبنا الاحد مع الفقرر الي يذكرها كان جمهورا اكثر اما بالنسسبه لهذآ الموسسم جمهورنآ رآح تشوفوه في الأسيويه لان خلصنآ الدوري بدري والحضور اكيد بيكون ضعيف اما بالنسبه لكأس ولي العهد كان الحضور امام النصر والاهلي ممتآز صبركم ع الجمهور وربي مآإيقصررررووون عزيزي الهلآلي تذكر ان الــ20 ريآل التي تدفعهآ من اجل الزعيم تعود بالفائدة بشكل كبير لمصلحة النآدي فانت داعم رئيسي للفريق |
اذا هم حطوآ مدرجات خاصه للمدخنين موب عجزين يحطون مدرجات خآصه ومجانيه للي مطفريين ههههههههههههههههه |
المهم ملعب وبس وبعدين الي يبون |
يامشرفين ابي اغير اسمي من ابو الوليد الهلال الى ابو الوليد الهلالي |
اقتراح غير منطقي اخوي لان بصراحة كل مبارايات الهلال اللي يلعبها قوية |
وش فيكم اكلتو الرجل بالعكس اتفق معك تمام لو فيه شركة تمسك الملعب في مباريات الهلال فقط وتخفيض التذاكر حلو لكن صعبة والتذاكر الموسمية فكرة مطبقة في كل العالم |
يعطيك العافية وبالتوفيق للزعيم ... |
يعطيك العافية وبالتوفيق للزعيم ... |
عزيزي شبيه الريح انا اتفق معك ان ال20 ريال قليله جدا اصلا ولكن بالنظر لضعف امكانيات الملاعب لدينا علينا تشجيع الجمهور بالحضور للمدرجات انا ما يهمني انه جمهور الهلال اكثر من جمهور النصر حتى بعد خروجنا من الأسيويه انا يهمني اشوف المكان المخصص للهلال ممتلئ تماما عزيزي مباريات كثيره للهلال تكون (قويه) ولكن الحضور ضعيف وكما ذكرت انا بالأرقام مباراة الهلال والنصر في كأس ولي العهد ومباراة خروج مغلوب كان الحضور 23 ألف بشكل كامل يعني ولنفترض ثلثين للهلال وثلث للنصر ألا تتفق معي انه حضور قليل جدا في مباراة خروج مغلوب واغلب الأماكن خلف المرمى كان خاليه من الجمهور هنا المغزى من كلامي ليه ما يتم تخفيض تذاكر تلك الأماكن لتشجيع حضور جمهور اكثر الهلال تقريبا وموبايلي يطبعون دائما على ما نسمع تذاكر اكثر من الحضور بدال ما تنطبع و اكثرها يرمى بلا فائده الأجدى بيعها بأقل من السعر الأساسي اما بالنسبه عزيزي لمباريات كأس اسيا فقط هي الوحيده إلي تم فيها حضور بشكل كامل اما نهائي كأس ولي العهد الموسم الماضي امام الأهلي كان الحضور أقل ومباراة الرائد هذا الموسم إلي راح تحسم الدوري بشكل رسمي كان حضور مخيب للآمال انا اقتراحي فقط هو لتشجيع الجمهور طبعا انا اعتقد السبب الرئيسي في قلة حضور الجمهور هو الإمكانيات الضعيفه في الملاعب واعرف كثيرين ما يذهبون للملعب مع انهم هلاليين متعصبين ولكن إلي يمنعهم ضعف الإمكانيات وحتى انا في الموضوع كتبت لو ان النادي يفكر بجلب احد شركات المطاعم او المقاهي للبيع خارج الملعب وتكون شركات معروفه او اكلها جيد وتكون عبارة عن محل متنقل او عربه متنقله اعتقد كثيرين راح يتمنون هذا الشي يعني انا زي ما قلت حضرت في ملاعب اوروبيه عريقه وشفت الملاعب وكيف تصميمها وفيها اشياء تخليك تروح للملعب وتعتبر عندهم زي الترفيه وزي السينما اروح وألقى كل شي طبعا ملاعبنا التنظيم فيها سيء ولكن النادي وبما انه المباريات المقامه في الرياض يعتبر النادي هو المسؤول عنها يتم التنسيق مع رعاية الشباب ان النادي يكون المسؤول عن عملية التنظيم واحضار شركة مخصصه لهذا الغرض طبعا هذا اجتهاد مني قد يكون تطبيقه في ارض الواقع صعب اما بالنسبه للتذاكر اعتقد يتم تجربتها وتقسيم الأسعار ويشوف النادي اذا كانت هذه التجربه مربحه ام لا |
كلام جميل الملاعب عندنا ليست سيئة ولكنها أيضاً ليست ممتازة لكن هذا مو عذر للجماهير اتمنى تطوير الملاعب في المملكة اقتراحاتك جميلة و ياليت توصل لمجلس الجمهور الهلالي |
يعطيك العاافيه .. واتمنى تطوير الملاعب السسعودي للحضور ~| تــحـــــيـــآتـــــــي ~ :smilie47::rose: |
اقتراح غير منطقي اخوي لان بصراحة كل مبارايات الهلال اللي يلعبها قوية |
كلام سليم والمفروض يسوون كذا لكن صعبة بيسوون |
| الوقت المعتمد في المنتدى بتوقيت جرينتش +3.
الوقت الان » 02:05 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd