الهلال الغرافه مباراه مهمه لكن بدون توجية ضغط شديد على الفريق - نادي الهلال السعودي - شبكة الزعيم

gourcuff 8 · #1 08/05/2011, 04:01 AM

السلام عليكم ورحمة الله وبركاته

يا اخوان يجب ان لانعطي مباراة الغرافه اكبر من حجمها
ونشحن الاعبين فوق طاقتهم

يجب ان لاتتكرر مباراة ذوب اهن عندما تكبلت اقدام لاعبينا

يجب الحضور والمسانده لكن عدم تضخيم اللقاء في المنتدى
حتى لانربك الاداره والاعبين

الوحده الاماراتي وام صلال وذوب اهن نحن من اخرج الهلال فيها بعد توفيق الله
والسبب يكمن في اسلوبنا في تضخيم الاحداث

ندعم الفريق نعم
نحضر نعم
نؤازر نعم

ولكن بدون تصعيد ومبالغة وضغط
حتى لانفقد كل شئ

الدعاء ثم الدعاء والحضور وزلزلت المدرج 90 دقيقه هذا مايحتاجه الاعبون من الجمهور فقط

N2W2F_20 · #2 08/05/2011, 08:58 AM

الحضوووووووووووووووووووووووووووووووووووووووووووووور وبس

بالتوفيق للزعيم

1ابو ابراهيم · #3 08/05/2011, 09:58 AM

شكرا لك

طبيعي الضغط لطبيعة المباراة و اهميتها فهي مفصلية

خالد ، الدعجااًَني · #4 08/05/2011, 10:34 AM

يعطيك العافيه : والله كلامك صح

هالحين تسئل اي مشجع هلالي تقول وش تبي يقول اسيــــــا

حتى انا والله لو تسئلني أقول .. أسيــــــــــــــاا

بس والله انا مقتنع ان ماجت اسيا السنه هذي الي وراها وان ماجت الي وراها : بتجي

الزبده : أن شـاء الله ما يجي : 2014 الا : الهلال السعودي بطل دوري أبطــــــال اسيـــــــــاا

teva4ever · #5 08/05/2011, 10:34 AM

ياخي والله ماعرفنا للاعبينا للأمانه

ان كانت مباراه مهمه .. تقولون لاتضغطونهم ... !! طيب كيف احسسه بأهمية المباراه اجل ؟

ان حضرنا وحضر 70 الف ... قالوا الجمهور ضغط عليهم .. وللأسف الهلال دايم يخسر اذا امتلأت مدرجات استاد الملك فهد .. مانحضر يعني ؟

المفروض اللاعب يدخل المباراه وكأنه ياخذ بثار او ينتقم لشعار ناديه

يدخل مفوّر وطالعه شياطينه .. وبكذا ان شالله بيفوز فوز عريض لان الفوارق الفنيه لمصلحتنا الحمدلله

لكن

اذا جت مباراة مصيريه ... وجلسنا نطبطب عليهم لا ... والفريق الثاني يدخل متفلت ويلعب في فريقنا رايح جاي !!

ترى وربي انه سبهان مايقدر يجيب الهلال في عز مستواه .. طيب متى عز مستوى الهلال ... اذا قاتلوا على الكره ... طيب .. ليه القتال على الكره مايحصل الا مره في السنه ؟؟ ليه مايقاتلون كل مباراه ؟ مابي كل اللاعبين يقاتلون .. ع الاقل خمس لاعبين يكونون في يومهم ويقاتلون ع الكره !!

الي متى وحنا ندللهم ... بالعكس .. المفروض اللاعب ياخذ وجود الجماهير والشحن النفسي من جانب ايجابي مو سلبي !!

الله يوفق الهلال

عيسى المحياني 16 · #6 08/05/2011, 10:51 AM

انا من رأيي إن اللاعبين مايدخلون للمنتدى هذا خير شر ولا كل المنتديات

لأنه راح يحس بضغط رهيب جدا

وهذا ما أبعد الفقراويه عن البطولات سنين طويييييييييييييله ( الضغط من الجمهور )

زعيم القنص · #7 08/05/2011, 12:30 PM

إي والله لا يدخلون الاعبين المنتديات >>>>>>>>ضغط كبير

واحنا نقول لاتعطون الآسيوية أكبر من حجمها

شــجــاع · #8 08/05/2011, 01:05 PM

كلام منطقي و جميل .. يعطيك العافية

و الله يوفق الزعيم ..

سطح القمر · #9 08/05/2011, 01:21 PM

لاعبين الهلال لاعبون محترفون ويعرفون مثل هذه المبارايات الحساسة

gourcuff 8 · #10 08/05/2011, 02:27 PM

الله يعطيكم العافيه
الاعبين بشر مثلهم مثلنا يتابعون كل شئ نت جرايد وكل شئ