السلام عليكم
كيفكم ياجماااعة
يوم الاربعااء أمامكم مباراه مصيريه وهي اللي تحدد المتأهل والمركز الاول عند خسارة سبيهان بأذن الله
صدقووني ياجمهور الزعييم لانسستحق التأهل اذا فريق بحجم الهلال
وجمهوره لايملا الملعب على بكرة ابيه
نبييه أربعاء الغضب
جمهوووور يغطي حتى جنباات الملعب جمهوور فعااال لاخر دقيقه بالمباراة
انا بالنسسسبة لي بحضر رغم ان علي اختبار الساعه 7
دعواتكم من القاعه للملعب انشاءالله
وماضنتي انتم عليكم مستلزمات بهالوقت الا القليل
الحضووور ثم الحضوووور ياجمهور الرياض
بأذن الله لو تأهلنا تبقى لنا مباراة بدور 16 بعدين نبدا بدور 8 من الموسم الجاي
وبتتغير جلدة الفريق وبيكون الاستعانه بمهااجم كبير امرر واارد وبقووة
يعني اسيا صدقووني بالجيب بس يصير عندنا مهاجم عالمي
والا تدرون مانبي عالمي نبي مهاجم يدل طريق الباب زين
كالدي وفلسفته التدريبيه
طبعا بكون انا كالدي الحين
اتمنى الاستعانه بمهاجمين وعاد يكون ياسر واحمد علي او المحياني
وعلى طاري الهجوم
بعلمكم عن صديقي الاتحادي يقول هالمثل
الهلال لا هاجم ياكل الفريق اللي قدامه
لاتعطيه فرصه يهاجم
تبون الدليل
مباراة الهلال والغرافة الذهاب بالرياض الهلال بداا بالمحياني وياسر
وشووفو النتيجة كيف صارت
YouTube - ثلاثية الهلال في الغرافه .. تعليق عصام الشوالي
وقريتس بالايااب دخل مدافع ويالله فزززناا
والله مو هين صديقي
انا من وجهة نظري اتمنى من كالدي يدخل بهالتشكيلة لو كان يبي يفوز
العتيبي
الزوري المرشدي هوساوي لي يونق
رادوي عزيز >>> دامه دخل بالتدريبات الجماعيه
الشلهوب الفريدي
القحطاني احمد علي
وليهمسون يارب ينزل
اهم شي مايلعب بمحور واحد لان كذا بنفتح الدفاع رادوي لحاله ماينفع
بيكون خالد عزيز محور دفاعي ورادوي محور هجومي
تكفاا ياكالدي دايم اقولها الشلهوب لاتخليه محور تراك تدفنه
العابد ... الدوسري ورقات رابحة بالشوط الثاني ومهمه
وانا دايم الاحظ الدوسري لانزل من بداية المباراه مايعمل شي وان فعل بمباراة النصر لكن مو دايم يكون كذا
اخيرا .. تكفوون تكفوووون تملون الملعب ياجمهور الرياض المباراة تصادف يوم اجازة
لكم ودي .. حسام