جهازي آي فون 4 من موبايلي .. سويت له جيلبريك ثم آنستولنز ثم طفى ولم يشتغل بعدها .. ساعدوني بليز ! - نادي الهلال السعودي - شبكة الزعيم

s.Milandini · #1 29/04/2011, 08:32 PM

السلآم عليكم ..

أخواني أخباركم

طيبين وبخير ؟!

تو شريت لي جهاز iPhone 4 من موبايلي ..
رحت البيت شبكته باللاب توب ، فتحت الآي تونز ، فعّلته وتفعّل ..
إصداره 4.3 ، حدثته إلى 4.3.2 ، بعدها ركبت الجيل بريك ..
ثم طلعت لي أيقونة السيديا باللون الأبيض

نزلت الفريموير مرة ثانية واخترت خيار "الجست بوت" وبعدها زان وطلعت الأيقونة باللون البني
ثم ركبت الآنستولنز .. ثم طفى الجهاز ورفض يشتغل مرة ثانية

لما أبي أشغله تطلع لي صورة التفاحة مع الشرطات اللي تدور بشكل دائري ويهنق الجهاز على الهئية هذي

طبعاً للمعلومية بس ..
أنا عليمي

في أمور الجيلبريك وكانت هذي أول تجربة لي

فما أدري هل المشكلة من طريقتي بالتركيب أم بالجهاز أم بالملفات ..
بصراحة جهازي له يومين طافي وأنا مدري شسالفة

أخوكم محبط من هالشيء .. وأتمنى تساعدوني ..

.yousef · #2 29/04/2011, 08:56 PM

هلا سعد .

مشكلتك أنك ركبت الجلبريك لأن لو كان الخلل من موبايلي مايبدلوك الجهاز لأن الضمان يقول إذا ركبت الجيلبريك يروح الضمان وأقدر أقول راح عليك الجهاز الا كان أحد الشباب أخبر مني >> ومره ثانيه لاتركب شيء الا عارفه .

BąŞŦĭǻИ · #3 29/04/2011, 09:51 PM

شٌوف وأنآ أخوكُ بعععٌلمك بالليٌ أعرفه آن شُآء الله ينفععٌك ،

ترآ موصُى عليٌك من طرف صآلح أخويٌ ،

أذآ خربت جهههٌآزك روح آصرعٌه بالرآبطه عندكم ،

تيآقو سيلفآ ،

,
,
,

مآعليٌنآ من الخرآبيٌط الليٌ فوق ،

طبعٌآ الأيفون الحيٌن طآفيٌ بيٌدك ،

روح أشبكه بالأيتونز ،

وبعدهآ أضغط زر الهوم بوتن وزر السليٌب بوتن ،

. . وأستنى لمممٌآ يشتغل مآيآخذ معععُآك ثوآنيٌ ،

.

طريٌقه عمممٌل ريستُور للجهٌآز ،

1- خلكٌ شأبك الجهآز بالأب توب عن طريقٌ الأيتونز ’

2- الجهاز يكون طافيٌ ,

3- اضغط زر البور وزر الهوم جميع لحد 10 ثواني ،

4- شيل زر البور وخلي اصبعك على الهووم لمده 10- 15 ثانيه .

انتظر لحد ما تجي علامه الايتونز والكيبل ..

.
.

أستنى ردكٌ أخويٌ ،

MILAN STARS · #4 29/04/2011, 10:02 PM

الله يعينك يارب
بحاول افيدك باللي اقدر عليه
اضغط جهاز التشغيل من فوق مع الزر اللي تحت حق القائمة ( مع بعض اضغطها مرتين و المره الثانيه طول عليه )
و اذا تبي توديه للدعم الفني في اي فروع من فروع موبايلي يكون احسن بس شيل الجل بريك عشان الضمان مايروح عليك
وربي يخلف عليك فيما انفقت

s.Milandini · #5 29/04/2011, 11:16 PM

إقتباس

الرسالة الأصلية كتبت بواسطة MILAN STARS


	الله يعينك يارب بحاول افيدك باللي اقدر عليه اضغط جهاز التشغيل من فوق مع الزر اللي تحت حق القائمة ( مع بعض اضغطها مرتين و المره الثانيه طول عليه ) و اذا تبي توديه للدعم الفني في اي فروع من فروع موبايلي يكون احسن بس شيل الجل بريك عشان الضمان مايروح عليك وربي يخلف عليك فيما انفقت

جربت طريقتك لكن للأسف ما نجحت

وجزآك الله خير أخوي

إقتباس

الرسالة الأصلية كتبت بواسطة Vidic15


	شٌوف وأنآ أخوكُ بعععٌلمك بالليٌ أعرفه آن شُآء الله ينفععٌك ، ترآ موصُى عليٌك من طرف صآلح أخويٌ ، أذآ خربت جهههٌآزك روح آصرعٌه بالرآبطه عندكم ، تيآقو سيلفآ ،

يآ عمري يا صآلح ..

ولآ تهون يا الغلآ

إقتباس

الرسالة الأصلية كتبت بواسطة Vidic15


	وبعدهآ أضغط زر الهوم بوتن وزر السليٌب بوتن ،

أنا الحين أبي أجرب طريقتك .. لكن وشو زر السليب بوتن

Ƭ έ ν ά ツ · #6 29/04/2011, 11:34 PM

سو باك اب وريستور

+

بعد مايخلص الريستور رجع الباك اب من خيار Restore from backup

وبعده سو الجلبريك مره ثانيه مع مراعاة الخطوات وتطبيقها بالشكل السليم
فيه موضوع في قسم الاتصالات خاص بالجلبريك الاخير

s.Milandini · #7 30/04/2011, 12:23 AM

^
^
الحين بأسوي البيك آب .. لكن هل ضروري أركب بالجهاز شريحة ؟!
لأنه ما عندي شريحة لا إتصالات ولا موبايلي

s.Milandini · #8 30/04/2011, 12:37 AM

للأسف الجهاز مو رآضي يسوي ريستور

Ƭ έ ν ά ツ · #9 30/04/2011, 07:59 AM

^

عطني رقم الخطأ اللي يطلع لك ومتى يوقف في اي خطوه في عملية الريستور

s.Milandini · #10 01/05/2011, 12:20 AM

إقتباس

الرسالة الأصلية كتبت بواسطة Ƭ έ ν ά ツ


	^ عطني رقم الخطأ اللي يطلع لك ومتى يوقف في اي خطوه في عملية الريستور

هذي صورة الخطأ اللي يطلع لي بعد ما أسوي الريستور !

سوينا ريستور أكثر من مرة .. لكن للأسف كل مرة تطلع لنا هالرسالة تفيد خطأ
مرة في نصف الريستور .. ومرات بعد نهاية الريستور !!
وش الحل أخوي الله يعافيك ؟!

ابو عبـــــــــدالله · #11 01/05/2011, 11:23 AM

المشكلة عندك بتحميل السوفتوير وليس بتثبيته ..

يقول تأكد من إعدادات الشبكة أو حاول مرة ثانية ..

تحياتي لك وموفق يالغالي ...

Ƭ έ ν ά ツ · #12 01/05/2011, 03:59 PM

مثل ماقال اخوي ابو عبدالله المشكله في تحميل الفيرموير
هذا الفيرموير المعدل حمله في جهازك
وبعد ماينتهي تحميله
فك الضغط عنه وحطه على سطح المكتب ..
بعده من الايتونز اضغط على shift+Restore
واختر الفيرموير اللي حملته

وان شاءالله يضبط معك

iPhone 4 < هذا الفيرموير

s.Milandini · #13 02/05/2011, 04:04 AM

إقتباس

الرسالة الأصلية كتبت بواسطة Ƭ έ ν ά ツ


	مثل ماقال اخوي ابو عبدالله المشكله في تحميل الفيرموير هذا الفيرموير المعدل حمله في جهازك وبعد ماينتهي تحميله فك الضغط عنه وحطه على سطح المكتب .. بعده من الايتونز اضغط على shift+Restore واختر الفيرموير اللي حملته وان شاءالله يضبط معك iPhone 4 < هذا الفيرموير

C:\Users\s.Milandini\Desktop\iPhone3_1_4.3.2_8H7_Restore\Firmware\all_flash\all_flash.n90ap.producti on

هلآ ..

أنا سويت الطريقة اللي قلتوها لي .. لكن لما أبي أدور على الملف الفيرموير عشان اضغط عليه وأبدأ الريستور ما ألقاه ..
تتبعت الملف اللي نزلته من رابطك لكن للأسف ما يطلع لي شيء !
وهذا الرابط اللي فوق هو اللي تتبعه مع الملفات الأخرى الموجودة .
والحل

؟!
وهذي صورة :

ومشكور أخوي تيفا وأبو عبدالله ..

s.Milandini · #14 02/05/2011, 09:31 AM

أبشركم الجهاز أوكي ومن أحلى ما يكون
تصدقون أول مرة أحس أني متنح

المشكلة كانت في تسمية امتداد ملف الفريموير خخخخخ
برنامج ( إنترنت داونلود مانيجر ) حمله لي على صيغة ملف مضغوط بامتداد zip
وهو المفروض يكون على امتداد iwsp
وعشان كذا كان ما يطلع لي الفريموير بالنافذة لما أبي أسوي ريستور
لكن لما غيرت الإمتداد عن طريق تغيير اسم الملف ضبط معي وطلع وبالتالي تحمل الملف بالجهاز
وعاد الآي فون كما كان كأنه جديد ..

<< مبسوط
بآقي الحين أِشكركم على مساعدتكم .. وتعبناكم معنا

ووعدنا نهائي الكوبا يا تيفا

.yousef · #15 02/05/2011, 02:38 PM

مبرووكـ سعد رجع الجوال نفس أول وماقصروا الشباب معاك وعقبال تعطيني دوره بالأيفون .