إقتباس سيبي بدرا لم ينفع الهلال لحد الآن منذ مجيئه

ولا تنتظر منه النفع لان فاقد الشي لا يعطيه

إقتباس وذلك بإهدائه لبنالتي غير صحيح إطلاقاً!!!!

مع احترامي لرأيك الا انها ضربة جزاء واضحه ولو تابعت الحكام الاوروبيين
لوضحت اكثر....... ولكن المستوى السيء يجعل البعض يكابر.

إقتباس لازال يواصل [ جـُـبنه] وإبتعاده عن تسديد ركلات الجزاء بحجج لا يقبلها عقل ولا منطق!!!!!

سامي كان منطقيا في ابتعاده عن التسديد ولو اضاعها لأ قامت الجماهير الدنيا ..
خصوصا ان مستواه في المباريات الاخيره غير مقنع‍‍‍‍‍!!!! وزيادة على ذلك فهو يشكو من اصابه.

إقتباس تعطى الركلة للاعب لم يتجاوز الــ21 عاماً !!

الكره لا تعترف بالاعمار بل بالعطاء داخل الملعب وشي جيد ان تجد لاعبا بهذا السن ويملك ثقة الشلهوب بنفسه.

إقتباس ننتظر سامي ( الواثق ) ولا نريد سامي ( الجبان) !!

جابر عثرات الهلال لم ولن يكن يوما جبانا بل على العكس سامي دائما مايكون صاحب المبادره
وابتعاده عن التسديد كان قرارا حكيما وليس جبنا;)

إقتباس حينما أرى سليمان والشريدة أتحسّر على سناترة الهلال !!

للاسف الشريده مستواه محير مره تحس انه افضل مدافع وبعد شوي يخرب الدنيا
اما ابو سليمان فمستواه في انحدار وكانه في نهاية عمره الرياضي .
ونحمد الله على وجود الدعيع خلفهم ولا كانت علوووووووووم

إقتباس ( الفرق التي تستأسد أمام الهلال)

لازم تستأسد فهي تلعب امام الزعيم الاسيوي ولكن ارى ان استهتار لاعبينا يساعدهم في البروز.

إقتباس [ يا بغضي لبطولات أندية الخليج واللي نظامها نظام دوري مدارس]!!

انا اقول والله البطوله هذي ما لها داعي ولو تعطى الفرصه لبطل دوري الدرجه الاولى للمشاركه لكان افضل

إقتباس نهاية الكلام .. هلال سيء .. لا يستحق حتى التعادل ....

الافضل لا يكسب دائما........وبطولة الخليج لا تعترف الا بالنتائج.

وفي الختام الف شكر ومبروك الفوز ولا تخاف على الزعيم بوجود الرئيس
الرائع الامير عبدالله بن مساعد.

والله انك يامخاوي البطولا ت عين الصواب
ملينا قلنا يمكن من المدرب طلع المدرب ماله سنع يعني قل 50 بالميه له تاثير لكن تغير المدرب
ولا شفنا المستوى اللي عهدناه من الهلال والله اتوقع لو عند ماتورانا نص هالعيبه اللي الحين
موجودين لكن تغير الحال للافضل اتوقع لكن الحين الفريق بكامل نجومه اسف بكامل طقمه ولا
سوو اي حاجه والله يابعد فيه لاعبين ما ادري وشلون يلعبون اةلهم الغامدي وبدرا وياقلب
لا تحزن محترف ما رماه الطير وفيه خير وين الروح والله يالروح انه منعدمه
الفريق المشكله انه يبي ياخذ البطوله بالمستوى هذالان المجموعه سهله لكن ماراح ياخذ
الدوري ولا يتاهل بالاسيويه اذا كان هذا الزعيم المشكله كل شي متوفر مادري وش اللي ناقص
لكن نقول لا زم يتصلح الوضع قبل ما نندم على البطولا ت اللي تتروح لو الوضع هذا قبل مباراه
او مبارتين ممكن لكن الى الحين من يمكن شهرين ما شفنا الهلال الحقيقي
ما نقول الا الله يعينا بس

يا هلاليين رفقا بالزعيم هذا وهو متصدر الدوري وبطولة الخيج ؟؟؟؟؟؟؟؟؟؟؟؟؟؟ فماذا تريدون؟

الأخ تحدوه البشر..

نقول إن شاء الله أن الوضع راح يكون أحسن من كذا المباراة الجاية ..

نبي إن الله أحيانا يوم السبت ثلاث نقاط مقرونة بــ50% من مستوى الهلال وراضين فيه ..

تحياتي ..

******

الأخ لا ولا ولا لغير الهلال..

من شهر ونصف والهلال مستواه متأرجح فنجده في مباراة معقول نوعاً ما .. لكننا نجده في مباريات أشبه بحمل وديع تتلقفهُ الفرق ونتمنى أن تنتهي المباراة لكي لا تزيد الأوجاع!!

الهلال وهو في طريقهِ إلى قطر يعاني من إتعدام الروح بين اللاعبين وهذي واضحة للجميع ومن المُخجل أن نُكابر ونقول أهم شي الثلاث نقاط ..

نعم هالمباريات تحتاج للجهد القليل لكن الفريق أمامه بطولات عديدة بعد الخليجية (ولو) أخذ الخليجية الهلال إن شاء الله راح ( تجوز) له هالمعادلة السهلة وهي ( اللعب البارد وإنعدام الروح والقتالية على الكرة لأن بالأول وبالأخير البطولة والتأهل مضمون)!!!

نقول إن شاء الله يتحسّن الوضع بعد بكرة إن شاء الله ..

ألف شكر أخوي ..

********
الغالي المرعب سامي..

هلا بك والله

إقتباس ولكن تبقى بطولات الخليج هكذا لامستوى ولا رووح

أنا معاك إن بطولات الخليج سواءً على مستوى المنتخبات أو على مستوى الأندية لا لها لا طعم ولا رائحة .. بس حنا نبغى مستوى مهوب زين ! نبي مستوى معقول !
لكننا نفوز بأخطاء حكام وتنسينا أخطاء الفريق بشكل عام فهذا اللي ( يغبن)

تخيّل معي عزيزي لو أن الهلال متعادل أو حتى خسران !
راح تشوف الوضع مزعج بالنسبة للاعبيين وراح يحسون أنّ الغلط منهم وتعاليهم على الكرة هو اللي مسبب هالأزمة !

لكنهم في كل مباراة جاية للهلال راح تكون قاعدتهم هي [ الفوز المريح بأقل مجهود]!!

وفكنا ربي أمس بأن الفريق كان مهنا خبرةٍ في البطولات !

إقتباس وثاني حاجه ترى ســــــــــــــامي لعب وهو مازال مصاب

إذا كان مصاب والإصابة لم تبتعد عنه بنسبة 70% فهذي أحملها بلاتشي كونه أرهق اللاعب وجعله تحت ضغط نفسي من خلال تقديم شي لهلاله!
أبسأل وين جهاز الكرة في مثل هالأمور!
لاعب مصاب يلـّـعب مجبور! وين صايرة هذي!
المفروض ما يعطى الضوء الأخضر لحين شفائه التام من الإصابة فمضاعفات الإصابة تبتدىء من خلال عناد المدربين وإشراكهم للاعبين مؤثرين في سبيل ( رضاء الجمهور)!!!!!!!!!!

إقتباس تحياتي لك على غيرتك على الزعـــــــيـــــــــــــــم وشكرا لك

العفو حبيبي ..

*******

الأخ السبله..

إقتباس والله الهلال يخوف مافيه احد يفتح النفس غير الدعيع

في آخر 4 مباريات الدعيع لازال الدعيع يحرج الفريق ويعلمنا أن الفريق منهار!

إقتباس وسامي المفروض يحمس هالباردين اللي في الملعب لكن الظاهر البلا فيه الله يعين

أخالفك هالنقطة .. اليد الوحدة ما تصفـّـق ..
ألف شكر ..

******
الأخ الفتى الذهبي2003..

إقتباس بس اخوى لا تنسى ان هذى البطولة لا تعترف با مستويات تعترف با لنتائج

أنا معك بس نبي 50% من المستوى الحقيقي لزعيم آسيا!!!!

لنا عِبرة في الخليجية اللي بالكويت واللي كنا أول ثلاث مباريات نفوز بالأربعات !! وبالأخير قبل آخر مباراة لعب الهلال مع الإتحاد القطري وفعل هوايته الفريق القطري بإقفال ملعبه طوال الــ90 دقيقة لأن في هذاك الوقت كان طموحه هو التعادل عكس الحين وهو الخروج بأقل الخسائر!
المهم أقول ما يهم الفوز بالنتائج الكبيرة ..
المهم هو الفوز بأي شكلٍ كان وبأي نتيجة ..

بس الشي إن جاء ودك يجي على سنع ..

مهوب يجي لنا فوز ٍ ما نستاهله!!

وبالتالي تذهب أخطاء الشريدة وسليمان والدوخي .و.و.و.وو. وذلك مع الثلاث نقاط اللي جتنا!!

لأن مشكلتنا الله يحييك في الهلال خصوصاً وبالكرة الكرة العربية عموماً هالقاعدة تسري بعروقنا مجرى الدم وهي [ مع الفوز انبسط بقوووة والجميع ممتاز]!!

شكراً لك ..

*********

الأخ القلب الأزرق..

ليش وش سوّى البكر!
وليش خلى التعليق !
<--- من الدقيقة 15 الشوط الثاني وهو كاتم الصوت من الغبنة!!

الشكر لك ..

*********
هلالي^صميم
العفو

********
الأخ برج حائل

إقتباس ؟؟؟؟مـا السبب لتعنتـك والزامك وتساءلك عن هذا الشي؟

هالحين هالعتاب يسمّى تعنت !!

مشكلتنا كهلاليين أن الحقيقة ( تؤرقنا) !!

إقتباس البنالتي سددت هخدف وخلصنأأأأأأأأأأأأأأأأأأأأأ؟؟؟

نعم .. خلصنا ..
لكن الطبع راح يستمر .. وراح ( نرزز) عبارات الإشادة في غير محلها !

**********

الأخوين New Yorker..الاندلسي842 ..

الله يعين وإن شاء الله تتحسّن الأمور ويظبط هالهلال !

*********
الأخ wolfblue..

إقتباس يا اخى اول واحد راح يلوم سامى لو ضيع البلنتى انت انت وشكلك ؟؟؟؟؟

نعم أبلومه لأنه لاعب كبير .. وبنظري لازم يكون مظبوط وإلا ليش ألومه ؟؟

سامي يا جماعة الخير فقد حساسيته عند ضربات الجزاء .. ولا نلعب على أنفسنا ..

مواسم 1410/1411/1412/1413 هـ ( ما كان يضيّع) ؟؟؟؟؟؟
إلا كان يضيّع بس لازالت صفة ( القوة والعزيمة) متأصلة فيه ..
وإلا ما ننسى نهائي 1413هـ ( نهائي الدوري مع الشباب) يوم ضيعها !! هل وضعنا فقدان البطولة عليه!! بالعكس قلنا أن الدعوى توفيق وما حالفه ومصير الكبير يرجع كبير ..
وبالفعل لم يتمّ العام حتى عاد لقوته وثقته بنفسه وأخذ هو بالتخصص بضربات الجزاء !!

أبسألك .. متى آخر مرة شفنا سامي يسدد ( ضربة جزاء)!

إقتباس طيب وين الجمعان ؟ صاحب اقوى قدم واحسن تسديد يسجل من بعيد ؟ ولا رضى يسدد البالنتى

بالعكس ما قصّر الجمعان يكفي أنه حسم بطولتين قبل سنتين ما يحسمها أحد إلا من عنده ثقة بنفسه !!
فلن ننسى البطولة الخليجية للمنتخب واللي كان المنتخب مطالب بإحراز الضربة للعودة إلى أجواء المباراة ! فأوكلت المهمة للجمعان !!!!!!!!!!! مع وجود لاعبين هدافيين!!!!!!

وأوكلت له مهمة الهدف الذهبي بالنصر بالبطولة العربية!!!!
بإختصار .. الجمعان لازال ( واثق بنفسه) ..

إقتباس انتم بس تدورون الزلات على سامى

من ناحيتي أنا فلم تصيب .. لأن ( محاتسيك) ما يسمع باللي أنت تمدحه ..

حق من حقوقي التشجيعية أن أرى من أحب في أبهى صورة ..

إقتباس الثانى الى يقول سامى يستحق كارت احمر؟؟؟؟ يا اخى ارجع للمبارات وللأعاده .

لا لم يستحق لا الأصفر فما بالك بالأحمر !!!

اللاعب العماني كان ( متمسك بسامي وخانقه) وسامي حاول يتفاداه لكن التشبث كان سيّد الموقف !!
فلم يستطع سامي إلا التخلص منه بطريقة اعتبرها ( حضارية) لأن لو أحدٍ غير سامي راح تتوقع أي شي قوي! خصوصاً أن الفريق كان خسران والوقت قارب على الإنتهاء!

أتمنى من الجمهور الهلالي تحكيم عقله والبعد كل البعد عن العواطف ( الهدّامة) !!

*******

الأخ شبيه الريح2002
شكراً لك ..

**********

الأخ هلالي الشعراء..

إقتباس فريق سيئ .. فريق مخدر اعلاميا .. فريق يعيش بأوهام مايحمله اسمه من قوة

سطر يغني عن مقالتي بأكملها ..

إقتباس الهلال يحتاج لاعادة نظر .. يحتاج لاعادة بناء .. يحتاج لمسحه واعاده كتابته بطريقه صحيحه

إعادة بناء بهالوقت أعتبرها مستحيييييل!!

معك يحتاج لغربلة قبل الآسيوية ومعمعة المربع الذهبي وولي العهد ..

ألف شكر يا راعي النظرة الثاقبة ...

*********

الأخ Almasi11...

إقتباس وذلك بإهدائه لبنالتي غير صحيح إطلاقاً!!!! مع احترامي لرأيك الا انها ضربة جزاء واضحه ولو تابعت الحكام الاوروبيين لوضحت اكثر....... ولكن المستوى السيء يجعل البعض يكابر

مالك لوى بارك الله فيك ..

الكاميرا كانت من الخلف واللاعب سيبي بدرا كان متجه للأمام بسرعة ( بزعمه) الكرة حس أن بتطول عليه والحكم كان خلف اللاعب العماني سقط سيبي بدرا بعد ما أطلق الكرة الشلهوب !!
الحكم ( ارتبش) وكانت المسافة بعيدة! فسّرها بعقله لثواني معدودة ( معقولة هالطيحة طيحة تمثيل وكان بإمكانه إدخال رأسه للكرة )!!!

إقتباس سامي كان منطقيا في ابتعاده عن التسديد ولو اضاعها لأ قامت الجماهير الدنيا خصوصا ان مستواه في المباريات الاخيره غير مقنع‍‍‍‍‍!!!! وزيادة على ذلك فهو يشكو من اصابه ..

يا ذا الإصابة اللي خلته ما يشوت بلنتي له مباريات ومباريات !!!!!!!!!!!
أبداً ..
التسديد يدخل معه عامل الحظ .. ولن نغفل مستوى سامي قبل وبعد الركلة !
فكلنا نذكر نهائي الأفراآسيوية للمنتخبات حينما أضاع البنالتي كان سامي قمة القمم بتلك المباراة ولكن جانبه الحظ في تلك الركلة .. وأيقنا أن سامي كبير ولن تؤثر عليه هذه الركلة لأننا نؤمن بأن الكبار لا تهزهم صغائر كرة القدم ..

إقتباس الكره لا تعترف بالاعمار بل بالعطاء داخل الملعب وشي جيد ان تجد لاعبا بهذا السن ويملك ثقة الشلهوب بنفسه

هل تقارن خبرة الشلهوب بالجمعان والتمياط !!

تـُرى لو أضاعها هذا الصغير ماذا سيصبح حاله؟؟
بالعكس راح تؤثر عليه سلباً وتتضح معالمها في المباريات القادمة وحتى في غير البطولة !!
ولنا بنواف التمياط أكبر مثال!!!

سدّد بنالتي في البطولة الخليجية بالكويت والتي أخذها نادي القادسية .. لكنها اصطدمت بالعارضة وشتت .. السؤال ( هل رأينا نواف سدد بعد تلك الركلة)!!!!!!!!!!!!

إن قلت لي إن التمياط مهوب راعي بلنتيات فبأقول أن الشلهوب كذلك !!

إقتباس الافضل لا يكسب دائما........وبطولة الخليج لا تعترف الا بالنتائج

حال كؤوسها على مستوى الأندية مثل حالها على مستوى المنتخبات ..
الأطول نفس هو الفائز في ظل هذا النظام العقيم والذي تحدده ( 5 ) مباريات!!!!!!!!


***********
الأخ كرسبو

على قولتك ..
بعد كل هالغثا والمستوى السيء راح ياخذ البطولة بإذن الله ليس قوة ً بالهلال بل لتواضع الفرق الــخمسة التي معه!! والوعد ( الدوري والآسيوية) للتقييم والذي للأسف سيكون قاسياً متى ما لم يغيّر لاعبين الهلال من أسلوبهم الغريب من ناحية البطء في إنتقال الكرة بين أرجلهم ومتى ما لم يحسن بلاتشي تغيراته !! وإلا بدرا بدل ( عزيز الرائع)!!!!!!

ما نقول إلا الله يعيينا على أتلاها ..

الشكر لك ..

******
الأخ wafy..

متصدّر الدوري بفارق 4 مباريات عن الثاني!!
وإلا متصدّر البطولة الخليجية بمستوى مبروك !!

ما أقول إلا الله يستر من تاليتها ....

اخوي مخاوي البطولات...

الفريق الذي لعب امام العروبة العماني لم يكن هو الهلال ولا حتى اشباه الهلال!!!

فالشوط الاول كان احد الشواط الاكثير سوءً في تاريخ النادي!!!

اداء باهت....غياب تااام للروح....تفكك خطي الدفاع والوسط....اخطاااااااء في التمرير....لا اعلم ماذا جرى للهلال!!!

فريق مرتبك ولا اعلم السبب!!!

رغم انه لعب امام فريق متواضع لا يملك اي تاريخ!!!

إقتباس **** لازال لاعب المونديالات الثلاثة ولاعب حامل آخر كأس خليجية على صعيد المنتخبات وأكثر لاعب سعودي صعوداً لمنصات التتويج ،، لازال يواصل [ جـُـبنه] وإبتعاده عن تسديد ركلات الجزاء بحجج لا يقبلها عقل ولا منطق!!!!!

غريب امر ذلك السامي

فلا اعلم سر خوفة من الشباك!!!

إقتباس لا أدري ماذا يسمى !! تعطى الركلة للاعب لم يتجاوز الــ21 عاماً !!

شخصياً لا ارى ان هناك خطاْء في ان تعطى الركلة للموهوب محمد الشلهوب الذي كان افضل السيئين في تلك المباراة.

إقتباس ننتظر سامي ( الواثق ) ولا نريد سامي ( الجبان) !!

إقتباس ***** حينما أرى سليمان والشريدة أتحسّر على سناترة الهلال !! وحينما أرى الغامدي وسيبي بدرا يصيبني الغثيان !! وحينما أواصل التحديق وتسقط عيني على هجوم الهلال تنتابي حالة بؤس شديدة!! لكن لحد الآن استمتع عند رؤية الدعيع وأحمد الله على وجوده بين هؤلاء القمصان الزرقاء !!

الدعيع عيني عليه بارده دائماً ما يغطي اخطاء خط الدفاع....

اما حال الدفاع في لقاء الامس فلا استطيع ان اقول سوى الله يخلف على الدفاع فقد كان ممراً سهلاً للمهاجمي الفريق العماني.

تحياتي

هلا بالغالي مخاوي البطولات

والله ما ألومك يا مخاوي في كل اللي قلته

فريق مفكك .. خطوط متباعده .. روح غائبة

وسط توفر جميع الإمكانيات .. وإستلام الجميع حقوقه

إقتباس ****** نهاية الكلام .. هلال سيء .. لا يستحق حتى التعادل ....

والأسوء الإستهتار والتعالي على الكرة , بدون أي مبرر
رغم خبرتهم ومعرفتهم بوجوب إحترام الخصم وإعطاء الكرة حقها للوصول للمستوى والنتيجة المطلوبة ..

الله يعطيك العافية .. وألف شكر

تقبل تحياتي ,,

الـــسلام before الكلام؛




العزيز مخـاوي البطولات : فعلا ً الهلال كان سئ جداً ولم يقدم 10% من مستواه الحقيقي


بالنسبه لسامي : استغرب بصراحه حالة سامي وهو اللاعب الأفضل عربيا وأسيويا ومن افضل 32لاعب في العالم لعام2002م

أكثر مااستغربته في سامي في مباراة العروبه هو الكره التي هيئها للشلهو بغرابه شديده جداً ولو انه سددها لكانت هدفاً 90% ولو ضاعت لن نقول شئ لسبب بسيط جداً لانه لم يوجد اي لاعب يستطيع تمرير الكره اليه حتى محمد الشلهوب كان بعيد وكنت واثق انها لن تصله


أيها السامي : عُد سريعاً إلى سـابق مستواك واتمنى ان تعلم ان جمهور الهلال لايزعل عندما تحاول التسجيل وتضيّع فمثلا الكره التي مررتها للشلوب لو سددتها لكنت أسكتني وانا من أكثر محبيك

سامي جميعنا ننتقدك لحبنا الشديد لك

وبالتوفيق للزعيم في المباريات القادمه

إقتباس إقتباس من مشاركة wolfblue يا اخى اول واحد راح يلوم سامى لو ضيع البلنتى انت انت وشكلك ؟؟؟؟؟ ما فيها شى اذا الشلهوب سدد وسجل يتشجع . طيب وين الجمعان ؟ صاحب اقوى قدم واحسن تسديد يسجل من بعيد ؟ ولا رضى يسدد البالنتى. لانه عارف نفسه ماهو مهيئ. وهذا المعقول . انتم بس تدورون الزلات على سامى . الثانى الى يقول سامى يستحق كارت احمر؟؟؟؟ يا اخى ارجع للمبارات وللأعاده . يركض وصدم العب . حتى الكرت الاصفر ما يستحقه ؟؟؟ كفاكم حماقه وكأن سامى ؟؟؟ لاعب نصراوى اخجلو وارتفعو عن الكلام السخيف. الهلال سيئ وترفعون ظغطنا بأشيا ماله داعى . واضح مشكله الهلال هى من بلاتشى ؟؟؟ الى مضيع الفريق ؟ شوف كيف نزل لطف وضع الشلهوب يمين وخربط ؟ صح العبين كانو متخدرين بس ولو طريقت بلاتشى زفت زفت زفت

بس عندي ملاحظه وحده
بدرا
كان مع الدعيع
احسن الموجودين
وتراه محور
مهمته افساد هجمات الخصم اولا
واعتقد انه ماقصر
بدرا مميز
ولكن شاهد المباراة مرة اخرى بهدوء
وستغير وجهة نظرك
وتقبل تحياتي
والسلام

مخاوي البطولات


الهلال سيء ...


بدون أسباب ...

شكرا لك وعقبال البطولة البايخة ؟؟؟

هلا ل يدربة بلاتشي ويدار بطريقة كل من ايدة ايلة وش ترجي منة شف وين يلعب الا عب الا اجنبي الجديد وغسل يدك

مشكوووووور
موضوع حلو
لاكن اهم شي الفوز والبطوله

الأخ منادي ..
هلابك والله..
الجميل جداً أننا اتفقنا بأن الهلال لم يقدّم 5% من مستواه الحقيقي .. لكنّ الغريب إختلافنا على أفضلية اللاعبين!! مع العلم بأن لو كان هناك ترشيح لأصبح أفضل السيئيين !!

وإن شاء الله الأمل بعودة روح الهلال إن شاء الله ..

وسجّـل يا زمن إن شاء الله الأسبوع القادم البطولة الــ38 في تاريخ الهلال ..
وعلينا الإستعداد لما هو أصعب ..

ألف شكر لك ..

********

الأخ الصوت الهلالي ..

زين وافقتني خصوصاً بالجزئية اللي تهمّك واجد وهذا دليل أنك مشجع واعي

ننتظر اللقائيين القادمين لرؤية هلال ( يحفظ ماء وجه بطولات الهلال الــ37)

ألف شكر
......

************

الأخ romeo

رد واعي وجميل ..
كلنا بإنتظار عودة سامي إلى سابق عهده .. وصدقني لسنا مستعجلين عليه بهالبطولة لأن هالبطولة بإذن الله بيجيبها ضعاف اللاعبين ( يعني يمكن بدرا يفجرّها ويجيبها ) سامي نبيه للبطولات الكبيرة وإن شاء الله ما يخيّب ظننا ..

ألف شكر ..

*********
hmodi9..
ارجع لردي على من اقتبست منه ..

**********
الأخ للمجد بقية..

صدقني مهنا أبرد من أعصابي يوم إني أناظر مباراة البارح ..
بتقنعني قل لي أحسن السيئيين أبقول ممكن بس بمباراة أمس ويمكن يكون لأن ما معه أحد طلع أبرزهم !!

أبسأل المحترف الأجنبي إذا جبناه وش تكون مهمته ؟؟ وش بتكون الآمال عليه؟؟

ألف شكر ..

**********

عـــــبــــادي
هالبايخة اللي ما ملت عينك راح تمتلك كأسها للأبد بإذن الله

ألف شكر ..

**********

نشمي..

هين غسيل اليّد منه منتهين منه

**********
ALLUMI صح وإن شاء الله يتممها الأزرق على خير ...


ألف شكر لك ..




@@


الشكر للجميع ومنتظرين مباراة الأحد واللي على ضوئها راح يتحدد البطل بنسبة 80% .. وبإذن الله راح يرفع كأسها سامي ونحتفظ بالكأس للأبد بإذن واحد أحد ........