هاذي موب حاله كل شيء على الرجال ! - نادي الهلال السعودي - شبكة الزعيم

wilhelmsson33 · #1 30/04/2011, 02:15 AM

بسم الله الرحمن الرحيم
والسلام عليكم
كيف حالكم يازعماء ومبروك البطولة رقم 52 وانا زهقت وكل يوم الهلال يفرح فرحه عاديه تعودنا عليها
متى بنحس بطعم الأسيويه

المهم مأطول عليكم ادخل بصلب الموضوع
انا اخوكم مشاري طالب أخر سنة ثانوي وياشباب مابقى الاراسي يشيب من الهم هم كبير مرة
هم اقلقني هم ازعجني هم اسهرني تدرون وش هاذا الهم هم المستقبل ياشباب سمعت قبل فتره
فتحو وضايف والله مدري وين ولاكن قدم عليها 500 الف رجل وامرأة واتوقع عدد الوضائف مايتجاوز
1000 مأدري بالضبط كم ولاكن خفت لما سمعت هالرقم والله خفت انا ياشباب انا مدري وش اسوي صراحه
اخاف ادخل جامعه او اي شيء وطلع ومألقى وظيفة قبل كم يوم قريت مقاله عن كبتن طيارة تخيلو متخرج
كبتن وصار سواق تكسي يقول محد قبلني مش معقول

والمشكلة الأكبر من هاذا كله انا حنى في مجتمع
مبنى على الرجال كل شيء على الرجال البنت عادي يمكن تفشل بالدراسة بس تكون حلوه ماتكمل الــ20 الا والخطابين
عند الباب اما الرجال يوه لو انه مزيون زيي

بس بدون وظيفة وراتب مايسوى شيء والي فوق هاذا كله
انا امي وابوي كل ماصار شيء قامو يذكروني بهالمسألة شد حيلك شد حيلك وخلك بدراستك المهم بختام الموضوع
احب اقولكم كم شغلة
مجموعي بالترم الأول 95 وفي ثاني ثانوي 93 والقدرات 73 ومع ذالك لازلت خايف
وانتظر مشاركاتكم ياحلوين

جار الزعيم مميز · #2 30/04/2011, 02:55 AM

ششششششششكرآ لحرصك على الزعيم
وآجتهـد في دراستتتتتتتكـ والله يعيينك

ومضات في آفاق التميز · #3 30/04/2011, 05:15 AM

انت اجتهد وكمّل دراستك بهالتفوق (ماشاء الله)

وماتشيل هم ,,
ربك مايضيّع عبيدهـ

الزعيم سام6 · #4 30/04/2011, 08:34 AM

توكل ع ربك وكمل واجتهد ، وربي يوفقك باذن الله
حاول تركز ع دورات القياس(القدرات) لان القياس لها نسبة اعلى من نسبة الدراسة

ودعواتنا وقلوبنا معك يالغالي

طلق المحياااء · #5 30/04/2011, 09:34 AM

توكل على الله وادخل الجامعه ولا تتأخر وتضيع عمرك

ادخل الجامعه واي وظيفه تقبلك استخر وروح لها

والله يوفقك

محمد 22 · #6 30/04/2011, 11:16 AM

شد حيلك شده مو طبيعية في هالترم والقياس تراه هالاسبوع
شد جيلك ومايكون خاطرك الا طيب بإذن الله

--نجماوي-- · #7 30/04/2011, 11:42 AM

السلام عليكم...

بالتوفيق اخوي لك في حياتك ان شاء الله..

حبيت اقولك شي...

اللي يقولك انا متخرج من الجامعه وبمعدل كويس ومالقيت وظيفه ..فهذا كلامه كذب x كذب...

عندنا في السعوديه البطاله بسبب قل تفوق الطلاب عندنا...

يجي واحد يتخرج من الجامعه بمعدل 2 من 5 ويقول ابي وظيفه..!!!

صدقني تتخرج من اي كليه بمعدل عالي بسرعه تلقى وظيفففه...

عندنا بجامعة القصيم اذا تخرجت بمعدل عالي بسرعه تعين معيد في الجامعه...ولو ماحالفك الحظ تطلع على حساب الحكومه ...تجيب الماجستير وترجع...

الاجانب يالغلا مستحووذين على اكثر الوظايف بسبب قل الكفاءات السعوديه عندناا..

شد حيلك واطلع من الجامعه بمعدل كويس .. راح تشوف الوظايف كيف تجي لمك...

اسف اني طولت عليك .. بس حبيت اوضحلك نقطه عشان ماتبدا تدرس (ان شاء الله ) وانت خايف من مستقبلك بعد الدراسه..

تحياتي لك

RshRsh · #8 30/04/2011, 01:34 PM

انت شد حيلك وماعليك ,
دايمًا اللي مايلقون وضايف خريجين كفائة وثانوي فقط ,

اذا انت اجتهدت راح تفلح ان شاء الله . .

the king yasser · #9 30/04/2011, 02:38 PM

ماشاء الله تبارك الله بس

كل هالنسب وخايف

اجل انا لو اقولك نسبتي والله ان تحمد بك وتبوس يدك وجه وقفا

الحمد لله على كل حال بس

(اسير& المحبة ) · #10 30/04/2011, 02:53 PM

انت شد حيلك وجب نسبه كويسه وادخل الجامعه وتوكل على الله لا تعقدها على نفسك من الحين جب درجات كويسه في الثانوي وخش الجامعه وخلص وتوكل على الله وان شاء الله مايسر الا كل خير وشل فكره الوظيفه من راسك الحين وماتدري يمكن على ماتخلص الجامعه يكون الوضع مختلف خاصه مع المشاريع الجديده اللي شغالين فيها الحين مثل مركز الملك عبدالله المالي والابراج القايمه هذه كلها ممكن توفر اكثر من 100 الف وظيفه فانت كمل دراستك والله ييسر امورك

هلاليــ دوت كوم ـــه · #11 30/04/2011, 05:41 PM

وعليكم السلآم و رحمة الله و بركآته ..

الله يوفقك أخوي و تجيب النسبة اللي تدخلك التخصص اللي تتمنَّآه ..

بِ النسبة إلى خوفك من المستقبل ، لآ تخلّي تفكيرك بِ المستقبل يآخذ النصيب الأكبر من يومك !
و بعدين الوآحد مآ يدري وش ربّي كآتب له بعدين !
أنت اعمل اللي عليك و اجتهد و التوفيق و الأرزآق بِ يدّ ربّ العآلمين ’ هو أعلم بِ الأنفع لك ..
و خلّ هـ الشيء ببآلك دائمًا ( لكلِّ مُجتهدٍ نصيب )

وكذلك لآ تخلّي أوضآع النآس نمآذج لك ! هذآ تخرّج و مآ لقى له وظيفة ، وهذآ توظّف بـ وظيفة مو لم تخصصه ووو
كلّ شخص يختلف عن الثآني !

و بِ النهآيّة ، الله يحقق لك مآ تريد و الجميع

**الـــــــــواوا** · #12 30/04/2011, 06:11 PM

روح سجل في دورة حآسب آلي وبعد ماتخلص سجل في دورة english
وكل هالدورات لاتقل عن 6 أشهر وبعده أشتغل لوو بشركه تآخذ خبره .
بالعربي أشتغل على نفسك هالفتررره مظبوط .

وفالنهايه بتحصل كل شي سهل قدامك , لاتصعبها تصعب

بالتوفيق

بطلة · #13 30/04/2011, 07:19 PM

اول ماجيت افتح موضوعك جات رسالتك خخخ الله يرج عدوك تضحك

دقائق واعدل

,,

.......................................

مساء الخير ,,

طبيعي شيلة الهم فتره المراحل الانتقالية بحياتك ,منها ثالث ثانوي
كنت اسوء منك

ايام وعدت بخيرها وشرها .

** **

واهم شي تكمل دراستك حتى لو جاتك وظيفة وقت دراستك
ماتترك نهائي , إلحين اللي معاهم شهادات البكالوريوس يتعبون فما بالك الثانوية ؟

** **

لاتقارن وضعك بـ فلان وعلان كلاً وظروفه .
توكل على الله + اجتهد + حدد اهدافك + ويكون عندك إرادة
والله يوفقك

,,

** **
اما الرجال يوه لو انه مزيون زيي

بس بدون وظيفة وراتب مايسوى شيء

خخخخخخ

مثل مالك أهداف تبغى توصل لها كثير من البنات مثلك ,
+ غير إن في من تصرف على نفسها .

** **

الزواج /
مايصير نربط حياة البنت بـ الزواج
سواء تزوجت او ماتزوجت من المفترض ماتوقف حياتها العلمية عشان زواج !!
ضروري الوحده تهتم بـ دراستها واهتمامها لـ ذاتها ,,

** **
واللي ذكر بـ الأعلى إن مافي كفاءات سعودية ومعدلات منخفضة
موجود كفاءات وموجود كثير معاهم شهادات بكالوريوس بدليل :
عدد المتقدمين عـ الوظائف الحكومية ومنها : جدارة جداً كبير .

** **

الله يعطيك العافية , وهانت راح الكثير باقي القليل
عقبال تجي تبشرنا بـ تخرجك وقبولك بـ الجامعة ,,

شكر لك
بطلة

wilhelmsson33 · #14 30/04/2011, 07:24 PM

مشكورين على كل رد وراح اخذ بنصيحتكم كلكم بدون استثناء والله المستعان

داق لطمة · #15 03/05/2011, 07:31 PM

يا ولد خلها على الله

ولا تشيل هم وخل املك بالله كبييييير

ولا تخاف مادام هاذي نسبتك ومعدلك

والله يا يوفقك يا مشاري