اللاعبين لإدارة الهلال :
يا سعادة الريّس نبي مقدم عقد بالمبلغ الفلاني ..
الريّس : ولا يهمكم .. انتم نجوم وتستاهلون الملايين .
يا سعادة الريّس ماتورانا مهوب عاجبنا .. يا ليت تغيرونه ...
الريّس : اوكي .. نغير المدرب لعيونكم .
يا سعادة الريّس الراتب تأخر يومين .
الريّس : افا ،، نصرف لكم الراتب الحين .. ومعه مكافأة ..
يا سعادة الريّس المصيبيح شديد معنا مررره ،، حتى النوم والاكل يتدخل فيه ..
الريّس : وش هالكلام .. فهد تعال ابيك .. بنعفيك من مهمة مدير الكرة .. لان اللاعبين ما ارتاحوا لطريقتك ..
((( هذا نهاية الدلع الزايد ... اما الدوري والكاس وبطولة آسيا ... ننسى موضوعها احسن )))


** سادس الترتيب العماني حتى وهو مهزوم مسيطر على اللعب ... شكرا لنجوم الزعيم ...
** تذكرون المقولة الشهيرة ... اسمحوا لي اغيرها شوي واقول ( بدرا زفت ) ...
** يا الشريدة متى تفكنا من هالفلسفة ... خلص الكورة بسرعة واترك النكبات عنك ..
** يا ليت ننسى البطولات القادمة من الحين ... اذا كان هذا مستوانا ..
** صدقني يا سمو الامير .. العين الحمراء هي اللي تنفع ..
** بعد هالمستوى الهزيل ... هل لا زال سالازار موجودا في الرياض ..
** من شاهد فرحة الفريق والاحتياط بالهدف الثاني !!! يقول ان الهلال يلعب على كاس العالم ...
** اتمنى من الآن محاسبة المقصرين .. بالعقاب والخصم وشتى الوسائل .. حتى يعرف الجميع انهم يمثلون كيان عظيم اسمه الهلال ..
** مبروك الفوز للعروبة العماني ... اوووه عفوا ... المعلق يقول الهلال فاز !!!
** والله اننا نحبك يا هلال ... والعتب من المحبة ... شدوا حيلكم المباراة الجاية ... والله يوفقكم ...