محمد العبدالله لقمنا اكبر مقلب!! والاعتماد على بندر وفهد وذياب هو الحل
 

الصراحه كنت ادافع عن عبدالله سليمان بكل جوارحي بحكم انه لاعب دولي وكنت متأكد انه راح يشيل دفاع الهلال مثل ماشال دفاع المنتخب لكن الغريبه انه من يوم لعب للهلال وماقد شفت له مباراه تفتح النفس و الصراحه مستواه تعبان مره والله يسامح محمد العبداللله اللي غشنا فيه . دفاعنا اصبح مشكله انا مادري هل انه ضعف المحاور له سبب خاصه بعد غياب ابو اثنين وخميس مع عدم قدره عمر وعزيز على القيام بالادوار الدفاعيه كما يجب , او انه كما قيل كبر سن السناتر وبطء حركتهم هو السبب , الحقيقه ان عبدالله الشريده وعبدالله سليمان واحمد خليل جميعهم تعدو الثلاثين وطبيعي ان يقل عطاءهم ومجهودهم العضلي خاصه عند _ السبرنت_ حيث لايستطيعو مواجهه اللعب السريع . الحل هو الاعتماد على الامبرطور الصغير فهد المفرج والمدافع الانيق بندر المطيري اضافه الى المدافع القوي ذياب مجرشي حيث انه ظلم باللعب كظهير ايمن , اعتقد هؤلاء مدافعين ممتازين اذا اعطيت الفرصه لهم والثقه باللعب كأساسيين خاصه انهم لم يتخطو ال26 من العمر اتمنى ذلك

اضاءات:

# الشريده لايزال يلعب بروح الهلال ويعتبر الاقل اخطاء مقارنه بسليمان وخليل لكن بدا البطء يدب فيه
#ذياب انا شاهدته يلعب ك قلب دفاع امام الشباب وقدم مستوى رائع يبشر بقدوم مدافع متميز اما فهد المفرج فأنا من المتعصبين لهذا النجم المظلوم الذي يذكرنا بالنعيمه باخلاصه وحماسه اضافه الى تميزه بامتلاك منطقته
#لادري لماذا لاتتم دعوه ابو اثنين للعوده للنادي خاصه انه لايزال قادر على العطاء .
# مارأيكم هل اللعب بطريقه 5-3-2 هي الحل خاصه في ضل ضعف المحاور لدينا

كلامك حلو في البداية
ثم خربتها في النهاية بدعوة فيصل ابواثنين
حبيبي الرجال مبتعد عن الكورة له سنتين

ومسألة عبدالله سليمان هو لم يكن مقلبا بالعكس قدم مستويات رائعه خلال بعض المباريات ....
لكن السن له أحكام وعبدالله سليمان مشكلته الأزلية المقابلات الفردية فهو يخفق إخفاق ذريع فيها ..
يعني كل مرة تشوف عبدالله سليمان يطارد ورا اللاعب والكورة معدية من جنبه
في اعتقادي أن عبدالله سليمان لاينظر للكورة وإنما ينظر لجسم اللاعب عشان كذا يسهل ترقيصه وتقدر تدخل كبري فيه وأنت نايم .....

لكن البطء سمه لعيبة الدفاع الهلالي واولهم المفرج مع انه مخلص
عبدالله سليمان لابد ان يراجع نفسه !!!!!!!!!!!!

:( :( :( :( :( :(

انا والله من المطالبين بابعاد عبد الله سليمان عن مركزه الاساسي لان مستواه الان احتياط صراحه

وهو من ربع الخليوي اللي تقريبا صلاحيتهم في الملعب تقريبا بدئت تنتهي مع محبتي له سابقا لكن

اولى الان

-----------------------

اما خطه 3-5-2 والله ماني مدرب ولا ادري لكن احس انها حل خاصه في ظل تقدم اظهرتنا كثير

فما أدري صراحه

نحتاج محور زي الناس والعالم


وصدق يا ترا الشريده والسليمان بطيئين

اما خليل مبدع والله

حتى الشريده
والسليمان المشكله السرعه




المهم نحتاج وسط متاخر او محور زي الناس

الحل في وضع المفرج والمطيري قلوب دفاع او واحد منهم مع الشريده اما بالنسبه للمحور فأنا اشوف بدرا من افضل اللاعبين في هذا المركز

لا أعتقد أن في الوقت الحاضر خليل والشريدة يسدون اللازم مع بندر في المحور والمجرشي ايسر


تحياتي

بسم الله00

الأخ00بدر
مع تقديري لرأيك00

أنا اشوف إن موضوع قلوب الدفاع يبغاله احل جذري؟؟
ولا أشوف من الموجودين من يسد الفراغ من الشباب غير مجرشي00 أما المفرج فالله لايحدنا عليه لأنه أخذ ألف فرصه ولاأثبت نفسه؟؟ وعمره كبير00واللي يكمل الناقص إن الرجال مايطلع من إصابه إلا ويدخل بغيره000
والحل تلقاه عند بندر بن محمد00يشوف لاعب جاهز مع المجرشي من أي نادي 00
وختاما 00ماهي من عادة الهلاليين يصيرون قليلين خاتمه؟؟؟ويجبيب أن نشكر عبد الله سليمان على اللي قدم سابقا وماهو ذنبه إذا كان المدرب يشركه أساسي؟؟
وتحياتي للجميع0000

انا معك اخوي بدر

ماننسى ان عبدالله لاعب دولي وكان افضل مدافع في ملاعبنا بس لعامل السن له دور
فمستواه الحالي لايؤهله ان يلعب للهلال اتمنى من الاداره الالتفات الى المدافعين الشباب

انا كاتب موضوع يخص هذا اللاعب فى المنتدى...لم يرى الدفاع الهلالى العافيه منذ ان اتى حتى ان عدوى الارتباك التى هي من (مميزات سيئاته)لان ماله اصلا مميزات...انتقلت الى الدفاع ككل
لاول مره اشاهد كومة الدفاع الهلالى تتجمع على لاعب واحد لاستخلاص الكره ...وماهذا الا لعدم الثقه ببعضهم...والبركه بابو سليمان

معليش يا عبدالله سليمان امسحها في وجهي ولا تزعل من الاخوان

وراجع نفسك زين انا عارف انك بتقول الاعب بشر ويخطي ويصيب ولكن

ارجوا منك ان تنظر الي مستوياتك الاخيره وهل انت مقتنع ؟

وهذا ليس تقليل من شأنك ولكن هذا ما نراه الآن

الدفاع جيد بس السرعه عيب لاعبينا كلهم مو بس الدفاع

والله يارجليه ترجف بشكل ..

وياكثركبارياته !!!!!!!!

صدقوني الحل هو تواجد الشريدة وخليل

وامامهم لاعبي محور يعتمد عليهم

وسليمان اعطي اكثر من فرصة ولكن.......