ياشباب يابنات لاتسوون مثلي حبل الكذب قصير واحيانا يوديكم لسوالف انتم غنى عنها ... موقفي مع امي وراعي الباص والغياب + مايستفاد من موقفي للجميع ,
 

السلام عليكم والرحمه



نعم يابنات وياشباب حبل الكذب قصير . واحيانا يوديك بسالفه انت غنى عنها .. خصوصا السالفه اللي صارت لي اليوم :cry::cry:



اول شي بقولكم نبذه عن امي .. عشان تعرفون ليش انا سويت كذا



امي انسانه تقدس شي اسمه دراسه . تقدس المدرسين تقدس الدوام وتكره شي اسمه غياب

ومافيه امل تخليني اغيب من المدرسه الا اذا شافتني منصرعه على الاخير :s5s:


يعني لدرجه اذكر يوم كنت صغيره بالابتدائي كانت رجلي مجبسه
(( تخيلو جبس ياجماعة الخير )) وبعد تقريبا اسبوع من التجبيس خلتني اداوم للمدرسه وانا اعرج والجبس يطقطق بالارض :s2:


وقسم بالله اني ماابالغ .مشكلتها تكره الغياب وكل ماقلت لها بغيب سوت لي محاضره وانتي اخر سنه ومستقبلك ومدري ايش ووو كلام ومحاضره تخليني ادوخ :to:


عاد اليوم الثلاثاء البنات كللللللللهم متفقين يغيبون واتفقوا امس اللي هو يوم الاثنين


والمشكله مقدر اجي واقول لامي بغيب عشان البنات متفقات (( عندها هالحركه جريمه وبتجلس تسوييلي سالفه ومحاضره انا غنى عنها ))


عاد اختكم بالله سوت حركه وياليتها ماصارت ولا سويتها :cry:


قوومتني للمدرسه وقمت لبست المريول وجلست البس واسوي عندها اني على اساس بتجهز للمدرسه


وامي من النوع اللي تجلس فوق ماتنزل تحت .. وانا اصلا مواصله ومالي خلق اداوم وغير كذا البنات متفقين يعني بروح ماراح القى احد


قلت اسوي عندها بروح .. واكمل نومتي تحت s121ss121s


وقبل كل هذا رحت ارسلت للسواق حق الباص .. لاتجي بيتي اليوم لاني بغيب :d




نزلت تحت .. رحت لغرفة الحريم وانسدحت على الكنب .. وطقيييييييتها نوووومه


وجت تقريبا الساعه 9 ونص الا واختي الكبيره تشوفني (( وسترت علي ولا علمت امي وقلت لها لاتعلمينها )) وقالت خلاص بس لاعاد تعودينها :s2:



يوم جت الساعه 1 وربع ... امي كانت فوق تشوف التلفزيون .. قمت اخذت شنطتي واغراضي على اساس اني توي راجعه من المدرسه


رقيت وغيرت ملابسي ونزلت تحت تغديت وعينت من الله خير ومبسوطه بالغياب لان حسيت فيها لذه >> مغامره :s2:









مادريت الا اسمع امي تتكلم بصوووت عالي مع شخص وتنادييني






يوم جيت قلت وشو فيه .. قالت راعي الباص دق يقول انك ماركبتي معه الباص


وامي قالت له لالا وشلووووون بنتي مداومه ودارسه



<< عاد راعي الباص وراح تفكيره ××××××



جا قال وشو بنتكم ماتستحي وانا ابي اعلم ولي امرها وهي شلون راحت ومرسله رساله تقول لاتجي وماجيتها

وجلس راعي الباص يربط باشياء تخريفيه قهرني .. وعلى طول راح تفكيره وسسسخ


جلس يقول لآمي وانا مره شفتها تسلم على واحد لابس غتره عند باب بيتكم >> يبي امي تشك فيني!! :ranting:

المشكله ذا الكلام كان قبل كم اسبوع . نزلت من الباص الا اشوف اخوي واقف عند الباب وكان توه جاي من السفر وجيت سلمت عليه

<< يعني بالله عليك ياغبي لو افترضنا اني انا بنت مش كويسه وراعية حركات . بجي اخلي واحد يجيني وعند باب بيتنا وبسلم عليه ؟؟!!!

يعني معقوله بسلم على شخص ماعرفه عند باب بيتنا !!! :mad:


وامي تتكلم منهبله .. واجي ارررررركض طايره واقولها لالا يمه انا مااااارحت كنت نايمه بالغرفه



المهم اني تناظر فيني وشلوووووووووووون .. وانا بالعه لساني من الخوف :cry:



المهم تفاهمنا مع ذالرجال اللي فهمني غلط وبغى يخلي امي تشك باخلاقياتي

وقلت له اني نايمه تحت ووو الخ

وتناقشت مع امي . وقلت لها ليش انا ماعلمتها لانها مستحيل راح تخليني اغيب

وامي فهمتني .. ووعدتني اني اذا بغيت اغيب اقولها وراح تخليني

<< امي بلعت العافيه الظاهر ههههههههههههههههههههههههههههههه :d



والحمدلله ان اختي شافتني نايمه عشان تثبت برائتي :cry: .. وبعد شغالتنا وهي تنظف شافتني منخمده من الساعه سبع ونص






..



مايستفاد



1- حبل الكذب قصير


2- شي زي كذا يابنات لاتسوونه لانه وقسم بالله مثل هالموقف ذا لو اهلي مو متفهمين وناس واعين .. ومتحجرين كان صارت سوالف وعلوم ورياضيات :s5s:



3- راعي الباص ***** على طول راح تفكيره ×× . وانا اقول ياناس ياعالم لو سمعتوا سوالف مشابهه لاتصدقون لان وقسم بالله فيه كثير بنات سمعتهم توصل الارض وهم اساسا بريئات والناس ماتخلي الحكي والقيل والقال


4- احسنوا الظن بأي احد .. ومو اي شي يكون ببالكم يروح لجانب سلبي . هذا يدل على انك انسان سلبي ومتشائم وغير واعي

انا اقولك ليش تفكيره وسخ ..


لانه جلس يقول لآمي انا شايفها مره تسلم على واحد لابس غتره عند باب بيتهم >> يعني يشكك فيني وبهالواحد


اللي هو اخوي

يعني مااحسن الظن وعلى طول جلس يفكر بتفكير ×× ..!!

,


يعني قسم بالله لو انه قال بنتكم لا ماداومت وبس .. هنا عادي


بس ليش جلس يربط بأشياء وامور من عقله ويحط انها صحيحه !!


يعني الحين عشان امي قالت ماداومت .... حط ان هالشخص اللي وااقف عند باب بيتنا قبل كم اسبوع ويوم نزلت من الباص سلمت عليه


حط انه واحد وسلمت عليه وبدى يخرف كلام ويقول لامي


يعني معليييييش خيييييير !!! مو معقوله بسلم على واحد ماعرفه ولا يقرب لي من محارمي



عشان كذا قلت تفكيره وسخ ولا زلت اقول :)

وعليكم السلام ورحمة الله وبركاتة
لاتعودينهااااا
الحمدلله انك استفدت من هذا الدرس
وكذلك امك الله يحفظها تنبهت لشيئ خطير
مما جعلها تعطيك الحريه في الغياب
تحياتي

وثاني شي لو انا مكآنه كنت بدق على امك وبقول ترآهآ مارآحت للمدرسه
اصابعك مو وحده :d ، !



احمدي ربك ان فيه احد شاهد عليك وقت الجريمه :d

ااهم شي الحمدلله على سسلاَمتك .. ما ادري ليشش اهلنا ما يخلونا نغيب على كيفنا !؟ :s2:الغياااَب سساَلفته بسسيطة جداً .. مثلاً تتظاهرين بـ المرض :s2: او ازبدي لـ امك الحقيقة سواء وافقت على الغياب او بـ الروحة لـ المدرسة و اذا قالت ما تغيبين إضريبيها نووومة مثل ما سسويتي :d .. و سوااَق الباَص مُهمته انه يوصل فقط مو يراقب على البنات عند بيوتهم تسلم على مين و تكلم مين .. بسس يمكن هو قال تسذا خوفاً عليتس لا اكثر لكن هو كبرها :mad:و قال انك تسلمين على رجال و مدري كيف :ranting: .. حتى لو اتصل المفروض يقول ان بنتكم ما راحت المدرسة فقط فقط دون تكبير السساَلفة مع ان الدلخ انتي اتفقتي معه:laugh:

و السلااام خير الختام :rose::rose::rose::rose::rose::rose:

فك الحجز :d < ياكثر ما احجز بعد :s2:


امك زي امي بالضبط بالضبط :d بس بما ان امي مدرسه تطلع من البيت 6 وربع :d وانا ما احرك من البيت الا 7 الا ربع :d يعني اذا مسكت اغيب غبت :d < ياقوي :s2:

وبعدين هالبدوي معه حق وما معه بنفس الوقت الصراحه :d يعني امك تقول رايحه وهو يقول ما ركبت وش تبين يروح تفكيره :d بس الحمد لله خيره اختك شافتك وانتي فاكتها نومه :d لان لو ماشافتك صدقيني بنقول كان فيه وحده اسمها هلاليه :razz: الا على طاري الغياب حتى فصلنا اليوم غايب نصه وش السالفه :to:

يلا يعطيك العافيه وخلي عنس الكذب مره ثانيه :s2:

اولا انا اقول الحمدلله ان السالفه فعلا عدت على خير والله يحفظك يارب ويستر عليك ويهديك

ثانيا كل الاربع النقاط الي قلتيها انا اتفق معك فيها وهي فعلا دروس من قصتك وقصص كثيرة يجب على اي احد يستفيد منها ولا يكررها لكن اذا سمحتي لي اريد ان ازيد على الاربع النقاط نقطة اخرى وهي ان الكذب او الف والدوران مثل مايقولون دائما ما يجعل الناس يشكون به لان الناس ليسوا ملائكه وطبعا انا لا اقول ان الشك بالمسلم عادي لا بالعكس لا يجوز ومثل ماقلتي لابد من احسان الظن لكن برضه انت قبل لا تلمون الناس الي شكوا فيك لوم نفسك لانك انت الي خليت الناس يشكوا فيك انت الي حطيت نفسك في هذا الموقف بسبب الكذب او غيره وفي مثل دايما ما يقوله ابوي وهو امشي عدل يحتار عدوك فيك وفي النهايه اختي الغاليه كل الناس تقع في اخطاء ولكن مثل ما في حديث النبي عليه الصلاة والسلام خير الخطائيين التوابيين بمعنى الحديث..لكن بالرغم من ذلك انا اشجع فيك شجاعتك بالاعتراف بالغلط وايضا فهمك ووعيك وتعلمك للدرس ماشاء الله عليك الله يحميك يارب ويوفقك وان شاء الله نشوفك داعيه وكل بنات المسلمين

بصراحة اشوف الغلط بالبداية منك .. لانك ماعلمتي امك عن الغياب
بالنسبة لسواق الباص .. انا مستغرب بدوي ويسوق باص مدرسة بنات ,,,
لكن هو حاب يعلم اهلك من باب مصلحتك :d

اي والله .. الحمدلله ان اختك شافتك ولا كان رحتي ل60 الف داهية :s5s:

..

و اصلاً ماراح ننجح وماراح نستفيد .. الا اذا تعلمنا من أخطائنا واخطاء الغير :yes:

بالتوفـيـق :D

هههههههههههههههههههههههههههههههههههههههههههههههههههه<<فاطسه ضحك:s2:


وش يحس فيه هالبدوي:d
وقسم لوانا منك لااحوسه:s5s:


وبعدين انتي ليه تكذبيين كان داومتي:mad:<<بصير مثل امك:d


عاد تخيلي مااغيب ابد:cry:
انا ايام الدراسه مايمر اسبوع اداومه كامل:s4s:
بس الحين جامعه وحرمان وقرف:cry::cry:



مشكوووره
وكل يوم تعالي هنا واسدحي مغامراتك:s2: