شبكة موبايلي مشغولة وخدمة العملاء لايتجاوبون - نادي الهلال السعودي - شبكة الزعيم

فن الزعيم متواصل · #1 13/02/2011, 06:32 PM

شبكة موبايلي مشغولة وخدمة العملاء لايتجاوبون وهذا يؤثر على الاقبال في الاشتراك من قبل المشتركين الجدد فما بالكم أنه منذ أسبوعين تقريبا في الرياض والشبكة مشغولة في الأحياء التالية : النفل جامعة الإمام الإزدهار قرطبة سابك غرناطة الشهداء اليرموك فالكل يعرف ضرورة وجود التليفون وخدماته فما بالكم لوكنت أحمل هاتف مثل عدمه ففي هذه الحالة سوف أرميه واستبدله بغيره فنحن اشتركنا في موبايلي من اجل الهلال وليعلم القائمين عليها هذه الحقيقة ويحسنوا من خدماتهم أو سننسحب من عندهم وسندعم الهلال بطرقنا الخاصة

نجم المرزم · #2 18/02/2011, 09:06 PM

وانا مثلك وانا اخوك
خدمه البي بي عندي تخرب ايام وتصلح ساعات
الشبكه عندهم مدري وش بالها
حاله والله حاله

إقتباس


	الحقيقة ويحسنوا من خدماتهم أو سننسحب من عندهم وسندعم الهلال بطرقنا الخاصة

وانا معك

عبدالله النفيعي · #3 20/02/2011, 05:57 AM

على ماسمعت ان موبايلي شكلها قربت على الانتهاء

50 مؤظف او اكثر من خدمة العملاء لدى موبايلي قدمو الاستقاله

وذالك بسبب تعاقد موبايلي مع شركة وتنزيل الرواتب

يعني موبايلي من غير خدمة عملاء الان

والله حراام

mshaalawy · #4 20/02/2011, 01:23 PM

اقول قسم بالله انهم رفعة ضغط خدمة العملاء

»--(¯`هلالي´¯)--»M · #5 20/02/2011, 09:01 PM

يا اخوان اذا شريحتكم فاتوره في دقيقه يردون عليك

اذا شريحتك شحن يردون عليك اذا تشحن بأستمرار مو في الشهر تشحن بعشره

بالنسبه لي اتصل الظهر او العصر او اخر الليل او الصبح يردون علي في اقل من دقيقتين

اما بالنسبه للبلاك بيري فـ عندي بالبيت بطيئه لكن اذا ابتعدت عن البيت تقريبا بـ 5 كيلو تصير حلووه وسريعه !!

مايهمني هالشي لأني اشغل البيبي على DSL وانا بالبيت اسرع بميه مره

حبيبي تقول تنسحب من موبايلي ؟ وين تروح الاتصالات او زين ؟؟
اذا ماجربت الاتصالات انصحك ووالله اني ما اكذب على هالشركه لما اقول ان خدمتـــــهم زززفت وخدمة العملاء مايردون علي نهائيا بأي وقت اتصل يقول لانستطيع خدمتك حالياً ويقفل بوجهي
كنت ابغى اجرب خدمة البلاك بيري حقتهم اللي بالاسبوع جلست تقريباً 4 ايام بس ابغى افعل الخدمه

تبي تستخدم شريحتهم في الاتصال ؟ اذا بتشحن بيسحبون منك بين فتره وفتره 5 و10 ريال تتصل عليهم يقولون انت مفعل الخدمه الفلانيه حتى لو انك توووك شاري الشريحه جديده

تبي فاتوره الله يعينك على المبلغ اللي بينزلونه لك

< حااقد على الانفصالات

ضابط إيقاع الزعيم · #6 21/02/2011, 02:07 AM

انشا الله بس احد يسمع هالكلام

عبدالله النفيعي · #7 21/02/2011, 08:34 AM

والله انا تعبت منهم وحولت على زين

لا ابراج زي الناس ولا احد يرد عليك

فن الزعيم متواصل · #8 21/02/2011, 12:11 PM

لا يا اخوي هلالي أنا عندي في موبايلي 3 شرائح مفوترة ولا أحد يعطينا وجه

أبو ماجد 20 · #9 01/03/2011, 07:48 PM

هذا رقم
موبايلي
لخدمت العملاء
ارجوا منكم
إنكم شفتو الرقم
0560101100

مجنونكـ ياهلال · #10 02/03/2011, 12:30 AM

اقسم بالله ياخوي انها شركه خايسه
لكن مااقول غير حسبنا الله ونعم الوكيل فيهم
اقسم لك بالله لي شهرين ابي اكلم حق خدمة العملاء ولاقدرت من شهرين وبعد شهرين حنوا علي بالغلط ورد علي واحد قالي اسمه ومالقطت الاسم زين وقلتله ياخي حرام اللي تسوونه فينا راح حطلي التقييم وقفل ( اقسم بالله انفقع قلبي من الحركه )
والى ساعتك هذي اشحدهم يردون علي من شهرين . لا واجلس انتظر الين يوصل انتظاري لرد الموظف ساعه ويفصل من حاله وارجع اعيد وزيها ساعه ويفصل من حاله وعلى هذا الحال

لكن من قلب محروق الله لايسامحكم وياخذ حق كل مواطن منكم (لهفوا رصيدي ولاني قادر اخذ حقي منهم )

ومضات في آفاق التميز · #11 06/03/2011, 05:47 AM

أول وهم وش حليلهم ,,
هالكلام من سنتين تقريبا ,مايميني ادق الا وهم رادين علي ,,
بس من تالي متكبرين علينا !!

أجل مرة احتجتهم و يوم كامل ماردوا علي بكل الاوقات دقيت ولافيه أمل يردون

جعلكم الماحط ياللي سفهتوني ><

مررة يرفعون الضغط والله مانلومك يا اخوي
عاد انتم العيال تقدرون تروحون لفرعهم باي وقت ام احنا مالنا الا (تعاسة العملاء) الله يعينّا عليهم أما ان يردون علينا ولا مالنا الا الصبر ,,

ابن القصيم · #12 09/03/2011, 07:30 PM

مالومك و الله موبايلي شركة فاشله
اكبر خطا باني حولة من الأتصالات لها شبكه ضعيفه و لا يوجد لديهم مصدقيه في التعامل مع العميل

معلمة هلالية · #13 10/03/2011, 02:39 AM

دق عليهم من رقم سوا أو عام من الأتصالات السعودية بيردون عليك بسرعة *^*

خالد القريني · #14 10/03/2011, 03:24 AM

انا اتصل من اس تي سي لا يطلع لي نغمه موبايلي المؤقره ولا الجهاز الصوتي على طول يحولك للموظف

اسال مجرب وربي كل ما بغيتهم سويت فيهم كذا يردون بسرعه

0560101100

هذا رقمهم المميز

**سفيرة الهلال** · #15 14/04/2011, 02:13 PM

والله انا حولت زين بعد ماكنت موبايلي
تقهر لاعملاء ولاعروض
بس الحين الموبايلي الوحيد في البيت الكونكنت
واحيانا مودايما احيانا يرفع الضغط